ساڵی 1946 لە شاری #سلێمانی# لەدایکبووەو هەر لە منداڵییەوە لەسەر نیشتمانپەروەری پەروەردە بووەو گۆشکراوە.
لە قۆناغی ناوەندییەوە تێکەڵاوی کاروانی کوردایەتی بووەو لە ڕیزی بزاڤی قوتابییاندا کاری کردووە، ساڵی 1968 کۆلیژی مافی لەبەغدا تەواوکردووە و دەستی بەپارێزەری کردووە، لەم پێناوەشدا دیفاعی لەزۆرلێکراوان کردووە، لەپاڵ کارەکەی خۆیدا درێژەیداوە بەخەباتی سیاسی، هەروەک لە ساڵی (1969-1970) سەرنووسەری گۆڤاری ڕزگاری بووە.=KTML_Photo_Begin=https://www.kurdipedia.org/files/relatedfiles/2008/729/0005.JPG=KTML_Photo_Alt=شازاد سائیب=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/729/0005.JPG=KTML_Photo_End=
ساڵانی (1970-1975) کاکە شازاد بەدڵسۆزی و لەخۆبردنەوە لە ڕیزەکانی #کۆمەڵەی ڕەنجدەرانی کوردستان#دا کاری کردووە، دوای شکستی 1975 و دامەزراندنی #یەکێتیی نیشتمانی کوردستان# وەکوو کادیرێکی بەئەمەک و ماندوونەناس ڕۆڵێکی دیاری لەگەیاندنی ڕێنمایی و ڕاسپاردەکانی سەرکردایەتی لەنێوان دەرەوەو ناوەوەی وڵاتدا گێڕاوە، ساڵی 1980 چۆتە شاخ و بۆتەوە پێشمەرگە، لەو ماوەیەشدا لێزانانە دادگاکانی شۆڕشی ڕێکخستووە.
ساڵانی (1978-1983) بووەتە نوێنەری یەکێتی لە سووریا و لوبنان، لە ساڵی (1988) یشدا نوێنەری یەکێتیی نیشتمانی کوردستان بووە لە ئەوروپا و ساڵی 1994 لە ئەنقەرە بووەتە نوێنەری یەکێتیی لە تورکیا، لەم بوارەشدا وەکوو دیبلۆماتێکی سەرکەتوو و بەتوانا خزمەتی مەسەلەی گەلەکەی کردووە.
کاکە شازاد سائیب خۆشەویستی ناو هاوڕێ و هەڤاڵانی بوو هەر لەبەر لەخۆبردووی حەزی بە پلەوپایە نەکردووە، ساڵی 2001 پۆستی #وەزیری کشتوکاڵ#ی لە کابینەی سێیەمی حکومەتی هەرێمی کوردستاندا قبووڵکرد و زۆر دڵسۆزانە ئەرکەکانی سەرشانی بۆ خزمەتی گەلەکەی جێبەجێدەکرد، بەڵام مەخابن ڕۆژی #21-05-2001# بەرووداوێکی دڵتەزێن لەنزیک شارۆچکەی #پیرەمەگرون# گیانی سپارد.