نەجمەدین شکور ڕەئوف، ساڵی 1955 لە گوندی #تاڵەبان#-ی ناوچەی #گەرمیان#، هاتۆتە دنیاوە، بۆیە هەر زوو هەستی نیشتمانپەروەرییەکی پێشکەوتنخواز لە دەروونیا کڵپە ئەسەنێ و لە ساڵی 1970دا بە پێچەوانەی زوربەی هاوتەمەنەکانی خۆیەوە، پەیوەندی دەکات بە شۆڕشی فەلەستینەوە و دەبێتە (فیدائی) .=KTML_Photo_Begin=https://www.kurdipedia.org/files/relatedfiles/2008/722/0007.JPG=KTML_Photo_Alt=مامە ڕیشە=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/722/0007.JPG=KTML_Photo_End=
ساڵی 1978کە ڕژێم شاڵاوی بەعەرەبکردن و ڕاگواستنی لە کوردستاندا گەیاندە ترسناکترین ئاست، کارەساتی گوندە کاولکراو و جوتیارە ڕاگوێزراوەکان مامە ڕیشەی وا لێکرد چەکی پێشمەرگایەتی لە شۆڕشی نوێدا بکاتە شان و لەریزی هەڤاڵەکانیدا دڕ بە شەوەزەنگی داگیرکردن بدات.
ڕیشەی قارەمان لە ماوەیەکی کەمدا بە چالاکییە پڕ جەربەزەکانی توانی نەک هەر دڵسۆزی خۆی بۆ شۆڕش بسەلمێنێ، بەڵکوو وەک پاڵەوانێکی کەموێنە ناوبانگی دەرکرد، لەو دەشتە کاکیبەکاکییانەی ناوچەکانی هەمەوەندو جەباری و قادرکەرەم و دەوروبەری شاری #کەرکووک#دا، گورزە بەهێزەکانی مامە ڕیشە لە هێزی داگیرکەر هێندە کاریگەر بوون، کە هەر ناوبردنی ئەو جەنگاوەرە جوامێرەی گەل بەس بوو بۆ زارەترەک کردنی لەشکری دوژمن.
لە ساڵی 1979ەوە ئەم ئازایەتییە دەگمەنەی تێکەڵاوی کاری پێشمەرگانە و دیسپلینی شۆڕش کردووە و لە کەرتی (4) ی جەباری درێژەی بە خەباتی پێشمەرگایەتی دا. لەگەڵ هەموو چالاکییەکدا ناوبانگی ئەم شۆڕە سوارە بەرزتر دەبوو.وە و خۆشەویستییەکەی لە دڵی میللەتدا زیاتر دەبوو.
ئەو سەردەمەش کە کرایە فەرماندەی کەرتی جەباری، ڕژێم لە ترسی شاڵاوی ئەم هەڵۆیە هەموو هاتوچۆیەکی لەنێوان کەرکووک و بازیاندا قەدەغە کرد و ناوی مامە ڕیشە کەوتە ناو سروود و درووشمە جەماوەرییەکان.
زوربەی داستانە پڕ سەروەرییەکانی هێزی پێشمەرگەی کوردستان، هەر لە شەڕی (تەپەی عەرەب) ەوە تا داستانی ڕزگار کردنی (#بێتواتە#) جێپەنجەی مامە ڕیشەی پێوە دیارە، ئەم پێشمەرگە چاونەترسە لە شەڕی پێشمەرگایەتیدا چوار جار بریندار کراوە و لەسەر ئەو هەڵوێست و ناوبانگەش کاربەدەستانی ڕژێم باوکی مامەریشە و ئەحمەدی برایان شەهید کردووە.
دوژمن هەر بەمەشەوە نەوەستا و ڕۆژی #24-01- 1985# لە پیلانێکی ترسنۆکانەدا لەگەڵ دوو هاوڕێی خۆی، موحسین بیکەیسی و سەردار قەرەتاموری لە گوندی #حەسەن ئاوا# بە دەستی کۆمەڵێک بەکرێگیراو شەهید کران.