شەهیدی نەمر (جوامێر سایەمیر) کە ناسراوە بە ملازم جوامێر ساڵی 1948 لە گوندی (کەپراد) ی سەربە شاری #مەندەلی# لە دایک بووە.
لە گوندەکەی خۆیدا دەستی کردووە بە خوێندن و قۆناغی سەرەتایی لەوێ تەواوکردووە پاشان قۆناغی ناوەندی لە خوێندنگەی مەندەلی و ئامادەیی لە شاری بەغدا تەواوکردووە.
ساڵی 1968 پەیوەندی کردووە بە ڕیزەکانی #پارتی دیموکراتی کوردستان#ەوە، ساڵی 1972 کۆلێژی سەربازی بە پلەی یەکەم تەواوکردووە و بووە بە ئەفسەر.=KTML_Photo_Begin=https://www.kurdipedia.org/files/relatedfiles/2008/720/0001.JPG=KTML_Photo_Alt=ملازم جوامێر=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/720/0001.JPG=KTML_Photo_End=
ساڵی 1973 بووە بە پێشمەرگە لە بەتالیۆنی شەشی #خانەقین#، ساڵی 1975 پەیوەندی کردووە بە کۆمەڵەی ڕەنجدەرانی کوردستانەوەو ساڵی 1976 بەشداری چالاکییە پارتیزانەکانی کردووە لە ناوچەی شارباژێڕ و قەرەداغ.
ساڵی 1977 بووە بە بەرپرسی سەربازی ڕێکخراوی هەڵۆی سوور کە هەموو چالاکییەکانیان لە ناوشاری بەغدا ئەنجام دەدا.
لە کۆتایی ساڵی 1977دا و بەهۆی ئاشکرا کردنی ئەندامانی ڕێکخراوەکە لەلایەن بەکرێگیراوانی ڕژێمەوە، ملازم جوامێر و چەند هاوڕێیەکی لەلایەن کاربەدەستانی ڕژێمی بەعسەوە دەستگیرکران.
بەهۆی ئازایەتی و لێهاتوویی خۆیەوە توانی لە زیندان هەڵبێت، بەڵام بەداخەوە نەیتوانی ڕزگاری بێت و دووبارە دەستگیر کرایەوە.
دواتر لە دادگایی کردنێکی نا دادپەروەرانەدا ملازم جوامێر و هاوڕێکانی فەرمانی لە سێدارە دانیان بەسەردا دراو ڕۆژی 10ی نیسانی 1978 حوکمەکە جێبەجێ کراو ئەم پۆلە تێکۆشەرە چاوانەترسانە گیانی خۆیان بەخت کرد و چوونە ڕیزی شەهیدانی ڕێگای ڕزگاری کوردستان و ئازادی گەلی کوردەوە.
#مەلا بەختیار# ئەندامی وەفدی دانوستاندکاری کورد لەگەڵ ڕژێمی ئێراق (1984) دەگێرێتەوە (فازڵ بەراک) بەڕێوەبەری ئەمنی ئێراق بە #مام جەلال#ی وت: مام جەلال تۆ ملازم جوامێر دەناسی، سەلمان دەناسی؟
مام وەڵامیدایەوە: نەخێر نەمدیون، بەڵام ئەوانە قارەمان و شەهیدی ئێمەن.
فازڵ وتی: دەمەوێت ڕاستییەکی مێژوویت پێ بڵێم.
مام وتی: فەرموو.
فازڵ وتی: مێژووی ئەمنی ئێراق، قارەمانی وەکوو ئەمانەی بەچاوی خۆی نەدیووە.
ئێوە سەیری ئەم میدالیایە بکەن. سەیری ئەم شەرەفە مێژووییە بکەن. بەڕێوەبەری ئەمنی ئێراق، بەسکرتێری یەکێتیی، فەرماندەی گشتی هێزی پێشمەرگەی کوردستان دەڵێ: مێژووی ئەمنی ئێراق، قارەمانی وەکوو ملازم جوامێرو شەهید سەلمان و شەهید جەمال و شەهیدی شێرۆی بەچاوی خۆی نەبینیوە. ئەوەندە قارەمان بوون، ئەسڵەن ئێمە لەوان دەترساین.
بەڕاستی جێی شانازین، درود بۆڕۆحی پاکیان.