ژیاننامە
ناوی تەواوم (هاوڕێ قادر رەسوڵ)ە.
رەوانشادی باپیرم (
رەسوڵە خڕەرەسوڵە خڕە) لە بیستەکانی سەدەی 20ەوە پاش لەدەستدانی تەواوی بنەماڵەکەی لە رووداێکدا لە پشدەرەوە هاتووەتە سلێمانی. بژێویی ژیانی خۆی و خێزانە گەورەکەیی بە وەستاییی خشت و قوڕکاری و باخەوانی دابین کردووە.
رەوانشادی باوکم وەستا
قادر رەسوڵ مەحمودقادر رەسوڵ مەحمود لە سلێمانی لەدایکبووە و ماوەیەکی زۆر وەستای بیناسازی و پاشان بەڵیندەرایەتیی کردووە. زۆرێک لە گەرماوەکانی سلێمانی و
سینەمای دڵشادسینەمای دڵشاد ئەم دروستی کردووە. بەداخەوە لە ژیاندا نەماوە.
دایکم خاتوو قومری شەمەییش هەر لە سلێمانی لەدایکبووە. رەوانشادی باوکی (حەمە
شەمەییشەمەیی) لە سییەکانی سەدەی بیستەوە لە شارەزوورەوە هاتووەتە سلێمانی و پیشەی کوتاڵفرۆشی و بارزگارنی تووتن بووە.
لە رۆژی 28ی فێبریوەریی ساڵی 1966 لە گەڕەکی (
گۆیژەگۆیژە)ی شاری
سلێمانیسلێمانی لەدایکبووم.
شوێنی نیشتەنی و باری خێزانی
رۆژی 5ی مارتی 1992 وڵاتم بەجێهێشت و بەرەو سووریا و پاشان لوبنان کەوتمەڕێ و لەکۆتایی ئەوساڵەدا لە وڵاتی هۆڵاند گیرسامەوە. لەوکاتەوە لەگەڵ (
بەناز جۆڵابەناز جۆڵا)ی هاوسەرم لەوێ دەژین و کوڕێک و کچێکمان بەناوی (میتان و ئارتین)ەوە هەیە.
خوێندن
- هەر لە سلێمانی خوێندنی سەرەتایی و ئامادەیی – رشتەی وێژەییم تەواو کردووە.
- ساڵی 1984 چوومەتە بەشی یاسای کۆلیژی یاسا و رامیاریی
زانکۆی موسڵزانکۆی موسڵ. ساڵی 1986 بەهۆی بەشدارینەکردن لە راهێنانی هاوینەی سەربازیی داگیرکەری بەعس، بۆماوەی 2 ساڵ لە زانکۆ دەردەکرێم و ساڵی 1988 دەستمکردەوە بە خوێندن و لە ساڵی 1990دا کۆلیژی یاسام تەواوکردووە. هەر لە هەمان ساڵیشدا بوومە پارێزەر و پاش ماوەیەکی کەم وازم لێهێنا.
- لیسانسی ئای تی لە هۆڵندا.
- دەیان راهێنان و بڕوانامە لە بوارەکانی: ئای تی، بەڕێوەبردنی زانیاری، بەڕێوەبردنی پڕۆژە و پرۆژە ئای تییەکانی پەیوەندیدار بە کاروباری یاسایی و دادگا نێودەوڵەتییەکانەوە.
نووسین و کاری رۆژنامەگەری
لە تەمەنی منداڵیمەوە حەزم لە خوێندنەوە و نووسینی هەڵبەست کردووە، بەڵام تائێستا یەک دێڕە هۆنراوەم بڵاونەکردووەتەوە. هاوینی 1978 بەشێکی ماڵەکەمان سووتا و ئەوکاتیش دەفتەری شیعرەکەی منیش بووە خۆراکی ئاگر و ئیتر بەلای نووسینی هەڵبەستدا نەچوومەوە.
پاشتر دەستمکردە خوێندنەوەی چڕی مێژوویی و رامیاری و یەکەمین لێکۆڵینەوەی مێژووییی خۆمم ساڵی 1986 نووسی. ئەو لێکۆڵینەوەیەم لە دەمەدەمی ئەنفالەکاندا لەگەڵ دەفتەری بیرەرەوەریی پێشمەرگایەتیم لە گوندی (
شەمەشەمە)ی
شارەزوورشارەزوور شاردەوە و بەڵام بەداخەوە پاشان لەناوچوون و هەرگیز دەستم نەکەوتنەوە.
چالاکیی سیاسی
لە ناوەڕاستی هەشتاکانەوە بوومەتە ئەندامی
پاسۆکپاسۆک، چ وەک رێکخستن، چ وەک پێشمەرگە. لە پاسۆکدا بەناوی (ئامانج)ەوە دەناسرام. هەندێک جار زۆر چالاک بووم و هەندێکجاریش سست. بەڵام پێش ئەوەی پاسۆک لەگەڵ هەندێک حیزبی تردا یەکبگرێت وازم لە پاسۆکایەتی هێنا.
کار
- ماوەی 12 ساڵ کارمەندی رێکخراوی نەتەوە یەکگرتووەکان بووم و دوا پۆستم لە دادگای لاهای سەرۆکی بەشی پشتگیریی دادگا بووم.
لە بڵاوکراوەکانم
１.
لێکۆڵینەوەیەک لەسەر راپەڕینەکەلێکۆڵینەوەیەک لەسەر راپەڕینەکەی بەهاری 1991ی باشووری کوردستان - چاپی یەکەم - هۆڵەندا - 1994.
２.
پڕۆژەی پارتی نەتەوەیی کوردپڕۆژەی پارتی نەتەوەیی کورد - چاپی یەکەم - هۆڵەندا - 1994. چاپی دووەم - هۆڵەندا - 1995. چاپی سێیەم - هەولێر - 2002 - لەبڵاوکراوەکانی رۆژنامەی میدیا – چاپخانەی ئۆفسێتی هەولێر.
３.
کوردستان... نیشتمانی یەکەمینی سۆمەرییەکانەکوردستان... نیشتمانی یەکەمینی سۆمەرییەکانە - چاپی یەکەم - هۆڵەندا - 1996. چاپی دووەم – دەزگای چاپ و بڵاوکردنەوەی ئاراس – کوردستان هەولێر – چاپخانەی وەزارەتی پەروەردە – ژمارەی سپاردن: 91 - 2003.
４.
هاوڕێنامە بۆ مێژووی کوردستان و کوردهاوڕێنامە بۆ مێژووی کوردستان و کورد (یەکەمین کڕۆنۆلۆژیای زانستی بۆ کوردستان و کورد) – چاپی یەکەم – بنکەی
چاپ و پەخشی سەردەمچاپ و پەخشی سەردەم - زنجیرە (16) - چاپخانەی روون – سلێمانی – 1999.
５.
ئاڵای کورد بۆچی نا؟! تاکوکەی؟!ئاڵای کورد بۆچی نا؟! تاکوکەی؟! - چاپی یەکەم - دەزگای چاپ و پەخشی سەردەم - زنجیرە (117) - سلێمانی - 2001.
６.
رۆژی شۆڕش یان رۆژی تیرۆررۆژی شۆڕش یان رۆژی تیرۆر - چاپی یەکەم – ئۆکتۆبەری 2003 – چاپخانەی وەزارەتی رۆشنبیری – ژمارەی سپاردن: 301 - کوردستان – هەولێر.
７.
وشە پەڕتەوازەکان - بەرگی 1وشە پەڕتەوازەکان - بەرگی 1 – سەرجەمی 100 وتار و کورتە لێکۆڵینەوەیە کە لەنێوان ساڵانی 1995 و 2005دا لە گۆڤار و رۆژنامە و ماڵپەڕە کوردی و بێگانەکانی کوردستان و هەندەراندا بڵاوکراونەتەوە - ژمارەی سپاردنی (1994)ی ساڵی (2008)ی پێدراوە – چاپخانەی سیما - 2009 – کوردستان – سلێمانی.
８.
وشە پەڕتەوازەکان - بەرگی 2وشە پەڕتەوازەکان - بەرگی 2 – چاپی ئەلەکترۆنی.
９.
وشە پەڕتەوازەکان - بەرگی 3وشە پەڕتەوازەکان - بەرگی 3 - چاپی ئەلەکترۆنی.
10.
ئەدەبیاتی کاژیکئەدەبیاتی کاژیک – کۆکراوەی بڵاوکراوەکانی کاژیک – چاپی ئەلەکترۆنی.
11.
بەراووردەکانی ژیانبەراووردەکانی ژیان - پرس و رایەکی بەراووردکارییە بۆ بەرەو نەتەوەییبوون - 2009 - چاپی ئەلەکترۆنی.
12.
دەستوورم واهی خوێندەوەدەستوورم واهی خوێندەوە - کۆمەڵێک رەخنە و تێبینیی یاسایی، زمانەوانی و لۆجیکییە لەسەر پڕۆژەی دەستووری هەرێمی کوردستان - 2009 - چاپی ئەلەکترۆنی.
13.
زمانی کورد، بگونجێنە بۆ 0 و 1زمانی کورد، بگونجێنە بۆ 0 و 1 – 2014 – چاپی ئەلەکترۆنی.
14.
رۆڵی رووداوەکانی شنگال لە پێشخستنی دۆزی کوردرۆڵی رووداوەکانی شنگال لە پێشخستنی دۆزی کورد - 2016 - چاپی ئەلەکترۆنی.
15.
دور احداث شنکال في تطوير القضية الکرديةدور احداث شنکال في تطوير القضية الکردية، ترجمة ميران حسين - 2016 - چاپی ئەلەکترۆنی.
16.
من و کوردایەتیمن و کوردایەتی؛ (سەرەتایەک بۆ گفتوگۆی ئەفسانەکانی کوردایەتی) - 2018 - چاپی ئەلەکترۆنی.
هەروەها زۆرێک وتار و کورتە لێکۆڵینەوە کە لە رۆژنامە و گۆڤار و ماڵپەڕە کوردی و بیانییەکاندا لە 1995ەوە تاوەکو ئێستا بڵاوکراونەتەوە.
کوردیپێدیا
لە ساڵی 2008دا
رێکخراوی کوردیپێدیارێکخراوی کوردیپێدیام دامەزراندووە.
پەیوەندی
http://www.bakhawan.com
فەیسبووکی هاوڕێ باخەوان
hawreh@bakhawan.com
📱
0031654710293
📱
009647503268282| 🗄 سەرچاوەکان |
| [1] | 🇰 تۆماری تایبەت بۆ کوردیپێدیا | 🏳️ کوردیی ناوەڕاست | ئامادەکردنی کوردیپێدیا - هاوڕێ باخەوان |
|
| 📷 فایلی وێنە |
1.0.4 | 36 KB |
| |
Sep 14 2017 2:02PM | هاوڕێ باخەوان |
| 📷 فایلی وێنە |
1.0.3 | 46 KB |
| |
Sep 11 2017 10:17AM | هاوڕێ باخەوان |
| 📷 فایلی وێنە |
1.0.2 | 120 KB |
| |
Sep 11 2017 10:16AM | هاوڕێ باخەوان |
| 📷 فایلی وێنە |
1.0.1 | 33 KB |
| |
Jun 13 2017 4:22PM | هاوڕێ باخەوان |