یەکێکە لە دامەزرێنەرانی #ڕێکخراوی سەربەخۆیی ئافرەتان# لە ساڵی (1993) لە کوردستان. هەڵسووڕێنەرێکی چالاکی بزووتنەوەی ژنانە. نوێنەری ڕێکخراوی ئازادی ژنە لە ئێراق، بەشی نەرویج و کارمەندە لە ڕێکخراوی خاچی سووری نێودەوڵەتییە لە وڵاتی نەرویج، پڕۆژەی دژی بەزۆر بەشوودانە لە وڵاتی نەرویج.
دەرچووی زانستە سیاسییەکان و جیندەر لە وڵاتی نەرویج، لە ساڵی 2011 وە گەڕاوەتەوە بۆ کوردستان و وەک بەڕێوبەری سەکتەری ژنان لە #ڕێکخراوی خەڵک بۆ گەشەپیدان# PDO دەست بەکار بووە.
لە سالێ 2012 وە وەک بەڕێوبەری هەمان ڕێکخراو کاردەکات. ڕێکخراوی خەڵک بۆ گەشەپیدان ڕێکخراوێکی حکومی قازانجنەویستە و کار دەکات بۆ گەشەپیدانی کۆمەلگا، زیاتر کارەکانی بۆ پرسەکانی ژنانە لە کوردستان، بەهار موونزیر یەکێک بووە.لە دامەزرینەرانی گرووپی ژیان لە ساڵی 2012 بۆ کارکردن و بەرەنگاری کوشتنی ژنان لەسەر ناموس بۆ ماوەی زیاتر لە 3 ساڵ ڕیکخەری ئەم گرووپە بووە.و یەکێک بووە.لە ڕیکخەرانی چەندین چالاکی جیاواز لە شار وشارۆچکەکانی کوردستان. وە هەروەها لە سالێ 2015 ەوە یەکێک بووە.لە دەستەی بۆردی ناوەندی سیکۆلار و ڕیکخەری کەمپینی کۆکردنەوەی سەد هەزار واژوو بۆ دەستوورێکی سوکۆلار لە کوردستان.. لە چەندین بەرنامەی تەلەڤزیۆنی تایبەتی بە مافی ژنان و مافە مەدەنییەکان بەشداری کردەوە. ئێستا وەک بەڕێوبەری ڕێکخراو زیاتر کار دەکات بۆ ژنانی ئیزدی دوای شاڵاوی داگیرکردنی شەنگال لەلایەن گرووپی چەکداری داعش، بەدەمەوە چوونی ژنانی ئیزدی و کردنەوەی سەنتەریکی تایبەت بۆ ژنانی ڕزگار بوو لە جنگی داعش لە سالێ 2016.