ساڵی 1949 لە بنەماڵەیەکی ئایینیی و تێکۆشەری دیاری شاری #هەولێر# لەدایکبووه.
خاوەنی بڕوانامەی بکالۆریۆسە لە ژمێریاری.
سالی 1971 لەئەمنی عاممەی بەغدا زیندانی کراوە و چەندین جاریش لەسەر چالاکی سیاسی لەلایەن وڵاتانی دراوسێ گیراوە.
ساڵی 1963 پەیوەندی کردووە بەریکخستنەکانی پارتی دیموکرای کوردستان و لە ساڵانی 1971 – 1974 لێپرسراوی قوتابییانی زانکۆی موستەنسریە بووه.
ساڵی 1974 بەهۆی تیکچوونی پەیوەندی نێوان شۆڕش و ڕژێمی #بەعس# پەیوەندی بە شۆڕش-وە کردووه، هەر ئەو ساڵە بەشداری لە دامەزراندنی دەزگای دارایی شۆڕشی ئەیلول کردووه.
لەپاش هەرەسهێنانی شۆڕشی ئەیلول لە ساڵی 1975 ڕاستەوخۆ پەیوەندی بەدەستەی دامەزرێنەری #یەکێتیی نیشتمانیی کوردستان#ەوە کرد کە لە 01-06-1975 دامەزراو ڕۆڵی بەرچاوی هەبووە.
ساڵی 1975 - 1977 چووەتە سووریا و خەریکی کاری سیاسی و ڕێکخستن بووە.
1978 گەڕاوەتەوە کوردستان وەک پێشمەرگەیەک بەشداری لە شۆڕشی نوێ کردووە.
یەکێک بووە لەئەندامانی دامەزرێنەری حزبی سۆسیالیستی کوردستان و لە 08-08-1979 بووە بەئەندامی سەرکرداییەتی حزبی سۆسیالیست و ڕۆڵی بەرچاوی لەئاشتبوونەوەی گشتی و دامەزراندنی بەرەی کوردستانی هەبووە.
1979 – 1992 ڕۆڵی بەرچاوی لە بواری پەیوەندییەکانی دەرەوە لەگەڵ هێزە سیاسی و عەربی و نێودەوڵەتییەکاندا هەبووە و لە پاریس و لەندەن و واشنتۆن و دیمەشق و قاهیرەو سوید و چەند شارێکی تر،
بەشداری دەیان کۆروکۆنفرانسی نێودەوڵەتی و هەرێمایەتی کردووە.
ساڵی 1995 بووەتە ئەندامی سەرکردایەتی یەکێتیی نیشتمانیی کوردستان و لێپرسراوی مەڵبەندی (3) ی هەولێر.
لە زۆربەی کۆبوونەوەکانی بۆ چارەسەرکردنی شەری ناوخۆ بەشداربووە و ڕۆڵی بەرچاوی هەبووە و فاکتەرێکی گرنگی ئاشتی و تەبایی بووە لەکۆبوونەوەکانی تاران و لەندەن و دیمەشق، ڕۆڵی بەرچاویشی لە ئیمزاکردنی ڕێککەوتننامەی ئەنقەرە هەبووە لە ساڵی 1996.
سێ ساڵ نوێنەری یەکێتیی نیشتمانیی کوردستان بووە لە قاهیرەی پایتەختی مسر و یەکێک بووە لەرێکخەرانی دیالۆگی کوردی و عەرەبی کەساڵی 1998 لەقاهیرە بەسترا.
دەیان وتاری لەرۆژنامەو گۆڤارەکان بە زمانی کوردی و عەرەبی بڵاوکردووەتەوە.
دوو پەرتووکی بەناوی (العلاقات العربیة الکوردیة) و (حوار العربي الکوردي) بڵاوکردووەتەوە.
ساڵی 1999 لە حکومەتی هەرێمی کوردستان پۆستی وەزیری شارەوانی وەرگرتووە و دواتریش بووەتە وەزیری دارایی و ئابووری و پاشان بووەتە جێگری سەرۆکی ئەنجوومەنی وەزیرانی هەرێمی کوردستان.
لە کۆنگرەی دووەمی یەکێتیی نیشتمانیی کوردستان-دا دووبارە بە ئەندامی سەرکردایەتی و پاشان بە ئەندامی مەکتەبی سیاسی هەڵبژێردراوە.
تا ئێستا (3) جار لە مردن ڕزگاری بووە، 1974 لە بۆردومانی شارۆچکەی #چۆمان#، لە ڕۆژی 24-11-1987 لە ناوچەی مەرگە بەدەستی موخابەراتی ڕژێمی بەعس لەگەڵ ژمارەیەک لە هەڤاڵەکانی بەژەهری ساڵیۆم ژەهرخوارد کران، تێیدا 3 کەس لە هەڤاڵانی شەهید بوون و ئەویش بە مەبەستی چارەسەرکردن گوێزرایەوە بۆ لەندەن، ساڵی2004 لەکارە تیرۆریستییەکەی (1) ی شوباتی شاری هەولێر بەسەختی برینداربووە بۆ ماوەی (4) مانگ لەژێر چاودێری پزیشکی ماوەتەوە.
زمانەکانی کوردی و عەرەبی و تورکی و فارسی و ئینگلیزی و فەرەنسی دەزانێت.
لە 4ی حوزەیرانی ساڵی 2005 پاش خولی دووەمی هەڵبژاردنەکانی کوردستان بە سەرۆکی پەڕڵەمانی کوردستان هەڵبژێردرا.