مستەفا پاشا یامولکی:
کوڕی عەزیز یامولکیی مەلا زادەیەکی بیارەیە. رۆژی 25/1/1866 لەگەڕەکی گۆیژەگۆیژەی شاری سلێمانیسلێمانی لەدایک بووە. یەکەمجار لای مەلا فەتاح لە مزگەوتی حاجی سەید حەسەن و لای عیرفان ئەفەندی خوێندویەتی. پاشتر سەرەتایی و ئامادەیی عەسکەریی بەغداد مەکتەبی حەربییەی ئەستەمبوڵی لە 1885دا تەواو کردووە. بەمولازمی دووەمی چووەتە پۆلی ئەرکانی جەنگ و 1886 بووە بەمولازمی یەکەم.
1888، سەفییەخانی حسێن پاشای خەندانی هێناوە. ئه و ساڵە بووە بەیووزباشی (نەقیب) و لە لقی سێهەمی ئەرکانی گشتیی جەنگدا دامەزراوە. 1889 بووە بەقول ئاغاسی (ڕائید) و، بەدوای خۆی رەوانەی ئەرکەکانی جەنگی حیجاز کراوە. 1892 کراوەتە بینباشی (موقەددەم)، گوێزراوەتەوە بۆ ئەرکەکانی جەنگی ئۆردووی هومایۆنی شەشەم و، بەرودوا هەرسێ قونسڵخانەی خۆی و سەڵماسسەڵماس و قارس و، 1898یش بۆ ئەرکەکانی جەنگی ئۆردوو لەبەغدا. 1900 پلەی قائیمقامی دراوەتێ و، لە 1901دا کراوە بەسەرۆکی ئەرکەکانی جەنگی ئۆردوو 1902 بووە بەسەرۆکی ئەرکانی جەنگی فیرقەی شانزەهەمی ڕەدیق لەسیواس، 1904 بە میرلیوا (میراڵای) و، 1905 بەمەئمووری کۆمسیۆنی سنووری خاقانیی ناوچەکانی سلێمانی و وەزنه و لاجان.
بەڕاگەیاندنی مەشرتییەتی عوسمانی، کراوە بەسەرۆکی ئەرکانی جەنگی فیرقەی ئەنقەرە. 1908 بووە بە فەرماندەی لیوای نیزامیی بیتویەکەمی ئۆردووی شەشەم لەبەغدا: 1910 بەفەرماندەی فیرقەی سێیەمی نیزامی لەتەشکیلاتی نوێی فەیلەقی دەیەم: 1911 بەفەرماندەی فیرقەی نیزامیی پێنجەم لەمایدۆس: 1912 بەفەرماندەی فیرقەی نیزامیی بیست و حەوتەم لەبەیرت و، بەشداری شەڕی باڵکان بووە.
1913 کە ئەنوەری پاشا بووەتە وەزیری جەنگ، خانەنشین کراوەو، بەدرێژایی ی یەکەمین جەنگی جیهانی لەئەستەمووڵا دانیشتووەو، لایەنگری حیزبی (حوڕڕییەت و ئیئتیلاف)بووە. پاش جەنگ، پلو پایەی جارانی دراوەتەوەو، بووە بەئەندامی دیوانی جەنگ بۆ سزادانی سەرانی (ئیتیحاد و تەرەقیئیتیحاد و تەرەقی). ئەودەمە، بووە بەئەندامی (جەمعییەتی تەعالی کوردستانتەعالی کوردستان) لەئەستەمووڵا.
1919 کەفەرید پاشا کابینەی پێکهێنایەوە، بووە والیی ویلایەتی خوداوەندکارو، هەمان ساڵا برووسەی بەجێ هێشتووه و گەڕاوەتەوە بۆ ئەستەمووڵا. 23/4/1920 بەئیرادەی شاهاتە کراوە بەسەرۆکی دیوانی عورفی یەکەم و، سزای توندی کەمالیەکانی داوە. 21-10-192021-10-1920، بەهاتنەسەر کاری کابینەی تۆفیق پاشای لایەنگری کەمالیەکانی، گیراوه و دراوەتە دادگا. بەڵام 06-02-192106-02-1921 بەئیرادەی سوڵتان بەربووەو، دەستی لەکار کێشراوەتەوە. 17/6ی ئه و ساڵە لەئەستەمووڵەوە گەڕاوەتەوەو، 04-10-192104-10-1921 گەیشتووەتە سلێمانی.
12/7/1922 بووە بەسەرۆکی (جەمعییەتی کوردستان) و، 05-09-1922بەئەندامی ئەنجومەنی ئیدارەی شار، دوای ئەوەی ئینگلیز سلێمانیی چۆڵا کردووە. ئه و ڕۆژانە ئیمتیازی ڕۆژنامەی بانگی کوردستانی وەرگرتووەو، خۆیشی وەک مودیری مەسئوول و سەرموحەڕڕیر بەڕێوەی بردووه و سیانزە ژمارەی لێ دەرکردووە.
لەدووەم حکوومەتی کوردستاندا، بەڕەئیسی مەعاریف دانراوە.03-03-1923لەگەڵا چەند کەسێکی تردا بەوەفد چوونەتە کەرکوککەرکوک و بەغدا بۆ گفتوگۆکردن. لەدووەم خولی حوکمی ڕاستەوخۆی ئینگلیزدا، ژمارە (14)ی بانگی کوردستانی بەتەنیا بڵاوکردووەتەوە. لەڕۆیشتنە عوموومیەکەی 17/6/1923دا، چووەتە بەغداو تاسە لەوێ نیشتەجێ بووە. ساڵی 1926، سێ ژمارەی تری لەبانگی کوردستان دەرکردەوە. ڕۆژی 25/1/1936 لەگەڕەکی عیوازییەی بەغدا کۆچی دوایی کردووەو، بەڕاسپێریی خۆی، لە (گردی سەیوانگردی سەیوان) نێژراوە.

#گۆیژە | #سلێمانی | #سەڵماس | #ئیتیحاد و تەرەقی | #تەعالی کوردستان | #21-10-1920 | #06-02-1921 | #04-10-1921 | #کەرکوک | #گردی سەیوان |