ژیاننامە
ناوی عەبدولڕەحمانی شەرەفکەندیشەرەفکەندییە و لە 05-04-1921 لەدایکبووە لە شاری مەهابادمەهاباد خوێندوویەتی و هەڵسوڕاوێکی چالاکی کۆماری دیموکراتی مەهاباد بەسەرۆکایەتی پێشەوا قازیپێشەوا قازی محەمەد لە 1946-01-22 بووه، پاش رووخانی کۆمار لە ساڵی 1947دا چووەتە سلێمانیسلێمانی و پاشان لەشاری بەغدا نیشتەجێ بووەو بۆ پایزی 1948 بۆ چارەسەر کردنی نەخۆشی کەتووشی سیل بوو، دەچێتە لوبنان 23-11-1948 تا 13-11-1950 و ساڵی 1950 گەڕاوەتەوە بەغدا، لە هاوینی 1956 تا 1958 لە کوردستانی ژێردەستی سووریادا دەمێنێتەوە. لە مارتی 1963دا چووەتە ریزی شۆڕش و نزیکی بارزانی بووە. هاوینی 1964 گەڕایەوە بەغدا. ساڵی 1966 دیسانەوە دەچێتەوە پاڵ شۆڕش.
کاتێکیش کە ڕێککەوتتنامەی 11ی ئازار11ی ئازاری 1970 لەنێوانی سەرکردایەتی شۆڕشی کورد و میری ئێراق مۆرکرا، ناردرا بەغدا بۆ رێکخستنی کاروباری یەکێتی نووسەرانی کورد کەتازە لە 1970-02-10دا دامەزرا بوو، لەکۆنگرەیەکەی ئەو یەکێتییە بەسەرۆکی دەستەی بەڕێوبەر هەڵبژێردرا و لەهەمان کاتیشدا کرا بەئەندام لەکۆڕی زانیاری کوردکۆڕی زانیاری کورد و توانی لەساڵی 1972دا پەرتووکی شەرەفنامەشەرەفنامەی شەرفخانی بتلیسی لەفارسییەوە بکاتە کوردی و لەچاپخانەیەکی شاری نەجەف لەسەر ئەرکی کۆڕی زانیاری کورد چاپی بکات.
بڵاوکراوەکان
1- دیوانی هەژار بۆ کوردستان- 1965
2- بەیتی سەرەمەڕبەیتی سەرەمەڕ - لەساڵی 1957 لە شام چاپیکردووه
3- هۆزی لەبیرکراوی گاوان - لەعەرەبییەوە کردوویەتیە کوردی و لەنووسینی دوکتۆر مستەفا جەواده
4- دیوانی شێخ ئەحمەدی جزیری، دەق و مانا لێکدانەوه
5- فەرەنگی هەنبانە بۆرینەهەنبانە بۆرینە، کوردی - کوردی - فارسی لەساڵی 1995 چاپکراوه
6- پەرتووکی چێشتی مجێوەر - ئەمەیان یادداشتەکانی خۆیەتی
7- وەرگێڕانی قورئانقورئان بۆ سەر زمانی کوردی
8- وەرگێڕانی قانون در طب لە عەرەبییەوە بۆ فارسی
9- کۆشکی بلوورینکۆشکی بلوورین.
وەرگێڕانی دیکەی مامۆستا هەژار وەرگێڕانی آثارالبلاد و اخبارالعباد زکریا قزوینی لە عربی بۆ فارسی، تاریخ سلێمانیه، ئاڵە کۆک، (برگ سبز)، مەم و زین لە کرمانجییەوە بۆ سورانی، شەرەفنامەی شەرەفخانی بەدلیسی لە فارسی بە کوردی، چوارینەکانی خەیام (وەرگێڕانی چوارینەکانی عومەر خەیام)، مێژووی ئەردەڵان (تاریخ خاندان اردلان)، یەک لە پەنای خاڵ و سیفری بێ برانەوە دایه، باوه، کێ خراوه؟.
لە 21ی مانگی شوباتی ساڵی 1991دا لەتەمەنی هەفتا ساڵیدا کۆچی کردووە و لە شاری مەهاباد نێژراوە.[1][2][3]

⁉️ تایبەتمەندییە تەکنیکییەکان
✨ کوالیتیی بابەت: 99% ✔️ 99% ✖️  30%-39% خراپ 👎 ✖️  40%-49% خراپ ✖️  50%-59% خراپ نییە ✔️  60%-69% باش ✔️  70%-79% زۆر باشە ✔️  80%-89% زۆر باشە 👍 ✔️  90%-99% نایاب 👏 99% ✔️
➕	ئەم بابەتە لەلایەن: (هاوڕێ باخەوان)ەوە لە: Nov 7 2008 4:46PM تۆمارکراوە
✍️	ئەم بابەتە بۆ دواجار لەلایەن: (هاوڕێ باخەوان)ەوە لە: Feb 20 2020 8:16PM باشترکراوە
☁️	ناونیشانی بابەت
🔗
🔗
👁	ئەم بابەتە 67,370 جار بینراوە

📚 فایلی پەیوەستکراو - ڤێرشن
جۆر	ڤێرشن	💾	📖	🕒	📅	👫 ناوی تۆمارکار
📷 فایلی وێنە	1.0.1	10 KB			Oct 27 2009 12:00AM	هاوڕێ باخەوان