ناوی حەسەنی کوڕی عەبدوڵڵایە، ساڵی 1921 لە #بۆکان# لەدایک بووە. لە تەمەنی پێنج ساڵیدا باوکی کۆچی دواییکردووە و حەسەن زیرەک ناچاربووە لەو تەمەنەوە کار بکات بۆ پەیدا کردنی بژێوی ڕۆژانەی.=KTML_Photo_Begin=https://www.kurdipedia.org/files/relatedfiles/2008/92/0003.JPG=KTML_Photo_Alt=0003.JPG=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/92/0003.JPG=KTML_Photo_End=
هەژاری و بێدەرەتانی زۆریان بۆ هێناوە و بۆ ئیشکردن زۆربەی شارۆچکەکانی ئێران گەڕاوە و تەنانەت لە بەسرە و بەغدا و #هەولێر# و #کەرکووک#یش کاری کردووە.
چەند جارێکیش زیندانی کراوە، بەهۆی ڕووداوێکەوەلەئێران سازادراوە و حەسەن بەقاچاخی ڕووی کردۆتە بەغدا و لەوێ، کە زانراوە هونەرمەندێکی دەنگخۆشی بێ هاوتایه، لەئێستگەی کوردی دایانمەزراندووە.
لەمەوە ناوبانگێکی زۆری پەیدا کردووە، کە گەڕاوەتەوە ئێران دەستبەجێ لەڕادیۆی تاران و ڕادیۆی #کرماشان# کاریان پێسپاردووە. دواتر لەکرماشان تیپێکی هونەری دامەزراند و خزمەتی هونەر و مۆسیقای کوردی کرد.
ئەم دەنگ خۆشە بلیمەتە خوێندەواری نەبووە کەچی زۆربەی شیعری گۆرانییەکانی بەرهەمی خۆیەتی. شیعرەکانی حەسەن زیرەک لە دووتوێی پەرتووکێکدا چاپ کراون بە ناونیشانی چریکەی کوردستان.
لە 26-06-1972دا، گۆرانیبێژی کورد حەسەن زیرەک لە شاری بۆکانی کوردستانی ڕۆهەڵات کۆچی دواییکرد و هەر لەو شارەدا نێژرا، بەڵام لە دواییدا لەسەر ڕاسپادەی خۆی، ئەوەی لەژیاندا گوتبووی، تەرمەکەی گوێزرایەوە بۆ چیای ناڵەشکێنەی بەرانبەر بۆکانی ژینگەی خۆی.[1]