لەبەر چەند هۆیەک پاشناوی باوکی لە دادخاکانەوە دەگۆڕێت بۆ دەرزی.
ساڵی 1957، لە شاری #بۆکان# لەدایک بووە. هەر لە منداڵییەوە خولیای گۆرانی وتن و فێربوونی مۆسیقا بووە. گوێی بەدەنگی مامۆستا حەسەن زیرەک و... و فۆلکلۆری پڕ لەحەز و تاسەو خۆشەویستی ناوچەی فەیزوڵڵابەگی بۆکان کراوەتەوە.
برای گەورەی، محەمەد، کەخاوەنی دەنگیکی بەسۆز بوو، کاریگەرییەکی یەکجار زۆری لەسەر دانا و هاندەر و سەرچاوەی حەز و خۆشەویستی بووە بۆ دونیای گۆرانی. دەکرێ بگوترێ ئەو هەوەڵین مامۆستای بووە کە بەداخەوە بۆ خۆی درێژەی بەم ڕێبازە نەداوە.
ژەندنی ئامێرەی کەمان، لای مامۆستایان ئەمیر مینایی و ڕەشید فەیز نەژاد فێر بووە. ساڵی 1976 بۆ ماوەی بیست ساڵ مامۆستای قوتابخانەبووە. لە 1986 تا 1991 چوار بەرهەمی هونەریی پێشکەش کردووە. ساڵی 1991 بەهۆی دەست بەسەری و نەبوونی ئازادی لەلایەن ڕژێمی ئێران دەرفەتی گۆرانیی لێ ستێندرا و لە کاری مامۆستاییش لا بردرا و ئێستا دوور لەنیشتمان لە بریتانیا دەژی. سەرجەمی ئاڵبۆمەکانی تا ئێستا (2007) پێنج دانەن. دواتر ڕۆژهەڵاتی کوردستان و شاری بۆکان جێ دەهێڵێت، ڕوودەکاتە هەندەران، لە وڵاتی ئینگلتەرا دەژی. [1]