$باکووری کوردستان$
- سوپای تورکی داگیرکەر سەرلەبەیانیی ئەمڕۆ لە چیای جودی لە پارێزگای شرنەخ بە پشتیوانیی کۆپتەری جەنگی دەستی بە ئەنجامدانی ئۆپەراسیۆن کرد.[1]
- هەزاران کەس بە دروشمی #لەیلا گیوڤەن# شکۆمانە بەرەو کۆبوونەوەکەی گۆڕەپانی ستاسیۆن دەڕۆن. چالاکییەکە بۆ پشتیوانیکردنە لە چالاکیی مانگرتنی لەیلا گیوڤەن، کە ماوەی 73 ڕۆژە بۆ نەهێشتنی گۆشەگیری سەر #عەبدوڵڵا ئۆجەلان# ڕێبەری گەلی کورد لە مانگرتندایە.[1]
$رۆژهەڵاتی کوردستان$
- هاووڵاتییەکی کورد بە ناوی یاسر موحبی تەمەن 38 ساڵ کوڕی غۆڵامحوسێن خەڵکی بەخشی بێلوار سەر بە شاری #کرماشان# لە لایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزراوه.[5]
$باشووری کوردستان$
- لە شاری #سلێمانی# چلەی ماتەمینیی #جەمال نەبەز# بەڕێوەچوو.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/165069/0012.JPG=KTML_ImageCaption_Title=چلەی جەمال نەبەز بەڕێوەچوو=KTML_ImageCaption_CaptionStyle=000000=KTML_ImageCaption_Caption=چلەی جەمال نەبەز بەڕێوەچوو=KTML_ImageCaption_End=
- بەئامادەبوونی هاوسەرۆکی گشتی و چەند ئەندامێکی دەستەی هاوسەرۆکایەتی و دەستەی بەڕێوبەریی تەڤگەریی ئازادیی، دووەمین کۆنفرانسی هەرێمی #هەولێر#ی تەڤگەری ئازادیی بەڕێوەچوو، تێیدا ئەنجومەن و هاوسەرۆکانی نوێ-یان هەڵبژارد. هەردوو 'زیلان ئیدریس و ئاسۆ محمود' وەک هاوسەرۆکی نوێ هەڵبژێردران.[2]
- ئەمشەو فڕۆکە جەنگییەکانی دەوڵەتی تورک دەورووبەری گوندی ئێندزە-یان لە بناری #قەندیل# و دەڤەری نهێلێ لە سنوری #ئامێدی# لە بادینان بۆردوومان کرد.[2]
- خێزانێکی کوردی ئێزدی لەژێر دەسەڵاتی #داعش# ڕزگاریان بوو و بە ئەندامانی دیکەی خانەوادەکەیان شادبوونەوە.[3]
- بۆ گفتوگۆکردن لەسەر ئەرکی لایەنە سیاسییەکان لەم دۆخەی ئێستای هەرێمی کوردستان، دەزگای ستاندارد گفتوگۆیەکی کراوەی ڕێکخست و تێیدا جەخت لەسەر گرنگیی هەبوونی پرۆژەیەکی هاوبەشی لایەنە سیاسییەکان کرایەوە.[2]
- هاتنی شەپۆلی نوێی بەفر بارین، پلەکانی گەرمای سنووری شارۆچکەی #پێنجوێن#ی دابەزاندووە و بەپێی پێشبینییەکان بۆ ماوەی یەک هەفتە پلەکانی گەرما بۆ زیاتر لە 10 پلەی ژێر سفر دادەبەزێت.[4]
$رۆژئاوای کوردستان$
- لە بەردەم بینای ماڵی ژن لە ناوەندی شاری #عەفرین# تەقینەوەیەک ڕوویدا. بەپێی زانیارییە سەرەتاییەکان تەقینەوەکە کوژراو و برینداری لێکەوتووەتەوە.[1]

$باکووری کوردستان$
- کۆمەڵێک ژنی هونەرمەند، سەردانی #لەیلا گوڤەن#یان کرد، کە 104 ڕۆژە لەپێناو هەڵگرتنی گۆشەگیریی توندی سەر #عەبدوڵڵا ئۆجەلان# مانی لە خواردن گرتووە، ژنان ڕایانگەیاند، ژنان هێز لە لەیلا گیوڤەن وەردەگرن و لەیلا پێشەنگایەتیی تێکۆشانی ژنان دەکات.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182389/0016.JPG=KTML_ImageCaption_Title=کۆمەڵێک ژنی هونەرمەند، سەردانی لەیلا گوڤەنیان کرد=KTML_ImageCaption_CaptionStyle=000000=KTML_ImageCaption_Caption=کۆمەڵێک ژنی هونەرمەند، سەردانی لەیلا گوڤەنیان کرد=KTML_ImageCaption_End=
- هاوسەرۆکی لقی #شرناخ#-ی پارتیی هەرێمە دیموکراتییەکان (#دەبەپە#) ئایشە ئالتای زیندانی کرا.[5]
- دەروازەی سنووری و گومرگی کاپی کۆی لەنێوان باکوور و ڕۆژهەڵاتی کوردستان لە شارۆچکەی سەرای سەر بە پارێزگای #وان# کرایەوە و دەستی بە کارەکانی کرد. دوو ساڵ لەمەوبەر بەردی بناخەی ئەم دەروازە گومرگییە نوێیە دانرا و به گوژمەی 18 ملیۆن و 850 ملیۆن دۆلار دروستکرا.[2]
$رۆژهەڵاتی کوردستان$
- چالاکێکی کرێکاری بە ناوی ئیقبال شەعبانی لە یەکێک لە شەقامەکانی شاری #سنە# لە لایەن هێزە ئیتلاعاتییەکانەوە دەسبەسەر کرا.[6]
- هاووڵاتییەکی کورد بە ناوی سەلمان عابدی خەڵکی شاری سنە لە لایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزراوە. بە وتەی سەرچاوەیەکی ئاگادار، ئەو هاووڵاتییە کوردە، بە تۆمەتی هاوکاری لەگەڵ یەکێک لە حیزبە کوردییەکانی دژبەری حکوومەتی ئێران، دەسبەسەر کراوە.[6]
$باشووری کوردستان$
- فێستیڤاڵی هونەریی نێوان شارەکانی #سلێمانی# و #سنە# لە هۆڵی مۆزەخانەی نیشتمانیی #ئەمنە سوورەکە#ی سلێمانییەوە دەست پێدەکات کە چەندین چالاکیی لەخۆدەگرێت.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182389/0007.JPG=KTML_ImageCaption_Title=کردنەوەی دەرگاکانی بەنداوی دوکان=KTML_ImageCaption_CaptionStyle=000000=KTML_ImageCaption_Caption=کردنەوەی دەرگاکانی بەنداوی دوکان=KTML_ImageCaption_End=
- لە یەکەم کۆبوونەوەیاندا دوای هەڵبژاردنیان وەک دەستەی سەرۆکایەتی #پەرلەمانی کوردستان#، ئەمڕۆ دەستەی سەرۆکایەتی پەرلەمانی کوردستان، لەگەڵ فراکسیۆنەکان کۆبوونەوە بۆ دیاریکردنی لیژنەی یاسایی.[2]
- ئەندامانی فراکسیۆنی یەکێتی لەپەرلەمانی کوردستان کۆبونەوه و بڕیاریاندا، بەشداری هیچ کۆبوونەوەیەکی پەرلەمان نەکەن تا ئه و کاتەی ئەنجومەنی سەرکردایەتی بڕیاردەدات یەکێتی بەشداری پەرلەمان بکات.[4]
- مانگرتن لە خواردن دژی گۆشەگیریی سەر ئۆجالان لە شاری هەولێر، زیاتر سێ مانگە بەردەوامیی هەیە، چالاکوانان دووپاتیدەکەنەوە، کە تا گۆشەگیریی بەردەوامبێت، چالاکییەکانیان درێژەی دەبێت، هاوکات ڕەشی ناسر یاگز لە مەترسیدایە.[3]
- بە بۆنەی ڕۆژی جیهانی زمان-ەوە، کە 21-شوباتە، لە کۆلێژی ئاداب-ی #زانکۆی سەڵاحەدین# لە شاری #هەولێر# پانێڵێک بۆ م. فەرەیدوون سامان، سەرۆکی ڕێکخراوی خانی بۆ لێکۆڵینەوە بەناونیشانی زمان و ئیتنیکەکانی کوردستان، ڕێکخرا.[3]
- لە کافتریای ئەمنە سورەکە لە شاری سلێمانی، یادی 3755 ساڵەی جەژنی سپەندەرمەزدیان، واتە جەژنی خۆشەویستی ژنانی زەردەشتی لە لایەن #ڕێکخراوی یەسنا#، بە ئامادە بوونی چەندین کەسایەتی زەردەشتی کرایەوە.[3]
- چەند دەرگایەکی بەنداو و دەریاچەی #دوکان# بۆ ماوەیەکی کورت کرانەوە، ئامانجیش لێی ڕێگرتنە لە سەرڕێژکردنی ئاوی دەریاچەکە، چونکە بەهۆی بارانبارینی زۆرەوە ئاوی دەریاچەی دووکان بەشێوەیەکی بەرچاو بەرز بووەوە.[4]
$دەرەوەی کوردستان$
- خەڵاتی (مۆنتلۆک) کە ساڵانە و لە شاری لیۆن-ی فرەنسا بە ناوی خەڵاتی ئازادی و بەرخۆدان دەدرێتە بەرهەمێکی ئەدەبی، بۆ ئەمساڵ بەخشرایە #سەلاحەدین دەمیرتاش#-ی هاوسەرۆکی پێشووی پارتی دیموکراتی گەلان (#هەدەپە#) کە لە زیندانەکانی تورکیادایە. ئەم خەڵاتە لەبەرامبەر کتێبی #سەحەر# بەخشراوەتە دەمیرتاش کە بریتیە لە 16 کورتەچیرۆک و دەمیرتاش ساڵی 2017 لە ناو زینداندا نووسیویەتی.[1]
- لە چاوپێکەوتنێکی لەگەڵ تەلەفیزیۆنی ئایسلەندا مایک پۆمپیۆ وەزیری دەرەوەی ئەمریکا ڕایگەیاند: دۆناڵد ترەمپ سەرۆکی ئەمریکا لە نزیکەوە چاودێری مامەڵەکانی تورکیا لە باکوری سوریا دەکات، وتیشی: پێشتر هۆشداریمان داوەتە تورکیا لەبارەی مامەڵەی لەگەڵ کورد لە سوریا، هەروەها وتی: ئەمریکا دەیەوێت کوردەکان له و ناوچەیە بپارێزێت و ڕێگەش بە تورکیا نەدات هێرشبکاتە سەریان. پۆمپیۆ ڕاشیگەیاند: کوردەکان لە باکوری سوریا بەهیچ شێوەیەک هێرش ناکەنە سەر تورکیا لە ناوچەکە، بۆیە وەک ئەمریکا بەهیچ شێوەیەک ڕێگە بە تورکیا نادەین هێرش بکاتە سەر کوردەکان لە سوریا، ئەگەر شتێکی له و شێوەیە ڕووبدات تورکیا باجی قورس دەدات.[4]

$باکووری کوردستان$
- سەڵاحەدین کۆلانچ هاوسەرۆکی پارتی دیموکراتیکی هەرێمەکان (#دەبەپە#) لە شاری جزیری پارێزگای شرنەخی باکووری کوردستان لەلایەن دەوڵەتی تورکەوە دەستگیرکرا.[2]
$رۆژهەڵاتی کوردستان$
- بەپێی هەواڵی گەیشتوو بە ئاژانسی هەواڵدەریی کوردپا، هێزەکانی سپای پاسداران لە گوندی ئاڵیاوێی سەر بە شاری #شنۆ#، پێشیان بە بەڕێوەچوونی ڕێوڕەسمی جێژنی نەورۆز گرتووە.[4]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/253364/0005.JPG=KTML_ImageCaption_Title=ڕێوڕەسمی جێژنی نەورۆز لە مەلەکشاهیی ئیلام هەڵوەشایەوە=KTML_ImageCaption_CaptionStyle=000000=KTML_ImageCaption_Caption=ڕێوڕەسمی جێژنی نەورۆز لە مەلەکشاهیی ئیلام هەڵوەشایەوە=KTML_ImageCaption_End=
- بەپێی هەواڵی گەیشتوو بە ئاژانسی هەواڵدەریی کوردپا، ڕێوڕەسمی جێژنی نەورۆزی مەلەکشاهی بە هۆی گوشاری هێزە ئیتلاعاتییەکان لەو شارەدا هەڵوەشایەوە.[4]
$باشووری کوردستان$
- شەڕێکی سەخت لە نێوان هێزەکانی یەبەشە و سوپای عێراق ڕوویداوه و بەردەوامە، بەوتەی فەرماندەی یەبەشەش: ژمارەیەک هەمەری سوپای عێراق سوتێنراون و دوو سەربازیش بریندارن.[1]
- خەڵکی شەنگال بە ڕێپێوانێک هەڵوێستی حکومەتی عێراقیان شەرمەزارکرد.[3]
- وەزارەتی نەوتی عێراق ئاشکرای دەکات، هەوڵەکانیان چڕۆکردووەتەوە بۆ ڕاکێشانی بۆرییەکی گواستنەوەی نەوت، لە کێڵگە نەوتییەکانی #کەرکووک# بۆ بەندەری جەیهان لە تورکیا.[1]
- جێگری سەرۆکی پەڕلەمان ڕایگەیاند، بەپێی پەیڕەو و بەرکەوتەی هەڵبژاردن بابەتی لیژنەکان یەکلاکرایەوە و سەرۆک و جێگر و بڕیاردەری لیژنەکان هەڵبژێردران.[3]
$رۆژئاوای کوردستان$
- شەڕڤانانی قەسەدە 7 ئێزدییان لە گوندی باغۆزی سەر بە ناوچەی هەجینی دێرەزۆر لە دەستی چەتەکانی داعش ڕزگار کردووە. ئه و هاوڵاتییە ئێزدییانە کە 5 ژن و 2 منداڵی خەڵکی شەنگالن گوازراونەتەوە بۆ ناوچە ئارامەکان. ئه و کەسانەی ڕزگار کراون بریتین لە: پاکیزە مەهال حەسۆ (30 ساڵان، خەڵکی گوندی کۆجۆ)، خەولا سمایل خوەدێدا (19 ساڵان، خەڵکی گوندی کۆجۆ)، ئەمینە خالۆ ئزر (44 ساڵان، خەڵکی گوندی کۆجۆ)، شامل ئیسماعیل خوەدێدا (15 ساڵان، خەڵکی گوندی کۆجۆ)، سۆلین سلێمان (17 ساڵان، خەڵکی گوندی کۆجۆ)، خوناو خدر ئادەم (32 ساڵان، خەڵکی گوندی کۆجۆ)، ئایدن حەدید تالی (12 ساڵان، خەڵکی گوندی خردان). [2]
- #شەڕڤان#انی هێزەکانی سوریای دیموکرات (هەسەدە) گوشارەکانیان بۆ سەر پاشماوەکانی #داعش# لە گوندی باغۆز لە سوریا زیاتر کردووه و لە پەیامێکدا وتەبێژی ئه و گروپەش دانبەوەدا دەنێت گە شەڕڤانان گورزیان لێوەشاندوون و داوا لە چەکدارەکانی دەکات شەڕیان لەدژ بکەن.[1]

$باشووری کوردستان$
- هەریەکە لەسەلیم کۆیی ئەندامی سەرکردایەتی #کۆمەڵی ئیسلامیی کوردستان# و لێپرسراوی ناوەندی پەیوەندییەکانی ئه و حزبە، سەعید هەرکی ئەندامی سەرکردایەتی و لێپرسراوی مەڵبەندی 11ی دەوروبەری #هەولێر#، ئیسماعیل رەسوڵ لێپرسراوی مەڵبەندی 3ی هەولێری کۆمەڵ لەنامەیەکدا دەستلەکارکێشانەوەی خۆیان له و حزبە ڕاگەیاند.[1]

$باکووری کوردستان$
- مانگرتنی چالاکوانان دژی گۆشەگیریی سەر #عەبدوڵڵا ئۆجەلان# بەردەوامیی هەیە.[2]=KTML_Photo_Begin=https://www.kurdipedia.org/files/relatedfiles/2019/284066/0005.JPG=KTML_Photo_Alt=- مانگرتنی چالاکوانان دژی گۆشەگیریی سەر عەبدوڵڵا ئۆجەلان بەردەوامیی هەیە=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/284066/0005.JPG=KTML_Photo_End=
$رۆژهەڵاتی کوردستان$
- شەوی ڕابردوو هێزە ئەمنییەکانی ئێران لەسەر سنوورە دەستکردەکانی نێوان ڕۆژهەڵات و باشوری کوردستان لە سنووری سووراوی #بانە#-ی سەربە پارێزگای #سنە#، گروپێک #کۆڵبەر#یان داوەتە بەر دەستڕێژی گوللە. بەگوێرەی هەواڵەکە ئەو کۆڵبەرەی کوژراوە، ناوی محەمەد ڕەسووڵ عەزیزی-یە و تەمەن 40 ساڵە، باوکی سێ منداڵە و خەڵکی گوندی کانی سێفی سەربە بانەی پارێزگای سنەیە لە ڕۆژهەڵاتی کوردستان.[3]
- دوو کۆڵبەری کورد بە ناوەکانی ناسر (جەهانبەخش) حوسێنیپوور و موحسێن حوسێنیپوور، خەڵکی شاری #پیرانشار#، بە هۆی تەقەی ڕاستەوخۆی نیزامییانی حکوومەت، بریندار بوون. بە وتەی سەرچاوەیەکی ئاگادار، ئەم دوو کۆڵبەرە کە باوک و کوڕن، لە سێلوێی پیرانشاردا، تەقەیان لێ کراوە.[6]
- هونەرمەندێکی کورد بە ناوی ڕەسووڵ خالیدی، ناسراو بە ڕەسووڵ کەڵەوان، خەڵکی گوندی میرئاوای شاری #بۆکان#، لە ماڵەکەی خۆیدا بە شێوەیەکی گوماناوی کوژرا.[6]
$باشووری کوردستان$
- شەوی ڕابردوو لە سێ ناوچەی جیاوازی شاری #کەرکووک# ئاگر لە دەغڵ و دانی جوتیاران کەوتەوە.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/284066/0009.JPG=KTML_ImageCaption_Title=جەلەولا.. ئاگر لەدەخڵ و دانی جوتیاران بەردەدرێت=KTML_ImageCaption_CaptionStyle=000000=KTML_ImageCaption_Caption=جەلەولا.. ئاگر لەدەخڵ و دانی جوتیاران بەردەدرێت=KTML_ImageCaption_End=
- دەستەی سەرۆکایەتی پەرلەمانی کوردستان لە بەیانێکدا ناوی کاندیدەکانی بۆ پۆستی سەرۆکی هەرێمی بڵاوکردەوە.[2]
- ئاگر لە دەغڵ و دانی دوو گوندی شارۆچکەی سەرگەڕانی سەر بە دوبز لە کەرکووک بەردرا.[4]
- لە سنووری گوندەکانی شێخ باوە لەسنوری شارەدێی #جەلەولا#، ئاگر لە دخڵ و دانی جوتیاران بەربووه و زیانێکی زۆری لێکەوتووەتەوە.[5]
- دوو فڕۆکەی جەنگی تورکیا سنووری چەند گوندێکی شارۆچکەی #سیدەکان#ی سەر بە شارۆچکەی #سۆران#یان بۆردوومانکرد.[4]
- لە دووەمین ساڵیادی کۆچی دوایی #نەوشیروان مستەفا#، کۆنسوڵخانەی گشتی ئەمریکا لە #هەولێر# لە پەیامێکدا هاوسۆزی خۆی بۆ خێزان و هاوڕێیانی کۆچکردوو دەردەبڕێت.[2]

$باکووری کوردستان$
- پۆلیسی تورک لە #ئامەد# هەڵیکوتایە سەر ماڵی سەرۆکی لقی ئامەدی کۆمەڵەی 78 گانی ئالکان. پۆلیس دەرگەی ماڵەکەی شکاند و چوونە ژوورەوە. پاش پشکنینی ماڵەکه پۆلیس ئالکانی دەستگیر کرد و بردیانە بەڕێوەبەرایەتیی ئەمنی.[1]
- پارتیی دیموکراتیی گەلان (#هەدەپە#) لیژنەیەکی پێکهێنا بۆ لێکۆڵینەوە لە کۆمەڵکوژییەکەی ناوچەی سیوەرەگ-ی سەر بە پارێزگەی ڕها لە باکووری کوردستان.[1]
$رۆژهەڵاتی کوردستان$
- لاوێکی کورد بە ناوی عەلی جەوازک، خەڵکی شاری #بۆکان#، لە لایەن هێزە ئیتلاعاتییەکانەوە بانگهێشت و دواتر دەسبەسەر کرا.[3]
- هاووڵاتییەکی کورد بە ناوی سامی محەممەدنژاد، کوڕی جەماڵ، خەڵکی شاری #سەڵماس#، لە شوێنی کارەکەی خۆیدا لە شەقامی ڕەزایی، بە تۆمەتی هاوکاری لەگەڵ یەکێک لە حیزبە کوردییەکنی دژبەری حکوومەتی ئێران، لە لایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزرا.[3]
$باشووری کوردستان$
- بەڕێوەبەرایەتیی پۆلیسی ڕاپەڕین ڕایگەیاند، لە شارۆچکەی #قەڵادزێ# (ژنێک خۆی سووتاندووە و لەسەر ڕووداوەکەش هاوژینەکەی دەستگیر کراوە.)[1]
$دەرەوەی کوردستان$
- #سەڵاحەدین دەمیرتاش# هاوسەرۆکی پێشوی هەدەپە، لە ڕێگەی سیستەمی پەیوەندی ڤیدیۆیی (تەلەکۆنفرانس)، لەزیندانی ئەدرنەوە بەشداریکرد لە پرۆسەی دادگایکردنی، لە 19یەمین دادگای سزای قورسی سینجانی ئەنقەرە.[2]

ئەم بابەتە بەپێی ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!

$باکووری کوردستان$
- هاوسەرۆکانی شارەوانیی گەورە شارەکانی #ئامەد#، #وان# و #مێردین# لە کارەکانیان دوورخرانەوە. ئەم بەیانییە دەرگای بینای شارەوانیی گەورە شاری ئامەد شکێنرا و پۆلیس بیناکانی ئەو 3 شارەوانییەی گەمارۆ دا.[3]
- دەسەڵاتی ئاکەپە – مەهەپە ئەمڕۆ دەستیان بەسەر گەورە شارەوانییەکانی ئامەد و وان و مێردینی #هەدەپە#دا گرت و ماوەیەکیش لەوە پێش بە پۆلیسەکانیان بارەگای هەدەپەیان لە ئامەد گەمارۆدا.[3]
- بەپێی ڕاگەیەندراوی #وەزارەتی ناوخۆ#یی تورکیا لە 29 شاردا ئۆپەڕاسیۆنی پاکتاوکردنی سیاسی ئەنجام دەدرێت و تاوەکو ئێستا 418 کەسیان دەستگیرکردووە. بەپێی سەرچاوەکان بە تایبەت لە ئامەد، وان و مێردین هەمو ئەندامانی هەدەپە و ئەندامانی ئەنجوومەنی شارەوانی دەسگیرکراون. ئەو کەسانەی دەسگیرکراون و تا ئێستا ناوەکانیان ڕوون بووەتەوە بریتین لە: بەڕێوبەری هەدەپەی ئامەد کادیر ئینانیر، ئەدیپ بینبیر و عەلی ئیحسان کاراهان، ئەندامی دەستەی بەڕێوبەری ناوەندی دەبەپە سەڤین بیچیچی، بەڕێوبەری هەدەپە ناوچەی باغلار خەیری ئەتیەمەز، هاوکاری سکرتێری گشتیی شارەوانی ئامەد موراد ئەمین ئۆغڵو، ئەندامی ئەنجوومەنی شارەوانی ئامەد محەمەد ئاکدۆغان، سەرۆکی فەرمانگەی سیاسەتی ژنانی شارەوانیی ئامەد سەڵدا باران، ئەندامی ئەنجوومەنی حزبی هەدەپە مەسعود باغچیک و بورهان کاراکۆچ، ڕۆژنامەوان تومان ئانلی، خەباتکاری شارەوانیی ئامەد مستەفا ئاکینگین و شیار داغ، مەحمود کۆرکماز، فەوزی ئیشیک، فوئاد یلڵچن، ئەندامی هەدەپە ناوچەی چنار مەحمود ئولوس و فەوزی دەمیرکران، ئەندامی هەدەپەی بیسمیل لوقمان بۆزکور، ئەندامی کۆنگرەی ئیسلامی دیموکرات نایف ئەردەم، هاوسەرۆک شارەوانیی ناوچەی پیاسی ئامەد داود کەسین و ئەندامی ئەنجوومەنی شارەوانی پیاسی ئامەد نورشین ئاکبال.[3]
- دوای ئەوە ڕژێمی تورک دەستیگرت بەسەر شارەوانیی گەورە شاری ئامەد دا، پەرلەمانتارانی هەدەپە، هاوسەرۆکانی شارەوانییەکانی هەدەپە و بەرێوەبەرانی هەدەپە بەرەو بینای شارەوانیی گەورە شاری ئامەد دەستیان بە ڕێپێوانکرد، پاشان لەلایەن پۆلیسەوە هێرشیانکرایەسەر.[3]
$رۆژهەڵاتی کوردستان$
- سێ هاووڵاتیی کورد بە ناوەکانیسەیفوڵڵا جەلیلی کوڕی ئیبراهیم، بەشیر حاتەمی کوڕی سدیق و غەفوور یاری کوڕی غەفار، خەڵکی گوندی ئەوێهەنگی شاری #سنە#، لە شاری دەماوەند، لە لایەن هێزە ئیتلاعاتییەکانەوە، دەسبەسەر کراون. ئەم سێ هاووڵاتییە کوردە، بە تۆمەتی کەڵکوەرگرتن لە جامانە لە یەکێک لە زەماوەندەکان لە شاری دەماوەند لە کاتی هەڵپەڕکێ و پڕوپاگەندە دژی نیزام لە بەرژەوەندیی یەکێک لە حیزبە کوردییەکانی دژبەری حکوومەتی ئێران، لە لایەن هێزە ئیتلاعاتییەکانەوە دەسبەسەر کراون.[4]
- چالاکێکی مەدەنیی کورد بە ناوی ئەکبەر گەوێڵی، خەڵکی شاری سنە، لە لایەن هێزە ئیتلاعاتییەکانەوە دەسبەسەر کرا.[4]
$باشووری کوردستان$
- لە ئەنجامی بۆردومانی فرۆکەکانی تورکیا لە بناری #قەندیل# چەند هاووڵاتییەک برینداربوون و زیانی ماددیشی لێکەوتەوە.[2]
- وەزارەتی شارەوانی هەرێم بڕیاریدا بە ڕاگرتنی کارەکانی ئەنجومەنی شارەوانییەکان لە پارێزگاکان.[1]

$باکووری کوردستان$
- هێزە ئەمنییەکانی دەوڵەتی تورک گروپیک لە #کۆڵبەر#انیان لە سەر سنوورە دەستکردەکانی نێوان باکور و ڕۆژهەڵاتی کوردستان، کردووەتە ئامانج و لە ئەنجامدا کۆڵبەرێک کوژراوە. ئەو کۆڵبەرەی کوژراوە ناوی خالس حەمیدزادە-یە و تەمەنی 22 ساڵە و خەڵکی گوندی بالولەی #ماکۆ#-یە لە پارێزگای #ورمێ#ی ڕۆژهەلاتی کوردستان.[2]
$باشووری کوردستان$
- #مەحمود سەنگاوی# ئەندامی سەرکردایەتیی یەکێتی لە کاتێکدا لە #دێگەڵە#وە دەیوسیت بچێتە #هەولێر#، ئاساییشی پارتی ڕێگیرییان لێیکرد و بووە هۆی ئاڵۆزتربوونی پەیوەندییەکانی هەردوولا.[1]

ئەم بابەتە بەپێی ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!