$رۆژهەڵاتی کوردستان$
- هاووڵاتییەکی کورد، بە ناوی عەلی ئیسماعیلی، کوڕی محەممەد تەمەن 40 ساڵە خەڵکی گوندی جاشێران، سەر بە شاری #شنۆ#، لە لایەن هێزە ئیتلاعاتییەکانەوە دەسبەسەر کرا.[6]
- دوو هاووڵاتی کورد بە ناوەکانی عوسمان حەسەنی و حەسەن مووسەوی، خەڵکی شاری شنۆ، لە لایەن هێزە ئیتلاعاتییەکانەوە دەسبەسەر کران.[6]
$باشووری کوردستان$
- پلاتفۆڕمی دابڕان و خانەی زانستە مرۆییەکانی پاریس، کۆنفرانسێکی هاوبەش لەژێر ناونیشانی (زەبروزەنگ و چونەدەرەوە لە زەبروزەنگ) لەشاری #سلێمانی# دەستیپێکرد، کە تێیدا چەندین توێژەر و سۆسیۆلۆگی بەناوبانگی جیهانی و ناوخۆیی بەشداریی لە کۆنفرانسەکەدا دەکەن.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/165067/0010.JPG=KTML_ImageCaption_Title=لە مانشێتەکانی ئەمڕۆ: 17-01-2019=KTML_ImageCaption_CaptionStyle=000000=KTML_ImageCaption_Caption=لە مانشێتەکانی ئەمڕۆ: 17-01-2019=KTML_ImageCaption_End=
- کچێکی کوردی ئێزیدی تەمەن 18 ساڵان لە دەستی #داعش# ڕزگاری بوو و گەیشتەوە لای کەس وکارەکەی لە پارێزگای #دهۆک#.[4]
- #یەکێتیی نیشتمانیی کوردستان# پرسی هەڵکردنی #ئاڵای کوردستان# لە #کەرکووک# دەباتە دادگای ئیتیحادی و سکاڵایەکیش لەدژی پارێزگاری کاتی پارێزگاکە تۆماردەکات.[2]
- #سەعید کاکەیی#، ئەندامی ئەنجومەنی کۆمسیارانی کۆمسیۆنی باڵای سەربەخۆی هەڵبژاردنەکانی عێراق ڕەتیدەکاتەوە لەسەر ساختەکاری هەڵبژاردنی ساڵی ڕابردووی پەرلەمانی عێراق داوای لێبوردنی لە کۆمسیۆن کردبێت، بەڵکو تەنها داوای لێبوردنی لە ئەندامانی ئەنجومەنی کۆمسیاران کردووە.[2]
$رۆژئاوای کوردستان$
- ئەنجوومەنی سەربازیی منبج ڕایگەیاند، لە تەقینەوەکەی دوێنێدا 13 کەس ژیانیان لە دەستداوە و 18 کەسی تریش بریندار بوون.[1]
- سەربازێکی ئەمریکی و یاریدەرێکی کە لە تەقینەوەکەی دوێنێی #منبج# دا بریندار بوو بوون، بەهۆی قورسی برینەکانیانەوە گیانیان لە دەستدا و بەوەش ژمارەی سەربازە کوژراوەکانی ئەمریکا لە تەقینەوەکەی منبج دا گەیشتە 4 سەرباز.[1]
- تەندروستی هەرێم تۆمارکردنی یەکەم حاڵەتی ئەنفلۆنزای بەراز - (H1N1)ی ڕاگەیاند و دەشڵێت: توشبووەکە لەژێر چاودێری تەندروستیدایە و بارودۆخی تەندروستی جێگیرە، ڕەتیشیدەکاتەوە لەهەرێم هیچ حاڵەتێکی ئەنفلۆنزای باڵندە تۆمارکرابێت.[3]
- هاتووچۆی سلێمانی بەمەبەستی ڕێگرتن لەڕووداوی نەخوازراو بەهۆی بەفربارینەوە، ڕێگەی هاتووچۆی لە شەقامی #تاسڵوجە#ی سلێمانی کە یەکێکە لە دەروازە سەرەکییەکانی سلێمانی داخست.[2]
- بەهۆی بەفربارینەوە، ڕێگەی دۆڵی سماقوڵی، کە #ڕانیە# و #هەولێر# بە یەکەوە دەبەستێتەوە، داخرا و چەندین ئۆتۆمبێل لەو ڕێگەیە گیریان خواردووە.[5]
$دەرەوەی کوردستان$
- وەزارەتی بەرگریی ئەمریکا (پنتاگۆن) لەبارەی هێرشە خۆکوژییەکەی منبجەوە ڕاگەیاندراوێکی بڵاوکردەوە. لە ڕاگەیاندراوەکەدا هاتووە، 2 سەربازی ئەمریکی، پاسەوانێک و کارمەندێکی مەدەنیی گرێبەستیان کوژراوە.[1]
- سەرۆکی فڕەنسا ڕایگەیاند: کە هێزەکانی وڵاتەکەی لە سوریا و عێراق دەمێننەوە لە ماوەی ئەمساڵدا بۆ ڕووبەڕووبوونەوەی داعش و پاشماوەکانی.[2]

$رۆژهەڵاتی کوردستان$
- هاووڵاتییەکی کورد، بە ناوی ئاکام قادری، کوڕی ڕۆستەم و تەمەن 31 ساڵە، بۆ لێپێچینەوە لە گرتنگەی ئیتلاعاتی #بۆکان#ەوە گواسترایەوە بۆ گرتنگەی ئیتلاعاتی #ورمێ#.[4]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182387/0014.JPG=KTML_ImageCaption_Title=دەسبەسەرکردنی دوو چالاکیی ژینگەپارێز لە سنە=KTML_ImageCaption_CaptionStyle=000000=KTML_ImageCaption_Caption=دەسبەسەرکردنی دوو چالاکیی ژینگەپارێز لە سنە=KTML_ImageCaption_End=
- ڕێوڕەسمی کرانەوەی نووسینگەی وەشانگەی باشوور، بە بەشداریی کۆمەڵێک لە نووسەران، شاعێران و هۆگرانی زمانی کوردی لە شاری #ئیلام# بەڕێوە چوو.[4]
- #مەسعود شەمس نژاد# پارێزەرێکی پلە یەکی دادگا بە دانانی بارمتە لە زیندانی ناوەندیی ورمێ ئازاد کرا.[6]
- دوو چالاکیی ژینگەپارێز بە ناوەکانی ئارمان وەفایی و شاهۆ فەرەجی خەڵکی شاری #سنە# لە لایەن هێزە ئیتلاعاتییەکانەوە دەسبەسەر کران.[4]
- چالاکێکی ژینگەپارێزی بە ناوی ئیرەج ڕەحیم زادە خەڵکی شاری #مەریوان#، لە لایەن هێزە ئیتلاعاتییەکانەوە دەسبەسەر کرا.[4]
- چالاکێکی کورد، بە ناوی ئەفشین شەیخولئیسلامی وەتەنی، خەڵکی شاری سنە، لە لایەن هێزە ئیتلاعاتییەکانەوە دەسبەسەر کرا.[4]
- هێزە ئیتلاعاتییەکان هێرشیان کردە سەر ماڵی چالاکێکی ژینگەپارێزی بە ناوی زەکریا نەقشبەندی لە شاری سنە و ناوبراویان دەسبەسەر کرد.[4]
$باشووری کوردستان$
- فیدراسیۆنی ڕێکخراوەکانی کۆمەڵی مەدەنی، یاداشتێکیان ئاراستەی نووسینگەی پەرلەمانی هەرێمی کوردستان لە #سلێمانی# کرد و، داوای ئازادکردنی دەستگیرکراوانی بادینان-یان کرد.[5]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/182387/0009.JPG=KTML_ImageCaption_Title=بۆ ئازادکردنی دەستگیرکراوانی بادینان یاداشتێک درایە پەرلەمانتاران=KTML_ImageCaption_CaptionStyle=000000=KTML_ImageCaption_Caption=بۆ ئازادکردنی دەستگیرکراوانی بادینان یاداشتێک درایە پەرلەمانتاران=KTML_ImageCaption_End=
- پاش نیوەڕۆی ئەمڕۆ تۆڕی پارێزەرانی خۆبەخش بە مەبەستی زانینی چارەنووسی شێروان شێروانی، چالاکوانی کۆمەڵگەی مەدەنییی و ڕۆژنامەنووس سەردانی زیندانی زرکا-یان کرد. ڕێبین شەمامکی یەکێک لەو پارێزەرانە بە ڕۆژنیوزی وت: لە زیندانی زەرکا، #ڕێکان ڕەشید# و #تاکور زەردەشتی#-مان بینی، بەڵام #شێروان شێروانی# لەوێ نەبوو. سەبارەت بە شوێنی شێروان شێروانی، کە لە ڕۆژی 13ی ئەم مانگە لە زیندانی زەرکا بردرا، ئەو پارێزەرە، وتی: ئێمە لێکۆڵینەوەمان کرد و دادوەری ئاسایش پێی ڕاگەیاندین، کە شێروانی گواستراوەتەوە بۆ ئاسایشی گشتیی #دهۆک# و دۆسیەیکی دیکەی بۆ کراوەتەوە.[5]
- سەرۆکی کاتی #پەرلەمانی کوردستان# ڕایدەگەیەنێت: ئەگەر ڕێککەوتنی سیاسی لەنێوان پارتی و یەکێتی نەکرێت، ئەوا کۆبوونەوەی سبەی پەرلەمانی کوردستان دواناخرێت و هەڵبژاردن بۆ دەستەی سەرۆکایەتی پەرلەمان دەکرێت و تەنیا سەرۆکی پەرلەمانی هەڵنابژێردرێت.[2]
- فراکسیۆنی #نەوەی نوێ# لە پەرلەمانی کوردستان هەڵوێستی فراکسیۆنەکەیانی لەبارەی کۆبوونەوە چاوەڕوانکراوەکەی پەرلەمانی کوردستان ئاشکرا دەکات و ڕایدەگەیێنێت، بەشداری دانیشتنی پەرلەمان دەکەین و بەربژێرمان بۆ دەستەی سەرۆکایەتی پەرلەمانیش دەبێت.[3]
$رۆژئاوای کوردستان$
- چەتەکانی دەوڵەتی تورک بە چەکی قورس و مامناوەندی هێرشیان کردە سەر خاڵەکانی ئەنجوومەنی سەربازیی باب لە گوندی ویران لە ڕۆژهەڵاتی باب.[1]
- لە ناوچەی شەرا-ی #عەفرین# لەڕێگەی ئۆتۆمبێلی بۆمڕێژکراو بنکەی چەتەکانی سوڵتان مووراد کرایە ئامانج. لەلایەکی ترەوە لە ناوچەی جندرێس عەفرین مینێک بە چەتەکانی سەربەدەولەتی تورکیادا تەقییەوە.[1]
$دەرەوەی کوردستان$
- لە شاری ستراسبۆگی وڵاتی فەڕەنسا، ڕێکخستنەکانی ئەورووپای #تەڤگەری ئازادی کۆمەڵگەی کوردستان#، لە بەردەم باڵەخانەکانی کۆنسە و پارلەمانی ئەورووپا و کۆمیتەی بەرگرتن لە ئەشکەنجەی ئەورووپا (سی پی تی-CPT، دژی دەستگیری و ڕەشبگیریەکانی هەرێمی بادینان و داگیرکاری ڕژێمی تورکیا و تاوانەکانی ئەو ڕژێمە لە باشور کوردستان چالاکیان ئەنجامدا.[1]

$باکووری کوردستان$
- لەچوارچێوەی بانگەشەی هەڵبژاردنی شارەوانییەکانی تورکیا وباکووری کوردستان بەبەشداری پەروین بوڵدان هاوسەرۆکی گشتیی #هەدەپە# لە ناوچەی بازیدێ-ی #ئاگری# میتینگێک بەریوەچوو. هونەرمەندی کورد قادرچات لە لەمیتینگەکەدا ئامادەبوو وچەند بەرهەمێکی پێشکەشی ئامادەبووان کرد، دوای کۆتایی هاتنی میتینگەکە ناوبراو لەلایەن هێزەئەمنییەکانی توکیاوە دەستگیرکرا.[3]
- یوسف ئاتەش ئەندامی هەدەپە کە لە #ئامەد# لەدژی گۆشەگیری #عەبدوڵڵا ئۆجەلان# مانی لەخواردن گرتووە لەلایەن پۆلیسی تورکیاوە دەستگیرکرا و برایەبەردەمی دادگە.[3]
- زولکوف گەزەن کە لە لەبەندیخانەی تەکیرداغ لە دژی گۆشەگیریی سەر عەبدوڵڵا ئۆجەلان، لە 1ی ئادارەوە دەستی دابووە مانگرتن لەخواردن، شەهید بوو.[3]
$رۆژهەڵاتی کوردستان$
- بە هۆی شەڕ و تێکەڵچوونی مەئموورانی هێزە ئینتزامییەکان لەگەڵ کەسانێکی چەکدار لە سنووری شاری #بانە#، گرووبانێکی هێزە ئینتزامییەکان کوژرا. هەواڵدەرییە حکوومەتییەکان شوناسی ئەو مەئموورە کوژراوەیان گرووبان یەکەم ئەبووزەر حەمزە کورد خەڵکی شاری مەلایری پارێزگای #هەمەدان#، ڕاگەیاندراوە.[7]
$باشووری کوردستان$
- لە #هەولێر#، بە بەشداری 250 کۆمپانیا دووەمین پێشانگەی نێودەوڵەتی لە بواری گەشتیاریی کرایەوە.[1]
- بەڕێوەبەری پاسپۆرت و نشینگەی #حاجی ئۆمەران# ڕایدەگەیەنێت: باج لەسەر ئەو گەشتیارانە هەڵگیرا کە لەدەروازەی نێودەوڵەتی حاجی ئۆمەران دێنە هەرێمی کوردستان، ئاماژەی بەوەشدا: کە ئەو بڕیارە تا 25ی مانگی ئازاری ئەمساڵ کاری پێدەکرێت.[2]
- لە دوو ڕۆژدا پێنج کەس لە #دهۆک# بە ڕووداوی هاتووچۆ گیانیان لەدەستداوە، 22 کەسیش برینداربوون، هۆکاری ڕووداوەکانی هاتووچۆش باران و لافاوی سێ ڕۆژە کە بێ وەستان لە دهۆک دەبارێت. بارانی بە خوڕ و لافاو 40 ڕێگەی سنووری دهۆکیان پەکخستووە، لەماوەی 26 ساڵی ڕابردوودا یەکەمجارە بارانی هاوشێوەی سێ ڕۆژی ڕابردوو لە دهۆک ببارێت.[4]
- لە مۆزەخانەی نیشتمانی ئەمنەسورەکەی شاری #سلێمانی# پێشانگای شێوەکاری 10 هونەرمەندی کوردی ڕۆژهەڵاتی کوردستان بەناونیشانی هەنگاوی ڕەنگەکان لە #سنە# و تارانەوە کرایەوە.[5]
$رۆژئاوای کوردستان$
- دەوڵەتی تورک لە ڕێگەی 'ئەنجومەنی خۆجێیی' ئاگادارییەکیان بڵاوکردووەتەوە کە پیرۆزبایی نەورۆز لە #عەفرین# قەدەغە دەکات.[6]

ئەم بابەتە بەپێی ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!

$باشووری کوردستان$
- سەرچاوەیەک لە پۆلیسی #خانەقین# ڕایگەیاند بەیانی ئەمڕۆ لە گوندی موبارەکی سەر بە شارۆچکەی خانەقین بۆمبێکی چێندراو بە ئۆتۆمبیلێکی جۆری شیری سالۆن تەقییەوە و بەهۆیەوە شۆفێرەکەی کە مامۆستایه، برینداربوو دوای گەیاندنی بە نەخۆشخانە بەهۆی سەختیی برینەکەیەوە گیانی لە دەستدا. وتیشی: ئەو مامۆستایە ناوی نەبیل ئەکبەر حەمەخانە و تەمەنی 40 ساڵە، بەڕەگەز کورده و دانیشتووی گوندی موبارەکه و هەر لەقوتابخانەی گوندەکەیان مامۆستا بووه.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/284064/0007.JPG=KTML_ImageCaption_Title=لە شەنگال درەوی گەنم و جۆ دەستیپێکرد=KTML_ImageCaption_CaptionStyle=000000=KTML_ImageCaption_Caption=لە شەنگال درەوی گەنم و جۆ دەستیپێکرد=KTML_ImageCaption_End=
- لە شەوی ڕابردووەوە ئاگرێکی گەورە لە سێ گوندی سنوری خانەقین کەوتووەتەوە و پوش و پاوانێکی زۆری سوتاندوە.[2]
- گروپی تیرۆرستی #داعش# لەڕێگەی سایت و ئەژمارەکانیان لەئینتەرنێت، وێنەی ساتەوەختی شەهید دلێر نەجم ی دانیشتووی گوندی حەبیب عەبدوڵایان بڵاوکردوەتەوە، کە هەفتەیەک پێشتر گرتبوویان، کە دواتر سوتاندویانە. هەر له و کردەوە تیرۆرستیەدا، باوکی شەهید دلێر کەبەهانای کوڕەکەیەوە چووبوو، شەهید کرا.[2]
- پۆلیسی #کەرکووک# و هێزە سەربازییەکانی عێراق لەسنوری شارۆچکەی دوبز و شارەدێی پردێ کەوتوونەتە دوا پلەی ئامادەباشییەوە، ئەفسەرێکیش هۆکارەکەی ئاشکرادەکات و دەڵێت: لەترسی سوتاندنی دەغڵ و دانی جوتیارانە لەلایەن داعشەوە.[1]
- بەهۆی بوونی بۆشایی لەژێریدا و تەقینی بۆری ئیفرازەوە، پردی #بەحرکە# لەسەر شەقامی 120 مەتریی #هەولێر# دەڕمێت و بەهۆیەوە بەشێکی زۆری خەڵکی شاری هەولێر بۆ چەند ڕۆژێک بێئاو دەبن.[1]
- لە کاتژمێر 14:00ەوە فڕۆکە جەنگییەکانی سوپای تورک دەستیان بە بۆردوومانی گەلی شێران لە شارەدێی دێرەلۆک-ی سەر بە #ئامێدی# کردووە.[3]
- کاتژمێر 5:00ی ئێوارەی ئەمڕۆ لە گوندی یوسف بەگ کە ئێستا یەکێکە لە گەڕەکەکانی خانەقین لە زەوییەکی کشتوکاڵی گوندەکە بۆمبێکی چێندراو بە هاووڵاتییەکی جوتیاردا تەقییەوە. بەهۆی ئه و تەقینەوەیەوە هاووڵاتییەکە دەستبەجێ کوژراوە کە ناوی عەلی مایخانە، تەمەنی 77 ساڵە و بەڕەگەز کورد و کوڕێکی کارمەندی پۆلیسی خانەقینە.[1]
$دەرەوەی کوردستان$
- سەرۆکی لیژنەی ئاسایشی نەتەوەی لەپەرلەمانی ئێران داوا دەکات گفتوگۆی نێوان ئێران و ئەمریکا بۆ هێورکردنەوەی ئاڵۆزییەکانی نێوان هەردوولا لەعیراق یان قەتەر بکرێت.[2]

$باکووری کوردستان$
- شارەوانیی ئاکەپە لە بەدلیس پێش کۆکردنەوە و لابردنی تابلۆ کوردییەکان، گۆڕی #شەرەفخانی بەدلیسی#ی نووسەر و بنەماڵەکەیان تێکدا.[1]
$باشووری کوردستان$
- تەرمی هونەرمەند #ئیسماعیل سابووری# لە #سلێمانی# نێژرا.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/286885/0015.JPG=KTML_ImageCaption_Title=تەرمی هونەرمەند ئیسماعیل سابووری لە سلێمانی نێژرا=KTML_ImageCaption_CaptionStyle=000000=KTML_ImageCaption_Caption=تەرمی هونەرمەند ئیسماعیل سابووری لە سلێمانی نێژرا=KTML_ImageCaption_End=
$رۆژئاوای کوردستان$
- ئەمڕۆ لە چواڕیانی سۆنیی نێو شاری #قامیشلۆ# تەقینەوەیەک ڕوویدا. هێزەکانی ئاسایشی ناوخۆ و ئامبولانس ڕەوانەی شوێنی ڕووداوەکە کراون. بە گوێرەی زانیارییە سەرەتاییەکان هاوڵاتییەک بە ناوی سەڵاحەدین ئەمین حەسەن بەهۆی تەقینەوەکە بریندار بووە. زیانێکی زۆریش بە دوکان و باڵەخانەکانی ناوچەکە گەیشتووە.[1]

$باشووری کوردستان$
- لەریستۆرانتێکی نزیک کونسوڵخانەی تورکیا لە #هەولێر# دەستڕێژی گوللە کراو بەهۆیەوە چەند کەسێک کوژران کە یەکێکیان جێگری کونسوڵخانەی تورکیایە لە هەرێم.[1]

$باکووری کوردستان$
- ئاگر لە دارستانەکانی سنووری گوندی ئاکرۆ لە ناوچەی قەرەحەسەنی شاری لیجەی پارێزگای #ئامەد#ی باکووری کوردستان کەوتووەتەوە.[1]
- لە چوارچێوەی ئۆپەراسیۆنی پاکتاوی سیاسیی گەلی کورد دا پۆلیسی دەوڵەتی تورک لە ڕحا هەڵیکوتایە سەر چەندین ماڵ و 25 کەسی دەستگیرکرد.[1]
- پارێزگاری دەوڵەتی تورک لە #جۆلەمێرگ# قەدەغەکاریی هەموو جۆرە چالاکییەکی مەدەنیی لە شارەکەدا بۆ ماوەی مانگێکی تر درێژکردەوە.[1]
$رۆژهەڵاتی کوردستان$
- پێنج هاووڵاتیی کورد بە ناوەکانی حەسەن قادری ئەقەدەم، ڕێبوار مەلایی، ئەسکەندەر خزری، ئیسماعیل بورهانی و ئەمیر تاژ خەڵکی شاری #پیرانشار#، لە لایەن هێزە ئیتلاعاتییەکانەوە، دەسبەسەر کراون.[3]
$باشووری کوردستان$
- لە سنووری نێوان #کفری# و #خورماتوو# هێزەکانی پێشمەرگە ئۆپەراسیۆنێکیان لە دژی ئەندامانی گروپی ئاڵا سپییەکان دەستپێکرد و هێزەکانی هاپەیمانانیش بە فڕۆکە هاوکاری پێشمەرگە دەکەن.[2]
$رۆژئاوای کوردستان$
- سوپای تورک و چەتەکانی لە #عەفرین# بە چەکی قورس گوندی بێن-ی سەر بە ناوچەی شێراوای عەفرین بۆردومانکرد. لە بۆردومانەکەدا زیان بە زەوییە کشتوکاڵی و باخ و ڕەزەکانی هاووڵاتییانی ئەو گوندە گەیشتووە.[1]

$باکووری کوردستان$
- لە #ئەرزەرۆم# و قەرەیاز پۆلیسی تورک هەڵیانکوتایە سەرچەندین ماڵ. لە ئەنجامی ئەو هەڵیانکوتانەی سەرماڵاندا، 7 کەسیان دەستگیر کرد کە #مەلیکە گۆکسو#-ی هاوسەرۆکی شارەوانی قەرەیاز-ی #هەدەپە# و دوو ئەندامی ئەنجومەنی شارەوانی تێدایە. جگە لە مەلیکە گۆکسو، سەردار گۆکسو، سەرکان گۆکسو، ئەمەل توران، ئەردال بایرام و فەرهاد کایا-ش دەستگیر کران.[3]
- بنەماڵەی ئۆجالان و سێ گیراوی دیکەی زیندانی ئیمرالی بۆئەوەی سەردانی ئیمرالی بکەن داواکارییان پێشکەشی دادگا کرد، بەڵام داواکەیان ڕەتکرایەوە.[5]
$رۆژهەڵاتی کوردستان$
- ئەمڕۆ ژمارەیەک لە جوتیارانی پارێزگای #کرماشان# بە ئامانجی دەربڕینی نارەزایەتیی لەدژی دیاریکردنی نرخێکی کەم بۆ بەرهەمی تەماتەکەیان لەلایەن دەوڵەتەوە لە بەرامبەر بینای پارێزگاری کرماشان گردبوونەوە و نارەزایەتییان دەربڕی.[5]=KTML_Photo_Begin=https://www.kurdipedia.org/files/relatedfiles/2019/362609/0005.JPG=KTML_Photo_Alt=جوتیارانی کرماشان لەبەردەم بینای پارێزگا گردبوونەوە=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/362609/0005.JPG=KTML_Photo_End=
- #نەجەف مێهدیپوور#، ڕۆژنامەنووسی زیندانیی کوردی خەڵکی شاری #ئیلام#، بەهۆی بارودۆخی خراپی جەستەی، ڕەوانەی نەخۆشخانەی ئیلام لە دەرەوەی زیندان کرا.[6]
- کرێکارانی بەنداوی کانی سێوی شاری #پیرانشار#، بەهۆی ڕاگیرانی ئەو پرۆژەیە، هەتا کاتی دیاریکراو، بێکار بوون.[6]
- کاتژمێر 12ی شەو بە کاتی ڕۆژهەڵات، دوو هاووڵاتی لە شاری #سەوڵاوا# بە ناوەکانی ئێران قادرمەرزی تەمەن 37 ساڵ و ڕامیار سارمی نژاد، تەمەن 24 ساڵ، بەهۆی هاتنی بوومەلەرزە لەو شارەدا، بریندار بوون.[6]
$باشووری کوردستان$
- لە #هەولێر# پەردە لەسەر پەیکەری گاندی لادرا.[2]
- لەسەر سکاڵای داواکاری گشتی #گەرمیان# لە لایەن پۆلیسەوە هەردوو بەڕێوەبەری گومرک و بەڕێوەبەری وەبەرهێنانی گەرمیان دەستبەسەرکراون و ماوەی دوو ڕۆژە لە زینداندان.[1]
- بەرەی عەرەبیی یەکگرتوو لە شاری #کەرکووک# لە کۆنگرەیەکی ڕۆژنامەوانیدا ڕایگەیاند، لیستی هاوپەیمانیی حزبە کوردستانییەکانی کەرکووک ناوەکەی نەتەوەپەرستی دروست دەکات، بۆیە لە کۆمسیۆن سکاڵا لە دژی ناوەکەی تۆمار دەکەین.[3]=KTML_Photo_Begin=https://www.kurdipedia.org/files/relatedfiles/2019/362609/0006.JPG=KTML_Photo_Alt=گەیشتنی سەرۆک کۆمار بۆ هەولێر=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2019/362609/0006.JPG=KTML_Photo_End=
- #بەرهەم ساڵح# سەرۆک کۆماری عیراق ئەمڕۆ، گەیشە شاری هەولێر و لەلایەن #نێچیرڤان بارزانی# سەرۆکی هەرێمی کوردستان و ڕێبەر ئەحمەد وەزیری ناوخۆ و #فرسەت سۆفی# پارێزگاری هەولێر و ژمارەیەک لە بەرپرسانی هەرێم پێشوازی لێکرا.[4]
- کاربەدەستانی #بەرەی تورکمانی# لە کاتی کردنەوەی بارەگاکەیان لە #کفری#، هەڕەشەیان لە کاربەدەستانی هەرێم کرد و وتیان: ئەگەر ئەو کەسانەی ساڵی 2017 بارەگاکەیان سووتاندووە دەستگیر نەکرێن ئاڵۆزی لە نێوان حکومەتی هەرێم و بەرەی تورکمانی ڕوودەدات.[5]

ئەم بابەتە بەپێی ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!