بە ناوی خوای گەورە

ئەمڕۆ 14ی نیسانی 2015، مەراسیمی بیستوحەوتەمین ساڵیادی کارەساتی ئەنفال لە شاری کەلار بەڕێوەچوو و شاندێکی باڵای کۆمەڵی ئیسلامیی کوردستانیش بە سەرۆکایەتیی مامۆستا عەلی باپیر ئامادەی مەراسیمەکە بوو.

دوێنێ لەلایەن لیژنەی‌ ئامادەکاری مەراسیمەکەوە بەرنامەی مەراسیمەکەمان بۆ نێردرا، کە بە هیچ شێوەیەک هەستانەوە بۆ سروودی ئەی ڕەقیبی تێدا نەبوو، دواتریش تەئکیدمان لەو بەڕێزانە کردەوە کە مەراسیمەکەیان بەڕێوە دەبرد، پێیان ڕاگەیاندین کە سروودی ئەی‌ ڕەقیب لە بەرنامەی‌ کاردا نییە، هەر بۆیە شاندی‌ کۆمەڵ لەبەر سرودی ئەی‌ ڕەقیب هەڵنەسایەوە و هەندێ دەزگای ڕاگەیاندنیش بابەتەکەیان زیاتر لە قەبارەی خۆی گەورە کرد.

لەناو مەراسیمەکە و لە کاتی سروودەکەدا، چەند کەسێک ڕەخنەیان لە شاندی کۆمەڵی ئیسلامی گرت لەسەر ئەو بابەتە، بەڵام بە هیچ شێوەیەک گرژی دروست نەبووە و هیچ کەسێکیش داوای نەکردووە شاندەکەی‌ کۆمەڵ لە مەراسیمەکە بکشێتەوە، بەڵکو بە پێچەوانەوە تا دوا ساتی مەراسیمەکە ماوینەتەوە و تاجە گوڵینەی ڕێزلێنانیشمان لەسەر مەزاری شەهیدان داناوە، بەشداریی شاندەکەی‌ کۆمەڵیش جێگەی‌ ڕێز و خۆشحاڵیی ئامادەبووان و کەسوکاری قوربانییانی ئەنفال بوو.

ئێمە پێمانوایە گەورەکردنی ئەو بابەتە و بەستنەوەی "هەڵنەسانەوە بۆ سروودی ئەی ڕەقیب و بێڕێزیکردن" پێکەوە، بۆ مەرامی سیاسی، دوورە لە ئەتەکێتی کاری ڕۆژنامەوانی و زیان بە ناوبانگ و متمانەی‌ دەزگاکە دەگەیەنێت.

هەروەک چوونی ئەمیری کۆمەڵی ئیسلامی و شاندە باڵاکەی‌ هاوڕێی لە هەولێرەوە بۆ کەلار، خۆی لە خۆیدا ڕێزگرتنە لە مەراسیمەکە و خەم و ئازاری کەسوکاری ئەنفالکراوان و شەهیدان، هەڵنەسانەوەش لەبەر سروودێک کە ناکۆکیی لەسەرە، بێڕێزی نییە بە خەم و قوربانییانی کەسوکاری ئەنفالکراوان، بەڵکو خزمەتنەکردنی کەسوکاری قوربانییان و باش نەکردنی ژیان و گوزەرانیان و دادگایی نەکردنی تاوانبارانی ئەو کارەساتە، نەک بێڕێزی، بەڵکو سووکایەتییە بە میللەتێک کە سەدان قوربانیی وەک کیمیاییباران و ئەنفالی لە پێناو ئازادی و ژیانێکی شەرەفمەندانەدا بەخشیوە.

محەمەد حەکیم
14ی نیسانی 2015

[1]

بەبۆنەی هاتنی ساڵی 1439 ی کۆچیەوە، ئەنجومەنی سیاسی کۆمەڵی ئیسلامی کوردستان پیرۆزبایی ئاراستەی موسوڵمانانی جیهان بە گشتیی و موسوڵمانان و گەلی کوردستان بە تایبەتی دەکات
بسم الله الرحمن الرحیم
إِلَّا تَنْصُرُوهُ فَقَدْ نَصَرَهُ اللَّهُ إِذْ أَخْرَجَهُ الَّذِينَ کَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا ۖ فَأَنْزَلَ اللَّهُ سَکِينَتَهُ عَلَيْهِ ۆأَيَّدَهُ بِجُنُودٍ لَمْ تَرَوْهَا ۆجَعَلَ کَلِمَةَ الَّذِينَ کَفَرُوا السُّفْلَیٰ ۗ ۆکَلِمَةُ اللَّهِ هِيَ الْعُلْيَا ۗ ۆاللَّهُ عَزِيزٌ حَکِيمٌ
بەبۆنەی هاتنی ساڵی 1439 ی کۆچیەوە، پیرۆزبایی گەرم پێشکەشی موسوڵمانانی جیهان بە گشتیی و موسوڵمانان و گەلی کوردستان بە تایبەتی دەکەین، لەخوای باڵادەست دەخوازین بیکاتە ساڵی بەدەستهێنانی هێواو ئاواتە گەوره و لە مێژینەکانی گەلەکەمان، بە تایبەتی گەڕانەوەی سەقامگیریی سیاسیی و کۆمەڵایەتیی و یەکڕیزیی نیشتمانیی.
کۆچی پێغەمبەری سەروەرمان (صلی الله علیه وسلم) لە مەککەوە بۆ مەدینە، هەڵاتنی ڕۆژێکی نوێ بوو، بۆ ئەوەی مرۆڤایەتیی لە تاریکیی گومڕایی ببات بەره و ڕووناکیی و ئازادیی و ڕزگاربوون لە کۆت و زنجیرەکان، هەروەکو خوای گەورەش ئه و پێناسەیەی بۆ ئه و نازدارە کردووە (الَّذِينَ يَتَّبِعُونَ الرَّسُولَ النَّبِيَّ الْأُمِّيَّ الَّذِي يَجِدُونَهُ مَکْتُوبًا عِنْدَهُمْ فِي التَّوْرَاةِ ۆالْإِنْجِيلِ يَأْمُرُهُمْ بِالْمَعْرُوفِ ۆيَنْهَاهُمْ عَنِ الْمُنْکَرِ ۆيُحِلُّ لَهُمُ الطَّيِّبَاتِ ۆيُحَرِّمُ عَلَيْهِمُ الْخَبَائِثَ ۆيَضَعُ عَنْهُمْ إِصْرَهُمْ ۆالْأَغْلَالَ الَّتِي کَانَتْ عَلَيْهِمْ ۚ فَالَّذِينَ آمَنُوا بِهِ ۆعَزَّرُوهُ ۆنَصَرُوهُ ۆاتَّبَعُوا النُّورَ الَّذِي أُنْزِلَ مَعَهُ ۙ أُولَٰئِکَ هُمُ الْمُفْلِحُونَ).
ئه و پێغەمبەرە نازدارە ڕەحمەت بوو بۆ هەموو جیهانیان و لەسەر بنەمای مرۆڤایەتیی دادگەریی چەسپاند هەروەکو خودا دەفەرموێت (و لقد کرمنا بنی آدم)، نەک لەسەر بنەمای ئایدیۆلۆژیی و جیاکاریی، هەروەکو دەفەرموێت (لا إکراه فی الدین) یا دەفەرموێت (فمن شاء فالیؤمن و من شاء فالیکفر)، ڕێبازی تێکۆشانەکەشی بۆ چەسپاندنی دادگەریی بەرفراوانی کۆمەڵایەتی بوو (إِنَّ اللَّهَ يَأْمُرُ بِالْعَدْلِ ۆالْإِحْسَانِ ۆإِيتَاءِ ذِي الْقُرْبَیٰ ۆيَنْهَیٰ عَنِ الْفَحْشَاءِ ۆالْمُنْکَرِ ۆالْبَغْيِ ۚ يَعِظُکُمْ لَعَلَّکُمْ تَذَکَّرُونَ) هەربۆیە چەوساوەکان لە ڕیزی پێشەوەی خەباتەکەیدا بوون، بوونە گەوره و سەرداری مرۆڤایەتیی، کە بە خەونیش لە مێژووی مرۆڤایەتیدا ڕووداوی له و شێوەیە ڕووی نەدابوو.
کۆچی پێغەمبەری نازدار لە مەککەوە بۆ مەدینە، گۆڕانکارییەکی گەورەی سیاسیی بوو کە تا ئه و کاتە جیهان دیاردەی له و شێوەیەی نەدیبوو، ئەوە بوو بۆ یەکەمین جار لە مێژووی مرۆڤایەتیدا یەکەمین دەستووری مەدەنیی و شارستانیی نوسراو لە نێوان موسوڵمانان و جولەکه و بێباوەڕانی هاوپەیمانیاندا ئەرک و مافی هەموانی بەرانبەر نیشتمان و قەوارەی نوێ دیاریی کردبوو، هەموانیش بە سەرکردایەتیی ئه و سەردارەی مرۆڤایەتیی ڕازیی بوون و ئامادەی قوربانیدان بوون.
لە ئەمڕۆدا کە جیهانی ئیسلامیی بە گشتیی و هەرێمی کوردستان بە تایبەتیی تووشی قەیرانی پێشێلکاریی دەستووریی بوونەتەوە و نەهامەتی یەخەی گرتوون و لە بەرانبەر گەلان و وڵاتانی تردا بێهێزو ناکارامەن و قورسایی خۆیان لەنێو کۆمەڵگەی نێودەوڵەتیدا لەدەستداوە، ئەم بۆنە پیرۆزە باشترین بیرخەرەوەیە بۆ ئەوەی هەموان بگەڕێنەوە بۆ یاسا سەروەریی و بەوە هەموان وەکو یەک لەبەردەمی یاسادا مافیان هەبێت و ئەرکەکانیان جێبەجێ بکەن، هەر ئەوەشە زامنی پێشکەوتن و بەدەستهێنانی دەسکەوتی گەورە.
جارێکی تر پیرۆز بێت ئەم بۆنە شیرینە و خوای گەورە بیکاتە مایەی خێر و سەرکەوتنمان...
ئەنجومەنی سیاسیی
#کۆمەڵی ئیسلامیی کوردستان#
20-09-2017

بەناوی خوای بەخشندەی میهرەبان
راگەیەنراوێک لە #کۆمەڵی ئیسلامی کوردستان#ەوە
جەماوەری بەشەرەفی کوردستان
دانیشتوانی #کەرکووک# و #خورماتوو#...
بەداخەوە ئەوەی ئەمڕۆ لە خورماتوو و شاری کەرکووک و دەوروبەری ڕوویدا کارەساتێکی گەورە و هەنگاوێکی مەترسیدار و پاشەکشەیە لە ناوچە کوردستانیەکان و نەخوێندنەوەی واقیعیانەی پاش شەڕی داعش و بڕیاری هەڵەی ڕیفراندۆم و گوێنەگرتنە لە ناڕەزایەتیەکانی ناوخۆ و داوای وڵاتانی هەرێمی و نێودەوڵەتی، چەند حزبێک بەناوی سەرکردایەتی کوردەوە کارێکیان کرد پشتیوانی دۆستانمان لەدەست داو حسابیان بۆ هیچ کەس و لایەن و وڵاتێک نەکرد و کێشەکانی ناوخۆیان نادیدەگرت و وە تەبایی شێواند و یەکڕیزی نێوخۆی زیاتر تێکدا، مەخابن دەرەنجامی ئه و سیاسەتە هەڵەیان ئەمەی لێ کەوتەوە کە دۆخی ناوچە ناکۆکی لەسەرەکان بگەڕێننەوە بۆ پێش قوربانی دانی پێشمەرگە بۆ ڕزگارکردنی ئه و ناوچانە لە داعش، باجی ئەم عینادی و گوێ‌ نەگرتنەش بەشی زۆری کەوتۆتە سەر خەڵکی هەژار و بەشمەینەتی کوردستان بەتایبەت ناوچە ناکۆکی لەسەرەکان کە دەیان ساڵە دەست بەسەر داهاتی نەوتەکەیدا گیراوە و بەنادیاری بۆ سودی کەسی و حزبی براوە بەبێ‌ ئەوەی خەڵکی کەرکووک و ئه و ناوچانە لێی سودمەند بن، بۆ هەموو لایەک دەرکەوت بەم جۆرە عەقڵیەتە و سیاسەتە ناتوانرێ‌ حکومڕانی هەرێم چیتربەڕێوە ببرێ‌.
ئێمە لە کۆمەڵی ئیسلامی کوردستان، داوا دەکەین هەمووان بگەڕێنەوە بۆ گفتوگۆ و بەر بەتوند و تیژی و شەڕ و ماڵوێرانی بگیرێت و پێویستە حکومەتی ناوەندی بەرپرسیارانەتر لەگەڵ هەل و مەرجەکان مامەڵە بکات وە ڕێ‌ لە توند و تیژی و تێکدان و خوێنڕشتن و تاڵانی بگرێت چونکە زوڵم و ستەم دەرهاویشتەکانی بۆ هەموو لایەک خراپە لە دونیا و دواڕۆژدا.
لەسەر دام و دەزگا بەرپرسەکان پێویستە بەدەم ئاوارە و دەربەدەرەکانەوە بچن و هاوکاریان بن وە بەپەلە هەوڵی گێڕانەوەیان بدەن بۆ سەر چێگاو ڕێگای خۆیان، کە مەخابن جارێکی تر تراژیدیای کۆڕەوو ئاوارەبوونی میللەتەکەمان هاتەوە پێش چاو ئەمجارەیان لە دەرەنجامی هەڵەی سیاسیە بەرژەوەندی خوازەکان.
کۆمەڵی ئیسلامی کوردستان
16-10-2017