#24-01-2018#

نوێنەری سەرۆکی ئەمریکا لە هاوپەیمانی نێودەوڵەتی دژ بە #داعش# دەڵێت: ژمارەی چەکدارانی داعش بە چەکداری بیانیشەوە بۆ نزیکەی 12 هەزار چەکدار کەمبووەتەوە. دەشڵێت: دیارنییە بەغدادی زیندووە یاخود مردووە، بەڵام ئەوەی ڕوونە فەرماندەیی و کۆنترۆڵی بەغدادی بەسەر ڕێکخراوەکەی زۆر قورس و ئەستەمبووە.
برێت مەکگۆرک، نوێنەری، دۆناڵد ترەمپ، سەرۆکی ئەمریکا لە هاوپەیمانی نێودەوڵەتی دژ بە داعش لە هەڤپەیڤینێکی تایبەتیدا بۆ ڕۆژنامەی نیویۆرکەر ئاماژەی بە قۆناخەکانی شەڕی دژ بە داعش و هەروەها دۆخی ئێستای ئەو ڕێکخراوە داوە.
مەکگۆرک لەبارەی چەکدارە بیانییەکانی داعش ڕایگەیاندووە لە سەرەتای دروستبوونی ڕێکخراوەکە نزیکەی 40 هەزار چەکداری بیانی لە 100 وڵاتی جیاوازەوە چوونەتە نێو داعش.
مەکگۆرک هۆکاری سستی شەڕی #موسڵ# لە سێ هەفتەی کۆتایی ئۆپەراسیۆنەکە دەگەڕێنێتەوە بۆ بوونی ژمارەیەکی زۆر چەکداری بیانی کە لە موسڵی کۆن ماونەتەوە و بەرگریانکردووە، نوێنەری سەرۆکی ئەمریکا ئاماژە بەوەدەدات کە لە نێو موسڵی کۆن چەکدارە بیانییەکانی داعش بەدەر لە زمانی لۆکاڵی، هاوکات بە زمانی چینی، ڕووسی، ئەڵمانی و هەروەها فەڕەنسیش قسەیانکردووە.
مەکگۆرک لەبارەی ژمارەی چەکدارانی ئەو ڕێکخراوە لە دوای شەڕی موسڵ ئاماژەی بەوەدەکات کە ئیستا بە چەکداری لۆکاڵی هەروەها بیناییەکانیش داعش نزیکەی 12 هەزار چەکداری ماوە، دەشڵێت: هەموو چەکدارە بیانییەکانی داعش دواجار دەکوژرێن.
لەبارەی چارەنووسی ئەبوبەکر بەغدادی، خەلیفەی داعشیش دەڵێت، دیارنییە بەغدادی کوژراوبێت یاخود تاوەکو ئێستا زیندووبێت، بەڵام ئەوەی ڕوون و دیارە فەرماندەیی و کۆنترۆڵی بەغدادی بەسەر ڕێکخراوەکەی زۆر قورس و ئەستەمبووە.
نوێنەری سەرۆکی ئەمریکا لە هاوپەیمانی نێودەوڵەتی دژی داعش، لەبارەی ڕۆڵی هاوپەیمانان لە دوای ڕووخانی خەلافەتەکەی بەغدادی لە سووریا و عێراق دەڵێت: ئێستا لەگەڵ حکومەتی عێراق لە گفتوگۆداین بۆ ئەوەی بزانین ڕۆڵی هاوپەیمانان لە دوای داعش چی دەبێت. جەختیش لەوە دەکاتەوە هاوپەیمانان دەیانەوێت لەدوای داعشیش ڕۆڵیان لەناوچەکە هەبێت، بۆئەوەی ڕێگری لە دووبارە دەرکەوتنەوەی داعش بگرن.
28-07-2017

$#مەسعود بارزانی# بۆ برێت مەکگۆرک:$
پێویستە ئەمساڵ هەڵبژاردنێکی پاک و بێگەرد لە هەرێمی کوردستان ئەنجام بدرێت، هیچ بیانوویەک بۆ دواخستنی هەڵبژاردن قبووڵ ناکرێت.
بارەگای بارزانی، لە ڕاگەیاندراوێکیدا، ناوەرۆکی کۆبوونەوەی نێوان برێت مەکگۆرک، ڕێکخەری کۆشکی سپی بۆ کاروباری ئاساییشی ڕۆژهەڵاتی ناوەڕاست و باکووری ئەفریقا و مەسعود بارزانی سەرۆکی #پارتی دیموکراتی کوردستان#ی ئاشکرا کرد.
$بەپێی ڕاگەیاندراوەکەی بارەگای بارزانی پوختەی کۆبوونەوەکەی بارزانی و مەکگۆرک ئەو تەوەرانە بوون:$
- پەیوەندییەکانی نێوان هەرێم و #بەغدا#.
- ڕۆڵی ئێراق و هەرێمی کوردستان لە تێپەڕاندنی ئاستەنگەکانی بەردەم وزە لە ئاستی جیهاندا.
- بارودۆخی هەرێمی کوردستان تەوەرێکی دیکەی کۆبەنەکەی بارزانی و مەکگۆرک بووە و لە کۆبوونەوەکەدا بارزانی وتویەتی (پێویستە ئەمساڵ لە هەرێمی کوردستان هەڵبژاردنێکی پاک و بێگەرد بەڕێوە بچێت و هیچ بیانوویەکیش بۆ دواخستنی هەڵبژاردن قبووڵ ناکرێت). [1]

نێردەی تایبەتی سەرۆکی ئەمەریکا بۆ شەڕی دژی #داعش#، بەڕێز برێت #مەکگۆرک# جەختی لەسەر دۆستایەتی و پەیوەندییەکانی نێوان هەولێر و واشنتۆن کردەوە و هیوای پەرەپێدانی زیاتری پەیوەندییەکانی هەردوولای لە هەموو بوارەکاندا خواست.
لە دیدارێکی ئێوارەی ئەمڕۆ پێنجشەممە 16-11-2017ی بەڕێز #نێچیرڤان بارزانی#، سەرۆک وەزیرانی هەرێمی کوردستان و بەڕێز مەکگۆرکدا، کە بەڕێز #قوباد تاڵەبانی# جێگری سەرۆک وەزیران ئامادەی بوو، هەردوولا خۆشحاڵیی خۆیان بە ڕاگرتنی گرژییەکانی نێوان هێزەکانی عیراق و پێشمەرگە دەربڕی و بە پێویستیان زانی دیالۆگێکی جددیی هەردوولا لەسەر بنەمای دەستوور بۆ چارەسەرکردنی کێشەکان دەست پێ بکرێت.
بەڕێز سەرۆک وەزیران ئاماژەی بە پەیوەندییەکانی هەولێر و واشنتۆن کرد و هیوای خواست زیاتر پەرەیان پێ بدرێت، هەروەها سوپاسی هاوکارییەکانی ئەمەریکای بۆ هەرێمی کوردستان کرد و دووپاتی کردەوە کە دەبێ کۆمەڵگەی نێودەوڵەتی هەوڵی زەمینەخۆشکردن بۆ دەستپێکردنی گفتوگۆیەکی جددیی نێوان هەولێر و بەغدادا بدات، کە تاکە ڕێگەی چارەسەری کێشەکانە و دووپاتی کردەوە هەرێمی کوردستان هیچ کاتێک لایەنگری بەریەککەوتن نەبووە و هەمیشە ئامادەی گفتوگۆیە.
تاوتوێکردنی بارودۆخی عیراق و هەرێم و ناوچەکە بەگشتی، لایەنێکی دیکەی دیدارەکە بوو.
16-11-2017