دوای دەنگدان بۆ هەڵبژاردنی ڕێکخەری گشتی و خانەی ڕاپەڕاندنی بزووتنەوەی گۆڕان، #عومەر سەید عەلی# بە 38 دەنگ، بوو بە ڕێکخەری گشتیی بزووتنەوەی گۆڕان.
رۆژی سێشەممە، 25-07-2017، لە ساڵیادی یەکەم بەشداریی گۆڕان لە پرۆسەی هەڵبژاردن، کە هەڵبژاردنی پەرلەمانی کوردستان بوو، جڤاتی نیشتمانیی بزووتنەوەی گۆڕان لە شاری سلێمانی کۆبووەوە و ڕێکخەری گشتی و خانەی ڕاپەڕاندن هەڵبژێردران.
بەپێی جیاکردنەوەی دەنگەکان، عومەر سەید عەلی بە 38 دەنگی ئەندامانی بزووتنەوەی گۆڕان بە ڕێکخەری نوێی بزووتەنەوەی گۆڕان هەڵبژێردرا.
ئەنجامی دەنگەکانی خانەی ڕاپەڕاندنی بزووتنەوەی گۆڕان بەمشێوەیەیە:
#محەمەد تۆفیق ڕەحیم#، بە 34 دەنگ بۆ کاروباری ژوورەکان هەڵبژێردرا
#جەمال حاجی محەمەد#، بە 39 دەنگ بە جڤاتی نیشتمانی، هەڵبژێردرا
رەئووف عوسمان، بە جڤاتی گشتی هەڵبژێردرا
#جەلال جەوهەر#، بە 37 دەنگ بوو بە سکرتێری فراکسیۆنەکانی گۆڕان
#عوسمان حاجی مەحمود#، بە 45 دەنگ بوو بە سکرتێری کاروباری باژێڕوانەکان
#شۆڕش حاجی#، بە 34 دەنگ بۆ پۆستی کاروباری خەڵک هەڵبژێردرا.
دەنگی سپی، 6 دەنگ
25-07-2017

لیستێکی نوێ و قەوارەیەکی سیاسییە کە بە سەرۆکایەتی #نەوشیروان مستەفا# لە هەڵبژاردنەکانی 25ی تەمموزی 2009ی پەڕڵەمانی کوردستان.
نەوشیروان مستەفا لەنێو #یەکێتیی نیشتمانیی کوردستان# لە باڵی ڕیفۆرم بوو، دوای ئەوەی نەیتوانی ڕیفۆرم لەنێو یەکێتیدا بکات لە ساڵی 2006 وازی لە کاری حیزبی هێنا و دەستی کرد بە کاری ڕاگەیاندن وەک دەرکردنی ڕۆژنامەی ڕۆژنامە، ماڵپەڕی سبەی، کەناڵی #KNN#، ڕادیۆی دەنگی #گۆڕان# و سەنتەرێکی ڕاپرسی. لەم دواییەشدا بۆ هەڵبژاردنی پەڕڵەمانی کوردستان نەوشیروان مستەفا لەگەڵ هاوەڵەکانی بە لیستێکی نوێ و بەناوی گۆڕانەوە دەستیان کردەوە بە کاری سیاسی لەپێناو گۆڕینی سیستەمی حوکمڕانی و ڕۆشنکردنی بودجەی هەرێم و جیاکردنەوەی حیزب لە دەسەڵات.
لیستی گۆڕان ڕکابەرێکی سەرەکی لیستی کوردستانییە کە ژمارەیەکی زۆری جەماوەری شاری سلێمانی لەگەڵدایە ئەویش لە ئەنجامی ناڕەزایی هاوڵاتییانەوە دێت لە دەسەڵاتی کوردی لە ماوەی 18 ساڵی حوکمیدا بەتایبەتی شاری سلێمانی کە لە چوار ساڵی ڕابردوودا و پاش دەسەڵاتگرتنەدەستی پارتی دیموکراتی کوردستان پەراوێزخراوییەکی پێوە دیارە بە بەراورد لەگەڵ شارەکانی تری هەرێمی کوردستان.
ئەمانەی خوارەوە هەندێک لەو کەسایەتییە دیارانەی نێو یەکێتی نیشتیمانی کوردستانن کە وازیان لەو حیزبە هێناوە و کار بۆ لیستی گۆڕان دەکەن:
نەوشیروان مستەفا (سەرۆکی لیستی گۆڕان)
#مام ڕۆستەم#
#فەرهاد سەنگاوی#
#عوسمان بانیمارانی# (ئەندام پەڕڵەمان)
#کوێستان محەمەد# (ئەندام پەڕڵەمان)
#عوسمانی حاجی مەحمود# (وەزیری ناوخۆی ئیدارەی سلێمانی پێشوو)
#جەلال جەوهەر#
#مستەفا سەید قادر#
#عومەر سەید عەلی#
#عادل عەزیز# (راگەیاندکار)
#ئازادە ڕەش# (هونەرمەند)

هەرچەندە بڕیاربوو بەمزوانە #بزووتنەوەی گۆڕان# کۆنفرانسی خۆی ئەنجامبدات، بەڵام کۆنفرانسەکە دوادەخرێت.
هەرچەندە پێشتر هەردوو جڤاتەکەی بزووتنەوەی گۆڕان بڕیاریدا لەمساڵدا و لەماوەیەکی نزیکدا کۆنفرانسی خۆی ببەستێت، بڕیاردراوە کۆنفرانسەکە دوابخرێت.
هەرچەندە (شارپرێس) پەیوەندیی بەچەند بەرپرسێکی بزووتنەوەکە کرد، بەڵام ئامادەنەبوون لەبارەی هۆکاری دواخستنی کۆنفرانسەکە قسەبکەن.
پێشتر بزووتنەوەی گۆڕان دەیویست لە ڕێگەی بەستنی کۆنفرانسەوە، هەوڵ بۆ گێڕانەوەی سەرکردە و هەڵسوڕاوە زوویربووەکانی گۆڕان بدات، لەو چوارچێوەیەشدا چەند دەستپێشخەرییەک ئەنجامدرا، بەڵام بێئاکام مایەوە. [1]

بزووتنەوەی گۆڕان بەرنامەی دوای نەوشیروان مستەفا دادەڕێژێت
ساڵح ژاژڵەیی: ئەوەی گرنگە خانەی ڕاپەڕاندنە
رووداو - سلێمانی
بزووتنەوەی گۆڕان بەرنامەی دوای نەوشیروان مستەفا دادەڕێژێت و کاتێکی زۆری لەکۆبوونەوەیەکدا تەرخانکرد بۆ گەیاندنی سەرنج و تێڕوانییەکانی خۆی بۆ جڤاتی نیشتمانییەکەی.
دۆزینەوەی ڕێگایەک بۆ بەڕێوەبردنی بزووتنەوەی گۆڕان لەقۆناخی دوای نەوشیروان مستەفا، بزووتنەوەکەی خستووەتە قۆناخی کۆبوونەوە و ڕاوێژەوە.
ساڵح ژاژڵەیی، جێگری ڕێکخەری جڤاتی گشتیی بزووتنەوەی گۆڕان بە تۆڕی میدیایی ڕووداوی ڕاگەیاند لەم قۆناخەدا ئەوەی گرنگە خانەی ڕاپەڕاندنە، بەڵام ئێمە پەلە لەمە ناکەین و جارێ گرووپی ڕاوێژکارەکانی خانەی ڕاپەڕاندن دەکات و کە بەس ناوەکەیان جیاوازە، هەمووشمان پێکەوە بەرپرسیارین بەرامبەر بەم قۆناخەی بزووتنەوەکەمان.
هەڵسوڕاوانی گۆڕان دەیانەوێت وەک تەحەدایەک بەسەر نەیارەکانیاندا وەها خۆیان نیشان بدەن کە بێ ڕێکخەری گشتییان پێوەدیار نییە، بەو پێیەی ڕووداو زانیویەتی جڤاتی گشتی پێیانوابووە لەم قۆناخەدا بزووتنەوەکە پێویسی بە ڕێکخەرێکی نوێ نییە و کەوتووەتە سەرپێی خۆی، بەڵام کەسانێکیش هەن بیر دەکەنەوە کە بزووتنەوەکە کاریزماکەی لەدەستداوە.
کاوە عەبدوڵڵا، بەرپرسی مەلەفی ئەنجوومەنەکان لە ژووری حکومەت و پەرلەمانی گۆڕان
دەڵێت بە دڵنیاییەوە بێ کاک نەوشیروانییمان پێوە دیارە و کاریگەریش دەبێت، بەڵام ئێمە هەموومان بەڵێنی ئەوەمانداوە کە لەدوای کاک نەوشیروان پێکەوە بزووتنەوەکە ببەین بەڕێوە و درێژەی پێبدەین.
رۆژانی داهاتوو پلانەکانی گۆڕان بۆ خۆبەڕێوەبردن ڕەنگ دەدەنەوە، کە ئاخۆ چاوبڕینە سەر شوێنگرەوەی ڕێکخەر دەبێتە مایەی ململانێێ‌ هەڵسوڕاوەکانی گۆڕان یاخود بۆ دۆست و نەیاری درووشمەکەیان دەسەلمێنن کەپۆست و پلە لای ئەوان بەهایەکی نییە.

- ڕۆژی #16-10-2017# بەهیچ شێوەیەک نەدەبوو فەرمان بکرێت بە هێزی پێشمەرگە و ئاسایش، بە تەواوەتی #کەرکووک# بەجێبهێڵن و کەرکووک و ناوچە کوردستانییەکان تەسلیمی هێزەکانی عێراق و حەشدی شەعبی بکەن و بە تەنیا لە ژێر ڕکێف و ڕەحمەتی ئەواندا بێت، چونکە ئەو ناوچانە کێشەلەسەرن و دەبێت بە هاوبەشی بەڕێوەببرێن لەنێوان لایەنی کورد و دەوڵەتی عێراقدا، هێزەکانی عێراق و حەشدی شەعبی چەند مافی بوونیان لەو ناوچانە هەیە، لایەنی کوردیش هەمان ئەو مافانەی هەیە.
- پێویستە هەرچی زووە لایەنی کورد داوای چەسپاندنی پرەنسیپی هاوبەش لە کەرکووک و ناوچەکوردستانییە دابڕێندراوەکان لەڕووی ئیداری و ئەمنییەوە لە عێراق و ئەمریکا و هاوپەیمانان بکات، وەک لە دەستووری عێراق و مادەی 140 دا هاتووە و وەزارەتی دەرەوەی ئەمریکاش لە ڕۆژی 21-10-2017 دووپات و جەختی لەسەر ئەو پرەنسیپە کردووەتەوە، کە ئەو ناوچانە هیچ گۆڕانکارییەک بەسەر ناسنامەکەیاندا نەهاتووە و وەک ناوچەی کێشەلەسەر دەمێننەوە، واتا لە ماوەکانی نێوان 2003-2014 چۆن بووە هەر وا دەمێنێتەوە.
- داوا لە خەڵکی ناوچە کوردستانییە دابڕێندراوەکان دەکەین ئەوەندەی بۆیان دەکرێت شار و شاروچکە و گوندەکانی خۆیان بە جێنەهێڵن، چونکە چۆڵکردن و بەجێهێشتنی ئەو ناوچانە ئاسایشی نەتەوەیی کورد دەخاتە مەترسییەوە و باری دیمۆگرافی دەگۆڕدرێت بە قازانجی نەیارانی کورد.
#بزووتنەوەی گۆڕان# داوادەکات هەرچی زووە نوێنەرانی خەڵکی کوردستان لەبەغدا سەردانی ناوچە کوردستانییەکانی دەرەوەی هەرێمی کوردستان بکەن، بۆ ئەوەی لەنزیکەوە ئەو واقیعە ببینن کە بەسەر ناوچەکە و دانیشتووانەکەیدا هاتوون و لەرێگای ئەنجومەنی نوێنەران و حکومەتی عێراقەوە لیژنەیەکی لێکۆڵینەوە دابمەزرێنن و کار بۆ قەرەبووکردنەوەی زیانلێکەوتووان و بەسزاگەیاندنی تاوانباران بکات، ئه و لیژنەیە کار بکات بۆ گێڕانەوەی خەڵکەکە بۆ سەر زێدی خۆیان و گرەنتیکردنی سەر و ماڵیان.
29-10-2017

بەڕێزان: سەرۆک و ئەندامانی سەرکردایەتی یەکێتیی نیشتیمانیی کوردستان
بەبۆنەی (48) ەمین ساڵیادی دامەزراندنی یەکێتی نیشتیمانی کوردستان، پیرۆزبایی لە ئێوەی بەڕێز و تەواوی ئەندام و لایەنگرانتان دەکەین.

‎لە کاتێکدا ئەم ساڵیادە دەکرێتەوە پێشهات و ئاڵنگاریی نوێی سیاسیی و ئابوریی و یاسایی چ لەسەر ئاستی ناوخۆ چ لەسەر ئاستی عیراق ڕووبەڕووی میللەتەکەمان و هەرێمی کوردستان بوەتەوە، ئەم ئاڵنگارییانە هۆکارێکی مەترسیدارن لەسەر ژیان و گوزەرانی هاونیشتمانیان و قەوارەی هەرێمی کوردستان، هیواخوازین هەموو هێزە سیاسییەکان بە بەرپرسیارێتیی نیشتیمانیی لە پێناو بەرژەوەندییەکانی هاونیشتمانیان به ‌دیالۆگ و تێگەیشتنی سیاسی کار بۆ چارەسەرکردنی گرفتەکان بکەن و بەرژەوەندیە باڵاکانی میللەتەکەمان کاری لە پێشینەبێت.

لەم بۆنەیەدا؛ هەڵوێستی #بزووتنەوەی گۆڕان# دوپات دەکەینەوە لە یەکڕیزی و پێکەوە کارکردن لەسەر بنەمای وەڵامدانەوەی پێداویستی خەڵک و دۆزینەوەی دەرچەیەک بۆ چارەسەری ناکۆکیەکان و دورخستنەوەی مەترسییەکان. [1]
هەر شاد و سەرکەوتووبن
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#بزووتنەوەی گۆڕان# ڕایدەگەیەنێت کە کۆنگرەکەی کە لە کۆتایی مانگی ڕابردوو لە #هەولێر# بەڕێوەچوو و دوو ڕۆژی خایاند، نزیکەی نیو ملیار دیناری تێچووە.
ئەمڕۆ ژووری کارگێڕی و دارایی بزوتنەوەی گۆڕان لە ڕاپۆرتێکدا کە سایتی سبەی بڵاویکردووەتەوە، وردەکاری خەرجییەکانی یەکەم کۆنگرەی بزووتنەوەکەی ئاشکراکرد.
بەگوێرەی ئه و ڕاپۆرتەی بڵاوکراوەتەوە، خەرجی کۆنگرەکەی بزوتنەوەی گۆڕان (479،937،000) چوار سەد و حەفتا و نۆ ملیۆن و نۆسەد و سی و حەوت هەزار دینار بووە.
لە ڕاپۆرتەکەدا ئاماژە بەوەدراوە کە بزووتنەوەی گۆڕان هۆڵی سەعد عەبدوڵڵا، کە کۆنگرەکەیانی تێدا بەڕێوەچووە بۆ ماوەی دوو ڕۆژ بە 136ملیۆن و 274 هەزار دینار بەکرێ گرتووە.
ئەوەش خراوەتەڕوو کە 136 ملیۆن و 32 هەزار و 500 دینار دراوە بە کرێی هۆتێل بۆ ئه و ئەندامانەی کۆنگرەکە کە لە دەرەوەی شاری هەولێرەوە بەشداری کۆنگرەکەیان کردووە.
لە بەشێکی تری ڕاپۆرتەکەدا هاتووە کە لەماوەی ئه و دوو ڕۆژەدا 2 ملیۆن و 820 هەزار دینار دراوە بە کرێی پاس بۆ گواستنەوەی ئەندامانی کۆنگرە لە هۆتێلەوە بۆ هۆڵی کۆنگرە.
لە ڕاپۆرتەکەدا هێماش بەوەدراوە کە 73 ملیۆن و 400 هەزار دینار دراوە بە نانخواردنی سەرجەم ئەندامانی کۆنگرە لەماوەی ئه و دوو ڕۆژەدا.
رۆژانی 26و 27 مانگی ڕابردوو یەکەمین کۆنگرەی بزووتنەوەی گۆڕان لەژێر ناوی کۆنگرەی نیشتمانی بزووتنەوەی گۆڕان بە بەشداریی 1180 ئەندام لە شاری هەولێر بەڕێوەچوو.

ئەندامێکی ئەنجومەنی بەڕێوەبردنی #بزووتنەوەی گۆڕان# ئاماژە بەوە دەکات تا کۆتایی ئەم مانگە کۆنفرانسی نشتیمانی بزووتنەوەی گۆڕان ئەنجام دەدەین و ئەگەری زۆر هەیە کە خانەی ڕاپەڕاندن لە بزووتنەوەکە نەمێنێت، ڕێکخەری گشتیش دوو جێگری بۆ دابندرێت، جەختیش دەکاتەوە کە لە ناو بزووتنەوەی گۆڕان ناکۆکی هەیە، بەڵام ناکۆکییەکان بۆ بەرژەوەندی تایبەتی نییە، بەڵکوو لە پێناو ڕێکخستنەوەی بزووتنەوەی گۆڕاندایە.
هەرچەندە وا بڕیاربوو کە لە مانگی ڕابردوودا کۆنفرانسی نشتیمانی ببەستین، بەڵام بەهۆی ئەوەی (د. #بورهان یاسین#) کە کەسایەتییەکی دیاری ناو بزووتنەوەی گۆڕانە. دەستپێشخەرییەکی ڕاگەیاندن بۆ ئاشتکردنەوەی ئەو سەرکردە و بەرپرسانەی گۆڕان کە لە بزووتنەوەکە نیگەران بوون، بۆ ئەوەی ئەوانیش بەشداری کۆنفرانسەکە بکەن. بۆ ئەوەی کەسێک نەبێت خۆی بە گۆڕان بزانێت و لەدەرەوەی کۆنفرانس بێت.
لە ئێستادا چاوەڕێی ئەنجامی ئەو دەستپیشخەرییە دەکەین بۆ ئەوەی هەموومان پێکەوە بچینە کۆنفرانس هاوکات ئەو سەرکردە نیگەرانانەی گۆڕان قسەی خۆیان هەبووە و داواکارییان هەبووە کە پێداچوونەوەی بە کۆی سیاسەتی بزووتنەوەی گۆڕان بکرێت، بۆیە ئەو دەستپێشخەرییە هێشتا بەکراوەیی ماوەتەوە و چاوەڕیی ئەنجامی باشی لێدەکەین، بەڵام لە هەموو ئەگەرەکاندا تا کۆتایی ئەم مانگە هەوڵدەدەین کۆنفرانسی نشتیمانی ببەستین.
ئەو ئەندامەی ئەنجومەنی بەڕێوەبەری بزووتنەوەی گۆڕان ئەوەشی خستەڕوو، ڕێکخەری ئێستا و ئەندامانی خانەی ڕاپەڕاندنیش، هەموومان ئەندامی کاربەڕێکەرین، چونکە دەستمان لە کار کێشاوەتەوە، بۆیە تا ئێستاش هەڵبژاردن نەکراوە چاوەڕیی بەستنی کۆنفرانس بووین، چونکە ئەگەری زۆر هەیە لە کۆنفرانس بڕیاری ئەوە بدرێت خانەی ڕاپەڕاندن نەمێنێت و ڕێکخرەی گشتیش دوو جێگری بۆ دابندرێت. [1]

ئێمە وەکو فراکسیۆنی گۆڕان لە پەرلەمانی کوردستان، بەتووندی ئیدانەی پەلاماری دەوڵەتی ئێران دەکەین بۆ سەر حزبی دیموکرات و، بە کۆمەڵکوژیی و پێشێلکارییەکی گەورەی سیاسی و یاسایی لەقەڵەمی دەدەین. بۆیە بەپێویستی دەزانین و داوادەکەین حکومەتی هەرێم هەڵوێستی هەبێت و بێدەنگی بەرانبەر ئەو کارەساتە بشکێنیت و، بەڕەسمی داوادەکەین کۆبوونەوەی نائاسایی پەرلەمان ئەنجامبدەین بۆ هەڵویستی جدی و یاسایی لەسەر ئەم پەلاماردانە.
وەکو فراکسیۆنی گۆڕان وێڕای هاوخەمی بۆ حیزبی دیموکرات و کەسوکاری شەهیدان و هیوای چاکبوونەوەی بریندارەکان، پاڵپشتی خۆمان بۆ خەباتی دیموکراتییانە و چارەسەر ئاشتیانەی پرسی کورد لە ئێران دەردەبرین.
فراکسیۆنی گۆڕان لە پەرلەمانی کوردستان
#08-09-2018#

هاونیشتمانیانی کوردستان
ئەمڕۆ ساڵێک بەسەر ڕووداوی 16ی ئۆکتۆبەری ساڵی 2017 تێدەپەرێت، کە هەردوو هێزە شکستخواردووەکەی هەرێم (یەکێتی و پارتی)، کارەساتێکی گەورەیان بەسەر خەڵکی کوردستاندا هێناو، شاری #کەرکووک# و تەواوی ناوچە کوردستانیەکانیە دابڕێنراوەکانیان تەسلیمی دەسەڵاتدارانی بەغدا کرد!
رووداوی 16ی ئۆکتۆبەر، لە حەقیقەتدا دوو ڕووداوی لەدوای یەکە؛ یەکەمیان سیاسییە بە سەرکردایەتی پارتی کە بریتییە لە ئەنجامدانی ڕیفراندۆم لەکاتیکی نەگونجاودا. دووەمیشیان هێرش و پەلاماری هێزەکانی عێراقە بۆ سەر هێزی #پێشمەرگە# و ڕێککەوتنی تاکلایەنەی نهێنی نێوان یەکێتی و حکومەتی بەغدایە. ئەم یادە زامی ڕادەستکردنی شەنگال و خوشک و برا یەزیدییەکانمان وەبیردێنێتەوە لە جەستەی شەکەتی گەلەکەمان لەسەر دەستی ئەو دوو حیزبە.
پێشتر کورد دەسەڵاتی ئەمنی و تاوەکو ئاستێکی زۆری ئیداری شاری کەرکووک و ناوچە دابڕاوەکانی تری بەدەستەوەبوو، کە بەخوێنی دەیان هەزار شەهیدی خەباتی شاخ و زەمانی ڕووخانی بەعس و شەڕی تیرۆریستانی #داعش# هاتبوونەدی، بەڵام دەسەڵاتدارانی هەرێم لە سەفقەیەکی حیزبی و سیاسیدا تەواوی ئەوناوچانەیان، کە نزیکەی 51%ی سنووری خاکی باشووری کوردستانە، بەهۆی ئەنجامدانی ئەو ڕیفراندۆمە بێ بەرنامەیەی پارتی و یەکێتییەوە ئەو دەسکەوتانەیان لەدەستدا. کە بەرپرسیارێتی ئەم کارەساتەش لە ئەستۆی ئەوانەدایە کە خوێن و فرمێسکی گەلەکەمانیان بۆ بەرژەوەندی کەسی و حیزبی خۆیان بەکارهێنا.
لەم ساڵڕۆژە خەمناکەدا ئێمە لە بزوتنەوەی گۆڕان ڕایدەگەیەنین کە:
یەک: حکومەتی ئیتیحادی عێراق کە بە هێزی سەربازی هەڵیکوتایە سەر کەرکووک و ناوچە دابڕێنراوەکان، پێشێلی گەورەی یاسای کردووە، کە بەدەقی دەستووری مەنعی کردووە هێزی سەربازی لە یەکلاکردنەوەی ململانێی نێوان پێکهاتەکان بکاربهێنرێ و ئەم سیاسەتەی دەسەڵاتدارانی بەغدا کەبەدیار چاوی هێزەکانی هاوپەیمانانەوە ئەنجامیدا و هاوپەیمانانیش ڕوڵی تەماشاکەریان بینی. دووبارە بەتووندی ئیدانەی دەکەین و پێیان ڕادەگەیەنین، ئەگەرکورد و هێزی پێشمەرگە ئەو ناوچانەیان ڕزگار و نەپاراستایە بێگومان بەدەست هێزی تیرۆریستی داعشەوە دەبوو و، چارەنوسی ڕزگارکردنیشی وەک و شاری #موسڵ# وێران و خراپتر دەبوو. ئایا پاداشتی کورد و پێشمەرگەتان لەرزگارکردن و پاراستنی کەرکووک و ناوچە دابڕێنراوەکان ئاوا دایەوە!
دوو: پێویستە حکومەتی بەغدا ڕێز لە بنەماکانی دەستوور بگرێ‌ و شاری کەرکووک و ناوچە کوردستانییە دابڕێنراوەکان، لەڕووی ئەمنی و کارگێڕییەوە بەهاوبەشی لەگەڵ هەرێم بەڕێوەببرێن و ئەو دۆخە ئەمنی و عەسکەرتارییەتەی کە هێشتا بەناو شارەکانەوە دیارە کۆتایی پێبێت و دۆخی ناوچە کێشەلەسەرەکان بەگشتی ئاسایی بکرێنەوە.
سێ: پێویستە #پارتی دیموکراتی کوردستان# دان بە هەڵەی ئەنجامدانی کاتی نەگونجاوی ڕیفراندۆمدا بنێت کە بووە هۆی لەدەستدانی نیوەی خاکی کوردستان و، یەکێتی نیشتمانی کوردستانیش دان بە هەڵەی سەفقەی ژێر بەژێری حیزبیی تەسلیمکردنەوەی کەرکووکدا بنێت. کە ئەو سیاسەتەیان تاوانێکە لە ئەنجامدا دەچێتە خانەی (ناپاکی نەتەوەیی)یەوە.
چوار: داوادەکەین بەزوویی و لەسەر بنەمای بەژەوەندییە نەتەوەیی و نیشتیمانییەکانی خەڵکی کەرکووک، یەکێتی و پارتی و کۆی پێکهاتە سیاسییەکان ڕێکبکەون لەسەر دانانی پارێزگارێک بۆ کەرکووک، کە لەم دۆخە خراپەدا هەموو ڕۆژێک دواخستنی ئەو بابەتە، بەزیانی دۆزی نەتەوەیی کورد و خەڵکی کەرکووک دەشکێتەوە. ئەمە سەرباری ئەوەی پێویستە ئەو دوو حیزبە جۆری مامەڵەکردنیان لە ئیدارەی کەرکووک لەبەرامبەر (تورکمان و عەرەب و کلدوئاشوری) بگۆڕن، بەئامانجی بەدەستهێنانی سۆزو پشتیوانی سیاسی ئەو پێکهاتانە، نەک وەک ئەوەی ئێستا کە بەهۆی سیاسەتە هەڵەکانی یەکێتی و پارتییەوە ئەو پێکهاتانە یان لەکورد بوغزاندووە.
#بزووتنەوەی گۆڕان#
#16-10-2018#