$ڕۆژهەڵاتی کوردستان$
- بنکە و بارەگا ئەمنییەکانی #سوپای پاسداران#ی داگیرکەری ئێران لە #مەریوان# لەلایەن ئیسرائیل و ئامریکا کرانەوە ئامانج.
$باشووری کوردستان$
- کۆچی دوایی سەرکردەی بەناوبانگی #ڕۆژاوای کوردستان# #ساڵح موسلیم# لە شاری #هەولێر#.
- داگیرکەری ئێران بە چەندین درۆنی بۆمبڕێژکراو هێرشی کردە سەر بنکەکانی کۆمەڵە لە #زڕگوێز# ی سنووری #سلێمانی#، بەهۆیەوە پێشمەرگەیەک شەهید بوو و دووانی دیکەش بریندارن. شەهیدەکە ناوی ئومێد وەیسییە و خەڵکی ڕوانسەری ڕۆژهەڵاتی کوردستانە. بە ئومێد ڕوانسەری بەنێوبانگە.
[1][2]

لە دڵەوە نیگەران بووم بە کۆچی دوایی بەڕێز #ساڵح موسلیم#، ئەندامی دەستەی سەرۆکایەتیی پارتی یەکێتیی دیموکراتی (پەیەدە).
بۆ ئەم خەمە پرسە و سەرەخۆشی لە خەڵکی رۆژئاوای کوردستان، هەڤاڵانی پەیەدە و کەسوکاری سەربەرزی کۆچکردوو دەکەم و هاوبەشی خەمیانم.
بەڕێز ساڵح موسلیم وەک یەکێک لە سەرکردە دیارەکانی رۆژئاوای کوردستان رۆڵی لە پرسە نەتەوەیی و نیشتمانییەکاندا بەرچاو بوو و پەیوەندی بەهێزی لەگەڵ #یەکێتیی نیشتمانیی کوردستان# فاکتەرێکی بەهێزی یەکدەنگیمان بوو بۆ داکۆکیکردن لە مافەکانی گەلەکەمان.
ڕۆحی هەڤاڵی کۆچکردوو بۆ هەمیشە شادبێت، خوای گەورە ئارامی و دڵنەوایی بە هەموو لایەک ببەخشێت. [1]

#بافڵ جەلال تاڵەبانی#
=KTML_Bold=⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#ساڵح موسلیم# شۆڕشگێڕێک لەپێناوی گەلەکەیدا
پرسە و سەرەخۆشی خۆم ئاراستەی گەلی کورد لە ڕۆژئاڤای کوردستان و سەرجەم کوردستانیان دەکەم بەبۆنەی کۆچی دوایی کەسایەتیەکی مەزنی وەک هەڤاڵ ساڵح موسلیم.
برای ئازیزم ساڵح موسلیم شۆڕشگێڕێک بوو کە هیچ کات ماندوو نەدەبوو لە پێناو دۆزی ڕەوای گەلەکەمان و هەموو کات دووبارەی دەکردەوە و دەیوت کورد پێویستە یەک دەنگ و یەکگرتووبن، ئەو هەمیشە جەختی لە ئازادیخوازی و خەباتی مەدەنی دەکردەوە، لەدەستدانی هەڤاڵ موسلیم کۆستێکی گەورەیە بۆ گەلەکەمان لە ڕۆژئاوا بە تایبەتی و هەموو گەلی کورد بەگشتی بەڵام دڵنیاین ڕێبازەکەی و بیروفکری شۆڕشگێرانەی بۆ هەمیشە دەمێنێتەوە داواکارم خوای گەورە ڕۆحی پاکی بە بەهەشتی بەرینی شاد بکات. [1]

#شاناز ئیبراهیم ئەحمەد#
=KTML_Bold=⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

پرسەنامە
بۆ کۆچی دوایی سیاسەتمەداری کوردی ڕۆژئاوا بەڕێز #ساڵح موسلیم#، پرسەو سەرخۆشی خۆمان ڕادەگەیەنین.
ساڵح موسلیم، لە پێناوی دۆزی ڕەوای گەلی کورد ڕاستگۆیانە تێکۆشانی کرد..
خودا لێیخۆش ببێت. [1]

#عەلی حەمە ساڵح#
بڕیاردەری ڕەوتی هەڵوێست
=KTML_Bold=⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بۆ کۆچی دواییی تێکۆشەر و سیاسەتمەداری دیاری کورد، خوالێخۆشبوو #ساڵح موسلیم# کە لە هەولێر کۆچی دوایی کرد، پرسە و سەرەخۆشیی قووڵم ئاراستەی بنەماڵە و کەسوکاری بەڕێزیان و هاوڕێیانی دەکەم و هاوبەشی خەمیانم.
خوالێخۆشبوو ساڵح موسلم، تەمەنێکی درێژی لەپێناو خەباتی سیاسی و ناساندنی مافە ڕەواکانی گەلی کورددا بەسەر برد و وەک یەکێک لە سەرکردە دیارەکانی کورد لە سووریا، ڕۆڵێکی بەرچاوی لە وێستگەکانی خەباتدا هەبوو.
لە خوای مەزن داواکارم گیانی خوالێخۆشبوو بە بەزەیی و میهرەبانیی خۆی شاد بکات و ئارامی و دڵنەوایی بە هەمووان ببەخشێت. [1]

#نێچیرڤان بارزانی#
سەرۆکی هەرێمی کوردستان
11/3/2026
=KTML_Bold=⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەرێزان خانەوادەو کەسوکاری #ساڵح موسلیم#
بەداخێکی زۆرەوە هەواڵی کۆچی دوایی تێکۆشەرو سیاسەتمەداری ناسراوی کورد (ساڵح موسلیم)م بیست، دڵگران و خەمباری کردم، هاوبەشی خەمتانم.
هەڤاڵ ساڵح موسلیم تێکۆشەرێکی دیاری رۆژئاڤای کوردستان بوو، خزمەتێکی یەکجار زۆری دۆزی میللەتەکەمانی کرد لە رۆژئاڤا، باوکە شەهید بوو و رۆڵەی خۆی بەو خاکە بەخشی و بەردەوام بوو لەخزمەتکردنی دۆزی رەوای میللەتەکەمان.
بەداخەوە بۆ ئەم کۆستەو لەدەستدانی ئەم تێکۆشەرە گەورەیەی گەلەکەمان، پرسەو سەرەخۆشی و هاوخەمی خۆم ئاراستەی خانەوادەو کەسوکاری هەڤاڵ ساڵح موسلیم و گەلی رۆژئاڤا دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت. [1]

براتان
#کۆسرەت ڕەسوڵ عەلی#
=KTML_Bold=⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بە داخ و پەژارەیەکی زۆرەوە هەواڵی کۆچی دوایی هاوسەرۆکی پێشووی پەیەدە و سیاسەتمەداری دیاری ڕۆژئاوای کوردستان بەڕێز (#ساڵح موسلیم#)م پێگەیشت، لە ناخەوە نیگەران و خەفەتبار بووم.
بەڕێز ساڵح موسلیم لە کاروباری سیاسی و بەرەوپێشچوونەکانی ئاشتیی و سەقامگیری لە ناوچەکەدا، بە تایبەت بارودۆخی ڕۆژئاوای کوردستان ڕۆڵێکی کاریگەر و بەرچاوی هەبوو، هەروەها مێژوویەکی پرشنگداری لە خەباتی گیانفیدایی بۆ گەلەکەی تۆمار کرد و لەپێناو گەیشتن بە دۆزی ڕەوای گەلەی گیانی ڕۆڵەیەکی بەخشی بە نیشتیمانەکەی.
بەم بۆنە خەمناکەوە پرسە و سەرەخۆشی خۆم ئاراستەی خانەوادە و بنەماڵە تێکۆشەرەکەیان و سەرجەم #شەڕڤان#انی ڕۆژئاوای کوردستان دەکەم، داواکارم لە یەزدانی مەزن بە میهرەبانی و بەزەیی خۆی گیانی خوالێخۆشبوو بە بەهەشتی بەرین شاد بکات و ئارامی و دڵنەواییش بە خانەوادە و کەسوکار و هەڤاڵانی ببەخشێ. [1]

#شێخ جەعفەر شێخ مستەفا#
جێگری سەرۆکی هەرێمی کوردستان
2026/3/11
=KTML_Bold=⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=پەیامى پیرۆزبایی پارێزگارى #هەولێر#، بەبۆنەى یادی رێککەوتنامەى 11ى ئازار و راپەرین و ڕزگارکردنی شارى هەولێر:=KTML_End=

لەسایەی خەبات و بەرخودانی گەلەکەمان بە ڕێبەرایەتیی بارزانی نەمر، رێبەری شۆڕشی ئەیلوول و بزاڤی رزگاریخوازی گەلی کوردستان، رژێمی عێراق ناچاربوو دان بە بەشێک لە مافە رەواکانی گەلی کوردستاندا بنێت و رێککەوتنی 11ی ئاداری 1970 واژۆ کرا.
ڕێککەوتنی 11ی ئادار خاڵێکی وەرچەرخانی گرنگ بوو لە مێژووی گەلەکەمان و بۆ یەکەمجار دان بە مافە رەواکانی گەلی کوردستان نرا، پاشان ئه و رێککەوتننامەیە بوو بە بنەمای بەدستهێنانی مافەکان و راپەین و دامەزراندنی پەرلەمان و حکومەتی هەرێم و جاڕدانی فیدڕاڵی.
هەر لەو رۆژە مێژووییەدا، لە 11ی ئاداری 1991 خەڵکی هەولێر هاوشێوەی شارەکانی دیکەی کوردستان، لە دژی دامودەزگا داپڵۆسێنەرەکانی رژێمی بەعس راپەڕین و ئەو شارە لەماوەی چەند کاتژمێرێکدا، لە بەعس و دامودەزگا داپڵۆسێنەرەکان پاک کرایەوە.
ڕاپەرین و ئازادیی هەولێر وەک گەورەترین شاری کوردستان و پایتەختی هەرێمی کوردستان، بووە خاڵی یەکلاکەرەوە لە شکستی بەعس و مانەوە و بەردەوامیی دەستکەوتەکانی راپەرین.
لەورۆژەدا، ناکرێ رۆڵی شێرەژنی هەولێر و کوردستان، شەهید خەجەباوە لەیاد بکەین، کە رۆڵێکی گرنگی لە راپەڕینی هەولێر هەبوو و نموونەیەک بوو لەسەر خەباتی ئافرەتی کوردستان لە دژی داگیرکەران هاوشانی پیاوان.
وەک پارێزگای هەولێر، پیرۆزبایی لە سەرۆک بارزانی و پێشمەرگە قارەمانەکان و گەلەکەمان و کەسوکاری سەربەرزی شەهیدان دەکەین بەبۆنەی 11ی ئادار، هەردوو یادە مەزنەکە.
ڕۆڵی سەرۆک #مەسعود بارزانی#، کە ئەوکات سەرۆکی بەرەی کوردستانی بوو و رێبەرایەتیی گەلی کوردستانی کرد لە راپەڕین لە دژی رژێمی بەعس، بەرز دەنرخێنین و پەیمان دەدەین لەسەر رێ و رێبازە نەتەوەییەکەی بەردەوام بین و داکۆکی لە مافە رەواکانی گەلەکەمان بکەین.
ئەمساڵ لەو یادەدا، کوردستان بە کاتێکی هەستیاردا تێدەپەڕێت، کە شەڕێکی سەخت بەرۆکی ناوچەکەمانی گرتووە و هەوڵ دەدرێ هەرێمی کوردستانیش تێوەبگلێندرێ، بەڵام دڵنیاین لەم قۆناغەش بە پشتیوانیی خوای گەورە و سەرکردایەتیی حەکیمانەی سەرۆک بارزانی، سەرکەوتوو دەبین و گەلەکەمان رووبەڕووی هیچ کارەساتێک نابێتەوە.
نەیاران باش دەزانن ئەمڕۆ هەولێر یەکێکە لە پایتەختە گرنگەکانی بڕیاری سیاسیی ناوچەکە، بۆیە هەوڵ دەدەن بە هێرشی ترسنۆکانە پەلاماری بدەن، بەڵام حکومەتی هەرێمی کوردستان و شێرەکوڕانی هەولێر لە دەزگا ئەمنییەکان، بە وریاییەوە شکست بە پیلان و پەلامارەکانیان دەهێنن.
دروود بۆ گیانی شەهیدانی شۆڕشی ئەیلوول و راپەڕین و هەموو شەهیدانی رێگای ئازادی کوردستان و سەروەریان بارزانی نەمر و کاکە ئیدریسی هەمیشە زیندوو.
#ئومێد خۆشناو#
پارێزگاری هەولێر
#11-03-2026# [1]

تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

ئەمڕۆ بە شکۆدارییەوە یادی پەنجا و شەش ساڵەی ڕێککەوتننامەی مێژووییی 11ی ئازاری 1970 دەکەینەوە. ئەم ڕێککەوتننامەیە کە بە ڕابەرایەتیی بارزانیی نەمر و شۆڕشی مەزنی ئەیلوول هاتە ئاراوە، گەورەترین دەستکەوتی سیاسی و یاسایی بوو. وەک یەکەم بەڵگەنامەی فەرمیی دانپێدانان بە مافەکانی گەلی کوردستان لە مێژووی هاوچەرخدا تۆمار کرا و بووە بنەمای هەموو دەستکەوتەکانی دواتری هەرێمی کوردستان. لەم یادەدا، سەری ڕێز و نەوازش بۆ گیانی پاکی شەهیدان دادەنەوێنین و سڵاو بۆ تێکۆشەران و پێشمەرگە قارەمانەکان دەنێرین.
ڕێککەوتننامەی 11ی ئازار تەنها دەستکەوتێکی نەتەوەیی نەبوو، بەڵکو نەخشەڕێگەیەکی دروست و نموونەیی بوو بۆ چەسپاندنی ئاشتی و پێکەوەژیان لە عێراقدا. مێژوو سەلماندی کە پاشگەزبوونەوەی دەسەڵاتدارانی ئەوسای عێراق لەو رێککەوتنە و پەنابردن بۆ لۆژیکی هێز لەجیاتی گفتوگۆ، عێراقى رووبەڕووی چەندین دەیە شەڕ، ماڵوێرانی، ناسەقامگیری و بەفیڕۆدانی سامانە مرۆیی و ماددییەکان کردەوە کە تا ئەمڕۆش باجی ئەو هەڵە مێژووییيانە دەدات.
لە کاتێکدا ئەم یادە دەکەینەوە، ناوچەکەمان لەناو ئاڵۆزی و مەترسییەکانی پەرەسەندنی شەڕدایە. ئەم دۆخە ئاڵۆزە پێمان دەڵێت کە پێویستە هەموو لایەک بە هەستیاری و بەرپرسیاریەتییەوە مامەڵە بکەن و کێشەکان بە شێوەیەکی ئاشتییانە چارەسەر بکرێن و ڕێگە لە تەشەنەسەندنی زیاتری شەڕ و ئاڵۆزییەکان بگیرێت. لە عێراقيش پێویستە هەموومان پەند لە مێژوو وەربگرین و بزانین کە سەقامگیری بە یەکترقبووڵکردن و چەسپاندنی سیستمی فیدراڵی و دادپەروەری بەدی دێت.
لەم یادەدا، جەخت لەسەر یەکڕیزی و تەباییی نێوان لایەنە کوردستانییەکان دەکەینەوە وەک تاکە گەرەنتی بۆ پاراستنی قەوارەی فیدراڵی و دەستکەوت و مافە دەستوورییەکانمان. با پێکەوە کار بکەین بۆ ئەوەی کوردستان و عێراق لە مەترسییەکانی شەڕ دوور بخەینەوە و داهاتوويەکى گەشتر، ئاوەدانتر و پڕ لە ئاشتی بۆ نەوەکانمان بنیات بنێین.
سڵاو لە یادی 11ی ئازار. دروود بۆ گیانی پاکی شەهیدان. [1]

#نێچیرڤان بارزانی#
سەرۆکی هەرێمی کوردستان
2026/3/11
=KTML_Bold=⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەناوی خودای بەخشندە و میهرەبان

ڕێککەوتننامەی یازدەی ئادار بەرهەمی شۆڕشی ئەیلول بە ڕابەرایەتیی بارزانیی نەمر و خەبات و قوربانیدانی پێشمەرگە و سەرجەم چینوتوێژەکانی کوردستان بوو. بەرهەمی ئەو خەباتە پتەو و سەرتاسەرییە بوو کە لەپێناو گەڕاندنەوەی مافەکانی گەلی کوردستان و بەدیهێنانی دیموکراسی لەعێراقدا دەستی پێکرد و دواجار حکوومەتی ئەوکاتی عێراقی ناچار کرد بە شێوەیەکی فەرمی دان بە بەشێک لە مافەکانی گەلەکەماندا بنێت.
لە پەنجا و شەشەمین ساڵیادی ڕێککەوتننامەی یازدەی ئاداردا پێزانینمان بۆ تێکۆشان و ماندووبوونی سەرجەم ئەو پێشمەرگە و شۆڕشگێڕ و نیشتیمانپەروەرانەی شۆڕشی ئەیلوول هەیە کە بە ماندووبوون و قوربانیدانی خۆیان دەستکەوتی مێژوویی ڕێککەوتننامەی یازدەی ئاداریان بۆ گەلەکەمان مسۆگەر کرد. لەو یادەدا جەخت لە پاراستنی دەستکەوتەکان و پەیامی ئاشتیخوازانە و پێکەوەژیانی گەلی کوردستان دەکەینەوە و سڵاو بۆ ڕۆحی شەهیدانی شۆڕشی ئەیلوول و سەرجەم شەهیدانی کوردستان دەنێرین. [1]

مسعود بارزانی
11ی ئاداری 2026
=KTML_Bold=⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=