#لاهور شێخ جەنگی# هاوسەرۆکی پێشووی #یەکێتی نیشتمانیی کوردستان# نوێنەری خۆی ناردووەتە لای ئێرانییەکان، ئەوەش بۆ گەیاندنی چەند پەیامێک.
ماوەی ڕابردوو، هەریەکە لە #ئاراس شێخ جەنگی# و #ئاڵا تاڵەبانی# بە نوێنەرایەتی لاهور شێخ جەنگی لەگەڵ لایەنی ئێرانی لە شاری #بەغدا# کۆبوونەوەیان کردووە.
کۆبوونەوەکە بۆ گەیاندنی پەیامی لاهور شێخ جەنگی بووە بە بەرپرسانی ئێرانی، کە پەیامەش تایبەت بووە بە دۆخی ناوخۆیی یەکێتی و خراپی دۆخی حیزبەکە بە تایبەتی لە سنووری #سلێمانی#.
دوای کۆبوونەوەکە، بەرپرسانی ئێرانی بە پەیامێک وەڵامی لاهور شێخ جەنگیان داوەتەوە و داوایان لێکردووە، هیچ دەستوەردانێک لە دۆخی ناوخۆیی یەکێتی نەکات، چونکە ئەوان لە ئێستادا بە تەواوی پشتگیری #بافڵ تاڵەبانی# دەکەن. [1]

ئێران هۆشداری داوەتە #لاهور شێخ جەنگی# هاوسەرۆکی پێشووی #یەکێتیی نیشتمانیی کوردستان#، کە هیچ جوڵەیەکی نوێی سیاسی نەکات، کە ببێتە هۆی زیان گەیاندن بە ناوچەکانی #سلێمانی#.
دوای ئەوەی لاهور شێخ جەنگی چەند جوڵەیەکی سیاسی لە #بەغدا# و چەند وڵاتێکی ئەوروپا کرد، ئێرانییەکان هۆشدارییان پێداوە، کە نابێت بەردەوام بێت.
لە ڕێگەی جێگری وەزیری دەرەوە و جێگری ئیسماعیل قائانی فەرماندەی سوپای قودسی ئێرانی بووە، بەوەی نابێت لاهور شێخ جەنگی جوڵەیەک بکات، ببێتە زیان بۆ سەر سلێمانی و لاوازکردنی یەکێتیی نیشتمانیی کوردستان.
#بافڵ تاڵەبانی# سەرۆکی یەکێتی، ئێستا بە تەواوی بە خواستی ئێرانییەکان کار دەکات، بۆیە دەیانەوێت بە تەواوی پشتگیری بکەن، تا ناوخۆی یەکێتی بەهێز بکاتەوە و لە بەرانبەر پارتی دیموکرات بوەستێتەوە.
کە ئەو هۆشدارییەی ئێران تەنیا بۆ لاهور شێخ جەنگی نەبووە و هاوکات هۆشدارییەکیان بۆ #شاسوار عەبدولواحید#، سەرۆکی جووڵانەوەی #نەوەی نوێ#ش ناردووە، بەوەی ئەویش نابێت هەنگاوێک بنێت ببێتە هۆی زیاتر بۆ یەکێتی و سنووری سلێمانی. [1]

ئێران لە بارەی کێشە ناوخۆییەکانی #یەکێتیی نیشتمانیی کوردستان# هۆشداری دەدات بە #پارتی دیموکراتی کوردستان#.
لە دوای ڕوونکردنەوەکەی دادگای ئاساییشی #هەولێر# لەسەر کەیسێکی لاهور شێخ جەنگی هاوسەرۆکی پێشووی یەکێتی، ئێران پەیامێکی هۆشداری گەیاندووە بە پارتی.
هۆشدارییەکەی ئێران بە شێوەیەک بووە، کە نابێت چیتر پارتی دیموکراتی کوردستان دەستوەردان لە کێشە ناوخۆییەکانی یەکێتی بکات، بۆ ئەوەی کێشەکان زیاتر تەشەنە نەکەن.
کە هۆشداری ئەمجارەی ئێران بۆ پارتی توند بووە و لە پەیامێکدا جەختیانکردووەتەوە، کە ئەو دەستوەردانانە بەردەوام بێت، ئەوە ئەنجامەکەی قورس دەبێت بۆ پارتی و خۆشیان بەرپرسیار دەبن لە هەر ئەنجامێکی ئەو دەستوەردانانە. [1]

لایەنی ئێرانی دەیەوێت #لاهور شێخ جەنگی# هاوسەرۆکی پێشووی #یەکێتیی نیشتمانیی کوردستان# وەک سەرکردەیەکی سەربازی بگەڕێننەوە ناو حیزبەکەی.
لە میانی گفتوگۆکانی ئێرانییەکان لەگەڵ بەرپرسانی یەکێتی بۆ چارەسەری کێشە ناوخۆییەکانی ئەو حیزبە، پێشنیازی گەڕانەوەی لاهور شێخ جەنگییان کردووە.
پێشنیازەکە بەشێوەیەک بووە، کە لاهور شێخ جەنگی وەک سەرکردەیەکی سەربازی بگەڕێتەوەو پۆستێکی ئەمنی لەناو یەکێتی پێبدرێت.
ئەم پێشنیازە بە فەڕمیخراوەتە بەردەم #بافڵ تاڵەبانی# و تاڕادەیەک ڕازی بووەو باسی لەوەش کردووە، کە لەمەولا متمانە بەناوبراو دەکات، بەڵام تائێستا #14-02-2023# ڕای لاهور شێخ جەنگی لەو بارەوە وەرنەگیراوە. [1]

#ئەژی ئەمین#
بە سەرپەرشتی هەڤاڵ #مام جەلال# و سەرۆکایەتی بەڕێز #هەڵۆ ئیبراهیم ئەحمەد# و #بافڵ جەلال تاڵەبانی# وەکو جێگری و ئەندامێتی برای بەڕێزم کاک #لاهور شێخ جەنگی# دژەتیرۆرمان دامەزراند
ئێستاش دژە تیرۆر و دەزگا هەواڵگریەکانمان لە کوردستان بەردەوامین
ئەژی ئەمین، لە یادی ڕووداوی 11 سێپتەمبەردا:
لەپاش ڕووداوەکانی 11ی سێپتەمبەر هەستاین بە دامەزراندنی گروپی دژە تیرۆر (سی تی جی) بە سەرپەرشتی هەڤاڵ مام جەلال و سەرۆکایەتی بەڕێز هەڵۆ ئیبراهیم ئەحمەد و بافڵ تاڵەبانی وەکو جێگری و ئەندامێتی برای بەڕێزم کاک شێخ لاهور و مامۆستا ئەژی ئەمین و کاک ڕۆژ بەهجەت و کاک سمکۆ هەڵمەت و کاک شوان فەوزی کاک باوەنور کەرکووکی و کاک #پۆڵاد شێخ جەنگی# و فەرماندەکانی دژەتیرۆر برای بەڕێز جەمال ڕەش هەڵەبجەیی و خوالێخۆشبوو حەسەن فارس.
لەو ڕێگەیەوە هەوڵی بێوچانمان داوە بۆ پاراستنی ئەمنیەتی هاووڵاتیان و ڕوو بە ڕوو بوونەوەی تیرۆریزم. تاوەکو ئێستاش دژە تیرۆر و دەزگا هەواڵگریەکانمان لە کوردستان بەردەوامین لەو پڕۆسەیە. ‎
لە ساڵیادی هێرشە تیرۆریستیەکانی 11ی سێپتەمبەردا، لەگەڵ هاوپەیمانانمان بەردەوام دەبین
بۆ ڕیشەکێش کردن و کۆتاییهێنان بە تیرۆریزم و ئەو هێزانەی بە خوێندنەوەی هەڵە بۆ ئاینی
پیرۆزی ئیسلام دەیانەوێت شەرعیەت بدەن بە کردەی نامرۆڤانەو بەئامانجگرتنی هاووڵاتیانی
بێتاوان.
سەری ڕێز دادەنەوێنم بۆ قوربانیانی هێرشە تیرۆریستیەکانی 11ی سێپتەمبەر و هەموو شەهیدانی دەستی تیرۆر و ئەوانەی لە ڕێگای ڕزگاری کوردستان خۆیان بەخت کردووە.
سڵاو و ڕێز بۆ هەموو ئەوانەی بەردەوامن لە سەنگەری ڕووبەڕووبوونەوەی تیرۆر و تیرۆریستان. [1]
#11-09-2022#

#لاهور شێخ جەنگی#، کە لە دواین نامەیدا بۆ سەرکردایەتی یەکێتی نیشتمانی، وەک هاوسەرۆکی حیزبەکە خۆی ناساندووە، جگە لەو نامەیە پەیامێکیش بۆ ڕای گشتی بڵاودەکاتەوە.
وا بڕیارە ئەمشەو #22-02-2023#، ئەگەر گۆڕانکاری نوێ‌ نەیەتە پێشەوە، لاهور شێخ جەنگی پەیامێکی ڤیدیۆیی بڵاوبکاتەوە.
پەیامەکەی لاهور شێخ جەنگی تایبەت دەبێت بە دۆخی ناوخۆیی یەکێتی نیشتمانی و پەیوەندییەکانی ئەو حیزبە لەگەڵ لایەنەکان لە عێراق و هەرێمی کوردستان.
هەر لە پەیامەکەیدا، لاهور شێخ جەنگی دواین هەڵوێستی خۆی لەسەر دۆخی ناوخۆیی یەکێتی ڕووندەکاتەوە، هەروەها باسی دۆخی خەڵکی هەرێم و پەیوەندییەکانی نێوان #هەولێر# و #بەغدا#ش دەکات. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

کەسە نزیکەکانی #لاهور شێخ جەنگی#، هاوسەرۆکی پێشووی #یەکێتیی نیشتمانیی کوردستان# #سلێمانی# بەرەو #هەولێر# جێدەهێڵن.
لە ماوەی مانگی ڕابردوو، چەندین کەسی نزیک لە لاهور شێخ جەنگی شاری سلێمانیان جێهێشتووە و ڕوویان لە شاری هەولێر کردووە.
ئەو کەسانەی نزیکن لە لاهور شێخ جەنگی ئەو کەسانە بوون لە دەزگا ئەمنی و هەواڵگرییەکانی یەکێتی کاریان کردووە.
بەشێکی زۆر لەو کەسانە لە سلێمانییەوە چوونەتە هەولێر بەهۆی ئەو فشارانە بووە، کە لە ماوەی ڕابردوو لەسەریان دروست کراوە و نەیانتوانیووە لەوە زیاتر بەرگەی فشارەکان بگرن. [1]

سەرۆکی #یەکێتیی نیشتمانیی کوردستان#، لە کۆبوونەوەی سەرکردایەتی حزبەکەی ئاماژەی بەوە کردووە، بۆ لە مەودوا وەک هێزێکی سیاسی دیکە سەیری #لاهور شێخ جەنگی# دەکەن.
لە کۆبوونەوەی ڕۆژی سێشەممەی 8ی 11ی 2022، ئەنجومەنی سەرکردایەتی یەکێتی، #بافڵ تاڵەبانی#، سەرۆکی یەکێتیی نیشتمانی کوردستان لەسەر هەڵوێست و جوڵەکانی ئەم دواییەی لاهور شێخ جەنگی، هاوسەرۆکی پێشووی یەکێتیی ئاماژەی بەوە کردووە، بۆ لەمەودوا یەکێتیی وەک هێزێکی نوێی سیاسی مامەڵە لەگەڵ لاهور شێخ جەنگی دەکات.
قسەکانی بافڵ تاڵەبانی لە کۆبوونەوەی ئەمجارەی ئەنجوونی سەرکردایەتی یەکێتی، لەگەڵ قسەکانی پێشووتری ناوبراو لەسەر لاهور شێخ جەنگی جیاواز بووە و وای نیشانداوە کە لاهور شێخ جەنگی هێزێکی نوێی سیاسی دروست دەکات و پێویست ناکات جارێکی دیکە ئەو پرسە لە ناوخۆی یەکێتیی گفتووگۆی لە بارەیەوە بکرێت. [1]

#بافڵ تاڵەبانی#، سەرۆکی #یەکێتیی نیشتمانیی کوردستان# دەیەوێت دۆسییەی #لاهور شێخ جەنگی# هاوسەرۆکی پێشووی حیزبەکەی لە #بەغدا# بە تەواوی دابخات.
کۆبوونەوەی هەفتەی ڕابردووی بافڵ تاڵەبانی لەگەڵ فایەق زەیدان سەرۆکی ئەنجوومەنی باڵای دادوەری ئێراق بۆ دۆسییەی لاهور شێخ جەنگی بووە.
بافڵ تاڵەبانی داوای لە فایەق زەیدان، وەک بەرزترین دەسەڵاتی دادوەری لە ئێراق کردووە، دۆسییەی لاهور شێخ جەنگی بە تەواوی لە دادگاکانی بەغدا دابخات.
2 ئامانجی بافڵ تاڵەبانی لەو هەنگاوە ئەوەیە، کە چیتر یەکێتی بەو دۆسییەوە سەرقاڵ نەبێت، کۆتایی بەو دۆسییە بە تەواوی بهێنرێت. [1]

#بافڵ تاڵەبانی#، سەرۆکی #یەکێتیی نیشتمانیی کوردستان# گومانی لە جوڵە نوێیەکانی #لاهور شێخ جەنگی# هاوسەرۆکی پێشووی حیزبەکەی هەیە.
بافڵ تاڵەبانی پێیوایە #پارتی دیموکراتی کوردستان# و هاوپەیمانی نێودەوڵەتی پشتگیری لاهور شێخ جەنگی دەکەن، بۆیە ئەویش دەستی بەو جوڵە نوێیانە کردووە.
ئەم هەنگاوە بافڵ تاڵەبانی تووڕە کردووە و بەنیازە بەم نزیکانە لەو بارەوە پەیامێک ئاڕاستەی هاوپەیمانی نیودەوڵەتی و پارتی بکات و لەو بارەوە داوای ڕوونکردنەوە بکات.
ئەوەی بافڵ تاڵەبانی زیاتر تووڕە کردووە، هەنگاوی درووستکردنی هێزی سەربازییە لەلایەن لاهور شێخ جەنگی و پێیوایە ئەو هەنگاوە کاریگەری خراپی لەسەر سنووری #سلێمانی# دەبێت. [1]