#08-09-2018#

رێکەوتی 20ی ڕەزبەری 1397ی هەتاوی کاتژمێر 8:00ی سەرلەبەیانی، لە سەیرانگای بیمیری شاری #پاوە#، کە پێشتر لە لایەن هێزێکی زۆری ڕێژیمەوە گەمارۆ درابوو، شەڕێکی قورس لە نێوان ئەو هێزە پۆشتە و پەرداختەی ڕێژیم پێکهاتوو لە کۆمەڵێک جاش و پاسدار لەگەڵ یەکەیەک لە #پێشمەرگە#کانی ڕێکخستنی شار، سەربە هێزی پێشمەرگەی کوردستان لە شاری پاوە، هاتە ئاراوە.
ئەوەی ڕوون و ئاشکرایە، وێڕای ئەوەی هێزەکانی کۆماری ئیسلامی بە کەڵک وەرگرتن لە چەندین جۆر چەکی قورس شوێنی مانەوەی پێشمەرگەکانی کردبووە ئامانج، پێشمەرگەکان لە بەرانبەر ئەو هەموو هێزە و چەک و کەرەستانە، شەرێکی قارەمانانە و بێ وێنەیان ئەنجام دا.
شەڕەکە تا کاتژمێر 11ی پێشنیوەڕۆ درێژەی کێشا و سەرچاوەکان باس لەوە دەکەن هێزی دوژمن زیانێکی زۆری بەرکەوتووە و بەپێی زانیارییەکان 3 کەس لە هێزەکانی بەناو سپای پاسداران کوژراون و بە بەردەوامی لە کاتی شەڕەکە چەندین ئامبۆلانس لە ڕێگای نێوان نەخۆشخانەی پاوە و شوێنی شەڕەکە لە حاڵی هاتووچۆدا بوون.
لەو شەڕە قارەمانانەیەدا کە زیاتر لە سێ کاتژمێری خایاندووە، دوو ڕۆڵەی قارەمان و فیداکاری نەتەوەکەمان کە لە یەکەیەکی ڕێکخستنی شاردا سازمان دران بە ناوەکانی شەهید شاهۆ وەیسیو شەهید زانیار ئیسلامی تێکەڵ بە کاروانی شەهیدانی سوورخەڵاتی کوردستان بوون و هەروەها هاووڵاتییەکی دڵسۆزی شاری پاوە بە ناوی فەرشاد چەچانی کە بە مەبەستی سەیران کردن لەو ناوچەیە بوو بە تەقەی هێزەکانی ڕێژیم کوژرا.
لە لایەن ڕێبەرایەتی حیزبی دێموکراتی کوردستانی ئێران و فەرماندەیی هێزی پێشمەرگەی کوردستان، پرسە و سەرەخۆشی خۆمان پێشکەش بە کەسوکار و بنەماڵەی بەرێزی شەهیدان شاهۆ و زانیار و بنەماڵەی فەرشاد چەچانی دەکەین و خۆمان بە شەریکی خەم و پەژارەیان دەزانین.
رۆحیان شاد و ڕێگایان پڕ ڕێبوار
فەرماندەیی هێزی پێشمەرگەی کوردستان
20ی ڕەزبەری 1397ی هەتاوی
#12-10-2018#

درۆنێکی سوپای پاسدارانی کۆماری ئیسلامی ئێران لە گوندی #بانی ماران# ی شارەدێی شۆڕش (#دێگەڵە#)ی شارۆچکەی #کۆیە# کەوتۆتە خوارەوە، هۆکاری کەوتنەخوارەوەکەی ڕانەگەیەنراوە لەلایەن هیچ دەزگایەکی پەیوەندیدارەوە. [1]

دژە تیرۆری کوردستان؛ سوپای پاسداران بە چوار قۆناغ هێرشی مووشەکی بۆ سەر هەرێمی کوردستان ئەنجام دا
دژەتیرۆری کوردستان ئاشکرایکرد کە سوپای پاسدارانی ئێران بە چوار قۆناغ هێرشی مووشەکی بۆ سەر هەرێمی کوردستان ئەنجام دا بەهۆیەوە تاکوو ئێستا 13 کەس شەهید بوون و 58 کەسی دیکەش بریندار بوون.
بە گوێرەی زانیارییەکانی دژەتیرۆری کوردستان، ڕۆژی چوارشەممە 28ی ئەیلوولی 2022 کاتژمێر 10:15ی پێشنیوەڕۆ، سوپای پاسدارانی کۆماری ئیسلامیی ئێران بە چوار قۆناغ زنجیرە هێرشێکی لە ڕێگەی مووشەکی بالیستیکی و فڕۆکەی بێفڕۆکەوانی بۆمبڕێژکراوەوە بۆ سەر هەریەکە لە بارەگاکانی پارتی ئازادیی کوردستان لە #پردێ#، قەڵای دیموکراتی حیزبی دیموکراتی کوردستانی ئێران لە شاری #کۆیە#، بارەگای کۆمەڵەی زەحمەتکێشانی کوردستانی ئێران و کۆمەڵەی شۆڕشگێری زەحمەتکێشانی کوردستانی ئێران لە سلێمانی، کەمپەکانی نیشتەجێبوونی کوردەکانی ڕۆژهەڵات لە زڕگوێز، زڕگوێزەڵە و بانەگەورە لە پارێزگای #سلێمانی# و کەمپەکانی ئازادی و قەڵا و ئەمیرییە لە کۆیەی کردە ئامانج.
ئەوەش خراوەتە ڕوو: بە گوێرەی زانیارییەکان، ئەوەی زانراوە لە هێرشەکاندا زیاتر لە 70 مووشەکی بالیستیکی جۆری فاتح و فڕۆکەی بێفڕۆکەوانی بۆمبڕێژکراو لەناو خاکی ئێرانەوە بە چوار قۆناغ ئاراستە کراون، قۆناغی یەکەم، تەنها لە ڕێگەی مووشەکی بالیستیکی، قۆناغی دووەم، بە مووشەکیی بالیستیکی و فڕۆکەی بێفڕۆکەوانی بۆمبڕێژکراو، قۆناغی سێیەم، مووشەکی بالیستیکی بە هاوکاری فڕۆکەی بێفڕۆکەوانی چاودێری و قۆناغی چوارەم تەنیا لە ڕێگەی مووشەکی بالیستیکییەوە بووە. ئەوەی تا ئێستا زانراوە هێرشەکان لە ناوچەی سەلاسی باوەجان لە پارێزگای کرماشانی هاوسنووری پارێزگای هەڵەبجە، ناوچەی سەردەشت لە پارێزگای ئازەربایجانی ڕۆژئاوای هاوسنوور لەگەڵ ئیدارەی ڕاپەڕینەوە ئاراستە کراون و تێیدا شوێنە گشتییەکانی وەک باخچەی ساوایان، قوتابخانە، بنکەی تەندروستی، نەخۆشخانە، هۆڵی بۆنە و ئاهەنگ و ئۆتۆمبێلی خزمەتگوزاری و ماڵی هاووڵاتییانی سڤیل کراوەتە ئامانج.
ئاماژە بەوەش دراوە: هەر بە گوێرەی زانیارییەکان، بەهۆی ئەو هێرشانەوە تا ئێستا 13 کەس شەهید بوون کە لەنێویاندا ئافرەتی دووگیان هەیە و، 58 کەسی دیکەش برینداربوون کە زۆرینەیان هاووڵاتیی سڤیلن و لەنێویاندا منداڵی خوار تەمەن 10 ساڵ و قوتابی و مامۆستا و ڕۆژنامەوان هەن.
جەختیشکراوەتەوە کە هاوکات فڕۆکەیەکی بێفڕۆکەوانی دیکەی ئێرانی، لە سنووری شاری کۆیە پێش ئەوەی بگاتە ئامانجەکەی کەوتووەتە خوارەوە. [1]

ناو: سوپای پاسدارانی شۆڕشی ئیسلامی
ناسراوە بە: سوپای پاسداران-سوپا
ڕۆژی دامەزراندن: #22-04-1979#

=KTML_Bold=دەربارە=KTML_End=
سوپای پاسدارانی شۆڕشی ئیسلامی (بە فارسی: سپاه پاسداران انقلاب اسلامی) زۆر کەس بە (سوپای پاسداران یان سوپا) ناوی دەبەن، ڕێکخراوێکی چەکداری کۆماری ئیسلامی ئێرانە کە ڕاستەوخۆ لەژێر فەرمانی سەرۆکی شۆڕش دایە. ئەو ئۆرگانە بە فەرمانی خومەینی بۆ شۆرای شۆڕشی ئیسلامی، لە ڕۆژی 22-04-1979 دامەزرا و شۆرای شۆڕشی ئیسلامی بە دامەزراندنی شۆرای فەرماندەی سوپای پاسدارانی شۆڕشی ئیسلامی، ھەنگاوێکی بنەمایی و سەرەتایی بۆ ڕێکخستنی ئەو ڕێکخراوە دانا. سوپای پاسداران بەھۆی بەشداری لە سەرکوتی ناڕەزایەتییەکان و دەست تێوەدان لە کارە تیرۆریستییەکانی دەرەوەی وڵات، لەلایەن ویلایەتە یەکگرتووەکانی ئەمریکاوە لە پێڕستی تیرۆریستانی دنیا بە یەکێک ڕێکخراوە تیرۆریستییەکان ناسێنراوە.
یاسای بنەمایی کۆماری ئیسلامی ئێران لەسەر سوپا پاسداران دەڵێت: =KTML_Italic=سوپای پاسداران کە ھەر لە ڕۆژە سەرەتاییەکانی سەرکەوتنی شۆڕشی ئیسلامییەوە دامەزراوە، بۆ درێژەدان بە ڕۆڵی خۆی و پاڕاستنی شۆڕشی ئیسلامی و دەسکەوتەکانی ھەر دەمێنێتەوە. سنووری ئەرکەکان و چوارچێوەی بەرپرسیارییەتی ئەم سوپایە لە پەیوەندی لەگەڵ ئەرک و چوارچێوەی بەرپرسیارییەتی ھێزە چەکدارەکانی دیکەدا وێڕای پێداگری لەسەر ھاوکاری و ھاوئاھەنگی برایانە لەنێوانیاندا، لەلایەن یاساوە دیاری دەکرێ.=KTML_End=

=KTML_Bold=لقەکان و =KTML_Bold=سەرکردایەتی=KTML_End==KTML_End=
دوای دەستبەکاربوونی (محەمەد عەلی جەعفەری) وەکوو فەرماندەی ئەم ڕێکخراوە چەکدارییە لە ساڵی 2007 ھەندێک نوێکاری لە سوپا کرا، بەشێکی ئەو نۆێکارییانە بریتی بوون لە پێکھێنانی ڕێکخراوی بەسیجی موستەزعەفین و ڕێکخراوی ھەواڵگرێ سوپای پاسداران و پێکهێنانی 31 سوپای پارێزگایی.

=KTML_Bold=لقەکان سوپای پاسدارانی شۆڕشی ئیسلامی=KTML_End=
=KTML_LIST_icon_circle_LISTTYPE=ستافی ھاوبەش
ھێزی وشکانی
بەسیج؛ (بە پێی ئاماری ساڵی 2005 ئەم لقە لە 000،000، 11 ئەندام پێکهاتووە)
ھێزی قودس
ھێزی ھەوابۆشایی
ھێزی دەریایی؛ (بە پێی ئاماری ساڵی 2005 ئەم لقە لە 000، 20 ئەندام پێکهاتووە)=KTMLLISTEND=

=KTML_Bold=سەرکردایەتی=KTML_End=
=KTML_LIST_icon_circle-o_LISTTYPE=فەرماندەی باڵا: (حسێن سەلامی)
فەرماندەکانی لەقەکانی تر: (محەمەد پاکپوور، غوڵامڕەزا سولەیمانی، ئیسماعیل قائانی، ئەمیرعەلی حاجی زادە، عەلیڕەزا تەنگسیری)
فەرماندەی گشتی: (کۆنۆنێل محەمەد عەلی جەعفەری)=KTMLLISTEND=

=KTML_Bold=چالاکی ئابووری=KTML_End=
سوپای پاسداران لە دوای شەڕی ئێران و ئێراقەوە تا ئێستا بە بەستنی زیاتر لە 7650 ڕێککەوتنامە لە ڕێگای دامەزراوەکانی سەربەخۆوە چالاکی بەرفراوانی لە بواری ئابووری ھەبووە. بەھۆی سنووربەندگەرایی کۆمپانیاکانی سەربە سوپا وەکوو (قەرارگای خاتەم ئەلئەنبیا) لە جێبەجێ کردنی پڕۆژە نەوتییەکاندا، کۆمپانیا گەورەکانی وەکوو سازە و ناموەران دەستیان لە کار کێشاوە.
ئەم ڕێکخراوە چەکدارییە لە بواری نەوت، گاز، ڕێگا و بان، بەربەست درووستکردن، توونێل درووستکردن، کوشتوکاڵ، گەیاندن (وەکو خاوەن پشکی سەرەکی کۆمپانیای پەیوەندییەکانی ئێران)، بینا درووستکردن و تەنانەت لە بواری نەشتەرگەری پزیشکیدا بەشدارییەکی بەر چاوی ھەیە. ھەروەھا لە 45٪ بەشەکانی کۆمپانیای بەھمەنی بەرھەمھێنەری ئۆتۆمبیلی مەزدا لەژێر چاودێری ئەم ڕێکخراوەیە. بە وتەی هەندێک سەرچاوە ڕۆڵی بەرچاوی هەبووە لە بە قاچاخ کردنی نەوتی (هۆرمۆزگان) کە ئەو سنوورە لەژێر چاودێری چەند فەرماندەیەکی سوپای پاسدارانە.
شایەنی باسە لە ساڵی 2020 بڕی 6.96 بلیۆن بوودجە بۆ یەم ڕێکخراوە خەرجکرا.

سوپای پاسدارانی شۆڕشی ئیسلامی تا ئێستا (2024)، لەلایەن ھەندێک وڵاتەوە لە پێڕستی چەکدارە تیرۆریستییەکان ناوبراوە. یەکەم وڵات کە سوپای پاسدارانی وەکوو ڕێکخراوێکی چەکداری تیرۆریستی ناساند بریتی بوون لە وڵاتانی (بەحرەین و عەرەبستانی سعوودی). ھەروەھا ویلایەتە یەکگرتووەکانی ئەمریکا لە مانگی نیسانی ساڵی 2019 سوپای پاسدارانی وەکوو گرووپێکی تیرۆریستی ناساند. دواتر کەنەدا لە تشرینی یەکەمی ھەمان ساڵ سوپای پاسدارانی لە دوای دەنگدان لە پەڕڵەمان بردە ناو پێڕستی گرووپە تیرۆریستییەکانی وڵاتەکەی.

=KTML_Bold=وڵات و کاتی دەستنیشانکردنی سوپای پاسداران وەکوو گرووپێکی تیرۆریستی=KTML_End=
بەحرەین، #23-10-2018#
عەرەبستانی سعوودی، #23-10-2018#
ویلایەتە یەکگرتووەکان، #15-04-2019#
کەنەدا، #02-04-2019#
[1] [2]

سوپای پاسداران نزیکەی 10ساڵە بە ئۆپەراسیۆنە جیاجیاکانی لە چیای شاهۆ و ناوچەی کۆساڵانی سەربە دەڤەری هەورامانی ڕۆژهەڵاتی کوردستان، بەشێک لە ژینگەی ئەو ناوچانەی لەناوبردووە.
تۆڕی مافەکانی مرۆڤی کوردستان، بە پشت بەستن بە سەرچاوەکانی لە چیای شاهۆ و کۆساڵان، ڕاپۆرتێکی لەبارەی تاوانەکانی سوپای پاسداران لەدژی ژینگەی چیای شاهۆ بڵاوکردووەتەوە، کە ئەمە ناوەڕۆکی ڕاپۆرتەکەیە:
ڕووبەری چیای شاهۆ و کۆساڵان 57 هەزار و 236 هێکتارە، کە کەوتووەتە نێوان شارەکانی ڕوانسەر و #پاوە#ی سەربە #کرماشان# و هەروەها کامیاران و #مەریوان#ی سەربە #سنە# و لەلایەکیشەوە دەگاتەوە سەر سنوورەکانی هەرێمی کوردستان.
سوپای پاسداران نزیک بە 10 ساڵە کە دەستیکردووە بە بەسەربازییکردنی چیای شاهۆ و کۆساڵان و ڕووبەرێکی زۆر لە لەوەڕگە و دارستانەکانی ئەو چیایەی لەناوبردووە.
سوپای پاسداران چیای شاهۆ و کۆساڵان بە ناوچەیەیکی ستراتیژیی بۆ هاتووچۆ و مانەوەی حزبەکانی ڕۆژهەڵاتی کوردستان دەزانێت و بەو بەهانەیەش هەموو هەوڵی ئەوەیە ناوچەکە لە دانیشتووان چۆڵ بکات و خۆی دەستی بەسەردا بگرێت.
لە ماوەی چەند ڕۆژی ڕابردوودا سوپای پاسداران بە 20 هەزار پاسدار، سەرباز و بەکرێگیراو لە ناوچەکانی چیای شاهۆ و کۆساڵان ئۆپەراسیۆنێکی دەستپێکردووە، لەو ئۆپەراسیۆنەدا کە بەناوی موحەرەمی دوو دەناسرێت، ڕووبەرێکی زۆر لە دارستانەکانی چیای شاهۆ لە ئاگردا سووتاند.
بەرپرسە حکومییەکانی پارێزگای سنە بانگەشەی ئەوە دەکەن، کە ئەو شوێنانەی ئۆپەراسیۆنی سەربازیان تێدا ئەنجام دەدرێت، دارستان و لەوەڕگەی لێ نییە و لە تاشەبەرد پێکهاتوون.
ئەوە لە کاتێکدایە، کە ئەو ناوچانەی تۆپباران و بۆردومان کراون، ژینگەی بزنە کوێیەکانن.
هەرچەند سوپای پاسداران کۆتایی ئۆپەراسیۆنەکە ڕاگەیاندووە، بەڵام هێزە سەربازییەکان لەو ناوچانە ماون و بەتەواوی بەسەربازییان کردووە.[1]
#12-10-2018#

دەقی ڕاگەیێندراوەکەی سوپای پاسداران
لەدوای کردەوە شەیتانییەکانی ئەم دواییانەی گرووپە تیرۆریستییەکانی سەر بە ستەمکاری جیهانی (ئەمریکا و هاوپەیمانانی) لە هەرێمی کوردستانەوە دژ بە ناوچە سنوورییەکانی کۆماری ئیسلامی ئێران، کە بە ناردنی تیمە تیرۆریستییەکان، دەیانویست بە دروستکردنی نائەمنی و کردەوەی تێکدەرانە، ئەمنیەت و ئارامی خەڵکی پارێزگاکانی ئازەربایجانی ڕۆژئاوا، کوردستان و #کرماشان# تێکبدەن، بە هۆشیاری و ئامادەیی هێزی وشکانی سوپای پاسداران لە ئۆپەراسیۆنەکانی چەند هەفتەی ڕابردوو لە ناوچە سنوورییەکانی #مەریوان# و کامیاران گورزی کوشندەیان لێدرابوو، بەرەوڕووبوونەوە و تەمێکردنی دەستڕێژیکاران، خرایە بەرنامەی سوپای پاسداران.
لەدوای گوێنەدانی سەرکردەکانی ئەو گرووپانە بە هۆشدارییە جدییەکانی بەرپرسانی هەرێمی کوردستانی عێراق، بەوەی کۆماری ئیسلامی ئێران دەیەوێت هەنگاو بنێت بۆ هەڵگرتنی بنکە و بارەگاکانیان و پێویستە کۆتایی بهێنن بە هەنگاوە دەستدرێژیکارانە و تیرۆریستییەکانیان دژی ئێرانی ئیسلامی، هێزی مووشەکی سوپای پاسداران بە بەشداریی فڕۆکەی بێفڕۆکەوانی هێزی وشکانی سوپای پاسداران، ڕۆژی ڕابردوو، (شەممە 8-9-2018) لە ئۆپەراسیۆنێکی سەرکەوتووانەدا، شوێنی کۆبوونەوەی یەکێک لە گرووپە تاوانبارەکان و ناوەندی ڕاهێنانی تیرۆریستەکانی ئەو گرووپەیان بە 7 مووشەکی زەمین بە زەمینی مەدوا کورت، کردە ئامانج.
بەپێی ڕاپۆرت و بەڵگە دڵنیاکەرەوەکان کە لەو ئۆپەراسیۆنە گەیشتووە، ناوەندەکەی پیلانگێڕی دژی ئاسایشی نیشتمانی ئێران تێکشکێندرا و دەیان کەس لە سەرکردەکان و ئەندامانی گرنگی ئەو گرووپە، کوژراون و بریندارکراون.
ئەو ئۆپەراسیۆنە تووند و وێرانکەرە، ئەوەی دەرخست کە منداڵانی گەلی ئێران لە سوپای پاسدارانی شۆڕشی ئیسلامی ئێران و تەواوی هێزە چەکدارەکان و ڕێکخراوە هەواڵگری و ئەمنییەکانی ئێران، پێداگرن بە پارێزگاریکردن لە سنوور و یەکپارچەیی خاکی کۆماری ئیسلامی ئێران و پارێزگاریکردن لە ئامانج و بنەمابەرزەکانی شۆڕشی ئیسلامی و ڕێگەنادەن تیرۆریستە بەکرێگیراوەکانی ڕێکخراوە سیخوڕییەکانی دووژمنانی بێگانە، ئاسایشی وڵات بخەنە مەترسییەوە.
لەکۆتاییشدا بە ڕێزگرتن لە سەربازانی ونی ئیمامی زەمان و چاوەڕوانی لە هەرێمی کوردستان بۆ چاودێریی و کۆنترۆڵی جدیتری سنوورە هاوبەشەکان، هۆشداریی دەدەینە گرووپە تیرۆریستی و دژبەرانی شۆڕش و پشتیوانانیان، پاسدارانی شۆڕش و هێزە خۆجێیەکانی جێگیرکراو لەسەر سنوورەکانی وڵاتی ئیسلامی، بە زانیاریی هەواڵگری و ئامادەیی هەمەلایەنە، بە هاوکاریی خەڵکی خۆشەویستی ناوچەکە، بە دووبارەکردنەوەی هەنگاوەکانیان، لەگەڵ وەڵامێکی سەختتر و گورزێکی تووندتر بەرەوڕوو دەبنەوە.[1]
#09-09-2018#

شوێن: زرگوێز
ڕۆژ و ساڵ: #28-09-2022#
ڤیدیۆ: موشەک بارانکردنی زرگوێز لەلایەن سوپای پاسداران و تیرۆرستانی ئێران [1]

شوێن: #پردێ# - #کەرکووک#
28-09-2022
موشەک بارانکردنی شارۆچکەی پردێ لەلایەن سوپای پاسداران و تیرۆرستانی ئێران [1]

شوێن: #کۆیە#
ساڵ و ڕۆژ: #28-09-2022#
موشەک بارانکردنی شاری کۆیە لەلایەن سوپای پاسداران و تیرۆرستانی ئێران [1]