26 پارتی سیاسی کورد لە ڕاگەیاندراوێک داوای یەکریزی و یەکهەڵوێستیان کرد، هەروەها بانگەوازیان بۆ هەموو هێزە کوردستانییەکان، ڕێکخراوە کلتوورییەکان، دەزگاکانی چاپەمەنی، کەسایەتییە ئاینییەکان، کەسایەتییە کۆمەلایەتییەکان و هەموو گەلی کورد کرد کە ڕۆلی ڕاستەقینەی خۆیان بگێڕن بۆ پێکهێنانی یەکێتی و یەکریزی گەلی کورد.
لە بەشێکی ڕاگەیەندراوەکەیاندا هاتووە:
'هێرشەکانی دەوڵەتی تورک بەردەوامن'
گەلی کورد لە سوریا بەتایبەتی و لە هەرێمەکە بە گشتی، بە هەلومەرجێکی سەخت و قۆناغێکی مێژوویدا تێدەپەڕێت، بەتایبەتیش دوای داگیرکردنی شاری #عەفرین# لەلایەن دەوڵەتی تورکەوە، #سەرێکانی# و #گرێ سپی# و ناوچەکانی دیکەش بە بیانووی درۆ و دەلەسەوە، هەروەها بە بەردەوامی ئاکەپە هەڕەشەی تەواوکردنی پیلانەکانی دەکات لە داگیرکردنی هێڵی سنوور تا دەگاتە سنوورەکانی هەرێمی کوردستانی عێراق، بەو شێوەیەش دەوڵەتی تورک ئامانجە سەرەکییەکەی لەناوبردنی تروسکایی هیواکانی گەلی کوردە بۆ بەدەستهێنانی مافە نێونەتەوەیی و نیشتیمانییەکانی لە سوریا، هەروەها هەوڵی گۆرینی دیموگرافی دەدات لەو ناوچانەی کورد لێی نیشتەجێن، ئەوەش لەپێناو ئەوەیە کە ئەجندا نەژادپەرستییەکانی جێبەجێ بکات، جموجۆڵەکانی سوپای تورک لەو چاورچێوەیەدان، تەنانەت گەیشتوەتە ئاستێک کە دەوڵەتی تورک دیداری ترسناک لەگەڵ هێزە هەرێمییەکان و نێودەوڵەتییەکان و ڕژێمی سوریا دەکات بە ئامانجی جێبەجێکردنی ئامانجەکەی و لێدانی دۆزی کورد لە سوریا.
'بەبێ پێشمەرج کۆ ببنەوە و ڕێگەچارە بدۆزنەوە'
گەلی کورد بە دەسپێشخەریی فەرماندەیی گشتی هێزەکانی سوریای دیموکرات (#قەسەدە#) بۆ پێکهێنان و ڕێککەوتنی کوردی - کوردی پێشوازیان کرد، هەلبەتە پێشوازی لە هەر کار و خەباتێک لەوبارەیەوە دەکەن و باوەری بە بزووتنەوەی سیاسی کورد دەگەڕێنێتەوە، هەروەها هیوای گەل لەنوێوە زیندوو دەکاتەوە.
بانگەوازی بۆ حزبە سیاسییەکان لە سوریا دەکەین کە بەبێ پێشمەرج کۆ ببنەوە و کێشەکانی خۆیان چارەسەر بکەن، بە ڕۆحی بەرپرسیارییەتی کێشەکان چارەسەری بکەن، بۆ دروستکردنی مەرجەعێکی سیاسی کوردی بۆ یەکێتی کوردی، هەڵوێستی کورد لەبارەی دۆزە ستراتیژییەکان خەبات بکەن.
'بانگەوازی بۆ هەموو کەسێک دەکەین کە ڕۆلی خۆیان بکێڕن'
بانگەوازیمان بۆ هەموو هێزە کوردستانییەکان، ڕێکخراوە کلتوورییەکان، دەزگاکانی چاپەمەنی، کەسایەتییە ئاینییەکان، کەسایەتییە کۆمەلایەتییەکان و هەموو گەلی کورد کرد کە ڕۆلی ڕاستەقینەی خۆیان بگێڕن بۆ پێکهێنانی یەکتی و یەکریزی گەلی کورد.
حزب و لایەنە سیاسییەکان ئەمانەن:
1. پارتی داهاتووی سوریا.
2. پارتی یەکێتی دیموکرات-پەیەدە.
3. پارتی ئاشتی دیموکراتی کوردستانی.
4. یەکێتی لیبرالی کوردستانی.
5. حزبی شیوعی کوردستانی.
6. #پارتی دیموکراتی کوردستان#- سوریا.
7. پارتی دیموکراتی کوردی سوری.
8. پارتی چەپی کوردی سوریا.
9. پارتی چەپی دیموکراتی کوردی سوریا.
10. پارتی کۆمەڵگەی دیموکراتی کوردستانی.
11. پارتی گۆڕانی دیموکراتی کوردستانی.
12. پارتی نوێبوونەوەی کوردستانی.
13. پارتی ڕەنجدەرانی کوردستانی.
14. پارتی سەوزی کوردستانی.
15. پارتی ویفاقی دیموکراتی کوردستانی سوری.
16. حزبی یەکێتی دیموکراتی سوریا (یەکێتی)
17. بزووتنەوەی چاکسازی- سوریا
18. پارتی دیموکراتی کورد لە سوریا (ئەلپارتی)
19. پارتی برایەتی کوردی.
20. پارتی ڕۆژ-ی دیموکراتی کوردی سوریا.
21. یەکێتی نیشتیمانی ئازاد- ڕۆژئاوا.
22. ڕەوتی ئایندەی کوردستان.
23. بزووتنەوەی کۆمەڵگەی دیموکراتی.
24. کۆنگرەی ستار.
25. پارتی خەباتی دیموکراتی.
26. پارتی کۆماری کوردستان.[1]
#16-01-2020#

شوێن: دیمەشق
ساڵی : 1972 [1]

لە ماوەی دوو مانگی ڕابردووی هێرشی ئەمریکا و وڵاتانی هاوپەیمانان بۆسەر داعش و گروپە توندڕەوەکانی دیکەی سوریا زیاتر لە 900 کەس کوژراون.
روانگەی سوریا بۆ مافەکانی مرۆڤ بڵاویکردەوە: بەپێی ئامارەکانی بەردەستی کە لەنێوان 23ی ئەیلولی ڕابردوو تا 21ی تشرینی دووەم کۆکراوەتەوە، بەهۆی گورزە ئاسمانییەکانی ئەمریکا و وڵاتانی هاوپەیمانی، 910 کەس له و ناوچانە کوژراون کە داعش و گروپە توندڕەوەکانی دیکە دەستیان بەسەردا گرتووە.
بەگوێرەی ئامارەکە، زۆربەی کوژراوەکان لە ڕیزەکانی داعشن و له و ماوەیەدا 785 چەکداریان لێ کوژراوە، ئەمە جگەلە کوژرانی دەیان چەکداری دیکەی بەرەی نوسرە کە ئەوانیش بێبەش نەبوون له و گورزە ئاسمانییانە.
هەربەپێی ئامارەکەی ڕوانگەی سوریا بۆ مافەکانی مرۆڤ، لە کۆی ئه و ژمارەیە 52 هاوڵاتیی مەدەنیش کوژراون کە هەشت منداڵ و پێنج ژنیان تێدایە.
روانگەکە ئاماژەی بەوەشداوە کە چاوەڕواندەکرێت زیانە گیانییەکانی ڕیزەکانی داعش زۆر لەوە زیاتر بێت کە ڕاگەیەنراوە، بەڵام بەهۆی شاردنەوەی ژمارەی کوژراوەکان و سەختیی گەیشتن بە ئاماری دروست، قەبارەی دروستی زیانە گیانییەکانی داعش نازانرێت.
- 23-11-2014

ڕێکخراوی ڕوانگەی سوری بۆ مافەکانی مرۆڤ، نوێترین ئاماری خۆی لەسەر ژمارەی قوربانیانی 9 ساڵ (2011 بۆ 2020) شەڕ لە سوریا بڵاو کردەوە.
لەو ئامارەی ڕوانگەی سوری بڵاویکردووەتەوە، ئاماژە بەوە کراوە کە لە ماوەی 9 ساڵ شەڕ لە سوریادا، بە لانیکەمەوە 384 هەزار کەس کوژراون، کە 116 هەزار کەسیان خەڵکی مەدەنین و لەوانە 22 هەزار کەسیان منداڵ و 13 هەزار کەسیشیان ژنن.
ڕوانگەکە ئاماژە بەوەدەکات، کە زۆرترین کوژراوەکان و قوربانیانی ئەم شەڕە نۆ ساڵەیە، ئەندامانی سوپای ڕژێمی سوریا و گروپە چەکدارەکانن کە پشتیوانیی لێدەکەن، بەو پێیە بە لانیکەمەوە 129 هەزار و 476 ئەندامی 'سوپای عەرەبی سوریا' و هەروەها چەکدارە سوری و بیانییەکان کە پشتیوانی لە ڕژێمی ئەسەد دەکەن، لەگەڵ هەزار و 679 ئەندامی حزبوڵای لوبنانی لەم ماوەیەدا کوژراون.
بەپێی ئامارەکە، 67 هەزار و 296 ئەندامی گروپە ئیسلامییە توندڕەوەکان، لەوانە؛ چەتەکانی #داعش# و قاعدە و هەروەها نزیکەی 57 هەزار ئەندامی گروپە توندڕەوەکانی دیکە لەم نۆ ساڵەدا کوژراون.
ڕوانگەکە لە بەشێکی دیکەی ئامارەکەیدا، ئاماژە بە کوژرانی 111 سەربازی سوپای داگیرکەری تورک و 417 کەسی بێناسنامە دەکات، کە لە ماوەی نۆ ساڵی ڕابردوو لە سوریا کوژراون.
=KTML_Quote_Begin==KTML_Style=width:35%;float:rigtht;=KTML_Quote_Icon=📊=KTML_Quote_Content= هێزەکانی سوریای دیموکرات- #قەسەدە#، لەو ماوەیەدا (2011 بۆ 2020) 12 هەزار و 624 #شەڕڤان#ی ژن و شەڕڤانی پیاویان شەهیدبووە=KTML_Quote_End=ڕوانگەکە هەروەها ئاماژە بەوەدەکات کە هێزەکانی سوریای دیموکرات- #قەسەدە#، لەو ماوەیەدا (2011 بۆ 2020) 12 هەزار و 624 #شەڕڤان#ی ژن و شەڕڤانی پیاویان شەهیدبووە.
لە کۆتایی ئامارەکەی خۆیدا هەروەها ئاماژە بەوەدەکات، کە لە ماوەی 9 ساڵی ڕابردوو، زیاتر لە 11 ملیۆن هاوڵاتی سوریا لە شوێن و ماڵی خۆیان ئاوارە بوون.[1]
#15-03-2020#

رێکخراوی ڕوانگەی سوریا بۆ مافەکانی مرۆڤ ڕایگەیاند کە ڕژێمی سوریا لە مانگی تەمموزدا زیاتر لە (2) هەزار سەربازی لێکوژراوە و ئەمەش گەورەترین گورزی سەربازییە کە لێیکەوتوە.
رێکخراوی ڕوانگەی سوریا بۆ مافەکانی مرۆڤ لە ئامارێکدا ڕایگەیاندوە کە لە مانگی تەمموزی ڕابردوو (2) هەزار و چوار سەربازی هێزەکانی ڕژێمی سوریا کوژراون کە (961) کەسیان سەربازی سەر بە سوپا بوون و (937) ی دیکەش سەر بە لیژنە ناوخۆییەکان و هێزەکانی بەرگری بوون.
رێکخراوەکە ڕاشیگەیاندوە کە لە مانگی تەمموزدا (28) چەکداری حزبولڵای لوبنان و (78) چەکداری شیعە لە بەرەکانی ڕژێمی بەشار ئەسەد بوون، کوژراون و بە گەورەترین گورز لە ماوەی سێ ساڵی ڕابردوو لە ڕژێمی سوریای بەناو دەکات.
رێکخراوەکە ئاماژەی بەوەش کردوە کە له و مانگەدا (2) هەزار و (260) چەکداری ئۆپۆزسیۆن کوژراون و هەزار و (67) هاوڵاتی مەدەنیش گیانیان لەدەستداوە و لە کۆی گشتی کوژراوەکانی مانگی تەمموزی ڕابردوو لە سوریا (5) هەزار و (343) کەسە.

=KTML_Bold=ئێران لە ئێراق و سووریا: سەرەتای پەیوەندییەکان و گرنگییە جیۆپۆلەتیکییەکان=KTML_End=
#شێرکۆ کرمانج#
=KTML_Bold=دەستپێک=KTML_End=
ئەم بابەتە کە لە چەند بەشێک پێکهاتووە لە هەر بەشێکی تەرکیز لەسەر پرسێک یان چەند پرسێک دەکەین لە ڕۆڵی ئێران دەکۆڵێتەوە لە ئێراقی دوای 2003 و لە ململانێ بەردەوامەکانی سووریا لە 2011 ەوە تا ئێستا. هەروەها شرۆڤەی ستراتیجیەتی سیاسیی ئێرانیش بەرانبەر بەسووریا و ئێراق دەکات و شەن و کەوی دەکات. ئامانجی ئەم بابەتە هەڵسەنگاندنە بۆ سیاسەتی دەرەوەی ئێران و بەکارهێنانی شەڕی بەوەکالەت لە ئێراق و سووریا بۆ دەستنیشان کردنی ئامانجە ستراتیجییەکانی ئێران لەو دوو وڵاتە بەتایبەتیی و لە ڕۆژهەڵاتی ناوەڕاستدا بە گشتی. هەروەها هەوڵدەدا کار و کاردانەوەکانی دژبەرە هەرێمییەکانی ئێران وەکوو سعودیە و قەتەریش شی بکاتەوە. بابەتەکە جەخت لەوە دەکاتەوە کە نزیکایەتی مەزهەبیی ڕژێمەکانی سووریا و ئێراق لەگەڵ گرنگیی ستراتیجیی جوگرافیای هەردوو وڵات بۆ بەستنەوەی ئێران بە حیزبوڵا هۆکاری هەرە سەرەکی تێوەگلانی ئێرانن لە سووریا و ئێراق. هاوکات جەخت لەوەش دەکاتەوە کە ئێراق کارتێکی سیاسییە بەدەست ئێرانەوە کە بەکاری دێنێت بۆ زیادکردنی توانا سیاسییە هەرێمییەکانی بە مەبەستی پاراستنی هاوسەنگی هێز لە ڕۆژهەڵاتی ناوەڕاستدا. بۆ گەیشتن بەم ئامانجە ئێران دەیەوێت سوپایەکی تەریب لە سووریا و ئێراق دا درووست بکات کە هاوشێوەی سوپای پاسدارانی خۆی بێت.
=KTML_Bold=پاشخانێکی مێژوویی پەیوەندییەکانی ئێران لەگەڵ ئێراق و سووریا=KTML_End=
لە دوای درووستکردنییەوە لە 1921 لەلایەن بەریتانیاوە، ئێراق لەلایەن عەرەبی سوننەوە حوکم کراوە، کە لە 20٪ ی دانیشتووانی ئێراق پێک دەهێنن. دەسەڵاتی سوننەکان تاوەکوو 2003 درێژەی کێشا، واتە تا ئەو کاتەی کە وڵاتە یەکگرتووەکانی ئەمریکا حکومەتە سوننییەکەی لە کار خست، کە لەلایەن “سەدام حسێن”ەوە سەرکردایەتی دەکرا. ئەمەش ڕێگای بۆ شیعەکان خۆش کرد، کە نزیکەی 60٪ ی دانیشتووانی ئێراق پێک دەهێنن، کە وەک گرووپی زۆرینە لەو کاتەوە تا ئێستا کۆنترۆڵی دەسەڵاتی وڵاتەکەیان کردووە. دوای لەسەر کار لابردنی سەدام حسێن، ئەمریکا هیواکانی لەسەر ئەوە دامەزراندبوو کە لە ڕێگای پڕۆسەی هەڵبژاردنەوە سیستەمێکی سێکولاری دیموکراتی لە وڵاتەکەدا دادەمەزرێنێت. بەڵام زنجیرە هەڵبژاردنەکان لە ئێراق، کە تا ئێستا ئەنجامدراون (لە 2005، 2009و 2014، 2018، 2021) هاوکاربوون بۆ خۆتێهەڵقورتاندنی هێزە هەرێمییەکان لە سیاسەتی ئێراق دا بەتایبەتیی ئێران.
سووریا وەکوو دەوڵەتێکی مۆدێرن لە 1920، ڕێک ساڵێک پێش ئێراق لەلایەن فەڕەنسای داگیرکەرەوە، درووستکرا. لە 1946 دا سەربەخۆیی وەرگرت، کە دەکاتە چواردە ساڵ دوای ئەوەی ئێراق سەربەخۆ کرا. هەرچۆنێک بێت، ساڵانی ناجێگیریی سیاسیی و کودەتای سەربازیی بەردەوام بوو تاوەکوو 1970 کاتێک حافز ئەسەد، کە سەر بە خێزانێکی شیعەی عەلەوی کەمینە بوو، دەسەڵاتی لە ڕێگای کودەتایەکی سەربازییە گرتە دەست. عەلەویەکان 14٪ ی دانیشتووانی سووریا پێک دەهێنن. لە 1982 دا، سوپای سووریا و هێزە ئەمنییەکانی ئەسەد یاخیبوونێکی سوننەکانی شاری حەمایان دامرکاندەوە، کە تێیدا دەیان هەزار مەدەنیان کوشت. لە 2000 دا، حافز ئەسەد مرد و کوڕەکەی، بەشار ئەسەد، جێگەی گرتەوە.
لەو کاتەوەی ئەمریکا ڕژێمەکەی “سەدام حسێن”ی لە 2003 ڕووخاند، ئیدی بارودۆخی سیاسی و کۆمەڵایەتی و ئابووری لە ئێراق ناجێگیر بووە، لەپەیوەند بەسووریاش، لەگەڵ دەسپێکی خۆپیشاندانەکان لە 2011 ەوە لە دژی ڕژێمەکەی ئەسەد دۆخەکە شڵەژاوە. داگیرکردنی ئێراق لەلایەن ئەمریکا بووە بە هۆکاری زیاتر ئاڵۆزبوونی دۆخەکە، وەک قووڵبوونەوەی توندوتیژیی مەزهەبیی، داڕمانی ئەمنیی، گەشەکردنی گرووپە ڕادیکاڵ و توندڕەوەکانی وەک ئەلقاعیدە لە ئێراق (کە دواتر بوو بە دەوڵەتی ئیسلامی لە ئێراق و سووریا، #داعش#). لە نیوەی 2014 دا، داعش ناوچەیەکی بەرفراوانی لە ئێراق و سووریا کۆنترۆڵ کرد، ئەمەش داعشی کرد بە گەورەترین ڕێکخراوی تیرۆرستی لە جیهاندا. لەو قۆناغەدا (2014-2017)، داعش بەوەوە دەینازی کە ناوچەیەکی فراوانی لە ئێراق و سووریا کۆنترۆڵ کردووە و چەندان سەرچاوەی گەورەی داهاتی هەیە، لەوانە بیری نەوت لەو دەڤەرانەی کە بەڕێوەی دەبرد.
دوای کۆنترۆڵکردنی ناوچەیەکی جوگرافیی فراوان، داعش دەوڵەتێکی/خەلافەتێکی دامەزراند کە لە باکووری سووریاوە دەستی پێ دەکرد تاوەکوو ناوچەکانی ڕۆژاوا و ناوەڕاستی ئێراق، ناوی لێنابوو دەوڵەتی ئیسلامی. دوای سێ ساڵ، داعش زۆربەی ئەو ناوچانەی لەدەستدا کە لە 2014 ەوە کۆنترۆڵی کردبوون. دوای داعش ئەو ناوچانە کەوتنە دەست سوپای ئێراق و هێزە کوردییەکان لە ئێراق و هێزەکانی حکومەتی سووریا و هێزەکانی سووریای دیموکرات لە سووریا.
شۆڕشی 1979 ی ئێران ڕژێمی شای ڕووخاند کە دۆست و هاوپەیمانێکی نزیکی ئەمریکا بوو لە ناوچەکە، لەجێی ئەو کۆماری ئیسلامی ئێرانی دامەزراند کە پێچەوانەی ڕژێمەکەی پێشوو بوو، دژی ئەمریکاییەکان ڕەفتار دەکات. لەگەڵ دامەزراندنی کۆماری ئیسلامی لە ئێران پەیوەندییەکان لەگەڵ ئێراق تێکچوون. لە ئەیلولی 1980، ئێراق جەنگێکی لە دژی ئێران ڕاگەیاند کە هەشت ساڵی خایاند. لە ماوەی ئەم جەنگەدا حافز ئەسەدی سووریا پشتی ئێرانی گرت؛ ئەمەش ڕێگای خۆشکرد بۆ هاوپەیمانییەکی ستراتیجی دوورمەودا لەنێوان هەردوو دەوڵەتدا.
لە هەشتاکان و نەوەدەکانی سەدەی ڕابردوو، ئێران هاوکاری پێشکەشی ئەنجوومەنی باڵای شۆڕشی ئیسلامی لە ئێراق (مەجلیسی ئەعلا) لە دەکرد، کە لە 2007 ناوەکەی گۆڕرا بۆ ئەنجوومەنی باڵای ئیسلامی لە ئێراق (لێرەبەدواوە، مەجلسی ئەعلا)، کە گرووپێکی ئۆپۆزسیۆنی ئێراقی بوو لە ئێران لە 1982 دا دامەزرا. ئێران ڕاهێنانیشی بە جەنگاوەرەکانی ڕێکخراوی بەدر دەکرد و چەکی پێ دەدان، کە ئەوکات باڵی سەربازی مەجلیسی ئەعلا بوو، بۆ ئەوەی شەڕی ئێراق بکەن. ڕێکخراوی بەدر کۆڵەکەیەکی سەرەکی هێزەکانی #حەشدی شەعبی#ە کە بەمدواییە دامەزرا کاتێک کە سوپای ئێراق لە موسڵ لە 2014 دا ڕووخا و عەلی سستانی، گەورە مەرجەعی شیعەکان، فەتوای دامەزراندنی دا. زیاد لەوەش، ئێران هاوکاریی و هەماهەنگی حیزبی دەعوەی ئیسلامیشی دەکرد کە گرووپێکی ئۆپۆزسیۆنی دیکەی شیعەیە بوو تا ڕووخانی سەدام حوسین. حیزبی دەعوە لە کۆتاییەکانی پەنجاکانی سەدەی بیست دامەزرا، کە حیزبی حاکمە لە ئێراق لە 2006 ەوە تا ئێستا. لە دوای دامەزراندنی کۆماری ئیسلامییەوە، دەکرێت ئەوە وەک هۆکارێک، یان ڕێگەخۆشکەرێک، بووە بۆ تێوەگلانی ئێران لە کاروباری ئێراق دا.
بەڵام تێوەگلان و دەستتێوەردانی ئێران بە ڕاست و بە چەپ لەگەڵ داگیرکردنی ئێراق لەلایەن ئەمریکا و لە دوای ڕاپەڕینەکانی سووریا، دەستپێدەکات و تادێت ئێران زیاتر ڕۆدەچێتە ناو کاروباری سیاسیی ئەو دوو وڵاتە و ڕەگوڕیشە لەنێو دامەزراوەکانیدا دادەکوتێت. لەگەڵ تێوەگلانی ئێران دا، هێزی دی هەرێمیی و نێودەوڵەتی کاریگەرییان هەبووە لەسەر ئاڵۆزییەکانی ئەو دوو وڵاتە بەڵام هیچیان بە قەد ئێران کاریگەرییان نەبووە و جێپەنجەیان دیارنەبووە. ئامانجی سەرەکی ئەم نووسینە گفتوگۆکردنە لەسەر پرسە پەیوەندارەکان بە دەستێوەردانی ئێران و هێزە هەرێمیی و نێودەوڵەتییەکان لە ئێراق و سووریا دا.
ڕاپەڕین و خۆپیشاندانەکانی سووریا کە لە 2011 دەستی پێ کرد، هەر زوو بوون بە ئاڵۆزی فراوان، بەتایبەتیی دوای تێوەگلانی هێزگەلی دەوڵەتی و نا-دەوڵەتی. کاتێک ناڕەزاییەکان لە سووریا دەستی پێ کرد ئێران بە “پیلانێکی ئیسرائیلی-ئەمریکی بۆ ڕووخاندنی ئەسەد” وەسفی کرد. بەهۆکاری ئەو هاوپەیمانییە بەهێزەی نێوان هەردوو وڵات یارمەتیدانی سووریا بوو بە کۆڵەگەیەکی سەرەکی لە سیاسەتی دەرەوەی ئێران بۆ پاراستنی ڕژێمەکەی ئەسەد، پەیداکردن و سەپاندنی کاریگەریی هەرێمیی، هەروەها بۆ پاراستنی ئەمنییەتی خۆی.
ململانێ بەردەوامە ناوخۆییەکانی ئێراق و سووریا بەهۆی ڕۆڵ و تێوەگلانی زلهێزی وەکوو ئەمریکا و ڕووسیا، هاوکات، وڵاتانی دراوسێ وەکوو سعودیە، تورکیا و قەتەر هێندەی دیکە پرس و کێشەکانی ئاڵۆزتر کرد. زیاد لەوەش تێوەگلانی هێزگەل و ڕێکخراوی نا-دەوڵەتی وەکوو بەرەی نووسرە (لقی سووریای ئەلقاعیدە لە 2017 کە ناوەکەی خۆی گۆڕی بۆ هەیئەت تەحریر ئەلشام)؛ داعش؛ حیزبوڵای شیعەی توندڕەوی لوبنان لەگەڵ پارتی یەکێتیی دیموکرات (پەیەدە) ی کوردی، هەموویان بەسەریەکەوە تەنگژەی سووریایان گەورەتر و فراوانتر و قووڵتر کرد. لەگەڵ ئەم چەقبەستووییە سیاسییە ئاڵۆزەی ئێراق و سووریا، کە بەهۆکاری هەندێک دەوڵەتی “خەمخۆر” خراپتر بووە، پێویست دەکات کە پێشهاتە نوێکان لە هەردوو وڵاتدا بە وریاییەکی زۆرەوە چاوی لێ بکرێت، بە شێوەیەک کە ئێران وەکوو یاریکەرێکی بەهێزی هەرێمی تەماشا بکرێت کە پێشتر توێژەران بەو ڕەنگە دەستنیشانیان نەکردووە و لێییان نەکۆڵیوەتەوە. ئەم بابەتە هەوڵدەدات لەو ڕۆڵە گرنگ و کاریگەرەی ئێران بکۆڵێتەوە. [1]

لەسەر بانگهێشتی ئەنجوومەنی سوریای دیموکراتیک (مەسەدە) ژمارەیەک لە هێزەکانی ئۆپۆزسیۆنی سوریا، لە هێزە نیشتمانییە لایک و دیموکراتیکەکان، حیزب و لایەنە سیاسییەکان، کەسایەتییە سەربەخۆکان و چالاکوانانی کۆمەڵی شارستانی لە ڕۆژانی 28 و 29ی تشرینی دووەمی 2018 / 7 و 8ی سەرماوەز لە شارۆچکەی عەین عیسا کۆبوونەوە. کۆبوونەوەکە لە چوارچێوەی دروشمی بۆ بونیاتنانەوە و پێشخستنی سوریا بەڕێوەچوو. ئەمە دووەمین دانوستانە، کە لەلایەن ئەنجوومەنی سوریای دیموکراتیک (مەسەدە)ەوە بەڕێوەدەچێت.
بەشداربوان گفتوگۆیان کرد لەبارەی دۆزە سەرەکی و جەوهەرییەکانی داهاتوی گەلی سوریا و بابەتە مرۆییەکانەوە. ئەو بابەتانەی گفتوگۆیان لەسەر کرا بریتین لە: قەیرانی مرۆیی لە ئاڵۆزیی سوریادا، شێوازی حکومەت لە سیستمی نا ناوەندی و دیموکراتیکدا، مۆدێلی خۆبەڕێوەبەری، بابەتی ئابووری و گونجاوترین شێواز بۆ داهاتووی سوریا، دەستووری بنەڕەتیی سوریا و بنەما سەرەکییەکانی، دۆزی ژن و ڕۆڵی لە چارەسەری و ئارامیی سوریا، میکانیزمەکانی دروستکردنی یەکێتیی ئۆپۆزسیۆنی دیموکراتیک لایک.
بەشداربوان جەختیان لەوە کردەوە، دروستترین ڕێگای چارەسەریی سیاسی ئەوەیە، کە هەموو پێکهاتەکانی سوریا بە بێ جیاوازی لە کۆمیتەی دەستوور و کارە سیاییەکاندا مسۆگەر بکرێن. هەروەها جەخت لەسەر تێکۆشان لە دژی دەسەڵاتخوازی و هەموو جۆرەکانی توندوتیژی و گرنگیی کردنەدەروەی هەموو هێزە داگیرکەرەکان لە سوریا کرایەوە.
بەشداربوانی گفوگۆکە جەختیان لەوە کردەوە، گەلی سوریا خاوەنی ئیرادەیەکی سەربەخۆییە و مافی خۆیەتی، چارەنووسی خۆی دیاری بکات. هەروەها داوا لە ڕێکخراە نێودەوڵەتی و ڕێکخراوە حقوقییەکان و نەتەوە یەکگرتووەکان کرا کە ئەرکی خۆیان بەجێبهێننن و کۆتایی بە ئاڵۆزییەکانی سوریا بهێنن و ئاشتی بهێنننە دی.
بەشدارابوان داوای دامەزراندنی کۆمیتەیەکی چاودێرییان کرد. ئەرکی کۆمیتەی چاودێری درێژەدان بێت بە دیالۆگ و چاوپێکەوتنی سوری – سوری بۆ ئەوەی کۆنگرەی بەرفراوانی سوریا ڕێکبخرێت. هەروەها بابەتی کۆبوونەوەکانی داهاتوو دەستنیشان بکات. لە هەمان کاتدا پێشنیاز کرا کە دانوستانەکانی داهاتوو پێشکەوتوتر بن و بابەتی دەستوور، گۆڕانکاریی دیموکراتیک و بابەتی داگیرکەران و بوونی سەربازیی بیانی گفتوگۆیان لەبارەوە بکرێت.
بەشداران جەختیان لەسەر بەردەوامیدان بە شەڕ لە دژی تیرۆر کردەوە.
بۆ ئەوەی لێکتێگەیشتن و ڕێککەوتن بەدی بێت، بەشداران داوایان دیالۆگی جدییان لە نێوان نوێنەرانی دەسەڵات و ئۆپۆزسیۆن و کۆمەڵگەدا کرد.
#29-11-2018#

الآثار الاقتصادیة و البیئیة لمشروع جنوب شرقي الأناضول على سوریا و العراق.
د. ريان ذنون محمود العباسي.
- الناشر: مجلة دراسات إقلیمیة (تصدر عن مركز دراسات اقليمية - جامعة الموصل) - 2005- المجلد (2) - العدد(4). صفحات ( 220-236). [1]
=KTML_Link_External_Begin=https://www.kurdipedia.org/docviewer.aspx?id=465050&document=0001.PDF=KTML_Link_External_Between=انقر لقرائة: الآثار الاقتصادیة و البیئیة لمشروع جنوب شرقي الأناضول على سوریا و العراق=KTML_Link_External_End=

=KTML_Bold=بەڕێز/ سعود مەلا سکرتێری گشتی پارتی دیموکراتی کوردستان-سوریا=KTML_End=
=KTML_Bold=بەڕێزان/ ئەندامانی مەکتەبی سیاسی و سەرکردایەتی پارتی دیموکراتی کوردستان-سوریا=KTML_End=

بەبۆنەى (65)مین ساڵیادى دامەزراندنی #پارتی دیموکراتی کوردستان# –سوریا جوانترین پیرۆزبایی ئاراستەى ئێوەی بەڕێز و کادیر و ئەندامان و لایەنگرانى حزبە تێکۆشەر و دێرینەکەتان دەکەین و، ئومێدەوارین هەمیشە لە پێشکەوتن و سەرکەوتندا بن لەپێناو بەدیهێنانى گشت مافە نیشتیمانى و نەتەوەیی و دیموکراسییەکانی گەلی کورد لە رۆژئاوای کوردستان.
پارتی دیموکراتی کوردستان–سوریا وەکوو یەکەم حزبی سیاسی کوردی لە کوردستانی سوریا ( 65) ساڵ پێش ئێستا دامەزرا، یەکێک بوو لە وێستگە گرنگەکانی خەباتی سیاسی رێکخراو لە سوریا بەمەبەستی کۆکردنەوە و رێکخستنی هەوڵ و تواناکان و ئاراستەکردنی جەماوەر لە پێناو بەدیهێنانی ماف و داخوازییەکانی گەلی کوردستان لە سوریا.

پارتی دیموکراتی کوردستان–سوریا وەکوو حزبێکی میانڕه و و بوێر و متمانەپێکراو لە لایەن گەلی کوردستانی رۆژئاوای کوردستان لە رابردوو و ئێستاشدا لە مەیدانی خەبات و قوربانیداندا هەمیشە لە رێزی پێشەوەی کاروانی تێکۆشان بووە، وێستگە جیاجیاکانی خەباتی گەلی کوردستان لە سوریا ئه و شایەدیە بۆ ئەم حزبە رەسەن و هەڵقوڵاوەی ناو جەرگەی کۆژان و ئازارەکانی جەماوەری گەلی کوردستان لە کوردستانی سوریا دەدەن، کە هەمیشە لە کاروانی خەبات و تێکۆشاندا پێشڕەوو بووە لە پێناو بەدیهێنانی ماف و ئازادیەکانی گەلی کورد لە سوریا.
به و بۆنەیەوە دوبارە جەخت دەکەینەوە لە سەر هاوپەیمانیی و دۆستایەتى بەهێزى نێوانمان و سوور بوون لە سەر پتەوکردنى بنەما راست و دروستەکانى خەبات و تێکۆشانى مەدەنیانە و دیموکراسیانە و بەدیهاتنى تەواوی ئامانجەکان لە ئاشتی و ئازادی و دیموکراسی.
دووبارە (65) ساڵەی دامەزراندنی (PDK-S) پیرۆز دەکەین و دڵنیاین کۆسپ و تەگەرە دروستکراوەکانی بەردەم خەباتی رەواتان کاتین و مەیدانی راستەقینەی تێکۆشان دواجار ھەر بۆ حزبە رەسەن و جەماوەرویستەکانە و، کاروانی خەباتی مەدەنیانە و دیموکراسیتان بەردەوام و بەرھەمدار دەبێ. [1]
هەر سەرکەوتوو و سەرفراز بن...

مەکتەبی سیاسی
پارتى دیموکراتى کوردستان
#14-06-2022#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

نووسینی: سەڵاح بەدرەدین