$باکووری کوردستان$
- پارێزەران و خانەوادەی ئۆجالان و گیراوانی دیکەی زیندانی دوورگەی #ئیمرالی#، بۆ ئەوەی بچنە ئیمرالی داواکاریی دیداریان پێشکەش کرد.[3]
$رۆژهەڵاتی کوردستان$
- قایمقامی #سەوڵاوا# ڕایگەیاند، بە مەبەستی بەرەنگاربوونەوەی کۆرۆنا ئەمساڵ ڕێوڕەسمی #کۆمسای# لە هەورامانی تەخت سازناکرێت.[1]
- لە چەند ڕۆژی ڕابردوودا، کچێکی لاو بە ناوی سومەیە بەهمەنی تەمەن 23 ساڵ کچی عومەر، بە هۆی کێشەی بنەماڵەیی لە #مەریوان# (خۆی سووتاند). کێشەی بنەماڵەیی هۆکاری سەرەکیی خۆسووتانی ئەو کچە لاوە بووە. سومەیە بەهمەنی دەزگیراندار بووە.[6]=KTML_ImageCaption_Begin==KTML_StyleDiv=width:25%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/380831/0006.JPG=KTML_ImageCaption_Title=کچێکی تەمەن 23 ساڵ لە مەریوان ئاگری لە جەستەی خۆی بەرەدا=KTML_ImageCaption_CaptionStyle=000000=KTML_ImageCaption_Caption=کچێکی تەمەن 23 ساڵ لە مەریوان ئاگری لە جەستەی خۆی بەرەدا=KTML_ImageCaption_End=
- لەم ڕۆژانەدا 7 کەس بە ناوەکانی: هادی ئەحمەدپوور کوڕی مەحموود، ئیدریس کەریم زادە، خەلیل کەریمی کوڕی ساڵح، کەریم کەریمی کوڕی ساڵح و بارزان کەریمی کوڕی ساڵح خەڵکی شاری #بانە#، فەرهاد ئەحمەدیپوور کوری عەبدوڵڵا و بێستوون ئەحمەدیپوور کوڕی عەبدوڵڵا لەلایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزراون. هێزە ئەمنییەتییەکان، بەبێ بەڵگەی یاسایی هێر شیان کردووەتە سەر ماڵی ئەو هاووڵاتییانە و ئەوانیان دەسبەسەر کردووە. هەتا ئەمڕۆ بەدواچوونی بنەماڵەی ئەو 7 هاووڵاتییە کوردە دەسبەسەر کراونە، بۆ ئاگاداربوون لە چارەنووسی کوڕەکانیان بێ ئاکام ماوەتەوە و ناوەندە ئیتلاعاتییەکان لە دانی هەر جۆرە زانیارییەک بە بنەماڵەی دەسبەسەرکراوەکان خۆیان دەبوێرن.[6]
- #زەینەب جەلالیان# ژنە گیراوی سیاسی لەلایەن هێزە ئەمنییەکانی دەوڵەتی ئێرانەوە لە زیندانی شاری 'خۆی' گوازراوەتەوە بۆ شوێنێکی نادیار.[3]
- چەند ڕۆژ پێش، هێزە ئەمنییەتییەکان هاووڵاتییەکی کوردیان بە ناوی فەرشاد ڕەحمانی تەمەن 33 ساڵ خەڵکی شاری #کامیاران# دەسبەسەر کرد.[6]
- ئارەزوو فەلاحی بەڕێوەبەری پەیوەندییە گشتییەکانی زانکۆی زانستی پزیشکیی سنه، باسی لە تووشبوونی 44 منداڵ و مێرمنداڵ بە ڤایرۆسی کۆرۆنا، لە پارێزگای #سنە# کرد کە 2 مێرمنداڵی تەمەن 12 ساڵ و مێرمنداڵێکی تەمەن 2 ساڵە بە کۆرۆنا گیانیان لەدەست داوە.[6]
- ئیدارەی ئیتلاعاتی سنە، چوار چالاکی کرێکاریی بانگهێشت کرد و بۆ ماوەی چەند کاتژمێر لێپرسینەوەی لەگەڵ کردن. شەیس ئەمانی، شەریف ساعدپەنا و هاوژینەکەی شەهلا دڵبینا لەلایەن ئیدارەی ئیتلاعاتی سنە لە ڕێگای تەلەفۆنەوە بانگهێشتی ئەو ناوەندە حکوومەتییە کران. ئیتلاعاتی سنە، لە کاتژمێر 11 هەتا 3ی دوانیوەڕۆ، لێپرسینەوەیان لەگەڵ کردبوون و هوشداریی بەو چالاکە کرێکارییانە دابوو کە لە هەر چەشنە چالاکییەک لە ڕۆژی جیهانیی کرێکاران خۆیان ببوێرن.[6]
$باشووری کوردستان$
- تەندروستیی #کەرکووک# تووشبوونی پێنج کەسی دیکەی بە ڤایرۆسی #کۆرۆنا# لە پارێزگاکە ڕاگەیاند.[1]
- لە بەردەوامی پشکنینەکان و گەڕان بەدوای گومانلێکراوان، پێنج تووشبووی دیکەی ڤایرۆسی کۆڕۆنای نوێ COVID-19 لە پارێزگای هەولێر دەستنیشانکران. وەزارەتی تەندروستی بڵاویکردەوە، پیاوێک تەمەن 49 ساڵ و ئافرەتێکی تەمەن 23 ساڵ و کچێکی 14 ساڵ لە شارۆچکەی #سۆران# لە گەڕەکی 26 گوڵان تووشی ڤایرۆسەکە بوون. ئاماژەی بەوەشکردووە، تووشبووی چوارەم پیاوێکی تەمەن 67 ساڵییە لە شارەدێی #سمیلان#. تووشبووی پێنجەم کوڕێکی تەمەن 18 ساڵییە لە تەلار سیتی لە شارەدێی #کەسنەزان#، لە هەمان خێزانی تووشبووی پێشووە. هەموو توشبووەکان بەرکەوتەی تووشبووەکانی پێشوون.[7]
-لە بەردەوامی پشکنینەکان و گەڕان بەدوای گومانلێکراوان، هەشت توشبووی دیکەی ڤایرۆسی کۆڕۆنای نوێ COVID-19 لە پارێزگای هەولێر دەستنیشانکران، کە حەوت توشبوو دانیشتوی گەرەکی سێتاقانە هەموویان بەرکەوتەی توشبوێکی پێشووی تەلار سیتیە لە شارەدێی کەسنەزان، کە لەنێویاندا سێ ئافرەت تەمەنەکانیان (85)، (43)، (36) ساڵن و چوار منداڵ تەمەنەکانیان (12)، (10)، (6)، (5) ساڵن.[7]
- تەندروستی #کۆیە# لە ڕاگەیەندراوێکدا ئەنجامی پشکنینی 100 کەسی ڕاگەیاند کە نێگەتیڤ بون و بەشداری پرسەی توشبویەکی کۆرۆنایان کردوە.[2]
- سەرۆکی #پەرلەمانی کوردستان# ڕایگەیاند: لە دوای 2ی ئایارەوە دانیشتنەکانی پەرلەمان دەستپێدەکاتەوە و ئەولەویەتی کارەکانییان پرسی #موچە# دەبێت.[2]
- بەرەبەیانی ئەمڕۆ کرێکارانی پاککەرەوەی ناو شارۆچکەی #کەلار#ی ناوەندی ئیدارەی #گەرمیان#، لەبەردەم کۆمپانیاکەیان گردبوونەوە و نەچوونە سەر کار و بۆ مافەکانیان هەڵوێستیان دەربڕی. ئەوکرێکارانەی مانگرتنیان ڕاگەیاندووە، ژمارەیان زیاتر لە 20 کرێکار دەبێت و بەهۆی پێنەدانی مووچەکانیانیانەوە نەچوونەتە سەرکار، کە سێ مانگە مووچەیان وەرنەگرتووە.[3]=KTML_ImageCaption_Begin==KTML_StyleDiv=width:25%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/380831/0004.JPG=KTML_ImageCaption_Title=پیاوێک بە نارنجۆک هێرشی کردەسەر ماڵی کچەکەی و هەردوکیان گیانیان لەدەستدا=KTML_ImageCaption_CaptionStyle=000000=KTML_ImageCaption_Caption=پیاوێک بە نارنجۆک هێرشی کردەسەر ماڵی کچەکەی و هەردوکیان گیانیان لەدەستدا=KTML_ImageCaption_End=
- شەش سەندیکای پزیشکی لەسلێمانی ڕاگەیەنراوێکیان بۆ ڕایگشتی کە ئاڕاستەی هەر سێ سەرۆکایەتییەکەیان کردوە بڵاوکردەوه و ڕایانگەیاند، کە، بەهۆی پێنەدانی مووچە کارکردن ڕادەگرین.[2]
- هونەرمەند #سەعید گاباری#، بەهۆی شێرپەنجەی سییەکانیەوە لە #هەولێر# لەژێر چاودێریی چڕی پزیشکیدایە. خانەوادەی سەعید گاباری دەڵێن، ماوەی چوار ڕۆژە لە نەخۆشخانە لەژێر چاودێریی چڕی پزیشکیدایە و باری تەندروستیی ناجێگیرە.[1]
- لەشارۆچکەی #خورماتوو# بەبۆنەی ڕۆژی جیهانی کرێکارانەوە، حزبی شیوعی کوردستان هاوکریی بەسەر 110 کرێکاردا دابەشکرد.[3]
- #سەرکەوت شەمسەدین#، ئەندامی لیژنەی دارایی لە ئەنجومەنی نوێنەرانی عێراق- فراکسیۆنی ئایندە و #غالب محەمەد# ئەندامی ئەنجومەنی نوێنەران- فراکسیۆنی گۆڕان، ئەمڕۆ لە نوسینگەی ئەنجومەنی نوێنەرامی عێراق لە شاری سلێمانی، کۆنگرەیەکی ڕۆژنامەنووسییان بەڕێوەبرد. لە کۆنگرە ڕۆژنامەنووسییەکەدا غالب محەمەد و سەرکەوت شەمسەدین، ئەوەیان خستەڕوو، کە هەرێمی کوردستان ڕۆژانە 600 هەزار بەرمیل نەوت دەفرۆشێت و داهاتی ساڵانەشی هەشت ملیار و 500 ملیۆن دۆلارە و لە بڕەش تەنیا سێ ملیار دۆلار بۆ هەرێم دەمێنێتەوە، ئەوانی دیکەی بۆ تورکیا و حەقدەستی کۆمپانیاکانی دیکە دەڕوات، ئەمەش واتە هەرێمی کوردستان زەرە دەکات لە جیاتی قەزانج، چونکە ئەگەر هەرێمی کوردستان ئەوە 250 هەزار بەرمیل نەوتەی ڕۆژانەی بناردایە بۆ بەغدا ئەوا شەش ترلیۆن و نیو دۆلاریان دەست دەکەت.[3]
- کۆچی دوایی نیعمەت خانی حەمەی ئاورەحماناغا، پووری #نێچیرڤان بارزانی#.[7]
- لە #سلێمانی# جارێکی تر نرخی بەنزین دادەبەزێت و بڕیارەوە لە ئەمڕۆوە نرخە نوێیەکەی بخرێتە بواری جێبەجێکردنەوە. نرخی لیترێک بەنزینی نۆرماڵ بۆ 500 دینار و موحەسەن بۆ 600 دینار و سۆپەر بۆ 675 دینار بەپاراستنی تەواوی کوالێتییەکەیانەوە دادەبەزێنرێت.[5]
- لە هەولێر، پیاوێک نارنجۆکێک هەڵدەداتە ماڵی زاواکەیەوە و بەهۆیەوە کچەکەی گیان لەدەستدەدا و زاواکەشی بریندار دەبێت.[2]
$دەرەوەی کوردستان$
- کۆمەڵەی بێرتێلسمانی ئەڵمانی BTI بۆ توێژینەوه، نوێترین ڕیزبەندی وڵاتانی دیموکراسی بۆ ساڵی 2020 بڵاوکردەوە و بەگوێرەی ڕیزبەندییەکە، چیدی تورکیا بە وڵاتێکی دیموکراسی ناوزەد ناکرێ.[1]
- بەڕێوەرایەتی گومرگەکانی ئێران ڕایدەگەیەنێت، لەماوەی سێ ڕۆژی ڕابردوودا، حەوت هەزار و 264 ئۆتۆمبێلی بارهەڵگری پڕ لەکەلوپەل بۆ هەرێمی کوردستان و عێراق هەناردەکراوە.[4]
- وەزارەتی تەندروستی ئێران نیوەڕۆی ئەمڕۆ ئاماری 24 کاژێری تووشبوون و مردن بە کۆرۆنای بڵاوکردەوە و ڕایگەیاند 71 کەسی دیکە بە کۆرۆنا گیانیان لەدەستداوە و هەروەها 983 کەسیش تووشی ڤایرۆسەکە بوون.[1]
- ئەمڕۆ شاندەکەی هەرێمی کوردستان بە سەرۆکایەتیی #قوباد تاڵەبانی# بۆ جاری دووەم لەگەڵ سامر غەزبان، جێگری سەرۆکوەزیران بۆ کاروباری وزە و وەزیری نەوتی عێراق کۆبوونەوە و پرسی ناردنی مووچەی فەرمانبەرانی حکومەتی هەرێمی کوردستانیان تاوتوێکردووە.[1]
- فەخرەدین کۆجا، وەزیری تەندروستی تورکیا ڕایگەیاند، کە لەماوەی 24 کاتژمێری ڕابردوودا 2 هەزار و 615 کەس توشی ڤایرۆسی کۆرۆنا بوون، 93 کەسیش گیانیان لەدەستداوە.[3]