$باکووری کوردستان$
- لە ناوەندی شاری شرنەخ و ناوچەی جزیر پۆلیسی تورک هەڵیکوتایە سەر ماڵی هاووڵاتییان. لەو هەڵکوتانەدا بێریڤان کوتلو پاڵێوراوی #هەدەپە# بۆ هاوسەرۆک شارەوانیی جزیر و چەندین ژنی تر دەستگیرکران. ناوی بەشێک لەو کەسانەی دەستگیرکراون بریتین لە: لەیلا کلچ و نورییە بیلیر بەڕێوەبەرانی هەدەپە لە شاری شرنەخ، عایشە ئاڵتای هاوسەرۆکی دەبەپە لە شرنەخ، زەینەب ئیدین، کومرو یۆروک، ئەمینە ئەرکوش، سەدات ئەدین، تایبەت بیلگی لە شرنەخ و بێریڤان کوتلو لە جزیر دەستگیرکران. هەورەها شیرین کلچ کە ناوی خۆی بۆ هاوسەرۆک شارەوانی تۆمارکردبوو، لەلایەن هێزە ئەمنییەکانی تورکیاوە دەستگیرکرا.[2]
- پۆلیسی دەوڵەتی تورک لە ناوچەی ڕێیا ئارمووش لە #وان#، ئایفەر شاهین بیلیجی نوێنەری وەقفی مافی مرۆڤی تورکیا (تیهەڤ - TIHV) دەستیگرکرد. ئەو ژنە چالاکوانە دووگیانە و دووگیانەکەی 8 مانگە.[2]
$رۆژهەڵاتی کوردستان$
- دەزگای قەزایی حکوومەتی ئێران، 6 هاووڵاتیی کوردی خەڵکی شاری #شنۆ#ی، بە 16 ساڵ و نیو زیندانی تەعزیری مەحکووم کرد. بەپێی ڕەیی داسەپاو لە لایەن دادگای ئینقلابەوە، فەتاح عەلیکورد خەڵکی گوندی نرزیوێی شاری شنۆ، بە سێ ساڵ شەش مانگ زیندانی، یوونس شەریفی خەڵکی شنۆ بە سێ ساڵ و شەش مانگ زیندانی، حامید زەریفی خەڵکی گوندی خۆرشت بە سێ ساڵ زیندانی، محەممەدئەمین فەزڵی خەڵکی گوندی بێمزورتێ بە دوو ساڵ زیندانی، مەجید دەریایی خەڵکی شاری شنۆ بە دوو ساڵ زیندانی و محەممەد مەحموودتاش خەڵکی گوندی خۆرشتبە دوو ساڵ و شەش مانگ زیندانی مەحکووم کراون. دەزگای قەزایی ئەم شەش هاووڵاتییە کوردەی بە تۆمەتی هاوکاری لەگەڵ یەکێک لە حیزبە کوردییەکانی ئۆپوزسیونی حکوومەتی ئێران، تاوانبار کردووە.[4]
- مانگرتنی کرێکار و فەرمانبەرانی بەگرێبەستی شارەوانی #مەریوان# بەردەوامە و کار ناکەن چونکە نۆ مانگە مووچەیان وەرنەگرتووە. بەو هۆیەوە زبڵ و پاشماوەی زۆر لەسەر شەقام و کۆڵانەکاندا کەڵەکە بووە و دانیشتووانی شارەکەی بێزارکردووە.[7]
$باشووری کوردستان$
- بەهۆی ئه و شەپۆلە باران بارینەی شەوی ڕابردوو ڕووی لە سنوری پارێزگای #هەڵەبجە# و شارۆچکەی #سەیدسادق# کردووە، 30 سەرئاژەڵی گوندنشینان لافاو بردویەتی و بۆماوەیەکیش ڕێگای هاتوچۆی نێوان پارێزگای هەڵەبجە و #سلێمانی# داخرا و لە هەردوو شارۆچکەی سەیدسادق و #پێنجوێن# خوێندن ڕاگیرا.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/165079/0004.JPG=KTML_ImageCaption_Title=لافاو ڕێگای هاتوچۆی نێوان پارێزگای هەڵەبجە و سلێمانی داخست=KTML_ImageCaption_CaptionStyle=000000=KTML_ImageCaption_Caption=لافاو ڕێگای هاتوچۆی نێوان پارێزگای هەڵەبجە و سلێمانی داخست=KTML_ImageCaption_End=
- بەڕێوبەرایەتی گشتی کەشناسی و بومەلەرزەزانی هەرێمی کوردستان ئاشکرایدەکات: کاتژمێر 9.2 خولەکی بەیانی ئەمڕۆ، بومەلەرزەیەک بە گوڕی 3.7 پلەی ڕێکختەر بە قوڵایی 17 کیلۆمەتر لە شارۆچکەی #خانەقین# ڕوویدا.[1]
- بەهۆی بارانبارین دروستبوونی لافاوەوە، پردی نێوان #شارباژێر# - پێنجوێن ڕوخاو هێڵی کارەبای سنوورەکەش پچڕا.[3]
- سوپای تورکی داگیرکەر تۆپبارانی دەڤەری #برادۆست#-یان کرد. بە گوێرەی زانیارییەکان گوندەکانی بێسنۆک، کەندەگەری و کۆرتەک کراونەتە ئامانجی هێرشەکە.[2]
- سەنتەری ڕاگەياندنی ئەمنی عێراق، ئەمڕۆ ڕايگەياند: هێزێکی دەزگای ئاسايشی نيشتمانی لە پارێزگای #کەرکووک# بە هەماهەنگی لەگەڵ هێزە ئەمنييەکانی هەرێمی کورستان، لەناو سنوری هەرێم، نۆ تيرۆرستيان دەستگيرکردووە کە لەلايەن دادگاوە داواکراوبوون.[1]
- بڕیار بوو ئەمڕۆ یەکێتی و پارتی بۆ تاوتوێکردنی ڕەوشی سیاسی عیراق و هەرێم و پێکهێنانی کابینەی نوێی حکومەت کۆببنەوە. بەڵام کۆبوونەوەکە ئەنجام نادرێت.[3]
- بەیانی ئەمڕۆ لە هەڵەبجە لەلایەن پۆلیسەوە تەرمی ژنێک لەماڵەکەی خۆیدا بە خنکاوی دۆزرایەوە.[3]
- ساڵۆنی #کوردستانی نوێ# کۆڕی ناساندن و بڵاوکردنەوەی دوو تۆیی تایبەت بە دیاردەی ساختەهەواڵ لە ئامادەکردنی ڕۆژنامەنووس #سۆران# عەلی ساز کرد.[3]
- پۆلیسی سلێمانی ڕایگەیاند، پاشنیوەڕۆی ئەمڕۆ لە گەڕەکی زەرگەتەی شاری سلێمانی گەنجێک برا گەورەکەی خۆی بە چەقۆ کوشتووە.[5]
- فراکسیۆنی پارتی لەپەرلەمانی کوردستان پێی وایە تورکیا بەپاساوی بونی #پەکەکە# ناوچە سنورییەکانی هەرێمی کوردستان بۆردومان دەکات و بۆیە بەپێویستی دەزانێت پەکەکە خاکی هەرێمی کوردستان جێبهێڵێت و داواش لەهەردو حکومەتی هەرێم و بەغدا دەکات ئه و پرسە چارەسەر بکەن.[6]
- تەرمی گەنجێکی دانیشتووی سلێمانی بەناوی هەڵکەوت محەمەد، کە لەڕێگەی کۆچکردن بۆ ئەوروپا خنکابوو، گەیێندرایەوە سلێمانی و بەخاکسپێردرا. [7]
- بەهۆی بارانبارینی زۆر و داڕووخانی بەشێک له و ڕێگەیەی بەناو ڕووباری #حەمرین#دا دەچێت لە ئێوارەی دوێنێوە ئه و ڕێگەیەی نێوان خانەقین – بەعقوبە داخراوە.[3]
$رۆژئاوای کوردستان$
- ئێوارەی ئەمڕۆ لە شاری #منبج# بۆمبێکی لکێنراو بە ئۆتۆمبێلێکدا تەقییەوە. بە گوێرەی زانیارییەکان تەقینەوەکە لەسەر ڕێگەی شەهیدگە ڕوویداوە و شۆفێری ئۆتۆمبێلەکە بریندار بووە.[2]
$دەرەوەی کوردستان$
- کۆمەڵێک چالاکوانی کورد لە بەلژیک لە دژی ڕەشبگیریی چالاکوانانی بادینان بەهۆی ڕاپەڕینەکەی #شیلادزێ#-وە هێرشیان کردەسەر نوێنەرایەتیی حکومەتی هەرێم لە بەلژیک و ئاڵای کوردستانیان هێنایەخوارەوە و باڵەخانەکەشیان هێلکەباران کرد.[5]

هێزەکانی ڕزگاریی #عەفرین# لەبارەی ئەو چالاکییانە لە عەفرین ڕاگەیاندراوێکیان بڵاوکردەوە.
لە ڕاگەیاندراوەکەی هێزەکانی ڕزگاریی عەفرین دا هاتووە:
#شەڕڤان#انمان ڕۆژی 28ی کانوونی دووەمی 2019 / 8ی ڕێبەندان لە گوندەکانی عەفرین 2 چالاکییان ئەنجامدا.
1 – شەڕڤانانمان ڕۆژی 28ی کانوونی دووەم / 8ی ڕێبەندان لە گوندی گۆبەلی عەفرین ئۆتۆمبێلێکی پڕ لە چەک و تەقەمەنییان کردە ئامانج، کە سەربازانی تورک و تیرۆریستانی تیادا بوو. لەو چالاکییەدا 2 سەرباز و تیرۆریستێک کوژران و سەربازێک و 3 تیرۆریستیش بریندار بوون. جبەخانەی ناو ئۆتۆمبێلەکەش لەلایەن شەڕڤانانەوە تەقێنرانەوە.
2 - لە 28ی کانوونی دووەم / 8ی بەفرانبار هێزەکانمان لە گوندی دێرمشمشی عەفرین لەد ژی چەتەکانی ئەحرار شام چالاکییەکیان ئەنجامدا. لەو چالاکییەدا 2 چەتە کوژران و 3 چەتەی تریش بریندار بوون.[1]
#29-01-2019#

ناوەندی ڕاگەیاندنی هێزەکانی پاراستنی گەل (#هەپەگە#) ڕاگەیەنراوێکی بڵاوکردەوە و ئاشکرای کرد، ڕۆژی 28ی کانوونی دووەم\7ی ڕێبەندان کاتژمێر 15:30 لە ناوچەی #سیدەکان#-ی باشووری کوردستان دژی سەربازانی تورکیا لەسەر گردی لێلیکان، چالاکییەکیان ئەنجام داوە. بە گوێرەی ڕاگەیەنراوەکە، گورزی تووند لە سەنگەر و پەناگەکانی سوپای تورک دراوە و لە ئەنجامدا 3 سەرباز کوژراون. هەپەگە ڕاشیگەیاند، سوپای تورک دوای چالاکییەکە تۆپبارانی ناوچەی چالاکییەکەی کردووە.
دەربارەی بۆردومانی فڕۆکەجەنگییەکانی سوپای تورک ناوەندی ڕاگەیاندنی هەپەگە ڕایگەیاندووە، (ڕۆژی 26ی کانوونی دووەم\5ی ڕێبەندان کاتژمێر 19:30 فڕۆکەجەنگییەکانی تورکیای داگیرکەر بۆردومانی ناوچەی کورۆژەهرۆ-ی سەر بە هەرێمی زاپ-یان کردووە لە سنووری هەرێمەکانی پاراستنی مەدیا. بەهۆی بۆردومانەکە هیچ زیانێک بە هێزەکانمان نەگەیشتووە.)[1]
#29-01-2019#