$رۆژهەڵاتی کوردستان$
- ژمارەیەک لە #کۆڵبەر#انی کورد لە ناوچەی سێ #چۆمان#ی شاری #پیرانشار#، کرانە ئامانجی تەقەی ڕاستەوخۆی هێزەکانی سپای پاسداران و لە ئاکامدا، چەند کۆڵبەرێک کوژران و بریندار بوون. شوناسی دوو کەس لەو کۆڵبەرانە کە گیانیان لەدەست داوە بە ناوەکانی خالید سەلیمی، خەڵکی شاری #سەردەشت# و ئاکام باردڵ، خەڵکی شاری #مەهاباد#، ڕاگەیەندراوە.[6]=KTML_Photo_Begin=https://www.kurdipedia.org/files/relatedfiles/2019/284075/0033.JPG=KTML_Photo_Alt=پرسەی یەک لە کۆڵبەرەکان=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/284075/0033.JPG=KTML_Photo_End=
- بە هۆی شەڕ و دەمەقاڵێ لە نێوان چەند هاووڵاتی لە شاری #سنە#دا، دوو هاووڵاتی کوژران و هاووڵاتییەکی دیکەش بریندار بوو.[6]
- ستوان یەکەم، ئیبراهیم ئاخوندزادە، ئەندامی #سوپای پاسداران#، لە نزیک گوندی سێگرکی شاری چاڵدێران، لە شەڕ و تێکەڵچوونێکدا، کوژرا. ئەو ئەندامەی سپای پاسداران، خەڵکی شاری ئاواجیقی سەر بە شاری چاڵدێرانە و میدیا حکوومەتییەکان ئەم شەڕ و تێکەڵچوونەیان، خستووەتە ئەستۆی حیزبە کوردییەکانی ئۆپۆزسیۆنی حکوومەتی ئێران.[6]
$باشووری کوردستان$
- #پەڕڵەمانی کوردستان# بۆ هەڵبژاردنی سەرۆکی هەرێم کۆدەبێتەوە. فراکسیۆنەکانی #یەکێتیی نیشتمانیی کوردستان#، #کۆمەڵی ئیسلامی#، #یەکگرتووی ئیسلامی# و #نەوەی نوێ# دەنگیان بەکاندیدەکەی پارتی نەدا و فراکسیۆنەکانی #بزووتنەوەی گۆڕان# و پارتی و کەمینەکانی پەرلەمان دەنگیان بە #نێچیرڤان بارزانی# دا و بە 68 دەنگ لە 81 بووە سەرۆکی هەرێمی کوردستان.[1]
- سەرچاوەکان باس لە قەیرانێکی تری سیاسی دەکەن لە باشووری کوردستان، بەهۆی دەنگنەدانی یەکێتی بۆ کاندیدی پارتی و ئاڵۆزیی گەورە لەنێوان پەیوەندییەکانی پارتی و یەکێتیدا دروستبووە.[1]=KTML_Photo_Begin=https://www.kurdipedia.org/files/relatedfiles/2019/284075/0011.JPG=KTML_Photo_Alt=لە تۆڕە کۆمەڵایەتییەکانەوە: 28-05-2019=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/284075/0011.JPG=KTML_Photo_End=
- وتەبێژی یەکێتیی نیشتمانیی کوردستان ڕایدەگەیەنێت، سبەینێ ئەنجومەنی سەرکردایەتی یەکێتیی نیشتمانیی کوردستان کۆدەبێتەوه و تاوتوێی پڕۆسەی سیاسی لە هەرێمی کوردستان و هەڵوێستی ئایندەی یەکێتی دەکات.[5]
- کۆپتەر و فڕۆکە جەنگییەکانی سوپای تورک دەورووبەری چەمی لۆلان و چیای شەکیف-یان بۆردمانکرد. هێرشەکە بە 30 کۆپتەر و فڕۆکە جەنگی ئەنجامدرا. سوپای تورک دوای بۆردومانەکە سەربازی لەسەر چیای شەکیف دابەزاند.[2]
- بەیانی ئەمڕۆ، دەنگی چەند تەقینەوەیەکی گەورە گوندەکانی بناری ئاسۆسی شارەدێی #بنگرد#ی سەر بە شارۆچکەی #دوکان#ی هەژاند و بەڕێوەبەری شارەدێیەکەش دەڵێت: دەنگی ئه و تەقینەوانە بەهۆی بۆردومانی فڕۆکەوە بووە لە دوو هاوینە هەواری سنورەکە.[3] هەندێک سەرچاوەی تر فڕۆکەکان بەهی ئێران دەزانێت.[4]
- گرتەیەکی ڤیدیۆییی #فەرهاد پیرباڵ# لە تۆڕە کۆمەڵایەتییەکان بڵاوبووەوە، کە دەگووترێت لێی دراوە و خوێن بە سەر و دەموچاوییەوەیە.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/284075/0027.JPG=KTML_ImageCaption_Title=گرتەیەکی ڤیدیۆییی فەرهاد پیرباڵ لە تۆڕە کۆمەڵایەتییەکان بڵاوبووەوە=KTML_ImageCaption_CaptionStyle=000000=KTML_ImageCaption_Caption=گرتەیەکی ڤیدیۆییی فەرهاد پیرباڵ لە تۆڕە کۆمەڵایەتییەکان بڵاوبووەوە=KTML_ImageCaption_End=
- بەشێک لە شۆفێرانی ئۆتۆمبێلە بارهەڵگرەکانی دەروازەی سنووریی #پەروێزخان#، لەبەرامبەر وەرگرتنی بڕێک پارە لێیان لەلایەن گومرگی پەروێزخانەوە مانگرتنیان ڕاگەیاند.[4]
- بەرپرسێکی #وەزارەتی پەروەردە#ی حکومەتی هەرێمی کوردستان ڕایدەگەیەنێت: بەهۆی ئەوەی لە تاقیکردنەوەی ئەمڕۆی زمان و ئەدەبی کوردی پۆلی 12ی ئامادەیی، پرسیارێکی درەکی هەبووە، بۆیە دوو نمرە بەسەرجەم خوێندکاران دەدرێت.[3]
$دەرەوەی کوردستان$
- سەرچاوەکان باس لەوە دەکەن، ئەم بەیانییە، #چراخان ڕەفیق# هاوسەری پێشووی #ئاشتی هەورامی# تووشی ڕووداوی هاتوچۆ بووە لە پاریس و باری تەندروستیی ناجێگیرە.[1]

وێڕای دەربڕینی سوپاس و پێزانینی زۆرم بۆ پەرلەمانی کوردستانی بەڕێز کە ئەمڕۆ بە نوێنەرایەتی گەلی کوردستان متمانەیان پێدام، سەرجەم کوردستانیانی ئازیز دڵنیا دەکەمەوە کە سەرۆکایەتیی هەرێم چەتری یەکڕیزی و کۆکەرەوەی سەرجەم هێز و لایەنە سیاسیەکانی کوردستان و پێکهاتە ئیتنی و ئایینییەکانی دەبێت بە جیاوازیی بیر و بۆچوونەکانیانەوە، لە پێناوی پێکەوەژیانی ئاشتیانە و ئارامیی گەلی کوردستاندا.
کوردستانیانی خۆشەویست..
ئارامی و ئاشتیی کۆمەڵایەتی و زامن کردنی مافەکانی تاک و کۆمەڵگا، ئامانجی سەرەکیمان دەبێت بە گرتنەبەری ڕێگای دیالۆگ لە چارەسەرکردنی سەرجەم کێشەکانی نێوان هەرێم و حکومەتی فیدراڵ لە چوارچێوەی دەستووردا، هەروەها پاراستنی پەیوەندیی دۆستانەی بەهێز لەگەڵ وڵاتانی دراوسێ و ناوچەکە و بەردەوامیدان بە بەهێزکردنی پێگە و سەنگی هەرێمی کوردستان لەسەر ئاستی هەرێمایەتی و نێودەوڵەتی.
هەرێمی کوردستان موڵکی هەموو کوردستانیانە بە هەموو جیاوازییەکانیانەوە، سەرۆکایەتی هەرێمیش سەکۆی ئیرادە و خواست و مافەکانیان دەبێت بەبێ هیچ جیاکاری و پەڕگیرییەک. بەرژەوەندییەکانی گەلی کوردستان بەردەوامیدان و خێراکردنی هەنگاوەکانی پرۆسەی پێکهێنانی حکومەتی هەرێم لە لایەنە بەشداربووەکانی دەخوازێت.
#نێچیرڤان بارزانی#
سەرۆکی هەڵبژێردراوی هەرێمی کوردستان
#28-05-2019#

ناوەندی ڕاگەیاندنی هێزەکانی پاراستنی گەل- #هەپەگە#، لەسەر ئۆپەراسیۆنی داگیرکاریی دەوڵەتی تورک لە خواکورک، ڕاگەیەندراوێکی بڵاوکردەوە و ڕایگەیاند، کە گورزێکی قورس و مێژوویی لە داگیرکەران دەدەن، هاوکات باس لە ئەنجامی چالاکییەکی گەریلاکان دەکەن، کە پێنج سەربازی تورک کوژراون.
شەوی ڕابردوو، سوپای تورک دژی دەڤەری خواکورک لە باشوری کوردستان ئۆپەراسیۆنێکی دەستپێکرد، لەوبارەیەوە ناوەندی ڕاگەیاندنی هێزەکانی پاراستنی گەل- هەپەگە، ڕاگەیەندراوێکی بڵاوکردووەتەوە.
لە ڕاگەیەندراوەکەدا هاتووە: دوێنێ کاتژمێر 23:00 سوپای داگیرکەری تورک لەدژی هەرێمی شەهید دەروێش و شەکیف لە ناوچەی خواکورک لە باشوری کوردستان ئۆپەراسیۆنی داگیرکاریی دەستپێکرد، هێزە داگیرکەرەکان دوای بۆردوومانی قورسی فڕۆکە جەنگییەکان و هێلیکۆپتەرەکان، بە هێنانی هێز ویستیان هەبوونی خۆیان نیشان بدەن.
لە بەردەوامی ڕاگەیەندراوەکەدا هاتووە: میدیای شەڕی تایبەت، لەم قۆناغەدا باسی سەرکەوتنی خۆی دەکات و دەیەوێت ڕاستییەکان چەواشە بکات، بە زانیاریی درۆ و هەڵە، هەوڵدەدات ئۆپەراسیۆنەکە گەورە نیشان بدات، ئەو هەوڵدانە بۆ ئۆپەراسیۆنی زەمینی هەمان هەوڵدانی ساڵی ڕابردووە لە لێلکانە و دەیانەوێت بیبەنە ناوچەکانی دیکەش، چی ناوێکی لێ دەنێن با بینێن، بەڵام بێگومان وەڵامی کاریگەریی گەریلاکانی ئازادیی کوردستان دەبینن و یەکێک لە شکستە قورس و مێژووییەکانی خۆیان دەبینن.
لەسەر ئەو بۆردوومان و ئۆپەراسیۆنەی لە هەرێمەکە بەردەوامە، لە داهاتوودا زانیاریی زیاتر بۆ ڕای گشتی بڵاو دەکرێتەوە.
لە ئیدر پێنج سەرباز کوژران
لە بەشێکی دیکەی ڕاگەیەندراوەکەدا هاتووە: لە چوارچێوەی هەنگاوی سەرکەوتنی شۆڕشگیردا کە لە هەرێمی سەرحەد بەردەوامە، هێزەکانمان دوێنێ دژی زرێپۆشێکی سەربازانی پیادەی سوپای تورک کە بەروە بنکەی سەربازیی باشان لە ئیدر لەڕێگادابوون، چالاکییەکیان ئەنجامدا زرێپۆشەکە تێکشکێندرا، پێنج سەرباز کوژران و ژمارەیەکی زۆر سەرباز بریندار بوون، دوای چالاکییەکە سوپای تورک بە زرێپۆش و ئۆتۆمبێلی فریاکەوتن، کوژراو و بریندارەکانی لە ناوچەکە دوور خستەوە و ئۆپەراسیۆنێکی لە ناوچەکە دەستپێکرد، کە هەمان شەو بە بێ ئەنجام کۆتاییان پێهێنا.
#28-05-2019#

#28-05-2019#

#عەبدوڵڵا پەشێو# بۆ #فەرهاد پیرباڵ#

دەلێی گەڕێن با بڵێ
جنێو بدات...هاوار بکات..سنگ بدڕێ
فەرهاد بە هاوار و جنێو جوانە
دەلێی گەڕێن...بۆ لێی دەدەن؟
نەخاوەنی بیری نەفتە
نە پێش لەشکری بێگانە
دەلێی گەڕێن دەبا بڵێ...
فەرهاد دەمێکە هەر دەڵێ...
کێ زاتی کردووە..
بۆجارێکیش کە ئەودەڵێ
بڵێ...مەڵێ
دەبا بڵێ...دڵی شارم
چیرۆکی ئەتکی قەڵاو...
چیرۆکی ئەتکی میلەت و
چیرۆکی ئەتکی گەلێ...
ئێوە دەڵێن هەموو کپ بن
گوێ قوڵاغ و بێ دەماغبن
تەنها پادشا بۆی هەیە بڵێ
منیش دەڵێم...ئەو هەر دەڵێ
منیش دەڵێم..هەموو دەڵێین
وڵاتتان..شارتان بۆ پڕ دەکەین لە هەمبەڵێ

لە عەبدوڵڵا پەشێوەو بۆ فەرهاد پیربال