#قەسەدە# ڕایگەیاند، کە #شەڕڤان#انیان لە شەڕی قۆناغی کۆتایی گەردلولی جزیرەدا ڕووبەری 2.7 کیلۆمەتر دووجایان لە چەتەکانی #داعش# ڕزگارکردووە و 11 چەتەش کوژراون.
ئەمڕۆ، ناوەندی ڕاگەیاندن و چاپەمەنیی هێزەکانی سوریای دیموکرات-قەسەدە، ئاماری شەڕی 24 کاتژمێری ڕابردووی قۆناغی کۆتایی گەردەلولی جزیرەی بڵاوکردەوە.
بەگوێرەی ئامارەکە، شەڕڤانان لە 24 کاتژمێری ڕابردوودا، ڕووبەری 2.7 کیلۆمەتر دووجایان لە چەتەکانی داعش ڕزگارکردووە و 34 مینی چێندراویشیان پووچەڵکردووەتەوە.
قەسەدە ڕاشیگەیاندووە، کە لە شەڕ و پێکدادانەکاندا 11 چەتەی داعش کوژراون.
قەسەدە ئەوەشی خستەڕوو، کە شەڕڤانان سێ ئۆتۆمبێلی سەربازی و دۆشکەیەکی چەتەکانی داعشیان تێکشکاندووە.
هەوەها فڕۆکەکانی هاوپەیمانی نێودەوڵەتی دژی داعشیش لە 24 کاتژمێر ڕابردوودا، شەش هێرشی ئاسمانییان کردووەتە سەر چەتەکانی داعش.[1]
#23-09-2018#

$باکووری کوردستان$
- بە هۆی بۆردومانی سوپای تورکیای داگیرکەر لە چیای جوودی لە ماوەی یەک هەفتەدا دووجار ناوچەکە ئاگری تێبەربوو کە بەهۆی ئەو ئاگرانەوە بە سەدان داری فستەق بوونە خۆڵەمێش.[1]
$رۆژهەڵاتی کوردستان$
- ئەمڕۆ دادگای شۆڕشی #ورمێ# لەبارەی #محێدین ئیبراهیم#، زیندانی سیاسیی کورد لە ورمێ بڕیاریداوە و سزای سێدارەی بەسەردا سەپاندووە.[3]
- ڕۆژنامەنووسی وەرزشی #ئیبراهیم دلاوەری#، پاش پێنج ساڵ بەربەرەکانێ لەگەڵ نەخۆشی، ئەمڕۆ لە نەخۆشخانەی شاری قورە، لە تەمەنی 60 ساڵیدا کۆچی دوایی کرد.[6]
$باشووری کوردستان$
- هۆزانەوان #جەلال جۆبار#، لە تەمەنی 89 ساڵیدا کۆچی دوایی کرد.[4]
- تەرمی #ئیبراهیم ئایهان#، پەرلەمانتاری پێشووی #هەدەپە# بە مەراسیمێک لە #هەولێر#ەوە بەرەو باکوری کوردستان بەڕێکرایەوە.[3]
- ئەمڕۆ وەفدێکی باڵای یەکێتی دەگاتە بەغدا بەمەبەستی گفتوگۆکردن لەسەر پرسی سەرکۆمار لەگەڵ لایەنە سیاسییەکانی بەغدا.[2]=KTML_Photo_Begin=https://www.kurdipedia.org/files/relatedfiles/2018/153227/0008.JPG=KTML_Photo_Alt=لە مانشێتەکانی ئەمڕۆ: 23-09-2018=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153227/0008.JPG=KTML_Photo_End=
- #بەشیر خەلیل# جێگری دووەمی ئەنجومەنی نوێنەرانی عێراق، ڕایدەگەیەنێت، کە پارتی سوورە لەسەر وەرگتنی پۆستی سەرۆک کۆماری عێراق، دەشڵێت: بۆ وەرگرتنی ئەو پۆستە پارتی بەردەوامە لە کۆبوونەوەکانی لەگەڵ لایەنە عێراقییەکاندا.[3]
- چالاکوانانی سیاسیی و مەدەنیی ڕۆژهەڵاتی کوردستان لە شارۆچکەی #ڕانیە#، بە مەراسیمێک یادی ئەو چوار شەهیدەی کۆدار-یان کردەوە، کە ڕۆژی 7ی ئەم مانگە لە ئۆپەراسیۆنێکی سوپای پاسدارانی ئێراندا لە سنووری شاری #سنە# شەهیدببوون.[3]
- لەلایەن کۆمەڵێک کەسی نەناسراوەوە، هێرشکراوەتە سەر بارەگای #تەڤگەری ئازادی# و بەشێکی زۆر لە کەل و پەلی ناو بارەگاکە شکێندراوە، چەند ئەندامێکی تەڤگەریش بەدەستی ئەو گروپە لێیان دراوە، بەرپرسانی تەڤگەریش دەڵێن، کە گومانمان هەیە ئەم گروپە ئاڕاستەکراوبن.[3]
- #مەسعود بارزانی# سەردانی سلێمانیی کورد و وتارێکی بانگەشەی هەڵبژاردنی بۆ پارتی دا.[4]
- #فوئاد حسێن# لەلایەن #پارتی دیموکراتی کوردستان# بۆ پۆستی سەرۆک کۆماری عێراق بەربژێر کرا.[4]
- بەئامادەبوونی ڕێکەوت حەمە ڕەشید وەزیری تەندروستی حکومەتی هەرێمی کوردستان و ژمارەیەکی زۆر لە بەڕێوەبەران و کارمەندانی تەندروستی هەردوو پرۆژەی فراونکردن و خێرا کردنی خزمەتی ئوتۆمبێلی فریاکەوتن و چوار هۆڵی نەشتەرگەری و چاودێری ورد بەستاندەری جیهانی لە #سلێمانی# کرانەوە.[5]
- لیستی ژمارە 317ی مەسیحییەکان لە هەڵبژاردنی خولی پێنجەمی پەرلەمانی کورددستان کشایەوە و هۆکارەکەشی بەستەوە بە هەموارنەکردنەوەی یاسای هەڵبژاردن.[2]
$دەرەوەی کوردستان$
- بە ئامانجی شەرمەزارکردنی ئەردۆغان، کوردستانیان، ڕێکخستنە چەپەکانی تورکیا وئەڵمانیا لە شاری فرانکفۆرت ڕژانە سەرشەقامەکان و بە دروشمی =KTML_Bold=❞#ئەردۆگان# بەخێرنەیەیت❝=KTML_End= خۆپیشاندانیان ئەنجامدا.[1]
- کوتلەی چاکسازی و ئاوەدانکردنەوە لە هۆتێل بابل لە بەغدا کۆبوەوە و لەدوای کۆبونەوەکەش ڕاگەیەنراوێکیان بڵاوکردەوە. لەڕاگەیەنراوەکەدا هاتووە: کە دەبێت کورد یەک کاندیدی بۆ پۆستی سەرکۆماری عێراق هەبێت.[2]

بەناوی خوای گەورە و میهرەبان
خوشک و برایانی خۆشەویست.. هەڤاڵانی بەڕێز.. جەماوەری خۆڕاگر..
زۆر زۆر خۆشحاڵم کە ئەمڕۆ لە خزمەتی ئێوەدام لە شاری #سلێمانی# خۆشەویست. سوپاسی خۆڕاگریتان دەکەین، سوپاسی دڵسۆزی وەفاداریتان دەکەین ئێوە نموونەی وەفاداری و دڵسۆزی و خۆڕاگرین.
بەڕێزان.. چەند ڕۆژێکمان ماوە بۆ هەڵبژاردنێکی چارەنووسساز، هەڵبژاردنێک ئەگەر خوا فرسەتی دا پارتی سەرکەوتنێکی گەورەی بەدەستهێنا، گۆڕانکارییەکی گەورەش دەکات، چاکسازییەکی گەورەش دەکات، بۆیە ئێمە ئومێدەوارین کە لە 30ی ئەیلوول وەکو هەمیشە کە ڕۆڵی خۆتان بینیووە، ڕۆڵی خۆتان ببینن و ئەو دەرفەتە بۆ خۆتان و بۆ پارتەکەتان بڕەخسێنن.
لەبیرتانە لە مانگی ئایاری ڕابردوو هەڵبژاردنێکی دیکە کرا بۆ پەرلەمانی فیدراڵی بەغدا، گرنگی ئەو هەڵبژاردنە لەوەدابوو کە سەنگی پارتی دەربکەوێت، زۆر کەس خۆیان ئامادەکردبوو کۆتایی پارتی ببینن، بەڵام بە هیمەتی ئێوەی تێکۆشەر و قارەمان لە سەرتاسەری کوردستان، جەماوەری پارتی، ئەندامانی پارتی و لایەنگرانی پارتی وایانکرد کە پارتی ببێ بە حیزبی ژمارە یەک لەسەر ئاستی هەموو عێراق، ئەو ئامانجەی ئێوە هاتەدی، سەنگی پارتی دەرکەوت ئێستا هەموو لایەک دەزانن کە پارتی یەعنی چی، پارتی نوێنەرایەتی زۆرینەی خەڵکی کوردستان دەکات، ئەم هەڵبژاردنەش دەرفەتێکە بۆ ئەوەی پەیوەندی نێوان هەرێم و بەغدا باشتر بکرێت و چارەسەری گرفتەکان بکرێت، ئێمە پێمانخۆشە و هەمیشەش ئامادەبووین و حەزمانکردووە گرفتەکان بە خۆشی و بە ئاشتی و لێکتێگەیشتن چارەسەر بکەین لەگەڵ بەغدا و لەگەڵ هەموو لایەک، بەڵام ئەوە مانای ئەوە نییە ئێمە پاشەکشە لە ئامانجەکانی خۆمان دەکەین.
هەڵبژاردنی 30ی ئەیلوول، هەروەکو بۆ ئێوەم خستەڕوو، هەڵبژاردنێکی چارەنووسسازە بۆ ئەوەیە دەرفەت بڕەخسێت بۆ پارتی وەکو دەیەوێت وەکو پێویستە وەکو حەقی خۆتانە خزمەتی ئێوە بکات، ئێمە بەڵێنی ئەوەتان پێدەدەین کە ڕاستگۆبین لەگەڵتان هەرچی لەدەستمانبێت و پێمانبکرێت بۆ خزمەتی ئێوە درێغی نەکەین.
سوپاس و پێزانینی خۆم و هەموو هەڤاڵانم لە سەرکردایەتی پارتی بۆ پارتییەکانی ئەم دەڤەرە هەیە، چونکە زۆر چاک ئێمە ئاگاداری موعاناتی ئێوەین هەر لە زەمانی زەعیم سدیقەوە تاوەکو ئەمڕۆ تیرۆر و تۆقاندن و بێبەشکردن بەشی ئێوە بووە لەم دەڤەرە، بەڵام خۆڕاگر بوون و هاتووین لە ئێوە فێری خۆڕاگری بین، خۆڕاگری ئێوە جێگەی شانازییە و شانازیتان پێوە دەکەین، دەبێت کۆتایی بەو وەزعە بێت، ئەو وەزعە نالەبارە، کوردستان بۆ هەموو کوردستانیانە، دەبێت قۆرخکردنی دەسەڵات لە هەموو شوێنێک کۆتایی پیبهێندرێت، مەعلومیشە لەکوێ قۆرخکاری دەسەڵات هەیە، ئێمە دەمانەوێت دەوڵەتی یاسا دابمەزرێت، هاووڵاتییان یەکسان بن، هەموویان بە مافەکانیان شادبن، میزاجی شەخس تەحەکوم بە چارەنووسی هیچ تاکێکی ئەو وڵاتە نەکات، من دڵنیاتان دەکەمەوە مەحاڵە قبووڵبکرێت جارێکی دیکە تەعەدا لە پارتی، لە بارەگاکانی پارتی، لە خەڵکی هەژاری بێدەسەڵات بکرێت لەم دەڤەرە.
خاڵێکی زۆر گرنگ، ئەمە دەبێت لەبەرچاوی ئەو هەڤاڵانە بێت کە سەرپەرشتی ڕۆژی هەڵبژاردن دەکەن و ئەو چاودێرانەی کە بۆ سەر سندووقەکان دەستنیشانکراون، لە هەڵبژاردنەکانی پێشوودا لە کاتێکی دیاریکراو، چاودێرەکان هەندێکیان سندووقەکانیان بەجێهێشتووە کە ئەوە هەڵەیەکی کوشندە بووە، ئەمجارە داوادەکەم خۆڕاگر بن یەک سندووق بەجێنەهێڵن مەجالیش نەدرێت هیچ فێڵێک لە ئێوە بکرێت، مەحاڵە قبووڵ بکرێت پەنجە بۆ یەک چاودێریش درێژ بکرێت یانیش تەهدیدبکرێت.
باسی ناو ماڵی کوردی و یەکڕیزی زۆر دەکرێت، وابزانم هەمووتان ئەو شاهیدیەمان بۆ دەدەن، هەرچی لە تواناماندا بووە کردوومانە بۆ ئەوەی ناوماڵی کورد ڕێکبێت، یەکڕیزی خۆمان بپارێزین، بەڵام ئەمە دەبێت هەموو لایەنەکان هاوکاربن، بە تەنیا بە یەک لایەن ناکرێت، ئێمە بەردەوامیش دەبین، بەڵام بەڕاستی ئێمە ستراتیژیەتی خۆمان هەیە، ئامانجی خۆمان هەیە، کێ لەگەڵ ئێمە هاوڕابێت، ئێمە لەگەڵ ئەوانەدا تەبا و یەک ماڵین، ئەوانەی دژی ئەو ڕێباز و ئامانجە بن، زەحمەتە ئێمە و ئەوان یەکڕیز و یەکماڵ بین.
ئێمە خاوەن قەزیەیەکی ڕەواین، ئێوە سەلماندووتانە کە لە پێناوی ئەو ڕێبازەدا، لەپێناوی ئەو قەزیەدا عەزیزترین کەسانی خۆتان پێشکەشکردووە، عەزیزترین و خۆشەویسترین کەسانی ئێوە و ئێمە گیانی خۆیان بەخت کردووە، ئەویش نیشتمانە.. کوردستانە.
من بە پێویستی نازانم، ئێوە زۆر لەوە بەئاگاتر و دڵسۆزترن کە من بێم لێرە داواتان لێبکەم دەنگ بە لیستی 183 بدەن، ئێوە خۆشەویستی ئێمەن زۆر چاک لە موعاناتی ئێوە تێدەگەین، بەڵام ئینشەڵڵا دوای 30ی ئەیلوول ئیتر کۆتایی بەو موعاماناتە دێت.
لە کۆتاییدا نامەوێت ئێوە زۆر ڕاگرم لەبەر ئەو گەرمایە، سڵاوی گەرم بۆ هەمووتان، سڵاو بۆ گیانی پاکی شەهیدان و خانەوادەی شەهیدان، سڵاو بۆ خۆڕاگری ئێوەی قارەمان، داوای سەرکەوتنیش بۆ کاندیدە بەڕێزەکان دەخوازم، ئینشەڵڵا نوێنەری ڕاستەقینەی ئێوە دەبن و بەرگرییەکی تەواویش لە مافەکانی ئێوە دەکەن، زۆر زۆر سوپاستان دەکەم، زۆر مەمنوون سوپاس بۆ دڵسۆزی و وەفاداری و خۆڕاگریتان، هەر سەلامەت و سەرکەوتووبن.
#23-09-2018#

ناوەندی ڕاگەیاندنی هێزەکانی پاراستنی گەل-#هەپەگە# دەربارەی ئەو چالاکیانە ڕاگەیەنراوێکی بڵاوکردەوە.
'چالاکی لە لێلیکان'
هێزەکانی ئێمە لە چوارچیوەی هەڵمەتی شۆڕشگێڕی شەهید ئاگری و شەهید پیرۆزدا لە ڕۆژی 22 ئەیلوول/31ی خەرمانان لە کاتژێر14:30 خولەک لە گردی لێلیکان-ی ناوچەی #سیدەکان#ی باشووری کوردستان سوپای تورکیایان کردە ئامانج. لە دوو قۆڵەوە چالاکی ئەنجامدرا و سەنگەرەکانی دوژمن کرانە ئامانج ولە ئەنجامدا 2 سەربازی سوپای تورکیا کوژران.
' لەئاگری ئۆپەراسیۆنی سەربازی'
سوپای داگیرکەری تورکیا لە ڕۆژی 21ی ئەیلوول/30 خەرمانان بە کەڵک وەرگرتن لە فڕۆکەی بێ فڕۆکەوان لە ناوچەی هالاجێ-ی چیای ئاگری دەستی بە ئۆپەراسیۆنی سەربازی کرد. لە هەمان ڕۆژدا ولە نێوان کاتژمێرەکانی 6 بۆ 8ی ئێوارە بەفڕۆکە و هێلیکۆپتەر ناوچەکەی بۆردومان کرد. دوای بۆردومانەکە سوپای تورکیا لە ڕێگەی هێلیکۆپتەروە هێزەکانی خۆی لە ناوچەکە جێگیرکرد.
ئۆپەراسیۆنەکە لە ڕۆژی 22ی ئەیلوول/31ی خەرمانان بە بێ ئەنجام کۆتایی پێهات. سوپای تورکیا لە ڕێگەی میدیاکانی خۆیەوە دەستی کردووە بە بڵاوکردنەوە هەواڵی درۆ و بانگەشەی ئەوەی کردووە کە لەو ئۆپەراسیۆنەدا گەریلا کوژراون.
لە ئۆپەراسیۆنەکەدا هیزەکانی ئێمە هیج زیانیکیان نەبینیوە.
' ئۆپەراسیۆنی سەربازی لە #ئامەد# وشێرناخ'
ئێوارەی ڕۆژی 19ی ئەیلوول/28ی خەرمانان سوپای تورکیا لە ناوچەکانی شەهید کاوە-ی نێوان ناوچەی پاسوور، فارقین، لیجە و دەورووبەری ئامەد دەستی کرد بە ئۆپەراسیۆمی سەربازی. ئۆپەراسیۆنەکە لە 21ی ئەیلوولدا بە بێ ئەنجام کۆتایی پێهات.
' گەریلا بیرنا یەڵمان شەهید نەبووە وخۆی گەیاندە هەڤاڵانی خۆی'
لە ڕاگەیەنراوێکی ئێمەدا لە 21ی ئەیلوول/20ی خەرمانان ڕامانگەیاندبوو کە لە ئەنجامی بۆردومانی فڕۆکە جەنگییەکانی سوپای تورکیا لە ناوچەی کاتۆمارێنوس-ی شێرناخ 5 گەریلای ئێمە شەهید بوون. هەڤاڵی ئێمە هێرا هڤیدار(بەرنا یالمان) کە ئێمە وەک شەهید ڕامان گەیاندبوو شەهید نەبووە و بە سەلامەتی خۆی گەیاندە هەڤاڵانی خۆی.
'هێرشی ئاسمانی'
لە ڕۆژی 21ی ئەیلوول لە کاتژمێر 10:20 خولەکدا فڕۆکەکانی سوپای تورکیای داگیرکەر گردی کارتاڵ-ی ناوچەی ئاڤاشین-ی سەربە هەرێمەکانی پاراستنی مەدیایان بۆردومان کرد.
لە ڕۆژی 22ی ئەیلوول/31ی خەرمانان لە کاتژمێر 01:10 خولەکدا هێلیکۆپتەرە کۆبراکانی سوپای تورکیا دۆڵی شەهید ڕوستەم-ی هەرێمی زاپ-یان تۆپباران کرد. بە هۆی ئەو بۆردومانانەوە باخ و ڕەزی هاووڵاتیان ئاگری تێبەر بوو.[1]
#23-09-2018#