[1]

پڕۆسەی دەنگدان لە کۆنگرەی نۆیەمی #یەکێتی ئافرەتانی کوردستان# بۆ هەڵبژاردنی دەستەی سکرتاریەت کۆتاییهات کە تێیدا حەوت ئافرەت بە ئەندامی دەستەی سکرتاریەت هەڵبژێردران و سێ دیکەیش بە یەدەگ دەستنیشان کران.
کاتژمێر دووی نیوەڕۆی ئەمڕۆ #22-12-2023# لە درێژەی کار و چالاکییەکانی کۆنگرەی نۆیەمی یەکێتی ئافرەتانی کوردستان پڕۆسەی دەنگدان بە بەشداری 142 ئافرەت دەستی پێ کرد و تێیدا حەوت ئافرەت بە ئەندامی دەستەی سکرتاریەت هەڵبژێردران و سێ دیکەیش بە یەدەگ دەستنیشان کران.

هەر یەک لە زیبا تەها لە #هەولێر# بە 100 دەنگ، شاناز محەمەد لە هەولێر بە 70 دەنگ، زەری نەوزاد بە 61 دەنگ لە #دهۆک#، سوهام سەڵاح بە 55 دەنگ لە دهۆک، لیا سەیفەددین بە 76 دەنگ لە #سلێمانی#، دلڤین خەلەف بە 82 دەنگ لە #نەینەوا#، کەژاڵ هیدایەت بە 61 دەنگ لە #کەرکووک# بە ئەندامانی دەستەی سکرتاریەتی یەکێتی ئافرەتانی کوردستان هەڵبژێردران.
هەروەها هەر یەک لە ڕێژین سیامەند لە هەولێر، دلڤین شەماڵ لە دهۆک و شاد ڕزگار لە سلێمانی بە یەدەگ هەڵبژێردران.
ڕۆژی پێنجشەممە #21-12-2023#، بە بەشداریی #مەسرور بارزانی#، سەرۆکی #حکومەتی هەرێمی کوردستان# و جێگری سەرۆکی #پارتی دیموکراتی کوردستان#، نۆیەمین کۆنگرەی یەکێتیی ئافرەتانی کوردستان لەژێر ناوی (هێز و توانای ئافرەت، بناغەی پێشکەوتنی ئاشتی و ئابوورییە) دەستی پێ کرد.
نۆیەمین کۆنگرەی یەکێتیی ئافرەتانی کوردستان لە ھۆڵی شەھید سەعد عەبدوڵڵا لە هەولێر دەستی پێ کرد و بۆ ماوەی دوو ڕۆژ بەردەوام بوو و ئێوارەی ئەمڕۆ 22-12-2023 بەکۆتاییهات. [1]

#مەسرور بارزانی#، جێگری سەرۆکی #پارتی دیموکراتی کوردستان# بەبۆنەی تەواوبوونی کارەکانی کۆنگرەی نۆیەمی #یەکێتی ئافرەتانی کوردستان# پەیامێکی پیرۆزبایی ئاراستەی زیبا تەها کرد کە دەنگی یەکەمی کۆنگرەکەی بەدەستهێنا.
=KTML_Bold=دەقی پەیامی پیرۆزبایی مەسروور بارزانی:=KTML_End=

بەڕێز خاتوو زیبا تەها سکرتێری گشتیی یەکێتیی ئافرەتانی کوردستان
بە بۆنەی سەرکەوتنی کۆنگرەی نۆیەم و هەڵبژاردنی بەڕێزتان بە سکرتێری یەکێتیی ئافرەتانی کوردستان، گەرمترین پیرۆزبایی ئاراستەی بەڕێزتان و ئەندامانی نوێی سکرتارییەت و سەرجەم ئەندامانی یەکێتیی ئافرەتانی کوردستان دەکەم.
هیوای سەرکەوتن و پێشکەوتنی بەردەوام بۆ ڕێکخراوەکەتان دەخوازم لە خەبات و تێکۆشانتاندا بۆ دەستەبەرکردنی مافەکانی ئافرەتان و بەهێزترکردنی ڕۆڵ و پێگەیان لە کۆمەڵگە و داکۆکیکردن لە پرس و دەسکەوتە نیشتمانییەکان، لەم پێناوەشدا، هەموو هاوکاریی و پشتیوانییەکی خۆمتان بۆ دووپات دەکەمەوە. [1]

مەسروور بارزانی
جێگری سەرۆکی پارتی دیموکراتی کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

شەوی هەینی، یەکی بەفرانبار، بەرانبەر بە #22-12-2023# #محەمەد ساڵح نیکبەخت#، پارێزەری بنەماڵەی #ژینا ئەمینی#، پاش گەڕانەوە لە سەفەری فەڕەنسا لەلایەن هێزە ئەمنییەکانەوە لە فڕۆکەخانەی خومەینیی #تاران# ، کەوتە بەر لێپرسینەوە و هێزە ئەمنییەکان هەر لەوێ دەستیان بەسەر خەڵاتی ساخارۆفی پەڕلەمانی ئەورووپادا گرت کە پێشکەشی ژینا ئەمینی و بزووتنەوەی #ژن، ژیان، ئازادی# کرابوو، گرت.
بە وتەی سەرچاوەیەکی ئاگادار، هێزە ئەمنییەکان جگە لە خەڵاتی ساخارۆف، دەستیان بەسەر پاسپۆرت و مۆبایلی ساڵح نیکبەختیشدا گرتووە.
ئەم سەرچاوە ئاگادارە ڕایگەیاند: هێزە ئەمنییەکان لە فڕۆکەخانەی خومەینیی تاراندا ڕایانگەیاندووە کە لەلایەن ناوەندە دادوەرییەکانەوە چوونەدەروەی لە ئێران قەدەغە کراوە و لە ڕۆژانی ڕابردوودا، ئەم حوکمە لە ڕێگەی سامانەی سەناوە بۆ ئەم پارێزەرە کوردە نێردراوە.
ئەم سەرچاوە ئاگادارە ڕایگەیاند: حوکمی زیندانی ساڵح نیکبەخت لە دادگای پێداچوونەوەدا پشتڕاست کراوەتەوە، بەڵام پارێزەری دۆسییەکەی داواکاریی خۆی بۆ پێداچوونەوە ڕەوانەی دیوانی باڵای وڵات کردووە و دۆسییەکە بۆ چاولێکردنەوەی دووبارە ڕادەستی لقی 9ی دیوانی باڵای وڵات کراوە.
ئەم سەرچاوە ئاگادارە وتی: بەپێی هۆشدارییەک کە بە نیکبەخت دراوە، دەبێت لە ڕۆژانی داهاتوودا بە مەبەستی جێبەجێکرانی حوکمی زیندانەکەی، خۆی بە لقی یەکی جێبەجێکاری حوکمە (کەیفەرییەکانی دادسەرای موقەدەسی تاران) بناسێنێ.
ڕۆژی سێشەممە، 21ی سەرماوەز بەرانبەر #12-12-2023#، خەڵاتی مافی مرۆیی ساخارۆف، لە شاری ستراسبۆرگی وڵاتی فەڕەنسا، پێشکەشی ژینا ئەمینی و بزووتنەوەی ژن، ژیان، ئازادی کرا.
ساڵح نیکبەخت، پارێزەری بنەماڵەی ئەمینی، بە نوێنەرایەتی لەم بنەماڵەیە و بەهۆی قەدەغەکرانی چوونەدەرەوەی خۆیان لە ئێران لەلایەن وەزارەتی ئیتلاعاتەوە، خەڵاتەکەی وەرگرت.
بنەماڵەی ژینا ئەمینی بڕیار بوو سەرلەبەیانیی ڕۆژی شەممە، 18ی سەرماوەز بەرانبەر #09-12-2023#، بۆ بەشداریکردن لە ڕێوڕەسمی وەرگرتنی خەڵاتی ساخارۆف لە پەڕلەمانی ئەوروپا، بچنە فەڕەنسا کە هێزە ئەمنییەکان لە فڕۆکەخانەی خومەینیی تاراندا، پێشیان بە سەفەرەکەیان گرت.
هێزە ئەمنییەکان بە (موژگان ئێفتخاری، ئەمجەد ئەمینی و ئەشکان ئەمینی) یان ڕاگەیاندووە کە چوونەدەرەوەیان قەدەغە کراوە و پاسپۆرتەکانیشیان لە فڕۆکەخانەدا لێیان وەرگیراوە.
ڕۆژی سێشەممە #17-10-2023# ، ساڵەح نیکبەخت، پارێزەری دۆسییەی ژینا ئەمینی، لەلایەن لقی 28ی داداگی ئینقلابی تارانەوە بە سەرۆکایەتیی دادوەر عەمووزاد، بە بێ سەرنجدان بە بەرگرییەکانی ناوبراو و پارێزەرەکەی عەلی ڕەزایی، بە زۆرترین سزای تاوانی پڕوپاگەندە دژی نیزام، واتە یەک ساڵ زیندانی ئامادەکاریی و سزای تەواوکاری قەدەغەبوونی چالاکییەکانی لە سۆشیاڵ میدیا بۆ ماوەی 2 ساڵ، مەحکووم کرا. [1]

#مەسعود بارزانی# بۆ کۆچی دوایی عەلی تاهیرخان سمکۆ، پەیامێکی سەرەخۆشی بڵاوکردەوە، لە بەشێکیدا هاتووە: بەداخێکی زۆرەوە هەواڵی کۆچی دوایی (عەلی تاهیرخانی سمکۆ)م پێگەیشت و سەرەخۆشیی خۆم ئاراستەی کاک ئاراس عەلی تاهیرخان و تەواوی بنەماڵەی بەڕێزی عەلی تاهیرخان سمکۆ دەکەم.
=KTML_Bold=دەقی پەیامی سەرەخۆشیی سەرۆک بارزانی بۆ کۆچی دوایی عەلی تاهیرخان سمکۆ:=KTML_End=

بەناوی خودای مەزن و دلۆڤان
بەداخێکی زۆرەوە هەواڵی کۆچی دوایی (عەلی تاهیرخانی سمکۆ)م پێگەیشت.
پرسە و سەرەخۆشیی خۆم ئاراستەی کاک ئاراس عەلی تاهیرخان و تەواوی بنەماڵەی بەڕێزی عەلی تاهیرخان سمکۆ و دۆست و ئاشنایانیان و کوردستانیانی دانیشتووی شاری ڤێستەرۆس و سوید و دەرەوەی وڵات دەکەم و خۆم بە هاوبەشی خەمیان دەزانم.
لە خودای گەورە داواکارم ڕۆحی خوالێخۆشبوو عەلی تاهیرخان سمکۆ بە بەهەشتی بەرین شاد بکات و سەبر و ئارامی بە گشت لایەک ببەخشێت. [1]

انا لله و انا الیه راجعون
مسعود بارزانی
#22-12-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=