نامەیەکی کراوە بۆ
ئیدریس بارزانیئیدریس بارزانی
$قادر توانا 1987- ئێران$
ئاسمان گریا و ئەستێرەکان
ڕقی خۆیان دەخواردەوە
هاژە هاژی شەپۆلەکان
دەنگ و ئاوازی بارزانی
لەهەندرێنی قارەمانی
بۆ داستانێک لاواندەوە
چرکە و زریکەی زامەکان
تەزووی لێوار ئەشکەوتەکان
یان کوردستان یان نەمانی
بۆ پێشمەرگە و شەهیدانی
نەخشاندەوە
ئەمڕۆ شارم شڵەژاوە
ڕق و تۆڵەی خۆزگەکانم
لەئامێزی هۆنراوەکان
دەستە و ئەژنۆ گۆش داماوە
هەر سەر شاخێک و بن بەردێ
هەر گردێک و دۆڵ و هەردێ
خوێنی کوردی پیا ڕژاوە
هەر ماڵێکە و ڕۆڵەیەکی
لەزیندانا بەند کراوە
هەر ماڵێکە و شەهیدێکی
بۆ کورد داوە
خەبەرێکە و
پیاو ناتوانێ دەری بڕێ
خەبەرێکە و
پیاو ناتوانێ خۆی ڕاگرێ
کارەساتێکی لەپڕە
تاسەیەکی جەرگ بڕە
مەشخەڵێکی پڕشنگدارمان
کوژایەوە
شۆڕشگێڕێکی ناودارمان
لەنێو مەرگا توایەوە
ئەوە دیسان قوڕپێوانە
شین و شەپۆڕ و گریانە
باوکە ڕۆیە
برا ڕۆیە
بۆ ڕۆڵەی کورد و پێشڕەوی
بۆ تێکۆشان و نەسرەوی
ئیدریس هەی ڕۆڵەی بارزانی
تۆ هەمیشە لەدڵمانی
تۆ پەروەردەی شیعرەکانی
حاجی و #پیرەمێرد# و #خانی#
هەی تێکۆشەر
ڕۆڵەی سیاسەت و نێو سەنگەر
بڕۆ مژدەی سەرکەوتنمان
مژدەی ئاشتی و یەکگرتنمان
مژدەی هەڵوێستی پێشمەرگە
کە تائێستا هەر لەجەنگە
مژدەی هەڵمەت و قوربانی
بگەیەنە بە بارزانی [1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 54 times
Write your comment about this item!