خورماڵ باژێڕوکەکێ باشوورێ کوردستانێ یە کو ل پارێزگەها #ھەڵەبجە# دایە و ل (70) کیلۆمەترییا ڕوژھەڵاتێ باژێڕێ #سلێمانی# دایە. خورماڵ ناڤەندی ناحیەیا خورماڵە و ل دەشتا شارەزوورە و نزیک ب دەڤەرا ھەورامانە.
ناحیەیا خوڕماڵ ناحیەکە پارێزگەها ھەڵەبجەیە ل باشوورێ کوردستانێ. ناڤەندا وێ ناحیا خورماڵە. ساڵی 2010ێدا، ژمارا ئاکنجیێن وێ 18628 کەس بوویە.
$شینوارێ شورایا خورماڵ$
ئەڤ شورایە ئێک ل کەڤنترن شینوارێن دیرۆکا خورماڵە و ب شورایا باژێڕێ خورماڵ تێ نیاسین، ئەڤە ژی لسەر ئەوێ چەندێ کوو ژبو پاراستنا دەڤەرێ ل دەستێ دوژمنان دهاتە بکار ئانین. بڵنداهییا وێ ( 3 ) م و پانییا وێ ( 2 ) م دبیت. دریژاهییا وێ ل خاڵا دەستپێکێ کو ل کەلها خورماڵ ل سەرێ دەست پێدکەت هەیا دگەهت ب دیوارێن پێشا کەلهێ ل بڵنداهیێن پشتا خورماڵ (2800)م دبیت کو ب جورەکە کوو ئەو بەشێن شورایێ کو نها ماینە د ناڤبەرا ھەر ( 50 ) مەتران دە قوڵاهییەک سەربازی لەخوە دگریت کو ژمارەیا وانا زورن و ھەر ئێکەک ل وان ب ئالییەکێ نیڤە بازنەیی ل بەرێ دەرڤە ب دیوارێ شورایێ هاتیە گرێدان کوو پانییا وێ ( 4 ) م و دریژاهییا وێ ( 5 ) م دەبیت. ب ئالییەکێ گشتی پیڤان و ئەندازەیا ھەمی قوڵایێن ڤێ شورایێ وەک هەڤن. ھەروەسا ئەڤێ شورایێ ل پشکا باشور و ل ئەبێ بەشێدا ( قاپی ) یەک تیدابوویە ب جۆرەک کو شورایێ بپارێزیت ل ئاڤا چەمی و دەرگەهەک ھەبوویە بو ئاڤێ ل بنڤە ڕە ھاتییە دناڤا شورایێ و و دەرگەهەک دن ژی ھەبوویە ژبوی وێ چەندێ کوو ئاکنجی و سەربازێن ئەڤێ شورایێ بێنە ناڤا وێ .
$منارەیا مزگەفتا مەزنا خوڕماڵ$
منارەی مزگەفتا مەزنا خورماڵ، کەتییە ناڤ حەوشەیا مزگەفتا مەزنا خورماڵێ کو بڵنداهییا وێ منارێ نها ( 12 ) مەترە و ل 8 لایان پێکھاتییە و زورەک ل ئالیێن وێ ل (4_5) چین ل خشتان پێکھاتییە و ل ئالیێ دەرڤە ژی هەیا دوماهیکا منارێ (54) چین خشت هەنە ، ئەڤ منارەیە لسەر دەروازەیا مزگەفتێ هاتییە دروست کرن کو بەشەکە زورا ئەڤێ دەروازەیێ هەرفیایە .
پشتی کو باژێڕوکێ #هەڵەبجە# بووتە پارێزگە، خورماڵ ژی دگەل بیارە و بەمۆ کەتنە سەر سنوورێ پارێزگەها هەڵەبجە. [1] [2]