$رۆژهەڵاتی کوردستان$
- کۆڵبەرێکی کورد بە ناوی #مەحمود مورادی# کوڕی حاجی جەلال، بە تەقەی هێزە نیزامییەکانی حکوومەت لە سنووری #هەنگەژاڵ#ی #بانە# گیانی لەدەست دا. ئەم کۆڵبەرە کوردە ماوەی 18 ڕۆژە ژیانی هاوبەشی پێکهێناوە. هێزە نیزامییەکانی حکوومەت بەبێ ئاگادارکردنەوەی پێشوو، ئەم کۆڵبەرە کوردەیان داوەتە بەر دەسڕێژیی گوللە و تەرمی مەحموود مورادی ڕەوانەی نەخۆشخانەی بانە کراوە.[5]=KTML_ImageCaption_Begin==KTML_StyleDiv=width:25%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/382120/0006.JPG=KTML_ImageCaption_Title=مەحموود مورادی=KTML_ImageCaption_CaptionStyle=000000=KTML_ImageCaption_Caption=مەحموود مورادی=KTML_ImageCaption_End=
- کاتژمێر 09:00ی شەوی ڕابردوو، لە خاڵی سنووری نۆکان- کانی زەرد لە #سەردەشت#ی سەربە پارێزگای #ورمێ#، لەسەر سنوورە دەستکردەکانی نێوان ڕۆژهەڵات و باشوری کوردستان، هێزە ئەمنییەکانی دەوڵەتی ئێران تەقەیان لە گروپێک #کۆڵبەر# کردووە. بەپێی هەواڵێکی کۆڵبەرنیوز، لەو هێرشەدا، کۆڵبەرێک بەناوی محمەد ئیبراهیم زادە کە خەڵکی گوندی نەبی ئابادی سەر بە شارۆچکەی ڕەبەتە، کە باوکی سێ منداڵە، بە تەقەی ڕاستەوخۆی هێزە ئەمنییەکانی دەوڵەتی ئێران کوژراوە.[4]
- فەرزین ڕەزاعی سەرۆکی زانکۆی پزیشکی پارێزگای #سنە# بە ئاژانسی میهر-ی ئێرانی ڕاگەیاندووە: تا ئێستا سێ هەزار و 652 پشکنین بۆ هاووڵاتیانی ئه و پارێزگایە کراوە کە دەرکەوت هەزار و 379 کەس تووشی #کۆرۆنا# بوون. ڕاشیگەیاندووە کە زۆرترین تووشبوو لە شاری سنە تۆمارکراوە کە 360 کەسە و لە شارۆچکەی #سەقز#یش 330 حاڵەتی تووشبوون تۆمارکراوە و دواتریش شارۆچکەی بانە دێت کە 156 کەس تووشی کۆرۆنا بوون. ڕەزاعی باسی لەوەشکردووە تا ئێستا 124 کەس بەهۆی کۆرۆنا لە پارێزگای سنە گیانیان لەدەستداوە.[3]
- حەسەن عەزیزی بەڕێوەبەری گشتی کار و هەرەوەزی و خۆشگوزەرانی کۆمەڵایەتی پارێزگای #کرماشان# ڕایگەیاند: 593 هەزار و 811 کەس له و پارێزگایە خاوەنی کارن و 111 هەزار و 849 کەسیش بێکار و بارن. عەزیزی وتیشی: 7100 کەس بەهۆی سەرهەڵدانی ڤایرۆسی کۆرۆنا له و پارێزگایە کارەکانی خۆیان لەدەستداوە و لەئێستادا بێکارن.[3]
- سەربازانی دەوڵەتی تورکی داگیرکەر لەسەر سنووری شاری #ماکۆ#ی ڕۆژهەڵاتی کوردستان بە شێوەی هەڕەمەکی تەقە لە ئاژەڵی دانیشتوانی ئەو ناوچەیە دەکەن و دەیانکوژن.[1]
- دوو هاووڵاتیی کوردی خەڵکی سنە، بە ناوەکانی تارق ڕەحیم پوور کوڕی مووسا و بێنیامین ڕەحیم پوور کوڕی مووسا، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران. ئەو دوو هاووڵاتییە کوردە، بەبێ بەڵگەی یاسایی دەسبەسەر کراون و لە چارەنووسیان هیچ زانیارییەک لەبەر دەستدا نییە.[5]
$باشووری کوردستان$
- دوا 5 تووشبووی کۆڕۆنا لە سلێمانی چاکبوونەوە و لە نەخۆشخانەکانی سلێمانی هیچ نەخۆشێکی کۆڕۆنای تێدا نەما.[8]
- دوێنێ شەو لە سنووری ناوچە کوردستانییەکانی دەرەوەی ئیدارەی هەرێمی کوردستان چەکدارانی #داعش# شەش جار هێرشیان کردە سەر هێزە عێراقییەکان و تەنیا لە سنووری #خورماتوو# لە پارێزگای سەلاحەدین 11 چەکداری #حەشدی شەعبی# کوژراون.[2]
- لە نزیک بەنزینخانەی #شۆرجە# لە #کەرکووک#، لەلایەن دوو چەکدارەوە تەقە لە هاوڵاتیەکی کورد کرا و گیانی لەدەستدا. کوژراوەکە بە ناوی هاودەنگ عەزیز، لەگەڵ خێزانەکەیدا بووە لە کاتی ڕووداوەکە و دانیشتوی گەڕەکی حورییەیە و پێشمەرگەیە.[7]
- پارێزگاری کەرکووک قەدەغەی هاتووچۆی بەتەواوی لە ئەمڕۆوە تاوەکو ڕۆژی پێنجشەممە ڕاگەیاند. وادەی 48 کاژێریشی بە دانیشتووانی کەرکووک داوە بگەڕێنەوە شارەکەیان.[2]
- بەڕێوەبەری گشتیی گومرگ لە هەرێمی کوردستان ڕایگەیاند سەرباری کردنەوەی سەرجەم دەروازەکان بۆ ئاڵوگۆڕی بازرگانی، بەڵام داهاتی گومرگەکان 50% بۆ 60% کەمی کردووە.[2]
- لە شارۆچکەی #کفری#، بەدروشمی 'بەڵێ بۆ بایکۆتکردنی دەوام و خوێندنی ئەلکترۆنی' بەشێک له مامۆستایان و فەرمانبەران، گردبوونەوەیەکی ناڕەزایەتیان ئەنجامداو دوایانکرد حکومەت لەکاتی خۆیدا موچە دابەشبکات.[4]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/382120/0014.JPG=KTML_ImageCaption_Title=کفری، فەرمانبەران و مامۆستایان دژی دواکەوتنی موچە گردبوونەوە=KTML_ImageCaption_CaptionStyle=000000=KTML_ImageCaption_Caption=کفری، فەرمانبەران و مامۆستایان دژی دواکەوتنی موچە گردبوونەوە=KTML_ImageCaption_End=
- لە گەڕەکی گوڵانی ناوەندی شارۆچکەی #ئاکرێ#ی سەر بە پارێزگای #دهۆک# گەنجێکی تەمەن 25 ساڵ کە کارمەندی ئاسایشە بەناوی نەشوان عارف، لە بەردەرگای ماڵی خۆیدا دەکوژرێت.[2]
- دابان محەمەد ئەندامی پەرلەمانی کوردستان لە فراکسیۆنی گۆڕان ڕایگەیاند ژمارەی ئه و مووچەخۆرانەی زاراوەی بندیواریان بۆ بەکار دەهێنرێت، 350 هەزار کەس بەره و ژوورە.[6]
- ئاسایشی ڕۆژئاوای #سلێمانی# دەستگیرکردنی چەتەیەکی داعشی لە شارەدێی #سەنگاو# ڕاگەیاند.[4]
- بەڕێوەبەرایەتیی ئاسایشی ڕۆژئاوای سلێمانی دەستگیرکردنی 97 تۆمەتباری لەسەر چەندین دۆسیە و تاوانی جیا لە ماوەی چوار مانگی ڕابردوو ڕاگەیاند. بە گوتەی لێپرسراوی بەشی ڕاگەیاندن و پەیوەندییەکان لە بەڕێوەبەرایەتیی ئاسایشی ڕۆژئاوای سلێمانی، ڕێژەی دەستگیرکراوەکان بەراورد بە چوار مانگی یەکەمی ساڵی 2019 کەمیکردووە.[2]
- دوای ماوەیەک لە دەرنەچوونی چاپی کاغەزیی #کوردستانی نوێ# بەهۆی قەدەغەی هاتوچۆ وە، ئەمڕۆ چاپی کاغەزیی کوردستانی نوێ هاتەوە خزمەتی خوێنەرانی.[3]
$رۆژئاوای کوردستان$
- دەوڵەتی تورکی داگیرکەر و چەتەکانی بە چەکی قورس دەستیانکردووە بۆ بۆرمانکردنی گوندەکانی مالکییە، شوارخا و مەرەناز لە ناوچەی شەرای #عەفرین#.[1]
- کینۆ گابرێل، گوتەبێژی هێزەکانی سووریای دیموکرات - #هەسەدە# لە ڕاگەیێندراوێکدا ڕایگەیاند، دوێنێ لە یەکێک لە گەورەترین بەندیخانەکان لە پارێزگای #حەسەکە# دەستگیرکراوانی داعش مانگرتنێکی فراوانیان ئەنجامدا، کۆنترۆڵی تەواوی ناو بەندیخانەکەیان کردبوو، بۆیە هێزی تایبەت و دژە تیرۆر دەستوەردانیان کرد. گوتەبێژی هەسەدە ڕوونیکردووەتەوە توانراوە تەواوی دۆخی بەندیخانەکە کۆنترۆڵ بکرێتەوە دوای ئەو یاخیبوونەی کە ڕۆژێکی تەواوی خایاند، ئەمەش دوای ئەنجامدانی دانوستاندن لەنێوان نوێنەرانی هێزەکانمان و هێزەکانی هاوپەیمانان و داعشە زیندانیکراوەکان.[2]
$دەرەوەی کوردستان$
- فەخرەدین کۆجا، وەزیری تەندروستی تورکیا ڕایگەیاند، کە لەماوەی 24 کاتژمێری ڕابردوودا هەزار و 670 کەس توشی کۆرۆنا بوون و 61 کەس بەهۆی کۆرۆناوە گیانیان لەدەستداوە. هەروەها وتوویەتی، کە کۆی گشتی ئەو کەسانەی لە تورکیا توشی کۆرۆنا بوون گەیشتووەتە 126 هەزار و 45 کەس، دەشڵێت، کە تائێستا 3 هەزار و 397 کەس بەهۆی کۆرۆناوە گیانیان لەدەستداوە.[4]