ناو: عەزیز
ناوی باوک: عەبدوڵڵا ئەحمەد
نازناو: گەردی
عەزیز گەردی ناوی تەواوی: (عەزیز عەبدوڵڵا ئەحمەد ) یە، لە ساڵی 1947 زارکی چاوانی بە شیری ژیان فڕچک کراوە و لە پێڕەوکەبوونییەوە تاسە و خولیای بەرەو باسە زانیارییەکان دەچێ، لێ ئەو دەمەی خۆی لە بەردەم مامۆستاکانی قوتابیخانە سەرەتایییەکەی دەبینێتەوە؛ وا دەکات ئەم زانییاریانەی دڵیان گۆش کردبوو بەرەو کزی دەڕۆن و تا ئەوەی بەرەو نەمان دەچن.
ئەمجا تاسەی هۆنراوە و ئەدەبیات پەلی کاژەڵەی دەگرن و بەرەو چەمی بێبنی هۆنراوەی نالی و عەڕووزەکەی خەلیلی فەراهیدییەوە نغرۆی دەکەن. =KTML_Photo_Begin=https://www.kurdipedia.org/files/relatedfiles/2012/64489/0047.JPG=KTML_Photo_Alt=عەزیز گەردی=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2012/64489/0047.JPG=KTML_Photo_End=
لێرەوە عەزیز گەردی خولیای بۆ خولگەی زانستی مل دەنێ و پاش ئەوەی لە ساڵی 1968 لە #هەولێر# بە تەواوەتی ئاکنجی دەبێ؛ دەبینێ لەلایەک بێئیشی دەستی ماچ دەکات و لەلایێ زارکی پەرتووکخانەی گشتی لە بەردەمی ئاوەڵا کراوە، بەم جۆرە چی پەرتووکەکانی سەربە زانستەکانی ڕەوانبێژی و عەڕووز هەن؛ خەتمیان دەکات و لای خۆیشی هێدیهێدی یاداشتیان دەکات تا ئەوەی خۆی وتەنی: (لەگەڵ خوێندنەوەی هەر پەرتووکێکا تێبینی و سەرقەڵەمی تایبەتییم دەنووسییەوە، تا وای لێهات چەند دەفتەرێکم پڕ کردەوە...)
نۆبەرەی عەزیز گەردی ڕەوانبێژییەکەیەتی و بە سێ بەرگ ساڵی 1968 1969 دەینووسێ، لە سەرەتای حەفتاکان چاپ و بڵاوی دەکاتەوە.
پاشان پەرتووکەکانی: ئەدەبی بەراوردکاری، پەخشانی کوردی، ڕابەری هۆنراوەی کلاسیکی کوردی....تاد بە شوێنیدا سەرداوێنە دوو یەک و، تا هەنووکانەشی لەگەڵ بێ؛ نابڕێنەوە.
عەزیز گەردی بە کوانووی کێشی عەڕووزی کلاسیک دادەنرێ و کێشناسی کوردییەکەی سەرلەبەری پەرتووکانە لەبار عەڕووز و چڵەپۆپەی ئەوانەیە کە دەیانەوێت بە زانستی عەڕووز ئاشنا بن و لێیەوە فێر بن.
خۆی نەبێت کەم کەس دەزانن گەمی زمانی عەزیز گەردی لە دەریای چەند زمانان بینراوە و لە هەوڵی ڕامکردنی تۆفان و باگێژەکانیانە، لێ ئەوەی بە وەرگێڕان تا هەنووکە دەزانرێت زمانەکانی: (فارسی، عەرەبی، فەڕەنسی، ئینگلیزی) وەک کوردی دەزانێت و توانای زێتر بەسەر ئەوان دەشکێ.
ماستەرنامەکەی ساڵی 1994 بەدەست دێنێ، دکتۆراش 1999 دێنێتەوە، کە تێزەکەی بە ناونیشانی (سەروا) یە، دەزگای ئاراس هەمان ساڵ چاپ و بڵاوی دەکاتەوە و خوێنەری کورد بە دەریایەک لە زانین و زانیاری دیکە ئاشنا دەبن.
عەزیز گەردی لە چەندین قوتابیخانە وانەی وتووەتەوە و پاشان دوای تەواوکردنی زانکۆ لە کۆلێژی ئاداب، بەشی زمانی کوردی دەبێتە مامۆستا، خۆی لەبەر هەڵنەپڕژان بەسەر کاری وەرگێڕاندا دەستلەکار دەکێشێتەوە و بەیەکجاری لە گۆشەی ماڵەکەی گرمۆڵە دەبێت، بەحرکە تا هەتایە ئەم کێلووکە بۆخۆشەی لەناو خۆیدا تەقەت دەکات و ناهێڵێت چاوی چ لایەکی بەدەورەوە بێ.
عەزیز گەردی تا ساڵی 2022 لەسەر کاری وەرگێڕان و دەنک دەنک گەوهەری زمانی کوردیمانی بۆ توڕ دەدا.[1]
لە ڕۆژی #06-06-2022# و لە تەمەنی 75 ساڵییدا کۆچی دوایی کردووە و خامەکەی دەستی بۆ هەمیشە لەنووسین دەکەوێت.