هونەرمەند حەمەجەزا، کوڕی #حاجی عەلی بەگ#، لە شاری #سلێمانی# لە ساڵی 1949ز. دا لە دایکبووە. لە تەمەنی 19 ساڵیدا ژیانی هاوسەری پێکەوەناوە لەگەڵ خاتوو (گوڵیزار) و خاوەنی 6 منداڵە (2 کوڕ و 4 کچ) (تەها، هونەر، ڕێزان، بەناز، ڕۆژگار، هۆزیار) .
حەمەجەزا، لە ساڵی 1969ز. دا پەیوەندی کردووە بە شۆڕشی ڕزگاری خوازی کوردەوە، چەندین ساڵی تەمەنی ژیانی لە پێشمەرگایەتیدا بەسەر بردووە. پاشان لەگەڵ خێزانەکەیدا ڕوویان کردووەتە ئەوروپا و لە وڵاتی دانیمارک نیشتەجێبوون. پاش ڕاپەڕینە مەزنەکەی بەهاری خوارووی کوردستان ڕووی کردووەتەوە کوردستان لە سلێمانی درێژەی بە ژیانی هونەری و #کوردایەتی# داوە.
خاوەنی چەندین #سروودی نیشتمانی# و ئاوازی خۆشی کوردییە، حەمەجەزا بە دەنگە خۆشەکەی گڕ و تینێکی تایبەتیی بوو بۆ هاوڕێکانی لە شاخ.
لە تەمەنی 61 ساڵیدا و لە کاتژمێر 1:50 خولەکی #01-10-2010#ز. بەهۆی نەخۆشییەوە کۆچی دوایی کردووە. هەمان ڕۆژ لە #گردی سەیوان# لە سلێمانی تەرمەکەی بەخاک سپێردرا.[1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 577,381 times
Write your comment about this item!