باکووری کوردستان
- تیپی وەرزشی جیزرە سپۆرت کە تیپێکی تۆپی پێیە، بۆ بەشداریکردن لە یارییەک لە جزیر-ی باکوری کوردستانەوە چووبوونە ئەنتالیا، تووشی هێرشی نەژادپەرەستانەی لایەنگرانی تیپی بەرامبەر هاتن. پێش ئەوەی یارییەکە دەستپێبکات، لایەنگرانی تیپی بەرامبەر دژی جزیرە سپۆرت دروشمی نەژادپەرەستانەیان وتەوە، دوای یارییەکە گروپێک لە لایەنگرانی تیپی بەرامبەر هێرشیان کردە سەر یاریزانانی تیپی جزیرە سپۆرت و سێ یاریزانیان و ڕاهێنەرێکیان برینداربوون و بە ناچاری شارەکەیان جێی هێشت.[3]
- دادگەیەکی دەوڵەتی تورک جارێکی دیکە بڕیاری دا کە ئه و منداڵانەی لە کاتی هێرشەکانی سەر ناوچەی نسێبین دەستگیر کراون، بە زیندانیکراوی بمێننەوە.[3]
- کاتژمێر 19:31 بە کاتی باکووری کوردستان، بوومەلەرزەیەک بە گوڕی 4.2 ناوچەی سەرا-ی شاری وانوانی هەژاند. بە گوێرەی زانیارییەکان بوومەلەرزەکە هیچ زیانێکی گیانی و ماددی لێ نەکەوتووەتەوە، بەڵام ترسی لای هاوڵاتییانی دروست کردووە. لایەنەپەیوەندیدارەکان ڕایانگەیاند، چەقی بوومەلەرزەکە لە قووڵایی 5 کم لەژێر زەویدا بووە.[3]
باشووری کوردستان
- یەکێتی رایدەگەیەنێت: تا پرسی پارێزگاری کەرکوک یەکلانەکرێتەوە بەشداری کۆبوونەوەی پەرلەمان و پێکهێنانی حکومەت ناکەن.[2]
- کۆبوونەوەی پەرلەمانی کوردستانپەرلەمانی کوردستان بۆ چەند کاژێرێک دواخرا و پاشتر بەبێ فڕاکسیۆنی یەکێتی دەستی بە کۆبوونەوەکانی کرد.[1]
- هەریەک لە حزبی شیوعی کوردستانحزبی شیوعی کوردستان و یەکگرتووی ئیسلامیی کوردستانیەکگرتووی ئیسلامیی کوردستان دەنگیان بە هەڵبژاردنی سەرۆکایەتیی پەڕڵەمان نەدا.[1]
- میدیاکانی یەکێتی باس لەوە دەکەن کە پەڕڵەمانتارانی گۆڕان دەنگیان بە کاندیدەکانی پارتی داوە.[2]
- سەرۆک و جێگری سەرۆکی پەرلەمان هەڵبژێردران، ڤالا فەریدڤالا فەرید بە سەرۆکی پەرلەمان و هێمن هەورامیهێمن هەورامی، وەک جێگری یەکەمی سەرۆکی پەرلەمانی کوردستان و مونا قەهوەچیمونا قەهوەچی بە جێگری دووەم هەڵبژێردران.[6]
- بڕیاربوو ئەمڕۆ کۆبوونەوەی ئەنجومەنی پارێزگای کەرکوککەرکوک ئەنجامبدرێت، بەڵام بەهۆی رێکنەکەوتنی پارتی و یەکێتی ئەنجامدانی هەڵوەشایەوە.[1]
- ئەنجومەنی سەرکردایەتی یەکێتی پەیامێک ئاراستەی پارتی دەکات و داوادەکات پابەندبێت بە ناوەرۆکی رێککەوتنی 5ی شوبات و دەشڵێت: ئەگەر دەیانەوێت خۆشگوزەرانی بۆ خەڵک بێتەکایەوە، ئەوا دەبێت بە بەشداری هەموومان حکومەت پێبهێنرێت.[5]
- ئەمشه و ژمارەیەک چەکداری داعش پەلاماری دانیشتوانی گوندی حسێن مەمەیان لە خانەقینخانەقین داو و شەڕ و پێکدادان روویدا، لە ئەنجامدا شوانێک بە سەختی برینداربوو.[2]
- ئەمشه و ژمارەیەک لە تیرۆرستانی داعش پەلاماری گوندی عەساکرەیان لەشارەدێی سەعدیە دا، لەئەنجامی ئه و پەلامارەدا دوو چەکداری داعش برینداربوون و چەکدارێکی حەشدی شەعبیحەشدی شەعبیش بەسەختی پێکراوە.[2]
- کارمەندانی خۆبەخشی ناوەندە تەندروستییەکان، لە سنوری ئیدارەی گەرمیانگەرمیان، بۆ جاری سێیەم گردبوونەوە و داوای دامەزراندنیان کرد، داواکارییەکانیان بە یاداشتێک گەیاندە ئیدارەی گەرمیان.[4]
دەرەوەی کوردستان
- وەزیری بەرگری فەرەنسا سەبارەت بە چارەنووسی کورد کە هێشتاش لەگەڵ داعشداعش-دا دەستەو یەخەن، هۆشداریی دەدات و ڕایدەگەیەنێت: نابێت ڕێگە بدەین کوردەکان دوای کشانەوەی ئەمریکا لە سوریا جارێکی دیکە لە سوریا ببنە قوربانی.[4]

#وان | #پەرلەمانی کوردستان | #حزبی شیوعی کوردستان | #یەکگرتووی ئیسلامیی کوردستان | #ڤالا فەرید | #هێمن هەورامی | #مونا قەهوەچی | #کەرکوک | #خانەقین | #حەشدی شەعبی | #گەرمیان | #داعش |

لە کاتێکدا کە جەماوەری گەلەکەمان و دۆستانمان لەناوەوه و درەوەی هەرێم لە چاوەڕوانی ئەوەدابوون، لەپاش تێپەڕبونی نزیکەی چوار مانگ بەسەر ڕاگەیاندنی ئەنجامی کۆتایی هەڵبژاردنی پەرلەمانی کوردستان و لەدەرئەنجامی ڕێککەوتنێکی گشتگیری هەمەلایەنە لە نێوان لیستە براوەکاندا و بەشداربوانی ئەم خولەی پەرلەمان، ئەنجامدانی دانیشتنی تەواوکاری پەرلەمان بەمەبەستی گرتنەبەری ڕێکارە یاساییەکان بۆ هەڵبژاردنی دەستەی سەرۆکایەتی پەرلەمان و هەنگاونان بۆ پێکهێنانی کابینەی نوێی حکومەتی هەرێمی کوردستان، بەڵام جێگای سەرسوڕمانی هەموو لایەک بوو کە پارتی دیموکراتی کوردستانپارتی دیموکراتی کوردستان بە هاوکاری و هەماهەنگی چەند لیستێکی بچوکی تر بەدەر لە ڕێککەوتن لەگەڵ دووهەمین لیستی براوەی هەڵبژاردنەکان کە لیستی یەکێتی نیشتمانی کوردستانە، سەبارەت بە شێوزای حکومرانی و پلان و بەرنامەی هاوبەش بۆ باشترکردنی ژیان و گوزەرانی کۆمەڵانی خەلکی کوردستان و بوژانەوەی ژێرخانی ئابوری کوردستان، هەروەها بۆ چارەسەرکردنی کێشەکانی نێوان هەرێمی کوردستان لەگەڵ ناوەندو ئاسایکردنەوەی دۆخی ناسروشتی کەرکوککەرکوک و ناوچە کێشە لەسەرەکانی تر بە شێوازێکی پەلەپرۆزێیانە کۆبوونەوەی پەرلەمانیان بە کەمو کوڕیەکی زۆری سیاسی و یاساییەوە ئەنجامدا، کورد ووتەنی (گرێی دەستیان خستە دەم)، لە کاتێکدا کە یەکێتی نیشتمانی کوردستان داوای دواخستنی کۆبوونەوەکەیان تەنها بۆ ماوەی بیست و چوار کاتژمێر کردبوو بەمەبەستی گەیشتن بە ڕێگا چارەی گونجاوو لەسەر تێپەڕاندنی جیاوازیەکان، بەڵام بەداخەوە لەوەشدا بڕیاری نابەرپرسانە دراو کۆبوونەوەکەیان به و شێوازە ئەنجامدا کە هەموو لایەک بینیمان هەر بۆیە یەکێتی نیشتمانی کوردستان تێبینی زۆری لەسەر ئه و دانیشتنە هەیه و پێمان وایە کە ئەوە خزمەت بە بەرەو پێشچوونی پرۆسەی سیاسی و لێکەوتەکانی لەداهاتوودا لە هەرێمی کوردستان و ناوچەکە ناکات.
‎مەکتەبی سیاسی
‎یەکێتیی نیشتمانیی کوردستانیەکێتیی نیشتمانیی کوردستان
18-02-201918-02-2019

#پارتی دیموکراتی کوردستان | #کەرکوک | #یەکێتیی نیشتمانیی کوردستان | #18-02-2019 |

کەرکوککەرکوک و یەکێتی دوو پایەی یەک ستراتیژن
گرنگیدان بە کێشەکانی خەڵکی کەرکوک و هەوڵدان بۆ کاراکردنەوەی ئەنجومەنی پارێزگا و دانانی پارێزگارێکی کورد بۆ شارەکەمان، کە دەبێتە هۆکاری چارەسەری زۆربەی کێشەکان. لە ئەژێندای وەفدی دان وساندکاری (ی.ن.ک) بۆ پێکهێنانی کابینەی نوێی حکومەتی هەرێمی کوردستان. بۆ ئێمەی کەرکوکی هەڵوێستێکی چاوەڕوانکراو بوو.
بۆیە بەناوی مەڵبەندی کەرکوک و تەواوی دۆستان و خەمخۆرانی شارەکەمانەوە، سوپاس و دەستخۆشیمان ئاراستەی
هەڤاڵ کۆسرەت رەسوڵ جێگری یەکەمی سکرتێری گشتی
هەڤاڵ دکتۆر بەرهەم صاڵح جێگری دووەمی سکرتێری گشتی
تەواوی هەڤاڵانی مەکتەبی سیاسی و ئەنجومەنی سەرکردایەتی و هەڤاڵان باڤڵ تاڵەبانی و لاهورتاڵەبانی و وەفدی گفتوگۆی یەکێتی نیشتمانی کوردستان دەکەیەن.
وەک هەمیشه و لە سەر رێبازەکەی مامی گەورەمان، داکۆکی کاری سەرسەختی مافی کەرکوکییەکان، بوون و کەرکوکیان لە چارەنو وس و کێشەکانی هەرێم جیانەکردەوە.
ئەم هەڵوێستە و سوور بوونی یەکێتی لە سەر چارەسەری کۆی کێشەکانی هەرێم، بە کێشەکانی کەرکوک و ناوچەدابڕاوەکان و هاوهەڵوێستی کورد لە بەغدا، ئاماژەی ڕونن بۆ دونیابینی فراوانی نیشتمانی (ی.ن.ک) کە پەروەردەی تێگەیشتن و هەڵوێستی بەرزی سەرۆک مام جلال بووە.
یەکێتی نیشتمانی کوردستان، به و پەڕی هەست بە لێپرسراوێتییەوە کار بۆ چارەسەری کێشەکانی هەرێم دەکات و بڕوای پتەوەی بە گفتوگۆ و کاری هاوبەشی تەواوی هێزەسیاسییەکان هەیە. بەڵام کێشەکانی خەڵک و شاری کەرکوکیش وەک بەشێک لە کێشەی تەواوی خەڵکی کوردستان سەیردەکات، ئەم راستییە لە هەڵوێست و کارەکانی یەکێتی بۆ پێکهێنانی حکومەتی هەرێم بەتەواوی چەسپا و جێگیربوون. هاوڵاتیانی شاری کەرکوک خوازیاربوون خەم و کێشەکانیان لە بەرنامەی سیاسی حزبەکاندا ڕەنگ بداتەوە و هاوشانی هەوڵەکان بۆ چارەسەری کێشەکانی هەرێم، کێشەی ئیدارەو خەڵکی کەرکوکیش ببنە سەرمێزی گفتوگۆ و کێشە و خەمی خەڵکی کەرکوک کۆیان بکاتەوە. بەڵام زۆر بەداخەوە ئەمە ڕووینەدا و کێشەو خەمەکانی کەرکوک تەنها لە بەرنامەی یەکێتیدا ڕەنگی دایەوە.
بۆیە بەناوی مەڵبەندی کەرکوک و خەڵکی خۆڕاگری شارەکەمانەوە سوپاسی ئەم هەستی لێپرسراوێتیە دەکەین، وەک هەمیشە پەیمانی پابەندبوونمان بەڕێبازەکەی سەرۆک مام جلال دوپات دەکەینەوە.
یەکێتیی نیشتمانیی کوردستانیەکێتیی نیشتمانیی کوردستان
مەڵبەندی دووی رێکخستنی کەرکوک
18-02-201918-02-2019

#کەرکوک | #یەکێتیی نیشتمانیی کوردستان | #18-02-2019 |

هێزەکانی ڕزگاریی عەفرینعەفرین دەربارەی چالاکییەکانیان دژ بە هێزە داگیرکەرەکان ڕاگەیەنراوێکی بڵاوکردەوە. تیایدا هاتووە: (چالاکییەکانی شەڕڤانشەڕڤانانی ئێمە لە دژی سەرباز و چەتەکانی سوپای تورکی داگیرکەر لە عەفرین و دەوروبەری بەردەوامن. لەم چوارچێوەیەدا، شەڕڤانانمان ڕۆژی 17ی شوبات\28ی ڕێبەندان لە ناوچەی عەفرین و ناوچەی عەزاز 3 چالاکیی کاریگەریان دژی داگیرکەران ئەنجام داوە.)
هێزەکانی ڕزگاریی عەفرین ڕایگەیاندووە، (ڕۆژی 17ی شوبات\28ی ڕێبەندان شەڕڤانانی ئێمە لە ناوچەی بلبلێی عەفرین دژی ئۆتۆمبێلێکی دەوریە کە سەرباز و چەتەکانی دەوڵەتی تورکی تێدابوون، چالاکییەکیان ئەنجام دا. لە چالاکییەکەدا سەربازێک و 2 چەتە بەسەختی بریندار بوون.)
لە ڕاگەیەنراوەکەدا ئاماژە بۆ ئەوە کراوە، هەمان ڕۆژ لە ناوچەی جندرێسی سەر بە عەفرین شەڕڤانان دژی بنکەیەکی گرووپی چەتەکانی نوورەدین زەنگی چالاکییەکیان کردووە. چالاکییەکە کوژراوی لێکەوتووەتەوە، بەڵام دەربارەی ژمارەیان زانیاریی ڕوون دەستنەکەوتووە.
هێزەکانی ڕزگاریی عەفرین ڕاشیگەیاند، ڕۆژی 17ی شوبات\28ی ڕێبەندان شەڕڤانانیان لە گوندی کل جبرین-ی سەر بە عەزاز لە دژی بنکەیەکی گرووپی چەتەکانی جەبهەی شامیە چالاکییەکیان کردووە. لە ئەنجامدا چەتەیەک بە ناوی عومەر جاسم کوژراوە و یەکێکی دیکەش بە ناوی مەحموود عەلی بریندار بووە.[1]
18-02-201918-02-2019

#عەفرین | #شەڕڤان | #18-02-2019 |