$رۆژهەڵاتی کوردستان$
- ئومید مستەفاپوور، ئەندامی بەرەی یەکگرتووی کورد، بۆ زیندانی #نەغەدە# ڕاگوێزرا. بەرەی یەکگرتووی کورد بەنیسبەت ئومید مستەفاپوور نیگەرانیی دەربڕیوە و خوازیاری دەستبەجێ ئازادکردنی ناوبراو بوون.[6]
$باشووری کوردستان$
- تۆپخانەکانی تورکیا دەوروبەری گوندی بێدهێ لە سنووری شارەدێی #کانی ماسێ#ی سەر بە شارۆچکەی #ئامێدی# تۆپباران دەکەن.[3]
- وەزارەتی تەندروستی حکومەتی هەرێمی کوردستان ئاماری 24 کاتژمێری ڕابردووی کۆرۆنای ڕاگەیاند و بەگویرەی ڕاگەیەندراوەکە لە ماوەی شه و و ڕۆژێکدا 204 کەس تووشی ڤایرۆسی کۆرۆنا بوونە و 9 کەسی دیکەش گیانیان لەدەستداوە.[1]
- ژمارەی گیانلەدەستدان بە ڤایرۆسی #کۆڕۆنا# لە پارێزگای #سلێمانی# 200 کەسی تێپەڕکرد.[1]
- بەهۆی گرفت و نەبوونی خزمەتگوزارییە سەرەتاییەکان-یان، هاوڵاتییانی شارەدێی #بازیان#ی سەر پارێزگای سلێمانی، دەستیان بە خۆپیشاندان کرد و ڕێگای سەرەکی، سلێمانی #کەرکووک#-یان داخست و ڕێگا بە هاتووچۆکردن نادەن.[4]
- وەزیری پەروەردەی حکومەتی هەرێمی کوردستان ڕایگەیاند، تاقیکردنەوەکانی 12ی ئامادەیی لەکاتی دیاریکراوی خۆیدا دەکرێت و ڕۆژی 11ی تەممووز دەستپێدەکات.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/384456/0010.JPG=KTML_ImageCaption_Title=خۆپیشاندەرانی بازیان ڕێگای سلێمانی کەرکووکیان داخست=KTML_ImageCaption_CaptionStyle=000000=KTML_ImageCaption_Caption=خۆپیشاندەرانی بازیان ڕێگای سلێمانی کەرکووکیان داخست=KTML_ImageCaption_End=
- ئێوارەی ئەمڕۆ، لە گەڕەکی سەرکارێز لە شاری سلێمانی گەنجێکی تەمەن 16 ساڵان کەپیشەی شاگردی فیتەر بووە لەناو کەلاوەیەکی پشت شوێنی کارەکەی بەنزینی بەخۆیدا کرد وخۆی سوتاند.[4]
$رۆژئاوای کوردستان$
- ڕۆژئاوای کوردستان لە قەیرانێکی مرۆیی گەورەدایە. دوا ڕاپۆرتی وردی #نەتەوە یەکگرتووەکان# سەبارەت دۆخی مرۆیی دەڵێت: زیاتر لە نیوەی دانیشتووانی ڕۆژئاوای کوردستان خواردن و چارەسەری تەندروستی پێویستیان نییە.[3]
$دەرەوەی کوردستان$
- 14 کارناسی مافی مرۆڤی #نەتەوە یەکگرتووەکان#، لە ڕاگەیەندراوێکدا، ئێعدامی نەهێنیی #هیدایەت عەبدوڵڵاپوور#، زیندانیی سیاسیی کوردیان مەحکووم کرد.[6]
- لە شاری کۆڵنی ئەڵمانیا خۆپیشاندان دژی داگیرکاری و تیرۆرەکانی دەوڵەتی تورک ئەنجام دەدرێت.[1]
- #شێخ محەمەد شێخ عەبدولکەریم کە#سنە#زانی# ڕابەری تەریقەتی قادری لە ئەمریکا کۆچی دوایی کرد.[1]
- بەکاریگەری ڕاپۆرتەکەی ئاژانسی فیتچ لەبارەی خراپی دۆخی ئابووری تورکیا، بەهای لیرەی تورکی بۆ کەمترین ئاستی لە دوای مانگی ئایارەوە دابەزی، بەجۆرێک بەهای یەک دۆلاری ئەمەریکی بۆ 6 لیرە و 88 قوروش دابەزی. هاوکات هۆکارێکی دیکەی داکەوتنی بەرچاوی بەهای لیرە، دەگەڕێتەوە بۆ بەرزبوونەوەی ڕێژەی هەڵاوسان لە مانگی حوزەیراندا، کە زیاتر بووە لە پێشبینییەکان و 12.5% تۆمارکردووە.[2]
- لە ماوە دوو ڕۆژی ڕابردوودا لە نێوان ڕژێمی سوریا و چەتەکانی #داعش#دا شەڕ و پێکدادانی قوڕس ڕوودەدات. بە پێی زانیاریەکان تا ئێستا 40 کەس لە هەردوولا کوژراون.[5]

ئەمڕۆ شەممە، ژووری ئۆپەراسیۆنی ئیدارەی ڕاپەرین بۆ بەرەنگاربوونەوەی نەخۆشی ڤایرۆسی کۆڕۆنا کۆبوونەوەیەکی تایبەتی بۆ گرتنەبەری ڕێکاری ڕێگری لە تەشەنەسەندنی ڤایرۆسی کۆرۆنا ئەنجام دا و تیایدا بڕیاریدا:
یەکەم / ئەم هەفتەیەش تا ڕۆژی (10-07-2020) پشووی سەرجەم فەرمانگە و بەڕێوەبەرایەتی و دامودەزگاحکومیەکان درێژ دەکرێتەوە و ڕۆژی شەممە ڕێکەوتی (2020-07-11) دەوام دەست پێدەکاتەوە.
دووەم / ئەم پشووە دەزگا ئەمنییەکان و تەندروستی و خەفارەتی فەرمانگە خزمەتگوزارییەکان ناگرێتەوە و هەر بەردەوام دەبن، هەروەها گەنجینە و بانک و ئەو فەرمانگەیەش کە #وەزارەتی دارایی# خشتەی موچەکەی ڕادەگەیەنێ ڕۆژی مووچە وەرگرتنیان.
سێیەم / جارێکیتر سپاسی بەدەنگەوە هاتنی بەرپرسیارانەی مامۆستایانی ئایینی سنوورەکەمان دەکەین کە بەوپەڕی هەست کردن بە مەسئولیەتی خۆشەویستیی و سەلامەتیی هاووڵاتیان ئەنجامدانی نوێژی هەینیان ڕاگرت.
چوارەم / سەبارەت بە کلینک و نۆڕینگە پزیشکییەکان: بەڕێوەبەرایەتی گشتی تەندروستی ڕاپەرین بە هەماهەنگیی لەگەڵ سەرۆکی یەکەکارگێڕییەکان و ئاسایش و پۆلیس مولزەمە بە سەپاندنی جێبەجێ کردنی سەرجەم ڕێکار و ڕێنماییە تەندروستییەکان بە سەر هەموو کلینک و نۆرینگە پزیشکییەکاندا و هەرچی پابەندیش نەبێت ئەوا اجرائاتی پێویستی بەرامبەر دەکرێت.
پێنجەم / سپاسی بەدەنگەوە هاتن و پەرۆشیی سەرجەم هاووڵاتیان و چین و توێژە جیاجیاکانی خەڵکی سنوورەکەمان دەکەین کە بەگیانی خۆپارێزی و کۆپارێزیی ئەم ماوەیە هاوکارمان بوون و بە هیممەت و پاڵپشتی بێدرێغی ئەوان و پشتیوانی خوای گەورە ئەم دۆخە ترسناکەش تێدەپەڕێنین و هەموومان جەژنی سەرکەوتنی یەکجارەکیی ووڵاتێکی ئاوەدان و تەبا دەگێڕین.
هیوا قەرەنی عەبدوڵڵا
سەرۆکی ژووری ئۆپەراسیۆنی ئیدارەی ڕاپەرین
بۆ بەرەنگاربوونەوەی نەخۆشی کۆڕۆنا
2020-07-04