((خۆپیشاندانی کوردانی کەرکووک ماڵی کوردی یەکخست))
#سیروان حوسێن مەخمووری#
هەروەکو چۆن لەرابردوودا دەستکەوتەکانی هەرێمی کوردستان لەسەر ئاستی (ناوخۆیی و هەرێمی و نێو دەولەتی) بەرهەمی یەکرێزی لایەنە سیاسیەکانی هەرێم بوونە ، لەهەمان کاتیشدا خیلافات و لیکترازانی لایەنەکان هەموو کات کورد لێی زەرەرمەند بووە ، ئەگەر تۆزێک بگەڕێنەوە بۆ ڕابردوو دەبینین بەدرێژایی مێژوویی سیاسی هەرێمی کوردستان لە قۆناغە جیاجیاکاندا خالی بەهێز و مانەوەی پێگە بەهێزەکەی کیانی سیاسی هەرێم بووە ، بۆ نموونە لەکاتی هەلگیرسانی شۆرشی ئەیلولی (1961) کورد یەکریزبوون و لەژیر یەک سەرکردە بوون ، دەبینین دەستکەوتی گەورە و گرنگ بەدەست بهینن هەر لە رزگارکردنی گەلی ناوچەی کوردستانی و ناچاربوونی رژێمی عیراق کە دیالۆگ لەگەل سەرکردایەتی شۆرش بکات و دان بە مافەکان بنێت.
هەروەها لەسالی (1991) دروستبوونی (بەرەی کوردستانی) هەموو حزبەکان توانیان لەماوەیەکی کەمدا هەموو ناوچە کوردستانیەکان ئازاد بکەن بە کەرکووکیشەوە ، کەبەسەرەتایەکی گرنگی دامەزراندنی حکومەت و پەرلەمان لە هەرێمی کوردستان دادەنرێت.
لەپاش پرۆسەی ئازادی عیراق سالی (2003) لەلایەن ئەمەریکاوە و دامەزراندنی (ئەنجوومەنی حکوم) و نووسینەوەی (یاسای ئیدارەی دەولەت 2004 و دەستووری هەمیشەیی عیراق) کە حزبە کوردستانیەکان بە یەکرێزی خۆیان توانیان زۆرترین دەستکەوت بەدەست بهێنن و ئه و دەستکەوتانەش بەدەستووری بکەن.
لەهەلبژاردنەکانی سالی (2005)ی پەرلەمانی عیراقی لایەنە سیاسیەکانی کوردستان یەک لیستیان لەژێر ناوی (هاوپەیمانی کوردستان) پێکهێنا و گەورەترین سەرکەوتنیان بەدەست هێنا و گەلی پۆستی گرنگ و هەستیاری حکومەتی عیراقیان وەرگرت لەسەرووی هەموویانەوە (سەرۆککۆماری عیراق) ئەمەش لەدەرئەنجامی یەکرێزی بوو، دەیان نموونەی تر هەن کە بەرهەمی یەکرێزی هەموو گەلی کوررد پێی حەسایتەوە.
لەسەر وبەندی گەڕانەوەی پارتی دیموکراتی کوردستان بۆ کەرکوک لەلایەن عەرەبە شۆڤینیەکان و گروپەکانی نزیک لەحەشد ڕێگرییان لەگەڕانەوەی پارتی و وەرگرتنەوەی بارەگاکانیان کرد و هەوڵی ئیستفزازکردنی کوردستانیانی ئەو شارەیان دا، هەربۆیە کەرکوکیەکان بەهەموو لایەنە جیاوازەکانەوە کوردایەتی خۆیان سەلماند بەداخەوە کە قوربانی یان لەم پێناوە دا بەلام پەیامێکی گرنگییان دا بەهەموو لایەنە سیاسیەکانی کورد ئەوەی دەگوزەری لەعیراق سڕینەوە و لەناوبردنی کوردە چ بەگەمارۆی ئابووری بێت کە بڕینی بودجە و مووچەی لێکەوتەوە و هەروەها گردبوونەوەی سەربازی لەم ناوچانە دژی کوردان و فشاریان خستە سەر کوردستانیانی ئەم شارە و هەموو شارەکانی تر ئەمە وێڕای فشاری سیاسی ولاتانی هەرێمی و ناوخۆیی کە دەیان بۆمب لەبەردەم قەوارەی هەرێم دانرابوو، بەڵام خۆپیشاندانی کورد وای لەدەسەلاتدارانی عیراق کرد کە زوو بخەنە خۆیان و ئەو عەسکەرتاییەی لەسەر کەرکووک و بارودۆخە ناهەموارە کۆتایی پێ بهێنن،
لەلایەکی تریشەوە پەیامێک درا بەهەموو لایەنە سیاسیەکانی کورد کە پێویستە ململانێیەکان وەلابنرێت و یەکڕێزبن لەپێناو مانەوەی ئەو گەلە زیندووە، کەواتە خۆپیشاندێکی کوردان چۆکی بەهێزە نەیارەکانی کوردی دا و ئەوەش بووە ئیلهامێک بۆ هەموو لایەنەکان کە هێز لەیەکگرتن دایە.
ئەوەی ئەمڕۆ لەبەغدا بینرا هەموو لایەنەکان چ لەحکومەتی هەرێم و چ لەفراکسیۆنی پەرلەمانی یەک ڕەنگ و یەک دەست بوون و عەرابی ئەم یەکرێزییەش دەگەڕێتەوە بۆ لێبووردەیی و حەکیمایەتی سەرۆک وەزیران #مەسرور بارزانی# کەلەم ڕێگەیەوە توانرا بەیەکرێزی لایەنەکان دەیان بۆمب پوچەڵ بکرێتەوە لەبەردەم هەرێم و قەوارەکەی لەئێستادا.
هەربۆیە کارتی بەهێزی کورد لەڕابردوو و ئێستا و داهاتووش تەنها یەکڕێزی ماڵی کوردانە تاوەکو گەلی کورد بگاتە کەناری ئارام، کەواتە میللەت لەگەڵ یەکریزی و یەکخستنی نێوماڵی کوردە و پێویستە هەموو کات سیاسییەکان بەرەو ئەم داخوازییەی گەل ئاڕاستە بکرێن، بەردەوامبوونی یەکبوونی گوتار و هەلویستەکان سەرکەوتنی زیاتری بەدواوەیە.. [1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Vî makale di zimanê (کوردیی ناوەڕاست) de hatiye nivîsandin, bo vî makaleyan di zimanê orijînal de veke, li ser sembola
bike!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Vî sernavê 2,030 caran hat dîtin
Li ser vê gotarê şîroveyê xwe binivîsin!