$باکووری کوردستان$
- پارتی دیموکراتی گەلان (#هەدەپە#) دەنگی به و ڕەشنوسە نەدا کە لەلایەن ژمارەیەک پارتی تورکیاوە ئامادەکرا و تیایدا ناڕەزاییان بەرامبەر بڕیاری ناساندنی کۆمەڵکوژی ئەرمەنەکان بەجینۆساید لەلایەن ئەمریکاوە نیشاندا.[1]
- حەیرانبێژ (دەنگبێژ) سلۆ قز کە هەموو خزمەکانی لە کۆمەڵکوژی #دەرسیم# لە ساڵی 1938 گیانیان لەدەستدا، لە تەمەنی 104 ساڵیدا کۆچی دوای کرد.[4]
$رۆژهەڵاتی کوردستان$
- کاسبکارێکی کورد بە ناوی عەزیز مەعرووفی کوڕی حوسێن و خەڵکی گوندی بێمزوورتێ، سەر بە شاری #شنۆ#، بە تەقەی ڕاستەوخۆی هێزە نیزامییەکانی حکوومەت لە سنووری ئەو شارەدا بوو بە قوربانی.[6]
$باشووری کوردستان$
- بە ئامادەبوونی ژمارەیەکی بەرچاو لە هاوڵاتیانی شاری #هەڵەبجە# گروپی زەریاب، بە هاوکاریی بەڕێوبەرایەتی ڕۆشبیری و هونەری هەڵەبجە، یادی هونەرمەند #حوسێن عەلی# کردەوە.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/374862/0013.JPG=KTML_ImageCaption_Title=لە هەڵەبجە یادی حسێن عەلی کرایەوە=KTML_ImageCaption_CaptionStyle=000000=KTML_ImageCaption_Caption=لە هەڵەبجە یادی حسێن عەلی کرایەوە=KTML_ImageCaption_End=
- سەرۆکی فراکسیۆنی گۆڕان لە پەرلەمانی کوردستان ڕایدەگەیەنێت: لە پرۆژەی چاکسازیدا، ژمێرە و حسابی سەرجەم هێزە سەربازی و ئەمنییەکان دەکەونە ژێر دیوانی چاودێری دارایی هەرێم و یەکەی ژمێریاری بۆ هیچ هێزێکی سەربازی و حیزبی نامێنێت، جگە لە هەڵوەشاندنەوەی مووچەی هەزاران خانەشنینی، هەر حەوت فەرمانگەکانی خانەنشینی هەرێم نامێنن و یەک فەرمانگەی خانەنشینی دروستدەکرێت.[1]
- سەرۆکی پەرلەمانی کوردستان هەڵمەتێکی بۆ پشتگیریی لە بەرهەمی نێوخۆیی ڕاگەیاند و پێشوازی لە هەموو دەستپێشخەرییەک دەکات بۆ پشتیوانیکردن لە هەڵمەتەکە، داواش لە هەموو لایەک دەکات سەرنج و بۆچوونەکانیان لەبارەی پرۆژەیاسای پاراستنی بەرهەمە خۆماڵییەکان بنێرن.[2]
- لە شاری #هەولێر# کۆنفڕانسێک بۆ ئامادەکردنی پڕۆژەیەک بۆ گفتوگۆکردنی کێشە و گرفتەکانی بەردەم سیتەمی دادوەریی لە هەرێمی کوردستان بەرێوەچوو، بۆ ئەوەی لە داهاتوودا ئه و کێشانە چارەسەر بکرێن و دادگا و سیستەمی دادوەری لە هەرێمی کوردستان سەربەخۆ و سەروەر بێت.[5]
- حکومەتی هەرێمی کوردستان لیژنەیەکی بۆ پرسی ماددەی 140 پێکهێناوە و داوای کاراکردنەوەی ماددەی 140 لە بەغدا دەکات، #ئەرشەد ساڵحی#، سەرۆکی #بەرەی تورکمانی#ش دەڵێت، دەبێت کورد لەگەڵ عەرەب و تورکمان ڕێکبکەوێت پاشان بچێتە بەغدا.[2]
$رۆژئاوای کوردستان$
- مەزڵوم کۆبانێ، فەرماندەی گشتیی #هەسەدە# لە توویتێکدا ئاماژەی بەوەکردووە، بڕیارەکەی ئەنجوومەنی پیرانی ئەمریکا دەبێتە هۆکاری ئەوەی تورکیا نەتوانێت گەلی کورد کۆمەڵکوژ بکات و وادەکات تورکیا واز لە داگیرکردنی ڕۆژئاوای کوردستان بهێنێت.[2]
- بەسەدان دانیشتووی ناوچەی تەل تەمر، تەرمی شەهید ئەحمەد ئەلبیکەییر (دڵشێر)یان بە مەراسیمێک بەخاکسپارد کە لە بەرخۆدانی شەرەفدا شەهید ببوو.[4]
- بەگوێرەی سەرچاوە خۆجێییەکان، شەوی ڕابردوو تۆپخانەکانی تورکیا و گرووپە چەکدارەکان گوندەکانی تل وەرد و تل شەعیریان لە باکووری ڕۆژهەڵاتی تل تەمر تۆپباران کردووە. لە میحوەری ڕۆژئاواش، هێزەکانی حکومەتی تورکیا و گرووپە چەکدارەکان بە چەکی قورس هێرشیان کردووەتە سەر سایلۆی گوندی قز عەلی کە بە دووریی 40 کیلۆمەتر لە باشووری ڕۆژهەڵاتی کۆبانێ هەڵکەوتووە.[2]
- لە ناوچەی تەبقای سەر بە فیدراسیۆنی باکور و ڕۆژهەڵاتی سوریا بە هەزاران کەس ڕژانە سەر شەقام و داگیرکەرییەکانی دەوڵەتی تورکیان شەرمەزار کرد. خەلکی تەبقا پشتیوانی خۆیان بۆ هێزەکانی سوریای دیمۆکراتیک دووپات کردەوەو وەک هێزی پاراستی پێکهاتەکان ناویان برد.
$دەرەوەی کوردستان$
- ئەنجومەنی ئاسایشی نێودەوڵەتی داوا لە حکومەتی عێراق دەکات، لێکۆڵینەوە لە توندوتیژییەکان و سەرکوتکردنی خۆپیشاندەران و ڕفاندنی چالاکوانان بکات.[3]
- لە مۆسکۆ پێشانگای ئەو وێنانەی لە لایەن منداڵانی ڕۆژئاواوە کێشرابوون، کرایەوە. منداڵان بە کێشانی وێنەیان ئاماژەیان بە تاوانی مرۆڤایەتی بەرامبەر باکوور و ڕۆژهەڵاتی سوریا کرد.[4]
- هاوپیشەکانی ڕۆژنامووس عەزیز ئۆروچ کە لە لایەن ڕژێمی تورکەوە دەستگیر کراوە، لە تۆڕە کۆمەڵایەتییەکان لە ژێر ناوی عەزیز ئۆروچ ڕۆژنامەنووسە “AzizOruçGazetecidir” کەمپینێکیان دەست پێکرد.[4]