لە شەڕ و پێکدادانەکانی مانگی تەمموزی ڕابردوو لە نێوان شەڕڤانانی YPG/YPJ و گروپە چەتەکانی داعش لە هەرێمی کوبانێ (685) ئەندامی گروپە چەتەکانی داعش کوژراون، (6) تانک و گەلێک ئۆتۆمبیل و بارەگای چەتەکانیش تێکشکێندراوە.
گروپە چەتەکانی دەوڵەتی ئیسلامی ئێراق و شام(داعش) لە مانگی تەمموز لە سێ قۆڵی ڕۆژئاوا، باشوور و ڕۆژهەڵاتی کانتۆنی کوبانی زیاتر لە (20) جار هێرشی کردوتە سەر هەرێمەکە.
ناوەندی چاپەمەنی یەکینەکانی پاراستنی گەل(YPG) سەبارەت بە ئەنجامەکانی شەڕ و پێکدادانی مانگی تەمموز لێدوانیکیدا و ئاماری ئه و مانگەی بۆ ڕای گشتی بڵاو کردەوە.
بە پێی ناوەندی چاپەمەنی YPG ئاماری مانگی تەمموز بەم جۆرەیە:
- (406) ئەندامی گروپە چەتەکانی دەوڵەتی ئیسلامی ئێراق و شام(داعش) کە لە ناویاندا (5) ئەمیر هەبوو، کوژراون. لاشەی یەکێکیان لە دەست شەڕڤانانماندایە. هەروەها سەدان ئەندامی چەتەکانیش بریندار بوون.
- (6) تانک و (17) ئۆتۆمبیلی چەتەکان تێکشکێندراوە. یەکێکیان هەڵگری دۆشکا بوو. هەروەها (11) ناوەندی چەتەکان لەگەڵ دوو ماتۆر سیکلێت تێکشکێندراون.
- (2) تانک و (5) ئۆتۆمبیلی چەتەکان گورزیان لێدراوە و بی کاریگەر کراون.
ناوەندی چاپەمەنی یەکینەکانی پاراستنی گەل(YPG) هەروەها ڕایگەیاند لە شەڕ و پێکدادانەکاندا هەروەها شەڕڤانانمان دەستیان بەسەر بڕێکی زۆر چەک و جبەخانەدا گرتوەئه و چەک و جبەخانەی دەستیان بەسەرداگیراوە وەهایە:
1- (14) چەکی کلاشینکۆف و (500) فیشەک
2- (3) چەکی جۆری ''بی کەی سی"، دوو سندوقی فیشەک، هەروەها (1500) فیشەکی دیکە و زنجیرەکانی.
3- دوو ئارپێجی، (6) موشەکی ئارپێجی و چەنتەیەک
4- (16) نارنجۆک
5- (3) ماتۆر سیکلێت
6- (3) دوربینی شەو
7- (2) بێ سیمی بچووک
8- دەمانچەیەک
9- (40) مەخزەن
10- چەنتەیەکی دەرمان
ناوەندی چاپەمەنی YPG هەروەها ڕاشیگەیاند کە گروپە چەتەکانی داعش بارهەڵگرێکی بۆمبرێژکراویان لە بازگەیەکی هیزەکانی YPG دا تەقاندوتەوە و لە ئەنجامدا (4) شەڕڤانی YPG گیانیان لەدەستداوە.
بە پێی ئامارەکە، لە مانگی تەمموزدا (74) شەڕڤانی YPG و YPJ گیانیان لەدەستداوە. لەم ڕێژەیە (16) یان ئەندامی یەکینەکانی پاراستنی ژن(YPJ)، (56) یان یەکینەکانی پاراستنی گەل(YPG) و دوو کەسیش هاوڵاتی مەدەنی بوون.
لە درێژەی لێدوانەکەدا هاتووە:'' لەم مانگەدا گروپە چەتەکانی داعش لە سێ قۆڵەوە(رۆژئاوا، ڕۆژهەڵات و باشوور) ەوە (20) جار بە چەکی قورسی وەکو تانک، تۆپ و هاوەن هێرشیان کردوە. لە شەڕ و پێکدادانەکاندا گروپە چەتەکان (3000) هاوەن و تۆپی جۆری (57) ئاراستەی گوندەکانی زۆرمێخار و بادیە کردوە. لەم مانگەدا شەڕڤانانمان لە دژی بارەگا و ناوەندەکانی گروپە چەتەکانی دەوڵەتی ئیسلامی ئێراق و شام(داعش) (8) چالاکیان ئەنجامداوە.
شەڕڤانانمان یەکەمین چالاکیان لە ڕۆژی 13 ی تەمموز ئەنجامدا و لە ئاکامدا (7) ئەندامی چەتەکانی داعش کوژران، دەیان ئەندامی چەتەکان بریندار بوون و لاشەی (4) چەتە کەوتە دەست شەڕڤانانی YPG ەوە. لە چالاکییەکەدا هەروەها موشەکێکی ئارپێجی، چەکێکی بی کەی سی و کلاشینکۆفێکیش دەستیان بەسەردا گیرا.
لە سەرجەم چالاکییەکانی YPG بە گشتی 040) ئەندامی چەتەکانی داعش کوژران، ئۆتۆمبیلێکی هەڵگری دۆشکای چەتەکان تێکشکیندرا.
سەبارەت بە هەڵمەتی سەربازی YPG کە لە ڕۆژی 22 ی تەمموز لە دژی چەتەکانی داعش دەستیپیکردبوو، لە لێدوانەکەدا هاتووە:'' لە ئەنجامی ئۆپەراسیۆنەکەی کە لەلایەن شەڕڤانانماندا لە دژی بنکە و بارەگاکانی چەتەکانی داعش ئەنجامیاندابوو، (232) ئەندامی چەتەکانی داعش کوژراون. هەروەها سێ ناوەند، (11) ئۆتۆمبیل، سێ BMB و چەکێکی دۆشکای چەتەکان تێکشکێندراوە. هەروها بڕێکیش چەک لە شەڕ و پێکدادانەکاندا دەستیان بەسەرداگیراوە کە بریتییە لە :
- سێ کلاشینکۆف
- دۆشکایەکی جۆری (12.5)
- ئارپێجییەک
- دوربینێکی شەو
ناوەندی چاپەمەنی YPG لە کۆتایی لێدوانەکەیدا دەڵێت:'' شەڕڤانانمان لە ڕۆژی 23 ی تەمموز گوندی چل ئۆغڵ و مەزرایەکی نزیکی گوندی بادیەی و لە ڕۆژی 31 ی تەمموزیش گردی زاگرۆس و مەلا بەرکلی لە گروپە چەتەکانی داعش پاک و ڕزگار کردوە".

ناوەندی چاپەمەنی یەکینەکانی پاراستنی گەل(YPG) ئەنجامەکانی شەڕ و پێکدادانێکی مانگێکی بەرخۆدانی کوبانێ لەبەرامبەر بە هێرشەکانی چەکدارانی‌ داعش بڵاوکردەوە.
کانتۆنی کوبانێ زیاتر لە ساڵێک و نیوە لەلایەن چەکدارەکانی‌ دەوڵەتی ئیسلامی عیراق و شام(داعش) ەوە گەماڕۆ دراوە، لە ڕۆژی 15 ی ئەیلولی مانگی ڕابردووە چەکدارانی‌ داعش گەورەترین و فراوانترین هێرشیان بە ئامانجی داگیرکردنی کوبانی دەستپێکرد و ئەمڕۆ لە سییەمین ڕۆژدایە.
گروپە چەکدارەکانی‌ داعش به و چەکە قورس و پێشکەوتوویانەی کە لە دوای داگیرکردنی موسڵ و چەند ناوچەیەکی دیکەی عیراق و سوریا دەستیان بەسەردا گرتبوو و هەروەها هاوکاری و پشتیوانییەکانی دەوڵەتی تورکیا لەلایەنی چەک و لوجستیکییەوە ڕادەستی چەکدارانی داعش کراوە، هێرشەکانیان بۆ سەر کوبانێ زیاتر کرد.
ئاماری شەڕ و پێکدادانەکانی یەک مانگی بەرخۆدانی کوبانێ
هەفتەی یەکەمین:
چەکدارانی‌ داعش لە ڕۆژی 15 ی ئەیلولەوە دەستیان بە هێرش کردوە، شەڕڤانانی یەکینەکانی پاراستنی گەل(YPG) و یەکینەکانی پاراستنی ژن(YPJ) لە بەرخۆدانییەکی شکۆمەندانەدان. لە هەفتەی یەکەمی ئه و مانگەدا (17) شەڕ و پێکدادان ڕوویداوە. لە شەڕ و پێکدادانەکاندا بە گشتی (232) چەکداری‌ داعش کوژراون، (4) تانک، (20) ئۆتۆمبیلی سەربازی و (7) دۆشکا تێکشکێندراون. هەروەها (17) کلاشینکۆف، دوو چەکی (M-16)، تۆپێکی هاوەن، چەکێکی بیکەیسی، موشەک هاوێژێک، ئارپێجییەک و گەلێک کەرەستەی سەربازی دیکە دەستیان بەسەردا گیراوە. لە شەڕ و پێکدادانەکاندا (32) شەڕڤانی یەکینەکانی پاراستنی گەل(YPG) و یەکینەکانی پاراستنی ژن(YPJ) شەهید بوون.
هەفتەی دووەم:
لە هەفتەی دووەمی شەڕ و پێکدادانەکاندا دوو ناوەندی چەتەکان تێکشکێندراوە، (4) تانک، (3) چەکی دۆشکای جۆری(23 و 14.5)، هەروەها (9) ئۆتۆمبیلی سەربازی، هەمەرێک، (2) ماتۆر سیکلێت و تۆپێکی هاوەن تێکشکێندراوم. هەروەها (7) چەکی کلاشینکۆفیش دەستیان بەسەردا گیراوە. لە هەفتەی دووەمدا (294) چەتە کوژراون، لە شەڕ و پێکدادانەکاندا (32) شەڕڤانی YPG و YPJ شەهید بوون. لە بەرەی ڕۆژئاوای شارەکەش (5) چالای گیانبازی ئەنجامدراوە. لە شەڕ و پێکدادانەکاندا هەروەها (5) شەڕڤانی بورکان ئەلفرات شەهید بوون.
هەفتەی سێیەم:
لە هەفتەی سێیەمی شەڕ و پێکدادانەکاندا چەتەکانی داعش گورزی کوشندەیان بەرکەوتووە. (2) تانک، (39 تۆپی هاوەن، هەمەرێک، (7) ئۆتۆمبیلی سەربازی، ئۆتۆمبیلێکی بۆمبرێژکراو بە دوو سەرنشینەوە تێکشکێندراون. (10) کلاشینکۆف، چەکێکی قەناس، ئارپێجییەک، (2) دوربینی شه و دەستیان بەسەردا گیراوە. لە (150) خاڵ شەڕ و پێکدادان ڕوویداوە و (351) چەتەی داعش کوژراون. لە شەڕ و پێکدادانەکاندا هەروەها (41) شەڕڤانی YPG و YPJ شەهید بوون. لە چالاکی گیانبازی ڕێ هەڤاڵ ئارین میرکاندا دەیان چەتەی داعش کوژران. ئارین میلکان بە چالاکییە گیانبازییەکەی خۆی بوو بە سیمبولی کوبانێ. لە شەڕ و پێکدادانەکانی ئه و هەفتەیەشدا (4) شەڕڤانی بورکان ئەلفرات شەهید بوون.
هەفتەی چوارەمین:
لە ئەنجامی بەرخۆدانی شکۆمەندانە و مەزنی شەڕڤانانی YPG و YPJ و گەلی کوبانێ، هەرێمێکی ستراتیجی کە لە ژێر کۆنتڕۆڵی چەتەکانی داعشدا بوو، ڕزگار کراوە. (4) ئۆتۆمبیلی سەربازی، ئۆتۆمبیلێکی سەربازی کە تێیدا دەیان چەتەی داعش هەبوون، (3) بارهەڵگر، (5) ئۆتۆمبیلی بۆمبرێژکراو، ماتۆرسیکلێتێکی بۆمبرێژکراو و تۆپێکی هاوەن تێکشکێندراون. لە شەڕ و پێکدادانەکانی ئه و هەفتەیەشدا (417) چەتەی داعش کوژران. هەروەها (3) ئارپێجی و گەلێک موشەک، (21) چەکی سووک، (2) دەمانچە، (16) چەکی کلاشینکۆف، (3) چەکیبیکەیسی، بۆمبە هاوێژێک و گەلێک جبەخانە دەستیان بەسەردا گیراوە. له و هەفتەیەدا (24) شەڕڤانی YPG و YPJ کە لە ناویاندا فەرماندارێکی کەتیبەیەکی YPJ بە ناوی ڕۆژدا ئاخین شەهید بوون.
- 15-10-2014

لە گوندی بۆغاز شەهید بووە.

#20-09-2014#

لە گوندی کۆر حەسۆ لە دایک بووە. ساڵی 2014 بەشداری کردوە. ڕۆژی #24-09-2014# لە ئەلی شار شەهید بوو.

ناوی ڕێکخراوەیی: پەیمان کۆبانی
ناو و پاشناو: ئەمیرە شاهین
ناوی دایک: فاتمە
ناوی باوک: بەکری
شوێنی لە دایکبوون: گوندی بلەکێ- کۆبانی
شوێن و ڕێکەوتی شەهیدبوون:گوندی بەغدەک- کۆبانی #19-09-2014#

ناڤێ فلێم: #کوبانێ#
ناڤێ دەرهێنەر: ئوزلەم یەشار
ماوێ فلێم: 158 خولەک
ساڵا دەرهینان: 2022
$فلێم ب خوە ژ ئێک بەشان پێک دهێت لێ بەلێ دڤێرەدا ب سێ قوناغان هاتییە$
=KTML_Link_External_Begin=https://www.kurdipedia.org/docviewer.aspx?id=462424&document=0001.MP4=KTML_Link_External_Between=کلیک بکە بو دیتنا بەشا یەکێ یا فلیما سینەماییا کوبانێ=KTML_Link_External_End=
=KTML_Link_External_Begin=https://www.kurdipedia.org/docviewer.aspx?id=462424&document=0002.MP4=KTML_Link_External_Between=کلیک بکە بو دیتنا بەشا ددویان یا فلیما سینەماییا کوبانێ=KTML_Link_External_End=
=KTML_Link_External_Begin=https://www.kurdipedia.org/docviewer.aspx?id=462424&document=0003.MP4=KTML_Link_External_Between=کلیک بکە بو دیتنا بەشا سێهەم یا فلیما سینەماییا کوبانێ=KTML_Link_External_End=
چیروکا فلیمێ:
بەحسی داستانا بەرخوەدانا 134 ڕوژییا کوبانێ ل دژی چەتەیێن داعشێ دکەت.
د ڤێ فلیمێدە 200 کەس ژ شەرڤان و وڵاتپارێز و ئینتەرناسیۆنالیست یێن پشکدارن، تەڤایا جهێن کو دڤێ فلیمێ دا هاتین دەرکەتن د ناڤا باژێرێ کوبانێ یە. [1]

ناوەندی چاپەمەنی YPG ئاماری شەڕ و پێکدادانەکانی (24) کاتژمێری ڕابردوو لە کوبانێ ڕاگەیاند و دەستنیشانیکرد کە (72) ئەندامی گروپە چەتەکانی داعش کوژراون و دەیانی دیکەش بریندار بوون و (4) ئۆتۆمبیلی چەتەکانیش تێکشکێندرا. ناوەندی چاپەمەنی یەکینەکانی پاراستنی گەل(YPG) سەبارەت بە شەڕ و پێکدادانەکانی 24 کاتژمێری ڕابردوو لە دژی گروپە چەتەکانی داعش لە هەرێمی کوبانی لێدوانێکی نوسراوەی بلاو کردەوە. بە پێی لێدوانەکەی YPG کە لە ماڵپەری فەرمی خۆیدا بڵاوی کردوتەوەدا هاتووە:'' لە دژی گروپە چەتەکانی دەوڵەتی ئیسلامی ئێراق و بیلادی شام(داعش) لە دوو ڕۆژ پێش ئێستاوە لە بەرەکانی ڕۆژهەڵات و ڕۆژئاوای کوبانی هێرش ئەنجام دەدەن، بەرخۆدانی هێزەکانمان بەردەوامە''.
YPG ڕاشیگەیاند کە له و چوارچێوەیەدا هێزەکانیان دوێنێ لە کاتژمێر 13:00 لە دژی گروپە چەتەکانی داعش کە لە گوندی بۆراز خۆیان جێگیر کردبوو چالاکییەکیان ئەنجامداوە. لە دوای چالاکییەکە لە گوندەکەدا شەڕ و پێکدادانی دژوار ڕوویداوە و لە ئەنجامدا (8) ئەندامی گروپە چەتەکانی داعش کوژراون و دەیانی دیکەش بریندار بوون. هەروەها یەکینەکانمان لە کاتژمێر 14:00 بەرپەرچێکی توندی چەتەکانی داعش دەدەنەوە کە دەیانەویست هێرش بکەنە سەر گوندی دوغیرمانی ڕۆژئاوای کوبانێ و لە ئەنجامدا شەڕ و پێکدادان ڕوودەدات و لە ئاکامدا (12) ئەندامی چەتەکانی داعش کوژران و ژمارەیەکیش بریندار بوون. لەم چالاکییەدا ڕێ هەڤاڵێکمان بە قارەمانێتی شەڕ دەکات و بەشداری کاروانی شەهیدان دەبێت.
لەلایەکی دیکەوە هێزێکی پاڵپشتی گروپە چەتەکانی داعش کە بە هانای هێزەکانیانەوە لە گوندی گۆبرلیکەوە دەچوو، دەکەوێتە بۆسەی شەڕڤانانی YPG ەوە و لە ئەنجامدا (13) ئەندامی گروپە چەتەکانی داعش دەکوژرێن و ئۆتۆمبیلێکی چەتەکانیش تێکشکێندرا. هەروەها لە نێوانگوندەکانی زۆرمێخار و زیارەتی ڕۆژئاوای کوبانێش لە دژی گروپە چەتەکانی داعش چالاکییەک ئەنجامدراوە و لە ئەکامدا (3) ئۆتۆمبیلی چەتەکان تێکشکێندراوە و (15) ئەندامی چەتەکانی داعشیش کوژران. هاوکات لە نزیک گوندی مەحمودیەش هێزەکانی YPG لە دژی گروپە چەتەکانی داعش بۆسە دەنێنه و و لە بۆسەکەدا (4) ئەندامی چەتەکان کوژراون. YPG ڕاشیگەیاند کە هێزەکانیان لە گوندەکانی قز عەلی، جڕن، سەرزۆرێ، بڕکەتژ، زرک، سەرێنج، دەنایک، هوریە و ئاشمێ لە دژی گروپە چەتەکانی دەوڵەتی ئیسلامی ئێراق و بیلادی شام(داعش) چالاکیان ئەنجامداوە و شەڕ و پێکدادان دژوار ڕوویداوە و دەیان ئەندامی چەتەکانی داعش کوژران و ژمارەیەکی زۆریش بریندار بوون. شەڕ و پێکدادانەکان بەردەوام دەکات و چالاکی ئەنجامدراوە و بە گوێرەی زانیارییەکان تا ئێستا (72) ئەندامی چەتەکانی داعش کوژراون''.

هاوڕاز ئەحمەد
دوای ئەوە چەکدارانی داعش، هێرشەکانیان لە ناوخاکی سوریادا چڕکردەوە و دەستیان گرت بەسەر چەند گوندێکی دەوروبەری کۆبانی دا، نزیکەی 66 هەزار هاوڵاتی کە بەشێکی زۆریان کوردی سوریان، لەترسی چەکدارانی داعش ئاوارەی تورکیا بوون.
دوای ئەوەی ڕۆژی هەینی وڵاتی تورکیا سنوورەکانی بەڕووی کوبانی دا کردەوە، بە دەیان هەزار کوردی ڕۆژئاوا لە ترسی هێرشەکانی چەکدارانی داعش، ماڵ و حاڵی خۆیان جێهێشتوو ئاوارەی تورکیا بوون.
رێکخراوی نەتەوەیەکگرتووەکانیش باس لەوە دەکات بەهۆی زیادبوونی ژمارەی ئاوارەکانەوە هەوڵەکانیان چڕکردوەتەوە بۆ گەیاندنی هاوکاری مرۆیی.
لە کاتی سەرهەڵدانی شۆڕشەکانی سوریاوە لە دژی ڕژێمەکەی بەشار ئەسەد، نزیکەی 847 هەزار هاوڵاتی ئاوارەی تورکیابوون، بەڵام کردنەوەی سنوورەکانی تورکیا بەڕووی ئاوارەکانی سوریا بووە هۆی ئەوەی تەنیا لەماوەی 24 کاتژمێردا، زیاد لە 60 هەزار کوردی سوریا بڕۆنە ناو خاکی تورکیاوە.
رۆژی شەممە، نوعمان کورتوڵمش، جێگری سەرۆک وەزیرانی تورکیا ڕایگەیاند کە تەنیا لەماوەی 24 کاتژمێردا زیاد لە 60 هەزار کوردی سوریا هاتوونەتە ناو خاکی تورکیاوە.
سەرچاوەیەکی ڕەسمی لە حکومەتی تورکیاوە بە کەناڵی BBC ڕاگەیاندووە کە ژمارەکە نزیکبۆتەوە لە 66 هەزار ئاوارە.
BBC
21-09-2014

لە گوندی دافی لە دایک بووە. ساڵی 2013 بەشدار بووە. ڕۆژی #30-09-2014# لە گوندی سفتکی کوبانێ شەهید بوو.