[1]

خانەوادە و کەسوکاری بەڕێزی مامۆستا #ئەحمەد محەمەد ئیسماعیل#
زۆر دڵگران بووم بە بیستنی هەواڵی کۆچی دوایی نووسەر و وەرگێڕی بە توانای کورد مامۆستا ئەحمەد محەمەد ئیسماعیل. مامۆستا ئەحمەد بە نووسین و وەرگێڕانەکانی خزمەتی گەورەی بە زمان و ئەدەبی کوردی کردوە و بەهۆی خزمەتەکانییەوە بۆ هەمیشە یاد و ناوی لە مێژووی ئەدەبی کوردیدا بە نەمری دەمێنێتەوە.
بەم بۆنەیەوە لە ناخی دڵمەوە پرسە و سەرەخۆشیتان ئاراستە دەکەم و خۆم بە هاوبەشی خەمتان دەزانم. داواکارم خودای گەورە ڕوحی مامۆستا ئەحمەد بە بەهەشت شاد بکات و ئارامی و سەبوری بە هەموو لایەک ببەخشێت. [1]
#قوباد تاڵەبانی#
سەرپەرشتیاری مەکتەبی سکرتارییەتی سەرۆک مام جەلال
=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەڕێزان: کەسوکار و خانەوادەی ئەحمەد محەمەد ئیسماعیل

بەداخێکی زۆرەوە هەواڵی کۆچی دوایی نووسەرو رۆشنبیر، چیرۆکنووس و وەرگێڕی بەتوانا #ئەحمەد محەمەد ئیسماعیل#م بیست، دڵگران و خەمباری کردم.
مامۆستا ئەحمەد محەمەد ئیسماعیل تەمەنی خۆی تەرخانکرد بۆ خزمەتی ئەدەب و رۆشنبیری کوردی، بەرهەمەکانی لەبواری وەرگێڕان و چیرۆکنووسین بەرهەمی دانسقەن و خزمەتێکی یەکجار گەورەیان بە بوارەکە کردووە و بۆ ئەبەد بە نەمری دەمێننەوە.
بەداخەوە بۆ لەدەستدانی ئەم قەڵەمە جوان و بەبڕشت و کەسایەتییە رۆشنبیرییەی کورد، پرسە و سەرەخۆشی و هاوخەمی خۆم ئاراستەی نووسەران و رۆشنبیران و خانەوادەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت. [1]

#دەرباز کۆسرەت ڕەسوڵ#
کارگێڕی مەکتەبی سیاسی
#یەکێتیی نیشتمانیی کوردستان#

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەڕێزان کۆمەڵەی خوێندکارانی کوردستان
بە ڕێزگرتن لە خەباتی چەندین ساڵەی ڕێکخراوە سەنگینەکەتان، ساڵیادی دامەزراندنی کۆمەڵەی خوێندکارانی کوردستانتان لێ پیرۆز دەکەم.
کۆمەڵەی خوێندکارانی کوردستان لە ساڵی 1976 و لە بەرەبەیانی شۆڕشی نوێ بە ڕێنوێنی و ئاگاداری سەرۆک مام جەلال دامەزراندنی ڕاگەیەندرا، بەشانازیەوە مێژووی تێکۆشان و خەباتی کۆمەڵەکەتان پڕە لە نموونەی خۆڕاگریی و پێشەنگ بوون.
بۆ ئایندەش هیوادارم بەگیانێکی نوێترەوە بەشداریی بکەن لە بزووتنەوە و خەباتی خوێندکاریدا، بە ئامانجی پێگەیاندنی نەوەیەکی گۆشکراو بە زانست و زانیاری سەردەم. [1]

#قوباد تاڵەبانی#
سەرپەرشتیاری مەکتەبی سکرتارییەتی سەرۆک مام جەلال

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#مەسرور بارزانی#، سەرۆکوەزیرانی هەرێمی کوردستان، لە پەیوەندییەکی تەلەفۆنیدا، سەرەخۆشی لە #عەبدوڵڵا کوێخا موبارەک# کرد بۆ گیانلەدەستدانی کوڕەکەی.
سەرۆکوەزیرانی هەرێمی کوردستان وێڕای پرسە و سەرەخۆشی و دەربڕینی هاوخەمی خۆی، هیوای خواست، خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە کەسوکار و بنەماڵەکەیان ببەخشێت.
مەسرور بارزانی جەختی لەوە کردەوە، ئەم تاوانانە دەبێ کۆتاییان پێ بێت و تاوانباران ڕووبەڕووی یاسا بکرێنەوە، هەروەها سوپاسی عەبدوڵڵای کوێخا موبارەکی کرد بۆ هەڵوێستی مەردانە و بەرپرسانە ونیشتیمانپەروەرانەی.

لە بەرامبەردا، عەبدوڵڵای کوێخا موبارەک سوپاس و پێزانینی خۆی و بنەماڵەکەی بۆ پەیوەندیی و هاوخەمی سەرۆکوەزیرانی هەرێمی کوردستان دەربڕی.
دوێنێ سێشەممە #25-04-2023#، تەقە لە کوڕێکی عەبدوڵڵای کوێخا موبارەک کرا و بەهۆیەوە گیانی لەدەستدا، دوای ئەوەش، لەکاتی ناشتنی تەرمی کوڕەکەی، عەبدوڵڵای کوێخا موبارەک ڕایگەیاند، داوا لە خەڵک و لایەنگرانی خۆمان دەکەین ئارامی هەرێمی کوردستان و چەمچەماڵ بپارێزن. [1]

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ماوەیەکە دامودەزگا میدیایی و کەسانی نزیکی #قوباد تاڵەبانی#، جێگری سەرۆکی حکومەت، پرۆپاگەندەی ئەوە دەکەن، کە وەک هەڵوێستێک لە پێناو مافی مووچەخۆرانی #سلێمانی# بایکۆتی کۆبوونەوەکانی ئەنجوومەنی وەزیرانیان کردووە.

بۆ رای گشتی روونی دەکەینەوە کە، ئەمەش ستەمێکی دیکەیە لە خەڵکی سلێمانی و #هەڵەبجە# و راپەڕین و #گەرمیان#ی دەکەن. بەرگری لە مافی مووچەخۆرانی سلێمانی ئەرکی هەموو تیمە وەزارییەکانە و ئەگەر ستەمێک بەرامبەر بە خەڵکی سلێمانی هەبێت، بەر لە هەر کەسێک وەزیرانی پارتی و گۆڕان و سوشیالیستیش قبوڵی ناکەن، بۆیە با موزایدە بەسەر خەڵکی سلێمانییەوە نەکرێت.

کێشەی نەهێشتنی سیولە چەندین مانگ بوو لە سنووری سلێمانی هەبوو و لێژنەی بەدواداچوونیش پێکهێنرابوو و کاریان لەسەر ئەو کێشەیە دەکرد و بڕیار بوو کۆبوونەوەیەکی تایبەت لە سەر ئەنجامەکانی کاری ئەو لێژنەیەش بکرێت، بەڵام کردەوەی تیرۆرکردنی هاوکار جاف روویدا و ئەو پرۆسەیەی پەک خست، چونکە یەکسەر دوای داوای ڕادەستکردنی تۆمەتبارانی کردەوەکە، قوباد تالەبانی و تیمی وەزاریی یەکێتی هەڵوێستیان وەرگرت و لە کۆبوونەوەکانی ئەنجوومەنی وەزیران کشانەوە.

هەموو هەرێمی کوردستان بە دۆخێکی سەختی ئابووریدا تێدەپەڕێت، بەڵام ئەوەی دۆخی دارایی سلێمانیی سەختتر کردووە دەستبردنە بۆ داهاتی ناوخۆی ئەو دەڤەرە، کە هەر خودی قوباد و کەسانێک لە ناو حیزبەکەی لێی بەرپرسیارن.

باشترکردنی ئەو دۆخەش تەنیا بە جێگیرکردنی سیستمێکی پتەوی دارایی دەکرێت ئەویش بە جۆرێک کە تەنیا حکومەت چاودێرییەکی وردی لە سەر پرۆسەی کۆکردنەوەی گشت داهاتەکان هەبێت و ئەوجا ئەو داهاتانە بە شێوەیەکی دادپەروەرانە بخرێتەوە خزمەت هاووڵاتیانمان.

کرۆکی کێشەی دارایی لە سنووری سلێمانی ئەوەیە کە پرۆسەی کۆکردنەوەی داهات شەفاف نیە و رێگەش نادرێت چاودێرییەکی مەرکەزی لە سەر ئەو پرۆسەیە هەبێت.

شوێنی چارەسەریی گشت ئەم کێشانەش تەنیا کۆبوونەوەکانی ئەنجوومەنی وەزیرانە، بۆیە ئەگەر قوباد تالەبانی و تیمەکەی هەست بە بەرپرسیاریەتی بەرامبەر خەڵکی سلێمانی دەکەن، با واز لە چەواشەکاری و خۆڵ لەچاوی خەلک کردن بێنن و بگەڕێنەوە بۆ کۆبوونەوەکان و گفتوگۆیەکی بنیاتنەر بکەن.[1]

نووسینگەی سەرۆکی حکومەتی هەرێمی کوردستان
2023/4/26
تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

سەبارەت بە لێدوانی سەرۆکی پارتی سۆسیالیست دیموکراتی کوردستان بۆ درەومییدیا، لە کاتی هەڵبژاردنی پەرلەمانی کوردستان لە ساڵی 2009دا،کە باسی وەرگرتنی ملیۆنێک دۆلار دەکات لە کۆماری ئیسلامی ئێران، ئەو بابەتە بە هیچ شێوەیەک پەیوەندی بە حزبی زەحمەتکێشانی کوردستان نییە ، پەیوەندی بە هاوپەیمانی چاکسازی و خزمەتگوزاری هەیە، حزبی زەحمەتکێشانی کوردستان کوردستان لەو هەڵبژاردنەدا لەگەڵ حزبی شیوعی کوردستان و چەند لایەنێکی دیکە لە چوارچێوەی لیستی ئازادی و عەدالەتی کۆمەڵایەتی بەشداری لە هەڵبژاردنی پەرلەمانی کوردستان کردووە لە ساڵی 2009دا.
بۆیە بە هەموو لایەکی رادەگەیەنین کە ئەو هەواڵە هیچ پەیوەندی بە حزبی زەحمەتکێشانی کوردستان نییە.[1]

مەکتەبی راگەیاندنی
حزبی زەحمەتکێشانی کوردستان
26 ی نیسانی 2023

تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

لە ساڵرۆژی دامەزراندی کۆمەڵەی خوێندکارانی کوردستاندا #کۆسرەت ڕەسوڵ عەلی# پەیامێکی پیرۆزبایی ئاراستەی کۆمەڵەی خوێندکارانی کوردستان دەکات.
دەقی پەیامەکە....
هەڤاڵان و ئەندامان و لایەنگرانی کۆمەڵەی خوێندکارانی کوردستان ساڵڕۆژی دامەزراندنی کۆمەڵەی خوێندکارانی کوردستان لە ئێوە و سەرجەم خوێندکاران پیرۆز دەکەم، ئومێد دەکەم ڕێکخراوە بە گڕوتینێکی ترەوە کاربکەن و خزمەتی خوێندکاران و پڕۆسەی پەروەردە و فێرکردن و پێشخستنی ئاستی زانستی بکەن. بە شانازییەوە، ئەوێ ڕۆژێ لە #کەرکووک#ی سەری کوردستان، لەگەڵ کۆمەڵێک لە هەڤاڵانم لە ماڵی هەڤاڵ محەمەد خورشید بەیاننامەی دامەزراندنی کۆمەڵەی خوێندکارانی کوردستان و پەیڕەو و پرۆگرامی ئەو کۆمەڵەیەمان نووسی و دامانمەزراند، کە بۆ ئەوێ ڕۆژێی خەبات ڕۆڵێکی یەکجار گرنگی هەبوو لە وشیارکردنەوەی خوێندکاران و برەودان بە ڕۆحی شۆڕشگێڕی لەنێو خوێندکاراندا. لەماوەی تەمەنی خۆیدا، کۆمەڵەی خوێندکارانی کوردستان یەکێک بووە لە چالاکترین ڕێکخراوەکان بۆ خزمەتکردنی خوێندکاران و ڕەخساندنی هەلی گونجاو بۆ پێشخستنی ئاستی خوێندن و بەشداری کردن لە چالاکییە نیشتمانی و نەتەوەییەکان لەنێو خوێندکاران، بۆ ئەمڕۆش ئومێد دەکەم وەک چۆن ئەوێ ڕۆژی ئێمە بە ڕۆحێکی شۆڕشگێڕانەی کوردانەوە ئەم کۆمەڵەیەمان دامەزراند، ئاوا بەگڕوتینەوە دەست بکەنەوە بە کارکردن و خزمەتی خوێندکاران بکەن و خەبات بکەن لەپێناو بەرەوپێشبردنی تواناکانی خوێندکاران و ڕەخساندنی زەمینەی گونجاو بۆ ئەوەی خوێندکاران بە زانست و زانیاری پێشکەوتوو ببنە بەشێک لە پێشکەوتنەکانی کۆمەڵگاکەمان. دووبارە پیرۆزبایی خۆمتان لێ دەکەم و لەم یادەدا دروود بۆ گیانی پاکی سەرجەم شەهیدان بەگشتی و خوێندکارانی شەهید بەتایبەتی دەنێرم. کۆسرەت ڕەسول عەلی سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان#. [1]

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

یەکێتی لە ڕێی بەرپرسێکی ئەمنی پەیامەکەی بۆ #عەبدوڵڵا کوێخا موبارەک# ناردووە و داوایان لێکردووە، لەسەر کوژرانی کوڕەکەی کاردانەوەی نەبێت.
لە پەیامەکەدا، یەکێتی هۆشداری ئەوەیانداوە، کە بارودۆخەکە ناسکە و ئەگەر کاردانەوەی هەبێت ئەوە ڕەنگە لە کۆنتڕۆڵ دەرچێت و دواتر دەبێت خۆیان بەرپرسیارییەکەی هەڵگرن.
بۆ ڕێگری لە درووستبوونی هەر جۆرە ئاڵۆزییەک، ئێوارەی دوێنێ #25-04-2023# یەکێتی هێزی ڕەوانەی شاری #چەمچەماڵ# کردووە.

ئێوارەی دوێنێ 25-04-2023 لەناو شاری چەمچەماڵ، #سەرهەد عەبدوڵڵا کوێخا موبارەک# لە ناو شاری چەمچەماڵ بە دەستڕێژی گوللە کوژراو لە کاردانەوەی کوژرانی ئەو کوڕە خانوی ئەو کەسە لە ناو شاری چەمچەماڵ سوتێنرا کە گومان دەکرێت بکوژی کوڕەکەی عەبدوڵڵای کوێخا موبارەک بێت.
لە ساتی ناشتنی کوڕەکەشیدا، عەبدوڵڵای کوێخا موبارەک ڕایگەیاند، کە ئەوان دۆخی ئەمنی چەمچەماڵیان لە هەموو شتێک بە لاوە گرنگترە، بەڵام بە دڵنیاییەوە ڕێگە نادەن خوێنی کوڕەکەیان بە فیڕۆ بڕوات.
هەروەها وتیشی کە ئەوەی ئەو کارەی کردووە، کارێکی زۆر نامەردانەی کردووە، چونکە ئەو کوڕەی خاوەن پێداویستی تایبەتە و هیچ پەیوەندی بەدوژمندارییەوە نییە و تەنانەت ناتوانێت چەکیش هەڵبگرێت. [1]