نامې: عوسمان
نازنام: ئۊسمان سەبری _ ئاپۆ ئۊسمان
یاگې پېڎابییەی: #نارنجی _ ماردین#
تاریخو پېڎابییەی: #05-01-1905#
یاگې کۊچی دمایین: #دیمەشق#
تاریخو کۊچی دمایی: #11-10-1993#
ژیواینامە
ئۊسمان سەبری، ئەشناسیا بە ئاپۊ عوسمان، تاریخو (05-01-1905) دلې دەگاو (نارنجی) سەر بە شارو ماردینی، سەرنیشتو کورڎەسانی ئامان پېڎا. وانای سەرەتایی و میانیش جە ئامەد و شارەکانو تەرو کورڎەسانی تەمامنان.ساڵەو (1925) بەشداریش دلې شۊڕشو شېخ سەعیدی پیرانینە کەردەن، بەڵام چوونکوم لاوێ تازە پەنەیاوا بییەن ، وەرو هەڵمەتەو گېرتەی و کوشتەی نەکۆتەن. چەنی قەنارەدای شېخ سەعیدی پیرانی و هەڤاڵەکاش زیاتەر گیانی نەتەوەییش زاڵ بییەن و کۆتەن دلې کۊششی سەرەمڕەیی. ناچاریې چەنی برایەکانیش کۊچمەکەران پەی سووریای و جە دیمەشق نیشتەجایې مەبان. سەیدا ئۊسمان سەبری، چەنی بەرشیەی گۊڤارەو (هاوار) بە قەڵەمو میر جەلادەت بەدرخانی جە دیمەشق، بییەن بە نویسەرێ گورج و گوڵو گۊڤارەکې و چڼیین بابەتې ئېژێش تۊمارې کەردېنې. دلې ویارو کۊششی نەتەوەییچەنە چەنی کۊششکاری نەتەوەیی #نورەدین زازا# و تاقمێ نیشتیمان پەروەرا کوردی (پارتو دیموکراتو کورد)یشان مەرزنانەرە، ئی کۊششکارە ئازا و چەمنەتەرسەو کوردی، دمای تەمەنێ فرەی جە کۊششی ڕامیاری پەی گېرتەی مافەکانو میللەتەکەیش، تاریخو (11-10-1993ز.) جە شارو دیمەشقی کۆچی دمایینش کەردەن. [1]