ئامارو کار و ژڵېوەکانو ڕېکوزیاو کوردیپێدیای پەی ساڵەو 2025
نویستەی: #ئەسعەد ڕەشید#
کوردیپێدیا ساڵەو 2008 مەرزیانەرە، تاریخو (05-11-2008) یەکەمین بابەت دلېشەنە تۊمار کریان. سەرەمڕە بابەتە ئەدەبی و فەرەنگی و کەلتووری و کۊمەڵی و تاریخیەکې تۊمارې کریێنې. تاکو یاوان بە ئېساڵی کە هەرچی بابەتێ پېوەڼییش بە کورد و کورڎەسانی بۊن، دلېشەنە تۊمار کریان. کوردیپێدیا پەلیانێ دۊڵەمەڼ و فرەڕەنگەن، بە سەرجەم شېوەزوانە کوردیەکا بابەتې دلېشەنە تۊمارې مەکریان، ئانەیچ مەگېڵۊوە پەی ئانەی کە ئی پەلیانە، یام ئی بانقە دۊڵەمەڼە هینو کەسێ، یام چن کەسێ و پارتێ سیاسی نییەن، بەڵکوم مڵکو کوردی و کورڎەسانییەن.
تاکو ئیسە دلې کوردیپێدیاینە (600) هەزار بابەتې تۊمارې کریێنې، زیاتەر جە (22) هەزار کتېبې دلې کتېبیانەکەیشەنە هورگیریێنې. زیاتەر جە نیم ملیۊن وېنې و دیکومێنتی ئینێ دلې کوردیپێدیاینە. کاتێ کە ملینە دلې ئی پەلیانە دۊڵەمەڼەیە پېسەنە کۆتەبی دلې بەحرێ جە عیرفان و ماریفەتی، چېگە بە سۆرانی، هۆرامی، کرمانجی، زازایی، لوڕی بابەتې تۊمارېنې و هەرگیز بێتاقەت نمەبی. [1]