کورد دلې چەرخەکا تاریخینە
هۊرگېڵنای و ئاماڎەکەرڎەی: ئەسعەد ڕەشید
بەشەی: پەڼجسەڎ و دوەمە
* تاریخو (16-06-1994ز.) نیشاندای پیشانگاو پۊستەرو ئاشت دژو جەنگی براکوشی دلې کوردەسانو پانیشتی، دلېبەرەو سرێ شارو سلېمانی، هەر ئا نیشانگا شارو هانۆڤەری ئەڵمانی هەر ئا ساڵې کریاوە، کە (52) هونەرکارې کوردې بەشداریشان چەنەکەرد، کە ئینې بېنې: ئاکۊ غەریب، ئاراس حەسەن، ئەحمەڎ نامۊ، ئاکام عومەر، ئاشنا ئەحمەڎ، بورهان ئیسماعیل، بەختیار مستەفا، بەختیار قەراخی، بېگەرد حەسەن، حەسیب لەتیف، حیکمەت هیندی، حەسیبە قەراخیە، حامڎ محەمەڎ، حسێن دارتاش، خالېڎ ڕەسول، خۆشی سنوی، خالقی، خەسرەو حسێن، دڵشاد عەلی، دڵشاد بەرزنجی، دیاری محەمەڎ، هیوا کەریم، زاهېر سدیق، تریفە ئەنوەر، سیروان بەکر، سەروەر عومەر، سەلام عومەر، سەمیرە خواڕەحم، سەیران عوسمان، سەرچڵ شەوقی، سوبحی بوترس، حسێن عەبدوڵڵا، عوسمان لەتیف، فەتحوڵڵا کەریم، کاروان کابان، کوېستان جەمال، کامەران کارگەچی، کوردۆ حەمەعەلی، گۊران بابا عەلی، مهەمەڎ فەتاح، محەمەڎ سەلیم، مەریوان عەبدوڵڵا، لەیلا بانەیی، نوخشە ڕەحیم، نیاز فەتحوڵڵا، ڕەئوف حەسەن، ڕزگار ئەمین، ڕېبوار محەمەڎ، ڕازاوە موعتەسەم، شېرکۊ ڕەئوف، تەها عەلی و تەها ئەحمەڎ.
* تاریخو (17-06-1994ز.) کۊمەڵەو هامکاری، سیمینارێش سەرو جەڼگی براکوشی جە شارو بۆنی ڕېکوست، هەم نامێوەشان ئاراسەو هېزە نەیارەکانو پانیشتو کوردەسانی کەردە، تاکو جەڼگی براکوشی مدرنان.
* تاریخو (17-06-1994ز.) کۊمەڵەو هامکاری نامێوەش بە ئەڵمانی وەڵاکەردۆ، کە باسو هۊتەرې تورکانیش پەی سەرو کامپو پەنادارانو کوردانو سەرنیشتی دلې کوردەسانو پانیشتینە کەردەبې.
* تاریخو (20-06-1994ز.) زامڎارکەردەی دکتۊر فازڵ قەفتانی دلې شارو هۆلېرې.
* تاریخو (26-06-1994ز.) ئەرەمەرزنای پارتو دیموکراتو گەلی (هەدەپ) بە بەشداری (15000) پاڼزە هەزار نەفەرا و چڼان باڵوېزو وڵاتانی دلې یەکەمین کۊنگرەو وېشەنە، کە موراد پوزلاک بی بە سەردارش.
* تاریخو (00-07-1994ز.) فەرماندەو تیپو (48) بەنامې (فەتحی یاسوج)، ناوچەو ئالانو سەردەشتی وەکۆتو کوردەسانی، گلېرۆبیێ زۊرەملېش بە خەڵکو ئاوایی بېتووشی کەردە و فرە بەبې شەرم و ڕووهۊرماڵیای و بە تەرزێ کە ئۆپەڕو بېحورمەتی سەبارەت بە خەڵکیش چەنەبې، بە خەڵکو ئا دەگێشە وات کە مەشۊم نیازە جنسیەکانو پاسدارانو ئیسلامی مرکندېرە و ئا ژەنې کە مېردەکېشان نەمەنېنې مەشۊم پەی ئەندامانو ڕژېمې سیغە بکریان.
* تاریخو (00-07-1994ز.) بەرشیەی ژمارە (1) گۊڤارەو تروسکەی جە شارو هۆلېری.
* تاریخو (00-07-1994ز.) یەرې پاسدارې جە ناوچەو ئالانو سەردەشتی، وەرکۆتو کوردەسانی لوێ پەی سەرو بانو یانێوە و دەمو پیاو یانەکەیشان بەست و وەرچەماشۆ دەسدرېژیشان کەرد سەرو ژەنەکېش.
* تاریخو (00-07-1994ز.) ڕېککۆتەو پاریسی، میانو پارتو دیموکراتو کوردەسانی و یەکیەتی نیشتیمانی کوردەسانی، کە ئەنجامەکەش بە هیچ نەیاوا.
* تاریخو (00-07-1994ز.) جەلال تاڵەبانی پەی ڕېکوزیاو ئەمنستی واتش: کە هېزەکې یەکیەتی نیشتیمانی کوردەسانی بڕێجار مافو مرۊڤیشان پاشېل کەردەن، بەڵام گەرەکشەن ئا تۊمەتبارا بڎۊن دەسو داڎپەروەری.
* تاریخو (00-07-1994ز.) ئازاڎکەردەی عەبدول عەزیز وەیسی، چېرو دەسا پارتو دیموکراتو کوردەسانی.
* تاریخو (00-07-1994ز.) حۆت پاسدارې ئېرانیې دەسدرېژیشان کەردە سەرو ئاوەڕۊ کناچێ کوردې دلې دەگاو قەلەڕەشی کە دلې باخەکەو وېسانە هەرمانە کەرې.
* تاریخو (16-07-1994ز.) جە ئارۊوە تاکو (22) ئی مانگې، هەردوە وەڤدو پارتو دیموکراتو کوردەسانی و یەکیەتی نیشتیمانی کوردەسانی جە فەڕەنسا پەی چارەسەرکەردەی ناکۊکیەکانیشان و دماڕۊ پانیشتو کوردەسانی نیشتېرە.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید. [1]