نامې: ئیبراهیم
نازنام: شەباب
نامۊ تاتەی: محەمەڎ
ساڵەو پېڎابییەی: 1942
تاریخو مەردەی: #05-05-2002#
یاگۊ پېڎابییەی: #سلېمانی#
یاگۊ مەرڎەی: #سلېمانی#
$ژیۋاینامە$
شەباب، پیێوە شیک پۊشی شارو سلېمانی بې، باڵاش بەرزو وېش کەسێ هېمن و ئارام، هەرکەسێش بڎیێ، یام پاڵشەرە بویەرێ سڵامێ سەربازیش پەی مەکەرې. فرەو کاتی جگەرەش دەسۆ بې. چەنی ئانەیچە حەزش بە ڕۊنامەو گۊڤارا بې، چەنی جگەرەکەی گۊڤارێ یام ڕۊنامێش پەنەبې کە گېرېشان سینەشۆ، گەر بزانێش کەسێ سیماشەرە دیارەن حەزش جە وانایۆ ڕۊنامەیەن، گۊڤارێ یام ڕۊنامێوە چەنی جگەرێش پەنە مەبەخشې.
شەباب، نامې تەمامەش ئیبراهیم محەمەڎ قادرەن، ساڵەو (1942) دلې گەڕەکەو کانیسکانی، شارو سلېمانی ئامان پېڎا.
شەباب، پېسە پۊلیسو ئام و شۊی دلې شارو بەغڎاینە کارش کەردەن، ساڵەو (1975) کاتێ پەی سەردای مەگېڵۊوە پەی شارو سلېمانی، دلې یۊ جە بازگاکانە دمای وشکنای جانتاکەیش نارنجۊکێ مەئېزاوە، ئیتر بە تۊمەتو پېوەڼییش بە شۊڕشیۆ دەسگیر مەکریۊن، دمایی جە ڕاو ئەڎێشۆ پیلانەکې ئاشکەرێ مەکریۊن کە دوې کەسې فرە نزیکې وېش گەرەکشان بییەن تووشش بکەران و دلېشەنە بەران. شەباب وەرگەو ئا ناڕەحەتی و خەفەتەیشە نەگېرتەن و مەژگش تېک شیەن و کۆتەن سەرو جادا.
شەباب جە تاریخو (05-05-2002) کۊچی دمایینش کەردەن. شەباب کەسێ وەشەویسو خەڵکی بییەن، بە تایبەت خەڵکو سلېمانی، حورمەتشان گېرتەن، هەرگیز گاڵتەو کەچیشا وەراوەر نەرمانان، چوونکوم وېچش کەسێ ڕوو وەش و فەقیربییەن، زیاتەر لوانەنە دلې دڵو خەڵکی. [1]