عەبە شەکەنە؛ کەسێ کەمفامی شل و شېویا، دلې شارو سلېمانینە ژیوان. نامېش عەبدوڵڵا بییەن. زاروڵې شاری کۆتېنې شۊنیش و گاڵتەشان پەنە کەردەن. کابرێوە هېمن و ئارام بییەن، دەس و چېوش نەشانان. پاسە دیارەن نەوەشی (فۆبیا)یش بییەن، چوونکوم تەرسێ گۆرې دڵشەنە بیېنە، پەی نموونەی جوێ ئاوی گولانېش وەنەبیېنە ڕۊخانێ گۆرە، یام بارسێ نزمش وەنەبیەن یاگێ بەرز، کە نەتاوانش بە ئاسانی سەرو جوەکېرە پڕۊوەو سەرو بارسەکەیۆ وەزۊرە.
ماچان پەی گەمە و گاڵتەی، خەڵک تەنەکێشا نیانەرەو داواشان وەنەکەردەن کە بازی بڎۊ سەرشەرە، عەبەیچ دمای چن ساتێ مدران ئینجا بازەکېش دێنە سەرشەرە، ئیتر دەسشان کەردەن بە چەپڵەڕېزان و بە دەنگی بەرز ئی شېعرېشا واتەن ملەرە:
عەبە شەکەنە تڕ مەکەنە
دار و دیوار هەڵمەکەنە. [1]