نامې: هادی
نازنام: ڕەحمانی
ساڵۊ پېڎابېیەی: 1989ز.
یاگې پېڎابېیەی: #وەیسیا-هۆرامان#
$ژیۋاینامە$
هادی ڕەحمانی، ساڵۊ 1989ز. چە دەگاو وەیسیا، پەڼج کیلۊمەترې دوور چە شارو ھۆرامانو تەختی، پارېزگاو کورڎەسانی ئامان پېڎا. زوانئەشناس، مامۊساو زانکۊی و ژڵېویای وانای زۋانی کۊن و پارېزنای زوانە کۊمەڵایەتییەکانی. ئاڎ وانیارو بەشێ فەرمی زوانو ئینگلیسی و فېروازو زوانو دوەمین چە زانکۊ کورڎەسانی. ئیسە وانیارو دکتۊرای زوانئەشناسین.
وانای و پەروەردە:
ڕەحمانی، وانای سەرەتایی و میانی و ئاماڎەییش جە ناوچەکان و شارە جیاوازەکانو پېسە وەیسیا، مەریوان، هانە دینار و ھۆرامانو تەختی تەمامنان.
چە دمای تاقیکەرڎەو کۆنکوری نیشتەجای، لوان زانکۊ (زابڵ) پەی وانای فەرمی چە بەشو فېرکەرڎەی زوانی ئینگلیزی و دماو ئانەی چە زانکۊ کورڎەسانی چە هەمان بەشەنە بەرزنامەو لیسانسیش وەرگېرتەن، چە ساڵۊ (2017ز.) وانای فەرمیش پەی ماستەری دەسپەنەکەرڎەن چە زانکۊ کورڎەسانی جە شارو سنەی بە نامونیشانو (سیستەمو دەنگو
ژڵېوە پەروەردەییەکان).
دمای تەمامنای وانای زانکۊی، هادی ڕەحمانی فێرکارو زوانو ئینگلیسی چە زانکۊ پېخامو نوری جە مەریوان دەسپەنە کەرد. جە عەینو کاتینە ڕاوەبەرو وانگای تاییبەتتی زوانو ئینگلیسی جە شارەکانو مەریوان و هانە دیناری بېیەن.
ماوێ فرە ڕەحمانی پېسە هۊرگېڵنې زوانی هەرمانەش کەردېنە دلې کەناڵە میدیاییەکانو ئێران و هەرېمو کورڎەسانی.
بەشێ جە هەرمانە ئېژاکا هادی ڕەحمانی:
1. مەرزنارەی یەکەمین تەلەفزیۊنی دیجیتاڵی هۆرامانی.
2 . دەسپەنەکەرڎەی یەکەم میدیای فېرکاری بە ھۆرامی بە شېوەی دیجیتاڵی چە ناوچەو هۆرامانی.
3. فېرکەرڎەی زوانو هۆرامی بە شېوەی ئەکادیمی و پېوەندیدار بە شەرتەکانو زانکۊو ئۆکسفۆردی.
4. یەکەم کەس بې کە تاییبەتتمەڼی نویسای لاتینییش بەکارئاردەن پەی فېرکەرڎەی زوانو ھۆرامی پەی ئینگلیسی زوانەکا.
پروژې هامبەشې چەنی هامسەرەکېش:
چەنی هامسەرەکېش، کەژاڵ یەعقوبی (وانکارەو بەشو ھۊرگېڵنای زوانو ئینگلیسی)، چڼین پرۊژې فېرکاریې زوانو ھۆرامی و ئینگلیسیش وەشې کەردېنې، پەی نموونەی:
1. کۊمەڵە ڤیدیۊیې فېرکەرڎەی زوانی ئینگلیسی و زوانی هۆرامی.
ئی پروژە پەی ئانەی هۆرامییەکانو بەرو هۆرامانی و دلې هۆرامانی سووڎ ببەران جە فېربییەی زوانی ئینگلیسی و هەم پەی دەمەزەرد کەرڎەیۆ هۆرامییەکا پەی زوانەکەو وېشان.
2. کۊمەڵەو فېرکاریی زوانو ھۆرامی بە زوانو ئینگلیسی.
3. بەرهەمئاردەی سەرچەمەو دەنگ و ڤیدیۆیی پەی بەکارئاردەی تۊکارو و زاناکا زوانئەشناسی چە جەهانەنە.
4. فېرکەرڎەی گەشتیاران کاتو ئامایشان پەی کورڎەسان و هۆرامانی.
5. فېرکەرڎەی زاروڵانو هۆرامانی چە بەرو وڵاتی.
6. فېرکەرڎەی زوانی ھۆرامی پەی هامسەرانو ئینگلیزیی کە هامسەرەکېشا هۆرامیېنې.
7. کۊمەڵەو فېرکەرڎەی زوانو ئینگلیسی پەی ویزای هامسەرگیری.
هەر ساڵە، چڼین کناچې چە ناوچەی هۆرامان پەی ویزای هامسەرگیری پەی وڵاتانو ئۆرووپا و ئەمەریکا داواکاری مەکەران، کە پەنەوازیشان بە پېوەڼی بە تاقیکەرڎەو زۋانی کۊنی هەنې.
هادی ڕەحمانی و کەژال یەعقوبی، پېسە دوانەو کەلتوری و فېرکاری، هەر پروژێوەشان بە هامبەشی ئەنجام دان و هەرگیز چە حۆ ساڵی تەمەنو هامسەریشان پەی ڕوێ جە یۊترینی دوورې نەکتېنێ.
چە گرڎ گلېرۆبییەیێ و مەراسیمە تاییبەتتی و جەمەکانە، هەر دەم لچەنی یۊبییەی و دلې کۊمەڵگاینە گېڵێنې کە نیشانې پېوەنی پتەوی میانو ژەن و پیایەن جە هۆرامان.
سەرچەمەکې:
1. Hawrami with hk – ئینستاگرامی فەرمی.
2. Hk english lab – ئینستاگرامی فەرمی.
3. ڤیدیۊکې و وېنەکانو فېرکاری هادی ڕەحمانی چە یوتیوب و میدیای دیژیتاڵ.
4. ڕاپۊرتەکې و وێبسایتە کەلتورییەکانو هۆرامان و کورڎەسان (پېسە ڕاپۊرتەکانی چە هۆرامان، مەریوان و سنە).
5. واتە و واچەکې چەنی هادی ڕەحمانی و کەژاڵ یەعقووبی چە میدیای کورڎی و فارسینە.
ئەسعەد ڕەشید. [1]