کورد دلې چەرخەکا تاریخینە
هورگېڵنای و ئاماڎەکەرڎەی: #ئەسعەد ڕەشید#
بەشەی چوارسەڎ و چلهەمە
* مانگاو (06) ئی ساڵې، گېڵایۆ جەلال تاڵەبانی جە ڕاو ئېرانیۆ پەی پانیشتو کورڎەسانی، جەلال تاڵەبانی ساڵەو (1980ز.) لوا پەی بەرو وەڵاتی و ساڵێ و چن مانگێش پۆ شی، بەڵام وەرو ئانەیە ئېران ڕاو گېڵایۆش وەنەگېرتەبې نەتاوې بگېڵۊوە.
* تاریخو (#07-06-1981#ز.) باڵەپڕە جەڼگیەکې ئیسرائیلی بۊمباوارانو بنکەو تەمووزی پەی چەنەکۊڵیای ئەتومی جە ئېراق، کەردشان.
* تاریخو (#22-06-1981#ز.) چەنەکۆتەی ئەبو حەسەن بەنی سەدر جە سەرکۊماریی ئېرانی و هامکاریکەرڎەیش چەنی دارودەسەو موجاهیدانو خەلقی.
* تاریخو (#27-06-1981#ز.) نیشتەرەی کەریمی حیسامی چەنی یاسر عەرەفاتی جە بێرووت پایتەختو لوبنانی.
* تاریخو (#01-07-1981#ز.) قەنارەدای هونەرمەڼی گۊرانیواچ قادر کابان جە بەغڎا.
* تاریخو (#13-07-1981#ز.) ژمارە سەڎ و ویس و یەرەمەو گۊڤارەو ئەلحوڕییەی لوبنانی چەمپەنەکۆتەیێش چەنی کەریمی حیسامی جە بارەو بار و زروفو وەرکۆتو کورڎەسانی وەڵاکەردۆ.
* مانگەو (08) ئی ساڵې جەڼگی براکوشی میانو پېشمەرگەکانو یەکیەتی نیشتیمان کورڎەسانی و حېزبو سوشیالیستو کورڎەسانی قۊمیا، کە بی بە مایې شەهیڎبییەی دەیەها پېشمەرگا جە هەردویلایا، کە دوې چانېشا: جەمالو عەلی باپیری و شێرکۊ بېنې.
*‌ مانگەو ( 08) ئی ساڵې، کوشیای (عەبدولی سورانی) جە شارو سلېمانی بە دەسو یەکیەتی کە ئەندامو کۊمیتە میانی پارتی بې.
* تاریخو (#12-08-1981#ز.)سەردایی کەرڎەی کەمال بورقایی سکرتێرو پارتو سۆسیالیستو تورکیای پەی لاو مەکتەبی ڕامیاری حېزبو دیموکراتو کورڎەسانو ئېرانی دلې دۊڵەو دیموکراتینە.
* تاریخو (#30-08-1981#ز.) پەلامارێ پارتی پەی سەرو بنکێوە حېزبو دیموکراتو کورڎەسانو ئېرانی جە ناوچەو مەرگەوەری، کە بی بە مایې شەهیڎبییەی هەشت پېشمەرگا حېزبو دیموکراتو کورڎەسانو ئېرانی.
* مانگەو (09) ئی ساڵې، هۊتەرەو داگیرکاری ئېرانی پەی سەرو کوورەخانەو دەگاو (ساروقامیشی) میانو بۊکان و میاندواوی، کە ئەنجامەنە هەژدە هەرمانکەرې کارخانەکەی شەهیڎې کریێ و ئینەیچ نامې سېڼزە کەساشانە: عوسمان سوفی عەبدوڵڵا، موحەمەڎ سۊفی عەبدوڵڵا، خالېڎ جافر ئاغا، سەیڎ عەبدوڵڵا، عومەر حاجی مسەفا، ڕەسووڵ ئاغا پوور، کەریم مام ڕەسووڵی، جەعفەر حاجی مەحمووڎ، قادر بەلەم، موحەمەڎ ڕانشین، مەحمووڎ پیرناک، فرامەرز، ڕەسووڵ شېخ تۆۆفېق.
* تاریخو (#05-09-1981#ز.) وەفدێ کۊمەڵەو کوردەسانو وەرکۆتی ئەچی تاریخەنە لوا پەی لاو بیرۊ ڕامیاری حېزبو دیموکراتو کورڎەسانو ئېرانی پەی واتە و واچ کەرڎەی گرفتەکانو میانیشان، وەفدەکەو کۊمەڵەی ئینې بېنې: سەعدی موەتەدی، موحەمەدی ئێلخانیزادە، سەیڎ عومەری زەمبیلی.
* تاریخو (#14-09-1981#ز.) بۊمباوارانو مەرکەز ناحیەو هیرانی بە دەسو کەرتو پەڼجی کۊمیتەو سەرداری هۆلېرو یەکیەتی.
* تاریخو (#16-09-1981#ز.) هۊتەرەو داگیرکاری ئېرانی چەنی پارتی پەی سەرو حېزبو دیموکراتو کورڎەسانو ئېرانی یاوا سۆفیان و جەلدیان، پېشمەرگەکې حېزبو دیموکراتو کورڎەسانو ئېرانی چا ناوچانە کېشیێوە.
* تاریخو (#30-09-1981#ز.) حېزبو دیموکراتو کورڎەسانو ئېرانی نەخشێ سەربازی لەشکەرو ئېرانیش دەسکۆت، دلې ئا نەخشەینە پیلانەو داگیرکەرڎەیۆ کورڎەسانی کېشیێبې.
* تاریخو (#02-10-1981#ز.) حېزبو دیموکراتو کورڎەسانو ئېرانی شارو بۊکانیش چېرو هوروژمەو داگیرکاری ئېرانینە چۊڵکەرد.
* تاریخو (#02-10-1981#ز.) مەڵڵا ئەبوبەکری شەفیعی بروسکەو پیروزباییش پەی کۊمارو ئیسلامی ئێرانی داوەنە، بە وەشی داگیرکەرڎەیۆ شارو بۊکانی، ئا برووسکە دلې تەلەفزیونو مەهابادینە وانیاوە.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]