ئا کرمې ئینا سەرەتەنە بەرشبارە
کرمی؛ گیاندارێ باریکی درېژەن، بە فرەیی چېرو خوڵېنە مەژیوۊن، شېوەو جمایش پېسەنە مۆجې، یام شەپۊلې، چوونکوم درېژەو باریکەو بېپانە، مەشۊم ئەپا شېوە بجمۊو بجووڵیۊ. واتا جمەکەش شەپولاوین، بەرزی و نزمی بە لاشەیش مەکەرۊن. پېسە ئیدیۊمێ وېناکریێنە بە خیاڵې دلې مەژگی، کاتێ ئینسان مەگنۊ ویرو مەسەلێ یام گرفتێ یام بەرنامێ تاکتیکی، ویرەکېش دلې مەژگیشەنە مەیان و ملان، فرې مەبان و کەمې مەبان. واتا سەرو وار مەکەران هەرپېسە لاشەو کرمې جە کاتو جمەینە.
یانی ئا ویر و خیاڵە هەکە کەللې و مەژگتەنە مێ و ملۊ و مەژڵېویۊ دەسش چەنە هۊربگېرە، دلې مەژگی و جە ویرو ویتەنە بسڕەشۆ، ویرو ویتش بەرۆ، ئڼا ئەربێ و سەرش بلی زەرەر مەکەری. ئینە پېسە نۊعە هەڕەشێوەنە هەکە کەسێ دلې تەختو دەسەڵاتی و تەواناینە مەکەرۊشا ئۆ کەسێ تەری هەکە چەنی ئېڎی خیاڵش خرابەن و ئینا تەنای دامێنە پەیش. مەکریۊچ ئېڎ دڵسۊزو ئاڎی بۊو پېسە موچیاریێ پەنەش بواچۊ هەتا واز ئەچا هەرمانې بارۊ کە کەرڎەیش بۊ بە مایې زەرەر و گیر و گرفتی پەیش.[1]