ناڤ: حەسەن
ناسناڤ: حەسەن حەیران
ناڤێ بابی: قادر خەلیل برایم گەورە
ساڵا ژدایک بوونێ: 1937ز.
ڕوژا وەغەرا داویێ: #16-07-1984#ز.
جهێ ژدایک بوونێ: تەلەرخێما گەورە - #گوێڕ#
جهێ وەغەرا داویی: ڕوژهەڵاتێ کوردستانێ
$ژیاننامە$
حەسەن حەیران ناڤی وی ب تمامی (حەسەن قادر خەلیل برایم گەورەیە) و ساڵا 1937 یا زایینی ل گوندێ (تەلەرخێمی گەورە) یا سەر ب مەڵبەندارییەتییا گوێڕ ژ دایک بوویە، ل ژیانا خوەدە دوو جاران پرۆسەیا هەڤژینیێ پێک ئانییە ، ساڵا 1950 یا زایینی چوویە باژێڕێ #هەڤلێر#ێ و ژبو پەیدا کرنا دەرامەت و ڕێڤەبرنا ژیانا خوە و زاروک و هەڤژینا خوە بو ماوێ چەند ساڵەکان بوویە پاسەوانێ شەڤان یاکوو دگوتێ (حەرەس) ل قشلەیا مەزن.
حەسەن حەیران، خوەدی دەنگەکێ خوەش و ڕەسەن بوو، هەمی جاران تەڤایا کەسێن کوو ئەو دناسین ب بێی وی کۆڕ و مەجلیسێن خوە بڕێڤە نەدبرن وی ژی ئەڤ کۆمبوونە و شاهی گەرم و گووڕ دکرن، خەلک حەژێکەرێ دەنگێ وی بوون و هەردەم گوهێ خوە ددانە دەنگێ وی.
=KTML_Link_External_Begin=https://www.kurdipedia.org/docviewer.aspx?id=4839&document=0001.MP3=KTML_Link_External_Between=کلیک بکە ژبوی گوهدارییا حەیرانەکێ ب دەنگێ ڕەسەنێ حەسەن حەیران=KTML_Link_External_End=
هونەرمەند حەسەن حەیران شەهرەزاییەک باش ژی د ژەنینا ئامیرێ شمشاڵ و نەیێ و هەرەسا دووزەلە و ئامیرێن دن ئێن موزیکی ئێن کوو پێدڤی ب پف کرنێ هەبووینە، ل زوربەیا بەرهەمێن خۆەدە دگەل لاوک و حەیرانان دە هەر بو خوەشییا خوە ژی ئەڤ ئامیرێن هەنێ دژەنین.
هونەرمەندێ سترانبێژ و دەنگ خوەش و خوشتەڤی ل دەف خەلکی حەسەن حەیران ب مخابنی ڤە ل ڕێکەفتا 16-07-1984 یا زایینی ل گەشتەکێ یا دناڤبەرا باژێڕوکێ #نەغەدە# و باژێڕێ #ورمێ# ل ڕوژهەڵاتێ کوردستانێ ب کارەساتا ئۆتۆمبێلێ گیانێ خوە ژدەست ددەت و لسەر وەسییەتا وی ب خوە ل ساڵا 1991 یا زایینی تەڕمێ وی هات ڤەگوهاستن ژبو گوندێ تەلەخیمی یا گەورە زێدێ باب و باپیرێن وی.[1]