ئارۊ نەبۊ، سەوای دېرا
ئی پەندې مۊچیارییەن پەی ئانەی قەڎرو کاتی بگېرمېن، چوونکوم کات کە بەرشیی ئیتر نمێوە، پەنەمان ماچۊن هەرکات هەرمانە ئاما وەرۆ پۊڕنەش و دماش نمەوزە، چوونکوم پانەیە هەرمانې کەڵەکې مەبان ملو یۊیرەو پۊڕنایشان زامەتەن. یانی کەرڎەی ئا هەرمانې هەکە ئامێنە وەرۆو یاونایش بە نەتیجە هەتا زووتەر کریۊنەو تەمامیۊنە فرە خاسەن، خاستەریچ ئانەن هیچ دما نەۋزیۊ و ساتێ زووتەر بکریۊ خاستەرەن هەتا ساتێ دماگنۊ، ئینە زانای قیمەتو کاتی بەرمەوزۊنە پەی ئینسانی. وەڵینا واتەن؛ هەرمانەو ئارۊی نمەوزە سەوای، واتا ئیسە کە ئینا وەرتەنە نامې خوڎای بارەو دەسش بڎەنە، سەوای دېراو ڕەنگە بارێ ناهەموار یام نەوەشیێ و گرفتێ یەخېت بگېرۊن، ئا کاتە هەرمانەکې مەنۊوەو دماتەر بە زامەت تەمامیۊن.[1]