ناڤێ وی یێ تمامی (ئاشتی ستار محەمەد)ە، بەرنیاس ب (دکتور ئاشتی)یە،
بەروار و جهێ ژدایک بوونا وی ساڵا 1983 گوندێ #ئاوماڵ# یا ناحیا #سێگردکان#ا سەر ب باژێڕوکێ #کۆیە# یە، ناڤهاتی خێزاندارە و خوەدی چار کچ و دوو کوڕانە.
هەردوو زمانیێن کوردی – عەرەبی ب باشی دزانیت.
ئاستێ خوەندنا وی، باوەڕنامەیا دکتۆرایە ل فکرەیێن ئیسلامی (فەلەسەفە و فیقها سیاسی).
پیشە: گوتاربێژ و فەرمانبەرێ وەزارەتا ئەوقاف و کاروبارێن ئاینیە ل حکومەتا هەرێما کوردستانێ.
بوارێن نڤیسینێ: نڤیسەرە و خوەدی دوو پەرتوکێن چاپکرییە و هەشت کتێبێن چاپ نەکری هەنە، دیارترین ناڤنیشانێ ئەوان پەرتوکێن کو هەنە بریتیە ل: (محمد خۆرێک ل لوتکەی بەرزی و مەزنیدا – القومیە الکردیە: هل قچیە فیها نڤر – بەرەو هۆشیاری هزری مرۆڤی موسڵمان – مرۆڤ سازی – دیوانی مانگ – فرەژنی ل نێوان حەزی پیاوو نەفرەتی ژندا – سوننەتیەکان کێن و بۆچی باوەڕیان بە قورئان نیە؟ - موڕتەزەقەی دادگای پشکنینی ئاینی و بریکارەکانی خودا لەسەر زەوی – گەڕان بە دوای قسەکەری نێو ڕادیۆکەم).
خوەدی ئیمتیاز و سەرنڤیسەرێ گۆڤارا ژیر بوویە.
ل بوارێ میدیایی دە چەندین بەرنامەیێن تەلەڤزیونی و ڕادیۆیی دروست کرینە و ل کەنالێن ڕاگهاندنێ پێشکەشی بینەر و گوهداران کرینە.
بەشدارییا ب دەهان بەرنامەیێن ئاینی و سیاسی و جڤاکی و فیکری و فەلسەفەیی کرییە ل کەناڵێن جودا جودا ئێن ڕادیۆیی و تەلەڤزیۆنی ئێن پەخشا کوردی ل هەرێما کوردستانێ.
سەروکێ سازییا کۆمەڵا مەدەنی ب ناڤێ گوتاربێژان و تەفاهوم بوویە و ل ڤی بوارەیدە ب دەهان کۆڕ و سمیناری پێشکەش کرینە.
خوەدی ئایدیایا تایبەت ب خوەیە و کار ژبو ڕیفۆرما ئاینی و سیاسی و هزری ب هەڤرە ژیانێ دکەت.
میتۆدا بیرکرنا وی ڕەخنەگرانەیە و لسەر بنەمایا: شیکارێن گوتار و ڕاڤەیا سیستماتیکە ژبوی هەر پرس و بابەتەکێ ئاینی و سیاسی و...هتد[1] [2]