کورد دلې چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و هەژڎەهەمە
* تاریخو (#21-03-1975#ز.) ڕادوینو دەنگو کوردەسانو ئېراقی کە زوانو شۊڕشو ئەیلوولې بې، جە هەرمانې کۆت.
* تاریخو (#22-03-1975#ز.) بارزانی داواو مافو پەنابەریش جە ئەمەریکای کەرڎە.
* تاریخو (#30-03-1975#ز.) بارزانی پەی دماجاری پانیشتو کورڎەسانیش جیائاست و مەرزو حاجی ئۊمەرانی ترازیا.
* مانگەو (04) ئی ساڵې، لکەدای یەکۆمین کۊنیشتو ژڵېوەی سوسیالیستی یۊگېرتەو کورڎەسانی جە شارو (ورمێ)، کە نزیکەو (30) کادېرې پارتو دیموکراتو کورڎەسانیش چەنەبېنې، چانېشا: شەهیڎ عەلی عەسکەری، شەهیڎ دکتور خالېڎ، شەهیڎ عەلی هەژار، شەهیڎی پارېزەر کاردۆ گەڵاڵی، جەمال ئاغا، کەمال محیێدین، ڕەسوول مامەند).
* تاریخو (#07-04-1975#ز.) سەدام حسێن بانگشدا کە ئیتر هەتا هەتان یاخیبییەی دلې کوردەکانە سەرهورنمەڎۊوە.
* تاریخو (#29-04-1975#ز.) سەردای سەدام حسێنی پەی تارانی، چاکە ماچۊ: کە تەنیا چوار کەسې نمەتاوان بگېڵاوە پەی ئېراقی و بڕیارو چەنەوەشبییەی نمەگېرۊشاوە، ئاڎیچې ئینېنې: مستەفا بارزانی، ئیدریس بارزانی، مەسعود بارزانی، شېخ محەمەڎ خالېڎ.
* مانگەو (05) ئی ساڵې، داگیرکاری ئېراقی دلې شارو هۆلېرینە نماییشێ سەربازی گۆرەش بە وەشی هەرەسئامای شۆڕشو ئەیلوولی سازدا.
* تاریخو (#10-05-1975#ز.) تاکو (17-05-1975ز.)، ئەمیری تاهیری چن واتە و واچێش چەنی مستەفا بارزانی سازداو دلې حۆتەنامەو ئەلئەخای تارانینە وەڵاشکەردۆ، هەم دلې ڕۊنامەو (کیهان هوای) بە زوانی فارسی وەڵاکریاوە.
* تایخو (#22-05-1975#ز.) وەڵاکەرڎەیۆ یەکەمین بەیانو مەرزیارەی یەکیەتی نیشتیمانی کورڎەسانی بە زوانی عەرەبی جە (شام).
* تاریخو (#01-06-1975#ز.) ئەرەمەرزنای یەکیەتی نیشتیمانی کورڎەسانی (ینک)، جە شارو دیمەشق، پایتەختو سووریای، ئی کەسې ئەرەمەرزنېش بېنې: جەلال تاڵەبانی، نۊشیروان مسەفا، دکتور فوئاد مەعسوم، دکتور کەمال فوئاد، عادل موراد، عەبدولڕەزاق فەیلی و عومەر شېخ موس.
* مانگەو (07) ئی ساڵې، کۆتەی بوومەلەرزێ جە ناوچەو (لیچە) دیاربەکری، کە بی بە مایې زەرەرێ گیانی و ماڵی فرەی.
* مانگەو (07) ئی ساڵې، نماییشکەرڎەی شانۊیی (ڕەجەب و پیاوخۆران) جە سلېمانی، بەرئاردەیش ئەحمەڎ سالار و ئی ئەکتەرېچە بەشداریشان دلېنە کەرد: حەمەڕەشیڎ هەرەس، کەمال سابیر، مسەفا ئەحمەڎ، ئازاد حەمە بچکۆل.
* تاریخو (#12-07-1975#ز.) کۊچی دمایینو شېخ موراڎو زەنگەنەی.
* تاریحو (#14-08-1975#ز.) عیسمەت شەریف وانلی، بە زوانی عەرەبی جە ئۆرووپا بەیانێش وەڵاکەردۆ، دلېشەنە نویستەبېش کە پەی واتە و واچی ملۊ پەی بەغڎای.
* تاریخو (#18-08-1975#ز.) تاکو (06-09-1975ز.) ئامای وەفدێ جە ئۆرووپاوە پەی ئېراقی پەی واتە و واچی سەرو گرفتو کورڎی بە سەرداری عیسمەت شەریف وانلی، ئینېچە ئەندامې وەڤدەکەی بېنې، شەریف بو مەزە (یۊبې جە سەردارانو شۊڕشو جەزائیری)، جان کلۆد لوتی (ئەندامو یۊبییەی جەهانی مافو مروڤی)، یوسف پەری (قەشێوە کورڎی پانیشتو کورڎەسانی بې).
* تاریخو (#26-08-1975#ز.) ساتو لکەدای کۊنگرەو کۊمەڵەو وانکارا کورڎی جە ئۆرووپا جە بەرلینی وەرنیشت، بەڵام کۊنگرەکە هوروەشییاوەو لکەنەڎریا، چوونکوم وېنێوە گۆرەو مەڵڵا مسەفای بارزانی دیوارو هۊڵو کۊنگرەکەینە هورواسیابې، باعزە کەسێ ناڕازییبییەیشا وەراوەر بە وېنەکەی نیشانەڎا.
* مانگەو (09) ئی ساڵې بە مەڵامەتو بەرکەرڎەی بڕیارو چەنەوشبییەی بەعسیەکاوە پەی ئا بنەیانا کە دلې ئوردوگاکا ئېرانینە بېنې، سەڎەها بنەیانې کورڎی گېڵێوە پەی پانیشتو کردەسانی، کەچی داگیرکاری ئېراقی گرڎش پەی ناوچە دوور و ساراکانو ئېراقی دورې وستێ، کە چاگە باری دەروونی و گوزەرانشان فرە خراب بې.
* تاریخو (#06-09-1975#ز.) محەمەڎ حسێن هەیکەلی ڕۊنامەنویسی بە نامبانگی میسری، واتە و واچێ وېش بە زوانی عەرەبی چەنی مەڵڵا مسەفای چېرو نامې (چەمپەنەکۆتەیێ چەنی هەڵۊ پیرێ کورڎەسانی) وەڵاکەردۆ.
* تاریخو (#17-09-1975#ز.)، دە ئەندامې ڕېکۋزیاکا کۊمەڵەی جە شارو بەغڎای دەسگیرې کریێ.
* تاریخو (#11-10-1975#ز.) کۊچی دمایینو زانای گۆرەی کوردئەشناس ئایەتوڵڵا مەردۊخی.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]