وېش مەی
بەشو هەژڎەهۆمی
چن مانگێ جە ئەرەمەرزناو ئا بەرنامەیە سەرو گووشیەکەیموە ویەرد. ئێتر پەیمان فرە پێخامێم پەی نەکیانې، بەڵام من جە حاڵ و ئەحواڵوو وېم فرەش پەی واچېنا.
دوې ڕوێ بې دیارش نەبې، گووشیم دەسوە نەنیێنېرە داییمە ماتڵەو پێخامیش بېنا، بەڵام هیچ سوودێوەش نەبې. حەفتێو ویەرد، دیسان هەواڵێۋەم دەس نەکەوت. تاقە شمارێوە کە بېم هەر ئا خەتە دمابڕیا بې ئاڎیچ هەر چی گېرێناش کوشییابێوە. گووشی دەسموە نەگنېرە تاکو ئاخرش دەنگو ئەڎایچم بەرز بیوەو قێڕناش پەیم واتش: کناچې کەرە خاترەو خوڎای کەم چەمې وزە ملو ئا لامەسەبەیره ئاخرش کۊرە مەوی، بەڵام خۊ من گۊشێ ژنەوایم نەبېنې. دڵەڕاوکېم نازێ تەنانەت پەی یەک چرکەیچ ئارامە بوە. داییمە ماتڵەو زەنگ یام پێخامیش بېنې. چا بەینەیچەنە داواکارېم ڕاوە بېنې بەیا. ئێتر ئەڎام بې پەرس و مەسڵەحەتوو من ئێزنش دایبېنې بەیا. شەوەو جمعەی خێڵوو یانەو زهووری قەرارشا دابێ بەیا. حاڵم فرە خراو بې، بە ئەژنەوەیی ئا هەواڵیچە پۆختە خراوتەر بی.
دلې دڵوو وېمەنە قسێ واچېنێ بە پەیمانی و دوعایش کەرېنێ، بەڵام عازا جە قسام پەشیمانە بېناوە و بە دڵ دوعای سڵامەتیش کەرېنا.
جمعە ئامە بە دنیایە هەواڵێ بەڵاجەوی. سەعاتەو هەشتی بې کە خێڵوو یانەو زهووری ئامێ. هیچ مەیلم نەبې پا هیجوی کەردایە، بەڵام مەجبوورە بېنا کاریە کەروو نەبۊ باعیسوو ئابڕوو شیەی.
نویسەر: ئارەزوو ئەمانی
هۆروەگېڵنای: گوڵزار شەریفی_بېساران.[1]