ڕېکۋزیاو (سەروین)ی
چێودمای یانەو ژەناو هۆرامانی نامېش مەفاڕیۊ پەی ڕېکۋزیاو (سەروین)ی، پی نامې درېژە بەهەرمان و هەرمانەکاش مەدۊ.
ئارۊ (#15-11-2024#ز.) ئوتیل زرېبار _ مەریوان، پەنجەمین ساڵیادو ڕېکۋزیاو سەروینی لواڕاوە
چی یادەنە، ئېژانە نریا جە ژەنەچالاکەکا، نمانای شانوی بەنامونیشانو (ژەنی بې بارکۊدەنە). ئەوەوانای چن پارچە شعرێوە. پېخامو سەرینو ڕېکۋزیای و چڼە تەوەرې تەرې.
یاگې واتەیەن، جە ماوەو پەنج ساڵا وېیەردەینە یانەو ژەناو هۆرامانی خزمەتۍ فرېش کەردېنې بەپەرسەو ژەنا، ژیوگا، فەرهەنگ، ئەدەب و هونەری.
بۊنەو فروانکەرڎەی و یۊۋستەی یانەو ژەناو هۆرامانی پەی تەمامو ژەناو ناوچەکەی و کوردەسانی، دمایین کۊنیشتەنە، بڕیارەمادا بڕېو فاڕیایې جە نامې، لۆگۆ، مەرامو هەرمانې و پەیڕەو ڕېکۋزیاکەینە ئەنجام بدەیمې.
پەی چێودمای یانەو ژەناو هۆرامانی پسەو ڕېکۋزیاو سەروینی درېژە بەهەرمان و هەرمانەکاش مەدۊنە.
هەمدیسان سپاسو ئېژانەی و پەنەزانایمان پەی تاقمو ڕېکۋستەی مەراسیمو ساڵیادی.
ساڵیادو ڕېکۋزیاو سەروینی پیروزەن جە گرڎو ژەنا.
هەڵاڵە شەوکەت لهونی
سەردارەو ڕېکۋزیاو سەروینی
دەسەو ڕاوەبەرو ڕېکۋزیاو سەروینی.
(ئەختەر ڕەزای، نوقڵە ڕەحمانی، گوڵچین غوڵامویسی، سروە عزیزی، نەرمین گیوەچی، کەژان ئەسەدی).[1]