نامۍ: ئەحمەد
نازنام: نەزیری
نامۊ تاتەی: مەڵڵا عەلی
ساڵۊ پېڎابییەی: 1947ز.
ڕۊ مەرڎەی: #31_08_2019ز.#
یاگۊ پېڎابییەی: #دەگاگا_هۆرامان#
یاگۊ مەرڎەی: #سنە#
$ژیۋاینامە$
کاک ئەحمەڎی نەزیری، کوڕو مەڵڵا عەلی، سەر بە بنەیانەو حاجی مەڵڵا نەزیری گۆرەیی جە شارەدەگاو تەوېڵۍ. ساڵەو (1947ز.) دلۍ دەگاو (دەگاگا) هۆرامانو وەرکۆتی ئامان دنیا، بنەیانەکەشان چوون ئایین پەروەرۍ بیېنۍ، فرەو یاگا گېڵێنۍ و ئی دیم و ئۆ دیمشان کەرڎەن، دمای شۆڕشو عەبدولکەریم قاسمی، بە یەکجاری ئێراقی جیامازان و کۊچ مەکەران پەی شارو مەریوانی و تاتەش مەبۊن بە مەڵڵاو (ڕیخەڵان).
کاک ئەحمەدی نەزیری، سەرەتا پاڵو تاتەیشەنە دەس بە وانای قورئانی پیرۊزی مەکەرۊن. پەی درېژەدای بە وانای ملۊن پەی ئاواییەکانو (سیاناو، وەیسە، کانی سانان، بالک، نژمار، بەرقەڵا).
تەمەنو شاڼزه ساڵینە، تاتەش یانەئاوایی چی دنیێ مەکەرۊن، ئېڎیچ سەرداری و سەرپەرەشتی یەرۍ واڵا و برێوە مەگنۊ سەرو شاناش، هامکات پېسە یاگەگیرو تاتەیش دلۍ مزگیەکەینە وەرنمایی و مۊچیاری موسوڵمانا مەگېرۊ گەردەن. دمای ماوێ جە هەرمانەو مەڵڵایی، دەگاو (ڕیخەڵانی) جیامازۊن و ملۊن پەی (مازیبن)ی، پېسە مەڵڵاو (ژریژە) مەرزیۊرە. پاڵو مەڵڵایینە، دەس مەکەرۊن بە دارتاشی و شیشە بڕی و ڕەنگکاری. تەکو مەرزیارەی ڕېکۋزیاو (پیکاربابیسوادی)، دمای سەرکۆتێش جە تاقیکارینە، مەبۊن بە مامۊساو وانگاو (ژریژە)، دماتەریچ دەگاو (دېۋەزناۋۍ). درېژەو خزمەتی مامۊسایینە، دلۍ ڕاوەبەری پەروەردە و چېربارئاردەی
مەریوانینه وەرپەرسیی وەرمەگېرۊن. دماتەر پەی (سنە)ی مەفاڕیۊوە و دلۍ وانگاکا ئا شارەینە وانۍ ماچۊوە.
ساڵەو (1988ز.) جە تاقیگاو پلە یەرۍ مامۊسایانی ئایینینە بەشداری مەکەرۊن و شالیارگاو زانست و فېرکاری باڵای، بڕوانامەو دوکتورایش پەنە مەبەخشۊن.
چن نام و نیشانێ بەرهەمەکانو کاک ئەحمەدی نەزیری:
1_ زایەڵەو زرېباری.
2_ گلېرکەرڎەیۆ دیوانو (مەڵڵا حەسەنو دزڵیۍ).
3_ ساقکەرڎەیۆ و چاپدای (تاریخ سلاطین هورامان)
بەرهەمە وەڵانەکریێکېش:
1_ کتېبو (هۆراماڼاسی)، هەشت بەرگۍ و شش هەزار لاپەڕۍ.
2_ بەرهەمو مامۊسا (مەلا ساڵحی ئەسپەرېزی) ئەشناسیا بە (موحریق).
3_ کتېبو (گەنجینەی وشەی کورڎی).
4_ گلېرکەرڎەیۆ، و ئاماڎەکەرڎەی دیوانو (فەریقی).
5_ کتېبو (قسە خۆشە کورڎییەکان و گوڵبژێرێک لە ڕشتەی مرواری).
6_ کتېبو (کایە کورڎییەکان) کە دوەسەڎ و چوار گەمۍ کورڎیۍ وۍ مەگېرۊن.
7_ نویستەی و گلېرۆکەرڎەی قسە وەشە کورڎییەکانی ناوچەو مەریوانی و دەوا و دەرمانو جارانو ئی ناوچەیە.
8_ هامکاری کەرڎەی بە شېوەو نویستەی تەکو فرەو ڕۊنامە و حۆتەنامەکانو کوردەسانو وەرکۆت و پانیشتی.
دماجار جە تاریخو (#31_08_2019#ز.) بە نەوەشی زېڵۍ، جە شارو سنەی کۊچی دمایین مەکەرۊن.
ئەسعەد ڕەشید.[1]